Lista 22
22
Khangayen ke Balaam yóm tau hol geta bè Muab
1Ngang le mò du mógów yó kem tau Israél efet le bud kmamfù bè yóm gónón datal bè benwu Muab fi dmata kdaw yóm él Jurdan ne fi fatuhen yóm syudad Jiriku snakuf Kanan. 2Bè yó bè Muab, wen tau hol geta nô bè yó boluyen Balak ngà Sipur. Tikóng gungolen yóm deng nmò yó kem tau Israél bè yó kem tau Amurayt ne gungolen snéen yóm tey kwen le 3ya tey klikoen dalang se yó kem tau snakufen.
4Yó mon yó kem tau Muab ebè yó kem malak bè yó kem tau Midyan, “Móyón genlà le tekuy kdeng ni kem tey genged tau ni. Lómó kmò le tekuy, lómón ke mótób bnes yóm safì tudu gotu himoten kdéen.”
Duhen yó, yó nmò Balak, 5wen kem tau hógówen ebè Balaam yóm ngà Biyur menwu bè Pitur moni bè Él Yufratis bè benwu Amaw. Yó udél hwit Balak kul, monen, “Tey tau mfól lemwót gu bè Idyip deng kól bè ni. Deng le gotu lememek kmamfù moni bè ni ne tô nled le yóm benwu me. 6Tey le wen senta me. Yó gónóm mon, holi mógów dou edini nam e henmulà lu dou. Ke yó nmoem, déke wen lan me gemmò bélê le ne gotu lo me lu hewà bè nim benwu ni. Deng tngónu ke geli muyag tau, tey hyu kógów klowil le yó kem tau nuyagem. Ne ke wen se henmulaem, gotu le se tawan hmulà.”
7Tahu se, yó kem genlal bè yó kem tau Muab ne yó kem genlal bè yó kem tau Midyan lemwót le etu bè Balaam. Hyu wen nwit le mò bayad le du ke henmulaen yó kem tau Israél. Bè yóm kkól le ditu, tulón le ke Balaam yóm tinok Balak. 8Yó mon Balaam mò kul, “Na ye tungô bè ni suloy he. Haya he ktulónu du kuy ke tedu yóm mon Dwata mò do.” Tahu se, na le na tungô bè Balaam yó kem genlal lemwót bè Muab yó koni.
9Tikóng deng kifu, sut bè Balaam Dwata ne snólóken, monen, “Tmau kul de ni kem logi nô béléem ni?”
10Bnalà Balaam se, monen, “Kem tau dók Balak ebéléu, yóm tau hol geta bè Muab. Tulón le dou 11wen kem tau lemwót bè Idyip kun deng gotu lememek kmamfù bè kul benwu. Kóyóen ke henmulau lu béléen anì gbeken mit kul sfatay ne mlo kul hewà.”
12Ne yó mon Dwata mò ke Balaam, “Béi abay mung kul ni kem tau ni ne béem abay henmulà lu yó kem tau Israél abay se ou yóm gel tmóbóng kul.”
13Timbow hlafus hayahen bè yó, lemwót Balaam mógów ebè yó kem tau dók Balak ebéléen, monen mò kul, “Mulék ye ne là móyô Dwata ke munge kuy.”
14Tahu se, gotu le mulék ebè Balak ne tulón le du yóm là kóyô Balaam mung kul. 15Ne yó bud nmò Balak, bud wen kem tey tau genlal hógówen ebè Balaam. Ni kem tau hógówen ni, tey le wen senta yó kem tau gna hógówen ne geta le senta le. 16Mógów le ebè Balaam ne tulón le du yóm bud tinok Balak, monen, “Hol béem abay nmung ke wen tô semblekel kóm bè yóm kógówem ebéléu. 17Angat tey bong ofolem béléu ne gotu nmou béléem yóm kdê knóyóem. Holi mógów edini nam e henmulà lu dou ni kem tau ni.”
18Okóm yó balà Balaam du yóm tinok Balak yó, monen, “Baluen ke gotu blay Balak dou kdê tahu blówónen ne kdê blówón bukay nô bè gónô bongen, là kô naw e gbek sen-gil du yóm hmoen do yóm sana Dwata do gónó mogot. Baluen he ke olo leneken yóm hmoen do Dwata, là kô gbeku semgil du. 19Okóm na ye tungô suloy bè ni, lómón yó kem tau deng gna mógów edini anì naw bud tngón ke wen bud dumu tulón Dwata dou.”
20Bè yóm kifu yó, bud sut bè Balaam Dwata ne monen mò du, “Ke mon le mò kóm ni kem tau ni, mungi kul, htifesi sen, mungi kul. Okóm són olo nmoem, són yóm tulónu kóm.”
21Tahu se, tikóng hlafus hayahen bè yó, senyà Balaam yóm kudà asnuhen ne mung yó kem tau genlal bè Muab.
Yóm kudà asnu Balaam
22Bè yóm kmung Balaam yó tey kebut Dwata. Bè yóm igò Balaam smakay yóm kudà asnuhen mung du yó kem lewu tóbóng lówóhen, tódô wen hógów Dwata gu bè longit mdà bè lan nan e henseng. 23Timbow ton yóm asnu yóm hógów Dwata mdà bè lan wen sudeng nogoten, tódô semyat elem bnes. Botong nfes Balaam yóm asnuhen ne bud nwiten semfulék ebè lan. 24Bud lemwót yóm hógów Dwata yó, bud mdà bè yóm gónón sikeb lan bè gónón sóól yóm lewu gónó le mulu grép, bede tódô hono beng botu sfatà kilil yóm lan yó. 25Timbow bud ton yóm asnu yóm hógów Dwata yó koni, tódô bud hegsud ne mlan hihil bè yóm beng botu ne botong gigad ti Balaam. Bud nfes Balaam yóm asnuhen. 26Yó bud nmò yóm hógów Dwata, bud mógów tukô gna kul le Balaam bè yóm gónón hol sikeb lan, bè yóm gónón laen dù lanen miwes. 27Bè yóm bud kton yóm asnu du yóm hógów Dwata yó, tódô lemfen bè tonok. Botong là bud gafas Balaam du nawan ne yó gónón bud mfes du tuged yóm asnuhen yó.
28Okóm wen nmò Dwata bè yóm asnu yó anì hulung mudél ne yó udélen ebè Balaam, monen, “Tedu se deng nmou béléem du? Moen du ke botong tlu dulékem mfes dou?”
29Ne yó balà Balaam du, monen, “Henyakem ou se me. Ke yó dum wen sudengu, tódô hnatayu u ni.”
30Yó balaen du yóm asnu, monen, “Igò sem ou du yóm asnu tendo gel snakayem bè yóm klawihem mowil. Deng tehe gel nmou béléem kô nim nmou ni?”
Mon Balaam se, “Là he.”
31Omin Dwata hton du ke Balaam yóm hógówen mdà bè yó mogot sudeng. Ne tódô melek bè tonok Balaam.
32Ne yó monen mò ke Balaam yóm hógów Dwata, “Moen du ke botong tlu dulékem mfes yóm asnuhem? Yó nógówu naw e henseng yóm lanem, yake béi mógów. 33Yó gónón semyat tlu dulék yóm asnuhem lanen mton do. Ke là semyaten, déke deng hnatayu u ne fen hlowilu kun.”
34Ne yó balà Balaam du, monen, “Denge gemsalà bè Dwata. Là kô tngónu du ke mdai bak lan anì nam e henseng o. Okóm ni, ke tngónem là hyuhen ke hlóse, tódóe bud semfulék ebè gónô ne.”
35Okóm yó mon yóm hógów Dwata, “Hlósi mung kul ne bede són olo tulónem yóm htugodu kóm.” Tahu se, hlós mung kul Balaam.
Khódó Balak ke Balaam
36Timbow gungol Balak yóm móyón kegdek Balaam, yó gónón semlong du bè syudad Ar nô bè kilil Él Arnon bè kilil yóm kun benwu boluyen Muab.
37Tikóng le ston, yó mon Balak mò ke Balaam, “Moen du ke là mógówi bè yóm tanay ktinoku kóm? Ofo kóm mon du kô ke là gbeku hbong du yóm ofol blayu kóm?”
38Bnalà Balaam se, monen, “Ni se ou, denge kól bè ni. Okóm nim kógówu ni, laen dù kwalisu tódô mudél hkawang. Són olo tulónu yóm htugod Dwata do.” 39Ne yó nmò Balak, nwiten Balaam etu bè yóm sotu benwu boluyen Husut, 40yóm benwu gónón demsù safì ne ubiha bè yóm dwata kéng le. Hyu benlay Balak Balaam dumu yóm utón htétéen yó dalang se yó kem dumu genlal mung du.
Yóm tanay htugod Dwata ke Balaam
41Timbow hlafus bè yó, nwit Balak Balaam eta yóm bulul boluyen Bamut Baal ne bè yó gónó Balaam seblà mton kul yó kem dumu tau Israél.
Currently Selected:
Lista 22: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
Lista 22
22
Khangayen ke Balaam yóm tau hol geta bè Muab
1Ngang le mò du mógów yó kem tau Israél efet le bud kmamfù bè yóm gónón datal bè benwu Muab fi dmata kdaw yóm él Jurdan ne fi fatuhen yóm syudad Jiriku snakuf Kanan. 2Bè yó bè Muab, wen tau hol geta nô bè yó boluyen Balak ngà Sipur. Tikóng gungolen yóm deng nmò yó kem tau Israél bè yó kem tau Amurayt ne gungolen snéen yóm tey kwen le 3ya tey klikoen dalang se yó kem tau snakufen.
4Yó mon yó kem tau Muab ebè yó kem malak bè yó kem tau Midyan, “Móyón genlà le tekuy kdeng ni kem tey genged tau ni. Lómó kmò le tekuy, lómón ke mótób bnes yóm safì tudu gotu himoten kdéen.”
Duhen yó, yó nmò Balak, 5wen kem tau hógówen ebè Balaam yóm ngà Biyur menwu bè Pitur moni bè Él Yufratis bè benwu Amaw. Yó udél hwit Balak kul, monen, “Tey tau mfól lemwót gu bè Idyip deng kól bè ni. Deng le gotu lememek kmamfù moni bè ni ne tô nled le yóm benwu me. 6Tey le wen senta me. Yó gónóm mon, holi mógów dou edini nam e henmulà lu dou. Ke yó nmoem, déke wen lan me gemmò bélê le ne gotu lo me lu hewà bè nim benwu ni. Deng tngónu ke geli muyag tau, tey hyu kógów klowil le yó kem tau nuyagem. Ne ke wen se henmulaem, gotu le se tawan hmulà.”
7Tahu se, yó kem genlal bè yó kem tau Muab ne yó kem genlal bè yó kem tau Midyan lemwót le etu bè Balaam. Hyu wen nwit le mò bayad le du ke henmulaen yó kem tau Israél. Bè yóm kkól le ditu, tulón le ke Balaam yóm tinok Balak. 8Yó mon Balaam mò kul, “Na ye tungô bè ni suloy he. Haya he ktulónu du kuy ke tedu yóm mon Dwata mò do.” Tahu se, na le na tungô bè Balaam yó kem genlal lemwót bè Muab yó koni.
9Tikóng deng kifu, sut bè Balaam Dwata ne snólóken, monen, “Tmau kul de ni kem logi nô béléem ni?”
10Bnalà Balaam se, monen, “Kem tau dók Balak ebéléu, yóm tau hol geta bè Muab. Tulón le dou 11wen kem tau lemwót bè Idyip kun deng gotu lememek kmamfù bè kul benwu. Kóyóen ke henmulau lu béléen anì gbeken mit kul sfatay ne mlo kul hewà.”
12Ne yó mon Dwata mò ke Balaam, “Béi abay mung kul ni kem tau ni ne béem abay henmulà lu yó kem tau Israél abay se ou yóm gel tmóbóng kul.”
13Timbow hlafus hayahen bè yó, lemwót Balaam mógów ebè yó kem tau dók Balak ebéléen, monen mò kul, “Mulék ye ne là móyô Dwata ke munge kuy.”
14Tahu se, gotu le mulék ebè Balak ne tulón le du yóm là kóyô Balaam mung kul. 15Ne yó bud nmò Balak, bud wen kem tey tau genlal hógówen ebè Balaam. Ni kem tau hógówen ni, tey le wen senta yó kem tau gna hógówen ne geta le senta le. 16Mógów le ebè Balaam ne tulón le du yóm bud tinok Balak, monen, “Hol béem abay nmung ke wen tô semblekel kóm bè yóm kógówem ebéléu. 17Angat tey bong ofolem béléu ne gotu nmou béléem yóm kdê knóyóem. Holi mógów edini nam e henmulà lu dou ni kem tau ni.”
18Okóm yó balà Balaam du yóm tinok Balak yó, monen, “Baluen ke gotu blay Balak dou kdê tahu blówónen ne kdê blówón bukay nô bè gónô bongen, là kô naw e gbek sen-gil du yóm hmoen do yóm sana Dwata do gónó mogot. Baluen he ke olo leneken yóm hmoen do Dwata, là kô gbeku semgil du. 19Okóm na ye tungô suloy bè ni, lómón yó kem tau deng gna mógów edini anì naw bud tngón ke wen bud dumu tulón Dwata dou.”
20Bè yóm kifu yó, bud sut bè Balaam Dwata ne monen mò du, “Ke mon le mò kóm ni kem tau ni, mungi kul, htifesi sen, mungi kul. Okóm són olo nmoem, són yóm tulónu kóm.”
21Tahu se, tikóng hlafus hayahen bè yó, senyà Balaam yóm kudà asnuhen ne mung yó kem tau genlal bè Muab.
Yóm kudà asnu Balaam
22Bè yóm kmung Balaam yó tey kebut Dwata. Bè yóm igò Balaam smakay yóm kudà asnuhen mung du yó kem lewu tóbóng lówóhen, tódô wen hógów Dwata gu bè longit mdà bè lan nan e henseng. 23Timbow ton yóm asnu yóm hógów Dwata mdà bè lan wen sudeng nogoten, tódô semyat elem bnes. Botong nfes Balaam yóm asnuhen ne bud nwiten semfulék ebè lan. 24Bud lemwót yóm hógów Dwata yó, bud mdà bè yóm gónón sikeb lan bè gónón sóól yóm lewu gónó le mulu grép, bede tódô hono beng botu sfatà kilil yóm lan yó. 25Timbow bud ton yóm asnu yóm hógów Dwata yó koni, tódô bud hegsud ne mlan hihil bè yóm beng botu ne botong gigad ti Balaam. Bud nfes Balaam yóm asnuhen. 26Yó bud nmò yóm hógów Dwata, bud mógów tukô gna kul le Balaam bè yóm gónón hol sikeb lan, bè yóm gónón laen dù lanen miwes. 27Bè yóm bud kton yóm asnu du yóm hógów Dwata yó, tódô lemfen bè tonok. Botong là bud gafas Balaam du nawan ne yó gónón bud mfes du tuged yóm asnuhen yó.
28Okóm wen nmò Dwata bè yóm asnu yó anì hulung mudél ne yó udélen ebè Balaam, monen, “Tedu se deng nmou béléem du? Moen du ke botong tlu dulékem mfes dou?”
29Ne yó balà Balaam du, monen, “Henyakem ou se me. Ke yó dum wen sudengu, tódô hnatayu u ni.”
30Yó balaen du yóm asnu, monen, “Igò sem ou du yóm asnu tendo gel snakayem bè yóm klawihem mowil. Deng tehe gel nmou béléem kô nim nmou ni?”
Mon Balaam se, “Là he.”
31Omin Dwata hton du ke Balaam yóm hógówen mdà bè yó mogot sudeng. Ne tódô melek bè tonok Balaam.
32Ne yó monen mò ke Balaam yóm hógów Dwata, “Moen du ke botong tlu dulékem mfes yóm asnuhem? Yó nógówu naw e henseng yóm lanem, yake béi mógów. 33Yó gónón semyat tlu dulék yóm asnuhem lanen mton do. Ke là semyaten, déke deng hnatayu u ne fen hlowilu kun.”
34Ne yó balà Balaam du, monen, “Denge gemsalà bè Dwata. Là kô tngónu du ke mdai bak lan anì nam e henseng o. Okóm ni, ke tngónem là hyuhen ke hlóse, tódóe bud semfulék ebè gónô ne.”
35Okóm yó mon yóm hógów Dwata, “Hlósi mung kul ne bede són olo tulónem yóm htugodu kóm.” Tahu se, hlós mung kul Balaam.
Khódó Balak ke Balaam
36Timbow gungol Balak yóm móyón kegdek Balaam, yó gónón semlong du bè syudad Ar nô bè kilil Él Arnon bè kilil yóm kun benwu boluyen Muab.
37Tikóng le ston, yó mon Balak mò ke Balaam, “Moen du ke là mógówi bè yóm tanay ktinoku kóm? Ofo kóm mon du kô ke là gbeku hbong du yóm ofol blayu kóm?”
38Bnalà Balaam se, monen, “Ni se ou, denge kól bè ni. Okóm nim kógówu ni, laen dù kwalisu tódô mudél hkawang. Són olo tulónu yóm htugod Dwata do.” 39Ne yó nmò Balak, nwiten Balaam etu bè yóm sotu benwu boluyen Husut, 40yóm benwu gónón demsù safì ne ubiha bè yóm dwata kéng le. Hyu benlay Balak Balaam dumu yóm utón htétéen yó dalang se yó kem dumu genlal mung du.
Yóm tanay htugod Dwata ke Balaam
41Timbow hlafus bè yó, nwit Balak Balaam eta yóm bulul boluyen Bamut Baal ne bè yó gónó Balaam seblà mton kul yó kem dumu tau Israél.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.