Istér 3
3
Katul Haman yóm keglaen yó kem Ju
1Timbow kogolen bè yó, wen sotu tau nélék Sérksis mò hol gfi béléen boluyen Haman ngà Hamidata, yóm tau semfu gu bè yóm tehe Agag.#3:1 Yóm Agag monen ni, tehe tau hol geta bè yó kem tau Amalikayt, yó kem tau tehe alì hohon yó kem tau Israél. Senfalahem 1 Samwél 15 ne Kehewà 17:8Wen udél yóm tau hol geta ebè yó kem genlalen anì hol hegfan le yóm kadat le ke Haman mlan bè ktud le bukol bè soluhen. Tahu se, gotu nmò le yóm hmoen kul yó. Tek són Murdikay là kóen móyô mò du. 2Wen udél yóm tau hol geta ebè yó kem genlalen anì hol hegfan le yóm kadat le ke Haman mlan bè ktud le bukol bè soluhen. Tahu se, gotu nmò le yóm hmoen kul yó. Tek són Murdikay là kóen móyô mò du.
3Wen bè yó kem dumu genlal smólók ke Murdikay, mon le mò du, “Moen du ke là nimónem du kóm yóm deng hmoen tekuy yóm tau hol geta?” 4Tódô ket kdaw le mudél ke Murdikay anì hol heglaan bè Haman, okóm là kô hnungolen kul. Yó monen mò kul, “Juhe se dou ne là kóe heglaan bè Haman.”#3:4 Wen se gel mon du, yó buten yóm là keheglaan Murdikay bè Haman yó, lemwót bè yóm tey kesfohon le yó kem Ju yó kem tau Amalikayt. Bè yóm gnan kdaw, tey dê dulék le sgida bè yó kem Ju yó kem tau Amalikayt, okóm gel le gemmò yó kem Ju. Tahu se, tulón le ke Haman nim ni mò gónó le temngón du ke tódô kem bayà Haman ne yóm nmò Murdikay yó.
5Timbow gungol Haman yóm là ktud Murdikay bukol bè soluhen, ya tey sidek kebuten. 6Ne bè yóm ketngónen du Ju Murdikay, hendemen là són du Murdikay tnafaken, homong hnatayen snéen yóm kdéen Ju bè klamang Pérsya yóm benwu nogot Sérksis.
7Bè yóm deng gesfoloen lewu halay deng kkamal Sérksis, bè yóm tanay bulón yóm bulón boluy le du Nisan, wen atù nmò Haman. (Yó boluy le du yóm atù yó, purim.) Yó gónón mò du mò gónón temngón du ke kilón yóm kdaw ne bulón angat kmoen du yóm atulen bè yó kem Ju. Tahu se, gfan bè yóm atù nmoen yó bè gesfoloen tlu kdaw bè yóm gesfoloen lewu bulón, yóm bulón boluy le du Adar kmoen du yóm atulen.
8Omin Haman stulón bè yóm tau hol geta, monen, “Wen sotu but tau deng sekla lem nim benwu knamalem ne tódô ket prubinsya gónóm mton kul. Yóm kul lolò là kóen mkél bè kul lolò yó kem dumu tau. Ne sotuhen, là kô nimón le du yó kem udin lem yóm benwu knamalem ni. Yó gónóm mon, là kóen hyu ke tódô bayaem kul nim ni. 9Ke hyu béléem, Sér, moi udin anì gotu hfatayem lu. Ke yó nmoem moe fasad béléem. Gbeku bemlay kóm tlu latu fat folò libu (340,000) kilu blówón bukay mò gastuhem bè nim benwu nogotem.”#3:9 Yó kul gel adat ke wen tau hnatay le gotu nwa le yóm kdê nfunen. Yó gónó Haman gbek bemlay du bè yóm tau hol geta yóm tey hmóyóen du yó, abay se deng eles tngónen angat nwahen bè yó kem Ju hnatayen yóm tey blówón bukay hmóyóen yóm tau hol geta. Blaem yóm tau hol geta yó, lomi fedi bè gida ne tey bong deng gamaen. Yó gónón hyu nawan bè yóm hmóyô Haman du.
10Tahu se, knotuk yóm tau hol geta yóm atul Haman. Ominen mlus yóm tisingen hdanaen ta yóm udin nmò le mò ilô yóm deng kkotuken du. Ne blayen ke Haman yóm ngà Hamidata, yóm tau semfu gu bè yóm tehe Agag yóm tau alì hohon yó kem Ju. 11Yó monen mò ke Haman yóm tau hol geta yó, “Omin he yó dum filak. Yó kem tau monem yó, tódô nmoem yóm kóm kóyô.”
12Duhen yó bè yóm gesfoloen tlu kdaw bè yóm tanay bulón, htaba Haman yó kem tau gel smulat bè yóm tau hol geta, hsulaten kul yóm udin yó bè yóm kdéen but tau bè klamang benwu snakuf yóm tau hol geta, bede bè kul udél ne bè kul kmò ksulat gónón hsulat du kul. Hwiten ebè yó kem mogot kul ne ebè yó kem gubérnor le ne ebè yó kem genlal le. Yóm sulat yó, hlanen bè boluy Sérksis, hyu wen ilô tisingen dmanà tahen. 13Nim sulat ni, nwit yó kem tau gel hógów le alì hlóng gel mit sulat ebè ket prubinsya bè klamang benwu le. Yó nô lem yóm sulat yó, monen, “Bè yóm gesfoloen tlu kdaw bè bulón Adar hensulék hnatay ye lu yóm kdéen Ju, ke lomi lemnok duhen ke deng tuha gomong lemen yó kem libun ne yó kem ngà, gotu sulék hnatay lu bè yóm tek olo sendaw. Hol hnatay lu yóm kdê le, béen wen tlek knodu bélê le. Ne yó kem nfun le gotu nwa lu.” 14Yóm udin yó, gotu glalag bè kdéen prubinsya anì yó, eles le htigel sok kól yóm kdaw yó. 15Lemwót bè udél yóm tau hol geta, gotu heglalag le yóm udin yó bè yó bè Susa. Ne bud nwit yó kem tau gel mit sulat alì hlóng ebè yó kem prubinsya. Okóm ke Sérksis kun lewu le Haman deng le mom seyón minum. Blaem yó kem tau bè yó bè syudad Susa ya tey sidek kesbeweg le.
Currently Selected:
Istér 3: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
Istér 3
3
Katul Haman yóm keglaen yó kem Ju
1Timbow kogolen bè yó, wen sotu tau nélék Sérksis mò hol gfi béléen boluyen Haman ngà Hamidata, yóm tau semfu gu bè yóm tehe Agag.#3:1 Yóm Agag monen ni, tehe tau hol geta bè yó kem tau Amalikayt, yó kem tau tehe alì hohon yó kem tau Israél. Senfalahem 1 Samwél 15 ne Kehewà 17:8Wen udél yóm tau hol geta ebè yó kem genlalen anì hol hegfan le yóm kadat le ke Haman mlan bè ktud le bukol bè soluhen. Tahu se, gotu nmò le yóm hmoen kul yó. Tek són Murdikay là kóen móyô mò du. 2Wen udél yóm tau hol geta ebè yó kem genlalen anì hol hegfan le yóm kadat le ke Haman mlan bè ktud le bukol bè soluhen. Tahu se, gotu nmò le yóm hmoen kul yó. Tek són Murdikay là kóen móyô mò du.
3Wen bè yó kem dumu genlal smólók ke Murdikay, mon le mò du, “Moen du ke là nimónem du kóm yóm deng hmoen tekuy yóm tau hol geta?” 4Tódô ket kdaw le mudél ke Murdikay anì hol heglaan bè Haman, okóm là kô hnungolen kul. Yó monen mò kul, “Juhe se dou ne là kóe heglaan bè Haman.”#3:4 Wen se gel mon du, yó buten yóm là keheglaan Murdikay bè Haman yó, lemwót bè yóm tey kesfohon le yó kem Ju yó kem tau Amalikayt. Bè yóm gnan kdaw, tey dê dulék le sgida bè yó kem Ju yó kem tau Amalikayt, okóm gel le gemmò yó kem Ju. Tahu se, tulón le ke Haman nim ni mò gónó le temngón du ke tódô kem bayà Haman ne yóm nmò Murdikay yó.
5Timbow gungol Haman yóm là ktud Murdikay bukol bè soluhen, ya tey sidek kebuten. 6Ne bè yóm ketngónen du Ju Murdikay, hendemen là són du Murdikay tnafaken, homong hnatayen snéen yóm kdéen Ju bè klamang Pérsya yóm benwu nogot Sérksis.
7Bè yóm deng gesfoloen lewu halay deng kkamal Sérksis, bè yóm tanay bulón yóm bulón boluy le du Nisan, wen atù nmò Haman. (Yó boluy le du yóm atù yó, purim.) Yó gónón mò du mò gónón temngón du ke kilón yóm kdaw ne bulón angat kmoen du yóm atulen bè yó kem Ju. Tahu se, gfan bè yóm atù nmoen yó bè gesfoloen tlu kdaw bè yóm gesfoloen lewu bulón, yóm bulón boluy le du Adar kmoen du yóm atulen.
8Omin Haman stulón bè yóm tau hol geta, monen, “Wen sotu but tau deng sekla lem nim benwu knamalem ne tódô ket prubinsya gónóm mton kul. Yóm kul lolò là kóen mkél bè kul lolò yó kem dumu tau. Ne sotuhen, là kô nimón le du yó kem udin lem yóm benwu knamalem ni. Yó gónóm mon, là kóen hyu ke tódô bayaem kul nim ni. 9Ke hyu béléem, Sér, moi udin anì gotu hfatayem lu. Ke yó nmoem moe fasad béléem. Gbeku bemlay kóm tlu latu fat folò libu (340,000) kilu blówón bukay mò gastuhem bè nim benwu nogotem.”#3:9 Yó kul gel adat ke wen tau hnatay le gotu nwa le yóm kdê nfunen. Yó gónó Haman gbek bemlay du bè yóm tau hol geta yóm tey hmóyóen du yó, abay se deng eles tngónen angat nwahen bè yó kem Ju hnatayen yóm tey blówón bukay hmóyóen yóm tau hol geta. Blaem yóm tau hol geta yó, lomi fedi bè gida ne tey bong deng gamaen. Yó gónón hyu nawan bè yóm hmóyô Haman du.
10Tahu se, knotuk yóm tau hol geta yóm atul Haman. Ominen mlus yóm tisingen hdanaen ta yóm udin nmò le mò ilô yóm deng kkotuken du. Ne blayen ke Haman yóm ngà Hamidata, yóm tau semfu gu bè yóm tehe Agag yóm tau alì hohon yó kem Ju. 11Yó monen mò ke Haman yóm tau hol geta yó, “Omin he yó dum filak. Yó kem tau monem yó, tódô nmoem yóm kóm kóyô.”
12Duhen yó bè yóm gesfoloen tlu kdaw bè yóm tanay bulón, htaba Haman yó kem tau gel smulat bè yóm tau hol geta, hsulaten kul yóm udin yó bè yóm kdéen but tau bè klamang benwu snakuf yóm tau hol geta, bede bè kul udél ne bè kul kmò ksulat gónón hsulat du kul. Hwiten ebè yó kem mogot kul ne ebè yó kem gubérnor le ne ebè yó kem genlal le. Yóm sulat yó, hlanen bè boluy Sérksis, hyu wen ilô tisingen dmanà tahen. 13Nim sulat ni, nwit yó kem tau gel hógów le alì hlóng gel mit sulat ebè ket prubinsya bè klamang benwu le. Yó nô lem yóm sulat yó, monen, “Bè yóm gesfoloen tlu kdaw bè bulón Adar hensulék hnatay ye lu yóm kdéen Ju, ke lomi lemnok duhen ke deng tuha gomong lemen yó kem libun ne yó kem ngà, gotu sulék hnatay lu bè yóm tek olo sendaw. Hol hnatay lu yóm kdê le, béen wen tlek knodu bélê le. Ne yó kem nfun le gotu nwa lu.” 14Yóm udin yó, gotu glalag bè kdéen prubinsya anì yó, eles le htigel sok kól yóm kdaw yó. 15Lemwót bè udél yóm tau hol geta, gotu heglalag le yóm udin yó bè yó bè Susa. Ne bud nwit yó kem tau gel mit sulat alì hlóng ebè yó kem prubinsya. Okóm ke Sérksis kun lewu le Haman deng le mom seyón minum. Blaem yó kem tau bè yó bè syudad Susa ya tey sidek kesbeweg le.
© 2007, Wycliffe Bible Translators, Inc. All rights reserved.