Kehewà 18
18
Kauyen ke Musis yóm tuónen logi
1Ditu bè Midyan deng gotu gungol Jitru yóm tuón Musis, yóm tau gel demsù ebè Dwata bè yóm benwu yó yóm kdê deng nmò Dwata bè Musis, ne bè yó kem tau Israél bè yóm kwiten kul hewà gu bè Idyip.
2Yó gónón mauy ke Musis nwiten Sipura yóm yehen Musis tehe tebelen 3ne yó kem lewu ngà Musis logi boluy le Gérsum ne Ilisér. Yó tehe mon Musis bè yóm ksut yóm ngaen twogu, “Tauhe milo ebè nim benwu là deng tngónu du.” Yó gónón moluy du Gérsum yóm ngà sut yó. 4Ne yó tehe bud monen bè ksut yóm ngaen twoli, “Deng tnóbóngen ou yóm Dwata hentahu yóm tehe mà ne hewaen ou anì là ghatay Faro dou.” Ne yó gónón moluy du Ilisér yóm ngaen logi twoli. 5Bè yóm kauy Jitru ke Musis yó, mung du yehen Musis ne yó kem lewu ngaen logi, sut le bè yóm gónó le kmamfù le Musis bè yóm benwu laen hol wen tauhen bè yó bè bulul Dwata.
6Uma kóm, deng eles wen udél hwit Jitru gna bè yóm kógów le ebè yó, 7yó gónó Musis hewà nan e senlong lu. Bè yóm keston le tódô hegdungul bè solu tuónen Musis, ominen melek du. Ne ssólók le yóm lewu le gbak bè kmò le. Omin Musis mit kul ebè yóm kun gónó nô. 8Gotu tulón Musis ke tuónen yóm kdê deng nmò Dwata bè Faro ne bè yó kem tau Idyip bè yóm kehewaen yó kem tau Israél. Bud tulónen du snéen yóm alì kwen mgel sut bè yó kem tau Israél bè yóm igò le mógów ne yóm bud kmò kehewà Dwata kul gu lemen yóm mgel yó.
9Bè yóm kungol Jitru du nim ni tey kehligalen, 10botong monen, “Hol dóyón tekuy yóm Dwata deng lemwà kóm lem tdok Faro ne yó kem tauhen. Hol dóyón tekuy yóm Dwata deng lemwà yó kem tauhen bè yóm gónó le ghesek. 11Deng tngónu ne yóm sana Dwata hol gónó mogot, du se yóm hol dandónen geta bè yóm kdéen dwata lemwót bè yóm deng kehewaen kuy lem tdok yó kem tau Idyip igò le tey kemhisik kuy.”
12Omin Jitru demsù yóm ógóf hkekeben ebè Dwata ne wen yó kem dumu dsuen ebéléen mò ken le. Ne hyu mung bè yó Aron ne kdê yó kem tau malak yó kem tau Israél mò dumuhen mken du yóm ken dsuen yó mò gónó le dmóyón ke Dwata.
Kélék Musis yó kem tau mò kmukum bélê le
13Timbow hayahen bè yó knukum Musis yó kem tau wen gónó le seglius, tódô lenwóten hlafus efet kól kifu kmukum, là kô wen hen-gnóen.
14Timbow ton Jitru yóm tey nmò Musis yó, ominen mon du mò du, “Tedum alì nmoem bélê le ni kem tau ni? Moen du ke tek són u kmukum kul? Blaem ni, là kô le skas tendo mdà bè ni yó kem tau, tódô nbut le hlafus efet kól kifu na a hkukum kóm.”
15Bnalà Musis se, monen, “Yó gónóhu mò du nim ni, abay se mógów le ebéléu yó kem tau anì hol tngón le yóm kóyô Dwata bélê le. 16Ke wen lewu tau seglius ne mógów le ebéléu ke mahil du bélê le tahu ne tulónu kul yó kem hlau Dwata ne yó kem hloloen kul.”
17Omin Jitru mon du, “Là hyuhen ke són uu semflós kmukum ket kdaw. 18Angat wen desem du nim nmoem ni dalang se yó kem tau mangat kóm. Là kô gbekem mò du tek sotu nim ni. 19Ke hyu béléem, wen tô hlauhu kóm ne Dwata he tendo nô béléem. Tey hyu ke uu mò dung lówó yó kem tau ebè Dwata ne ke uu tmulón du ke Dwata yó kem gónó le seglius. 20Tey hyu yóm ktolokem du kul yó kem hlau Dwata ne yó kem dumu hloloen kul. Tey hyu snéen yóm kehlanem du bélê le yóm kmò kwit le ktau le ne yóm ktolokem du kul yóm hyu bang nmò le. 21Okóm ni mò tnuen, yake wen tau hulung malak nélékem mò malak yó kem tau. Wen se nélékem mò malak bè lemibu tau ne wen se malak bè lematu tau ne wen se malak bè limu folò tau ne wen se bè sfolò tau. Yó nélékem yó kem tau wen hol klikò le ke Dwata, kem tau hol gsalig ne kem tau là kóen ma filak mò wa nawa. 22Yake lu mò fen hlós gel hkukumem yó kem tau. Gbek le mit du ebéléem ke wen knukum lembang. Okóm ke knukum lemnek, lu mò fen kmukum du. Tey mahil nim ni senta yóm gnan abay se wen mò tmóbóng kóm mbô du yóm blat nô tahem. 23Ke nmoem nim deng hlolò Dwata kóm ni, kaem là kói gemnóm des lemwót bè klitegem ne gbek le mulék se kul yó kem tau abay se deng wen kmukum kul.”
24Tahu se, tódô hentahu Musis yóm hlau tuónen du yó 25ne wen kem tau hulung malak néléken bè yó kem tau Israél. Wen néléken mò malak bè lemibu tau ne wen se néléken mò malak bè lematu tau ne wen se mò malak bè limu folò tau ne wen se bè sfolò tau. 26Lu mò fen hlós kmukum bélê le. Ke wen knukum lembang nwit le ebè Musis anì du fen kmukum du. Okóm ke knukum lemnek tódô lu fen gel kmukum du.
27Omin Jitru mbal ke Musis anì mulék ne tahu se, móyô Musis.
Currently Selected:
Kehewà 18: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
Kehewà 18
18
Kauyen ke Musis yóm tuónen logi
1Ditu bè Midyan deng gotu gungol Jitru yóm tuón Musis, yóm tau gel demsù ebè Dwata bè yóm benwu yó yóm kdê deng nmò Dwata bè Musis, ne bè yó kem tau Israél bè yóm kwiten kul hewà gu bè Idyip.
2Yó gónón mauy ke Musis nwiten Sipura yóm yehen Musis tehe tebelen 3ne yó kem lewu ngà Musis logi boluy le Gérsum ne Ilisér. Yó tehe mon Musis bè yóm ksut yóm ngaen twogu, “Tauhe milo ebè nim benwu là deng tngónu du.” Yó gónón moluy du Gérsum yóm ngà sut yó. 4Ne yó tehe bud monen bè ksut yóm ngaen twoli, “Deng tnóbóngen ou yóm Dwata hentahu yóm tehe mà ne hewaen ou anì là ghatay Faro dou.” Ne yó gónón moluy du Ilisér yóm ngaen logi twoli. 5Bè yóm kauy Jitru ke Musis yó, mung du yehen Musis ne yó kem lewu ngaen logi, sut le bè yóm gónó le kmamfù le Musis bè yóm benwu laen hol wen tauhen bè yó bè bulul Dwata.
6Uma kóm, deng eles wen udél hwit Jitru gna bè yóm kógów le ebè yó, 7yó gónó Musis hewà nan e senlong lu. Bè yóm keston le tódô hegdungul bè solu tuónen Musis, ominen melek du. Ne ssólók le yóm lewu le gbak bè kmò le. Omin Musis mit kul ebè yóm kun gónó nô. 8Gotu tulón Musis ke tuónen yóm kdê deng nmò Dwata bè Faro ne bè yó kem tau Idyip bè yóm kehewaen yó kem tau Israél. Bud tulónen du snéen yóm alì kwen mgel sut bè yó kem tau Israél bè yóm igò le mógów ne yóm bud kmò kehewà Dwata kul gu lemen yóm mgel yó.
9Bè yóm kungol Jitru du nim ni tey kehligalen, 10botong monen, “Hol dóyón tekuy yóm Dwata deng lemwà kóm lem tdok Faro ne yó kem tauhen. Hol dóyón tekuy yóm Dwata deng lemwà yó kem tauhen bè yóm gónó le ghesek. 11Deng tngónu ne yóm sana Dwata hol gónó mogot, du se yóm hol dandónen geta bè yóm kdéen dwata lemwót bè yóm deng kehewaen kuy lem tdok yó kem tau Idyip igò le tey kemhisik kuy.”
12Omin Jitru demsù yóm ógóf hkekeben ebè Dwata ne wen yó kem dumu dsuen ebéléen mò ken le. Ne hyu mung bè yó Aron ne kdê yó kem tau malak yó kem tau Israél mò dumuhen mken du yóm ken dsuen yó mò gónó le dmóyón ke Dwata.
Kélék Musis yó kem tau mò kmukum bélê le
13Timbow hayahen bè yó knukum Musis yó kem tau wen gónó le seglius, tódô lenwóten hlafus efet kól kifu kmukum, là kô wen hen-gnóen.
14Timbow ton Jitru yóm tey nmò Musis yó, ominen mon du mò du, “Tedum alì nmoem bélê le ni kem tau ni? Moen du ke tek són u kmukum kul? Blaem ni, là kô le skas tendo mdà bè ni yó kem tau, tódô nbut le hlafus efet kól kifu na a hkukum kóm.”
15Bnalà Musis se, monen, “Yó gónóhu mò du nim ni, abay se mógów le ebéléu yó kem tau anì hol tngón le yóm kóyô Dwata bélê le. 16Ke wen lewu tau seglius ne mógów le ebéléu ke mahil du bélê le tahu ne tulónu kul yó kem hlau Dwata ne yó kem hloloen kul.”
17Omin Jitru mon du, “Là hyuhen ke són uu semflós kmukum ket kdaw. 18Angat wen desem du nim nmoem ni dalang se yó kem tau mangat kóm. Là kô gbekem mò du tek sotu nim ni. 19Ke hyu béléem, wen tô hlauhu kóm ne Dwata he tendo nô béléem. Tey hyu ke uu mò dung lówó yó kem tau ebè Dwata ne ke uu tmulón du ke Dwata yó kem gónó le seglius. 20Tey hyu yóm ktolokem du kul yó kem hlau Dwata ne yó kem dumu hloloen kul. Tey hyu snéen yóm kehlanem du bélê le yóm kmò kwit le ktau le ne yóm ktolokem du kul yóm hyu bang nmò le. 21Okóm ni mò tnuen, yake wen tau hulung malak nélékem mò malak yó kem tau. Wen se nélékem mò malak bè lemibu tau ne wen se malak bè lematu tau ne wen se malak bè limu folò tau ne wen se bè sfolò tau. Yó nélékem yó kem tau wen hol klikò le ke Dwata, kem tau hol gsalig ne kem tau là kóen ma filak mò wa nawa. 22Yake lu mò fen hlós gel hkukumem yó kem tau. Gbek le mit du ebéléem ke wen knukum lembang. Okóm ke knukum lemnek, lu mò fen kmukum du. Tey mahil nim ni senta yóm gnan abay se wen mò tmóbóng kóm mbô du yóm blat nô tahem. 23Ke nmoem nim deng hlolò Dwata kóm ni, kaem là kói gemnóm des lemwót bè klitegem ne gbek le mulék se kul yó kem tau abay se deng wen kmukum kul.”
24Tahu se, tódô hentahu Musis yóm hlau tuónen du yó 25ne wen kem tau hulung malak néléken bè yó kem tau Israél. Wen néléken mò malak bè lemibu tau ne wen se néléken mò malak bè lematu tau ne wen se mò malak bè limu folò tau ne wen se bè sfolò tau. 26Lu mò fen hlós kmukum bélê le. Ke wen knukum lembang nwit le ebè Musis anì du fen kmukum du. Okóm ke knukum lemnek tódô lu fen gel kmukum du.
27Omin Jitru mbal ke Musis anì mulék ne tahu se, móyô Musis.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.