Juna 2
2
Kni Juna bè Dwata
1Bè yóm igò Juna tehe nô lem blutut yóm utón bong, yó nmoen mni bè Dwata yóm hol gónón mogot. Ni se kmò ktulónen du kogolen yóm tehe knihen yó, monen,
2“Ó Dwata, yóm igoen tehe wen glumfaku, tmabahe ebéléem ne bnalaem o.
Lenwótu bè yóm hol gónón nelem bè benwu yó kem tau deng matay gónóhu tehe mni tóbóng béléem ne gungolem se o.
3Deng tódô botem o ebè yóm hol gónón nelem ditu tlaan bè sokol mohin.
Deng tódô hono él gu hilolu ne yóm tey lewók mohin alì setbulù gu tahu.
4Ofo do ke deng tódô hlayukem o béléem ne là bud tonu du ne yóm kóm Gónô.
5Deng lenimunen o yóm tey él ne balù udì ke bude gnawa.
Denge tódô lemneb luk yó kem bnes mohin, gotu glébéd gu bè kuluhu.
6Lemnebe etlaan ditu bè but yó kem bulul nô lem mohin, ditu bè yóm benwu laen dù bud lanem gewà lemen.
Okóm kóm, Dwata yóm hol gónóhu mogot, deng tódô nitem o semfulék lemwót gu bè yóm hol gónón nelem yó, nam e bud hlowil o.
7Timbow deng gnómu yóm móyón tô klefu, ominu yó he tmaba ebéléem, Dwata, ne tódô gefet ditu béléem bè Gónóem.
8Yó kem tau hemtahu bè yó kem dwata lennged laen dù muhen, deng knogol le uu ne.
9Okóm do, angat sngalu yóm sngal dmóyón kóm ne demsue ebéléem ne hol nmou he yóm deng fasadu kóm.
Abay se yóm kegewà gu lem hatay, són béléem gónón gu lemwót, Dwata.”
10Bè yóm tehe kni Juna yó, tódô dók Dwata yóm utón hemlo du anì nan e lewak bè kilil mohin. Ne tahu se, tódô lewaken Juna.
Currently Selected:
Juna 2: tbl
Highlight
Share
Compare
Copy
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
