Kehewà 31
31
Yó kem tau angat mò du yóm Gónô Dwata
1Yó bud mon Dwata mò ke Musis ditu lem lobun, 2“Deng néléku Bisalil yóm ngà Uri, yóm Uri témê Hur tau lemwót bè ból Juda. 3Deng suu béléen yóm dou Tulus anì wen khulungen ne wen ketngónen mò du balù kihu kay nmò tilob hmou du. 4Du se fen hemdem du yó kem tilob betek nmò le lemwót bè tahu blówón ne bè blówón bukay ne bè yóm sotu gel tenwél le. 5Bud du se hulung kemleng du yó kem botu sminang mebtes ne hulung semsyón kul bè yóm angat gónó le nô. Hulung mò betek bè koyu snéen. Balù kihu dumu nmò mò heklóón yóm dou Gónô, gbeken mò du.
6Deng bud néléku Uhuliyab snéen mò dumuhen mò nmò yóm ngà Ahisamak tau lemwót bè ból Dan. Ne benlayu khulung snéen yó kem dumu tau wen kenhulung le anì gbek le mò du yóm kdê hmou kul. 7Angat hmou kul yóm dou Gónô mò gónóhu nô lem blóng ye, yóm gel nit ye mógów. Bud hmou kul snéen yóm Slungan Fasad mò gónóhen angat nô yó kem deng senfasad tekuy. Ne yóm sefengen hono tahu blówón mò gónóhu mkó salà, bud hmou kul snéen. Yó kem dumu ngom angat suu lem yóm dou Gónô, 8yóm lemisahen ne yó kem ngom nô tahen ne yóm solok mdà hono tahu blówón ne yó kem kun ngom yóm solok yó, sal lu mò du. Ne bud hmou kul yóm lemisa gónó le gel mtem yóm tilob boohen boluyen insinsu, yóm gel hboo le ebéléu. 9Bud hmou kul snéen yóm gónô demsù gónó le gel hkekeb yó kem ógóf gel dsù le ebéléu, dalang se yó kem ngomen, yóm len-gana bong gónó le gel molob mung du yóm gónó le gel hemyón du. 10Bud hmou kul yó kem tey tilob nes angat lesek Aron ne yó kem ngaen logi mò lesek le bè yóm gel keseblóng le tau ebéléu. 11Kkólen bè yóm hnolo alì tilob boohen angat twél le te kulu yó kem tau néléku mò tóbóng lówóhu ne yóm insinsu alì tilob boohen gel ntem le bè yóm dou Gónô, gotu hmou kul. Bè kmò le du ni kem ni tódô lolò le yóm deng tulónu kóm.”
Yóm Kdaw Kehegnô
12Yó bud udél Dwata ebè Musis 13tulónem yó kem tau Israél, monen, “Hol hetfing ye yóm Kdaw Kehegnô, yó se yóm dou kdaw yakà yó du yóm mò ilô yóm klaen dù sónen yóm kesfasad tekuy mò gónó ye hemtulón du nawa, ou se yóm hol gónó mogot yóm gel hólós kuy. 14Hol ye hegnô bè yóm dou kdaw abay se deng hetfingu yóm kdaw yó. Ke wen tau là lemolò du nim monu ni ne deng mom mò nmò bè yóm kdaw yó, tódô hnatay kmò du. 15Wen nem kdaw ye bè ket fedyan mò du yóm kuy nmò, okóm yóm ghituhen kdaw hol kdaw ye hegnô abay se yó se yóm dou kdaw. Ke wen tau mò nmò bè yóm kdaw yó, tódô hnatay kmò du. 16Hol lolò yó kem tau Israél nim ni mò ilô yóm deng kesfasad tekuy 17ne laen kô dù sónen yóm ilô yó. Tehe nem kdawu mò du yóm longit ne tonok ne bè yóm ghituhen kdaw laen dù bud nmou, tódóe hegnô.”
18Timbow deng kudél Dwata ebè Musis ditu ta tfusù yóm Bulul Sinay, ominen bemlay du ke Musis yóm lewu botu kufil gónóhen deng smulat yó kem sfolò hlauhen kul. Tódô Dwata smulat du yó kem hlau yó.
Currently Selected:
Kehewà 31: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
Kehewà 31
31
Yó kem tau angat mò du yóm Gónô Dwata
1Yó bud mon Dwata mò ke Musis ditu lem lobun, 2“Deng néléku Bisalil yóm ngà Uri, yóm Uri témê Hur tau lemwót bè ból Juda. 3Deng suu béléen yóm dou Tulus anì wen khulungen ne wen ketngónen mò du balù kihu kay nmò tilob hmou du. 4Du se fen hemdem du yó kem tilob betek nmò le lemwót bè tahu blówón ne bè blówón bukay ne bè yóm sotu gel tenwél le. 5Bud du se hulung kemleng du yó kem botu sminang mebtes ne hulung semsyón kul bè yóm angat gónó le nô. Hulung mò betek bè koyu snéen. Balù kihu dumu nmò mò heklóón yóm dou Gónô, gbeken mò du.
6Deng bud néléku Uhuliyab snéen mò dumuhen mò nmò yóm ngà Ahisamak tau lemwót bè ból Dan. Ne benlayu khulung snéen yó kem dumu tau wen kenhulung le anì gbek le mò du yóm kdê hmou kul. 7Angat hmou kul yóm dou Gónô mò gónóhu nô lem blóng ye, yóm gel nit ye mógów. Bud hmou kul snéen yóm Slungan Fasad mò gónóhen angat nô yó kem deng senfasad tekuy. Ne yóm sefengen hono tahu blówón mò gónóhu mkó salà, bud hmou kul snéen. Yó kem dumu ngom angat suu lem yóm dou Gónô, 8yóm lemisahen ne yó kem ngom nô tahen ne yóm solok mdà hono tahu blówón ne yó kem kun ngom yóm solok yó, sal lu mò du. Ne bud hmou kul yóm lemisa gónó le gel mtem yóm tilob boohen boluyen insinsu, yóm gel hboo le ebéléu. 9Bud hmou kul snéen yóm gónô demsù gónó le gel hkekeb yó kem ógóf gel dsù le ebéléu, dalang se yó kem ngomen, yóm len-gana bong gónó le gel molob mung du yóm gónó le gel hemyón du. 10Bud hmou kul yó kem tey tilob nes angat lesek Aron ne yó kem ngaen logi mò lesek le bè yóm gel keseblóng le tau ebéléu. 11Kkólen bè yóm hnolo alì tilob boohen angat twél le te kulu yó kem tau néléku mò tóbóng lówóhu ne yóm insinsu alì tilob boohen gel ntem le bè yóm dou Gónô, gotu hmou kul. Bè kmò le du ni kem ni tódô lolò le yóm deng tulónu kóm.”
Yóm Kdaw Kehegnô
12Yó bud udél Dwata ebè Musis 13tulónem yó kem tau Israél, monen, “Hol hetfing ye yóm Kdaw Kehegnô, yó se yóm dou kdaw yakà yó du yóm mò ilô yóm klaen dù sónen yóm kesfasad tekuy mò gónó ye hemtulón du nawa, ou se yóm hol gónó mogot yóm gel hólós kuy. 14Hol ye hegnô bè yóm dou kdaw abay se deng hetfingu yóm kdaw yó. Ke wen tau là lemolò du nim monu ni ne deng mom mò nmò bè yóm kdaw yó, tódô hnatay kmò du. 15Wen nem kdaw ye bè ket fedyan mò du yóm kuy nmò, okóm yóm ghituhen kdaw hol kdaw ye hegnô abay se yó se yóm dou kdaw. Ke wen tau mò nmò bè yóm kdaw yó, tódô hnatay kmò du. 16Hol lolò yó kem tau Israél nim ni mò ilô yóm deng kesfasad tekuy 17ne laen kô dù sónen yóm ilô yó. Tehe nem kdawu mò du yóm longit ne tonok ne bè yóm ghituhen kdaw laen dù bud nmou, tódóe hegnô.”
18Timbow deng kudél Dwata ebè Musis ditu ta tfusù yóm Bulul Sinay, ominen bemlay du ke Musis yóm lewu botu kufil gónóhen deng smulat yó kem sfolò hlauhen kul. Tódô Dwata smulat du yó kem hlau yó.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.