2 Tutul Israél 29
29
Kogot Hisikaya yóm benwu Juda
(2 Bok Kem Tau Hol Geta 18:1-3)
1Yóm kbut Hisikaya mogot benwu Juda deng lewu folò limu ne halayen. Yó kegenen mogot benwu botong lewu folò syóm halay, ne bè Jirusalim gónón nô. Yó boluy yéen Abidya ngà Sikaraya libun. 2Són nmò Hisikaya yóm hyu bè kton Dwata du, lómón yóm tehe nmò fuen Dabid.
Bud kehnas Hisikaya yóm Gónô Dwata
3Bè yóm tanay bulón bè yóm tanay halay kogoten benwu, bud hennasen yó kem tikeb bè Gónô Dwata ne hetloben lu. 4Bud htabahen yó kem tau gel blóng ebè Dwata ne yó kem sfu Libay anì gotu le stifun ebéléen bè lósól fi dmata kdaw yóm Gónô Dwata. 5Timbow le deng stifun, yó monen mò kul, “Hol hnungol ye ou kem sfu Libay. Hólós ye knô ye ne nólós ye yóm Gónô Dwata yóm Dwata yó kem tehe fù ye. Gotu kó ye lem yóm gónô Dwata yó kem dê nô lemen deng gónón gholu. 6Yó kem fù tekuy balù udì ke nimón le Dwata, deng mom nmò le yóm alì sidek bè kton Dwata du yóm sana Dwata hol gónó tekuy mogot. Deng tebel le Dwata, dalang se yóm Gónóen deng knogol le. 7Deng mom tnikeb le yóm bak dól husek elem yóm Gónô Dwata, ne hnatay le yó kem soloken. Là bud le mtem insinsu ne là bud le demsù yó kem dsù gel hkekeb le ebè Dwata bè Gónô yóm Dwata yó kem tau Israél. 8Yó gónóm mon, lenbut Dwata yó kem tau bè benwu Juda ne bè Jirusalim. Lemwót bè yóm kebuten tekuy yó, nmoen tekuy mò kenhisik yó kem dumu tau hmilol tekuy ne kenyó le tekuy ne knuli le tekuy, lómón yóm gel ton ye nim kmoen ni. 9Gotu le matay bè gida yó kem fù tekuy, ne hegefen yó kem ngà tekuy logi ne kem ngà tekuy libun ne kem yehen tekuy snéen. 10Okóm ni hol lemwót lem but blututu yóm kmou fasad bè Dwata yóm Dwata yó kem tau Israél, anì mkó ta tekuy yóm alì kebuten. 11Yó gónóm mon kem ngau sfu Libay, deng nélék Dwata yu mò mdà bè soluhen, ne mò du yóm hmoen kuy, ne mò malak yó kem tau bè ktaba le ebéléen ne bè yóm gel kedsù le ebéléen. Hol nmò ye yóm hmoen kuy.”
12Ominen yó he wen kwalis le mò nmò yó kem sfu Libay.
Lemwót bè tbong Kuhat, duhen Mahat ngà Amasay lewu le Juwél ngà Asaraya.
Lemwót bè tbong Mirari, duhen Kis ngà Abdi lewu le Asaraya ngà Jihalélél.
Lemwót bè tbong Jérson, duhen Juwa ngà Simna lewu le Idén ngà Juwa.
13Lemwót bè fes lówó Ilisafan, duhen Simri lewu le Jiyél.
Lemwót bè fes lówó Asaf, duhen Sikaraya lewu le Matanaya.
14Lemwót bè fes lówó Himan, duhen Jiyél lewu le Simi.
Lemwót bè fes lówó Jidutun, duhen Simaya lewu le Usiyél.
15Lemwót se kul yó kem tau yó, gotu htaba le yó kem dumu le sfu Libay, ne gotu hfólós le knô le yóm kdê le. Omin le bud hólós yóm Gónô Dwata, lómón yóm deng monen mò kul yóm tau hol geta bélê le. Tey ketgama le lemolò du yó kem hlolò Dwata kul bè yóm kmò le nmò. 16Yó fen hólós yóm Gónô Dwata na a mógów elemen, duhen yó kem tau gel blóng ebè Dwata, ne gotu nwit le hewà e talak lósól bè yóm Gónô Dwata yó kem ngom là mólósen ton le bè yó lemen. Ominen yó kem sfu Libay fen demyol kul hewà etu bè Datal Kidron.
17Nbut le hólós du yóm Gónô Dwata bè yóm tanay kdaw bè yóm tanay bulón, ne song gefet le bè yóm gónó henos yóm Gónô Dwata bè yóm kehólós le du yó, deng bè gwoluhen kdaw. Ngang le hemlós hólós du efet bud wolu kdawen bè yó. Bè yóm gesfoloen nem kdaw bè yóm tanay bulón, deng gotu hólós le ne yóm kdéen.
Yóm bud kehfun le du ke Dwata yóm kun Gónô
18Omin le lemwót yó kem sfu Libay mógów le ebè Hisikaya yóm tau hol geta, ne tulón le du, mon le, “Deng gotu hólós me yóm Gónô Dwata, dalang se yóm gónó demsù gónó gel hkekeb yó kem dsù ebè Dwata, gomong yó kem ngomen, ne yóm lemisa gónó le gel hemsù mambang bè solu Dwata, bud gomong se yó kem ngomen, deng gotu hólós me. Deng gotu bud hulék me elemen snéen yó kem ngom tehe nwa Ahas yóm tau hol geta bè yóm tehe kkogolen ke Dwata ne ktikeben yóm Gónô Dwata. Ne ni, deng le gotu bud mólós, nô le bè solu yóm gónó gel demsù ebè Dwata.”
20Hayahen bè yó, hlafus btik Hisikaya yóm tau hol geta, gotu sentifunen yó kem genlal bè yó kem syudad, ne mógów le ebè Gónô Dwata. 21Wen nwit le hitu safì tudu ne hitu ubiha logi, ne hitu ngà ubihahen, ne hitu kambing logi mò dsù le ebè Dwata mò hkó salà yóm tau hol geta bélê le ne yó kem fes lówóhen, ne yóm Gónô Dwata, ne yó kem tau bè Juda. Hedsù yóm tau hol geta bè yó kem sfu Aron yó kem ógóf yó ta yóm gónó demsù ebè Dwata. 22Duhen yó, hnatay le yó kem safì, ne nwa yó kem tau gel blóng ebè Dwata yóm litô le, ne hetsik le ta yóm gónó gel demsù ebè Dwata. Omin le bud hmatay yó kem ubiha logi, ne bud hetsik le ta yóm gónó gel demsù yóm litô le, ne senged se bud nmò le bè yó kem ngà ubiha. 23Lemwót yó kem kambing logi nwit le mò hkó salà le, nwit le ebè yóm tau hol geta bélê le ne ebè yó kem tau stifun, ne nnok yó kem tau ta yó kem kambing yó. 24Hnatay yó kem tau gel blóng ebè Dwata yó kem kambing mò hkó salà le, ne yóm litô le hetsik le ta yóm gónó gel demsù ebè Dwata mò hkó salà yóm kdéen tau Israél.
25Lemwót yó kem sfu Libay, sù Hisikaya yóm tau hol geta lu bè yóm gónó le gel mdà lem Gónô Dwata, nogot le yó kem gel sendofì le ne yó kem gel huni le. Tódô lolò Hisikaya yóm tehe hlolò Dwata ke Dabid hlanen bè Gad yóm tau gel wen hton Dwata du, ne bud bè yóm sotu tugoden boluyen Natan. 26Gotu le mdà bè yóm kul gónó mdà bè yóm hilol Gónô Dwata yó kem sfu Libay, nogot le yó kem gel nuni tehe hmò Dabid. Ne yó kem tau gel blóng ebè Dwata, gotu le mdà bè yó se kul mogot le féw. 27Omin Hisikaya hedsù yóm dsù hkekeb ta yóm gónó gel demsù ebè Dwata. Yóm igò le mbut demsù du yóm dsù hkekeb yó, nbut le se semngal du yóm sngal dmóyón ke Dwata, mung se yó kem tau mféw, ne yó kem dumu nuni tehe hmò Dabid yóm tau hol geta bè Israél. 28Yóm igò le semngal ne igò le mféw, tódô kdê yó kem tau stifun bè yó gotu le tmaba ebè Dwata efet gotu deng yó kem dsù hkekeb le. 29Tikóng deng kedsù le, omin yóm tau hol geta dalang se yóm kdéen tau nô bè yó, mtud le bukol bè tonok, tmaba le ebè Dwata. 30Omin yóm tau hol geta ne yó kem genlalen mdók yó kem sfu Libay anì sngal le yóm sngal dmóyón ke Dwata tehe nmò Dabid ne Asaf yóm tau gel wen hton Dwata du. Duhen yó, tey kehligal le dmóyón ke Dwata, gotu le kudung ne mtud le bukol bè tonok, ne tmaba le ebè Dwata.
31Ne yó udél Hisikaya ebè yó kem tau, monen, “Deng hólós ye knô ye ebè Dwata. Ne ni, nwit ye edini bè Gónô Dwata yó kem dsù ye, gomong nwit ye yó kem dsù bè yóm keslamat ye ebè Dwata.” Tahu se, gotu nwit yó kem tau ebè yó, yó kem dsù le, gomong yóm dsù le bè yóm keslamat le ebè Dwata, ne wen se bélê le hol lemwót lem nawa le yóm kwit le yó kem dsù hkekeb le ebè Dwata. 32Yó kwen yó kem dsù hkekeb nwit le ebè Dwata yó kem tau, botong hitu folò safì tudu, ne lematu ubiha logi, ne lewu latu se ngà ubiha mò hkekeb le ebè Dwata. 33Ominen yó kwen yó kem dumu dsù nwit le mò ken le, botong nem latu safì tudu ne tlu libu ubiha. 34Okóm là hol le wen yó kem tau gel blóng ebè Dwata mò hemtifes du nim kdê dsù hkekeb ni, yó gónó le htóbóng bè yó kem dumu le sfu Libay efet deng yóm nmò le, ne efet le dê yó kem tau gel blóng ebè Dwata hfólós knô. Abay se yó kem sfu Libay kul, tey le teneb bè yóm khólós le knô le senta yó kem tau gel blóng ebè Dwata. 35Ya tey kwen yó kem dsù hkekeb le ebè Dwata yó kem tau. Yóm kul nmò yó kem tau gel blóng ebè Dwata bè yóm kdaw yó, là són du demsù yó kem dsù hkekeb ebè Dwata, okóm bud lu mtem yóm tey abù utón nwa le bè yó kem ógóf dsù yó kem tau mò ken le, ne bud lu snéen gel temwél yóm tifas grép gel hmung le bè yó kem dsù hkekeb le. Duhen yó, deng bud nmò le bè Gónô Dwata yóm tehe hmò Dwata kul. 36Ya tey kehligal Hisikaya ne yóm kdéen tau lemwót bè yóm deng nmò Dwata bélê le, ne tey mahil bélê le mò du yóm kdéen.
Currently Selected:
2 Tutul Israél 29: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
2 Tutul Israél 29
29
Kogot Hisikaya yóm benwu Juda
(2 Bok Kem Tau Hol Geta 18:1-3)
1Yóm kbut Hisikaya mogot benwu Juda deng lewu folò limu ne halayen. Yó kegenen mogot benwu botong lewu folò syóm halay, ne bè Jirusalim gónón nô. Yó boluy yéen Abidya ngà Sikaraya libun. 2Són nmò Hisikaya yóm hyu bè kton Dwata du, lómón yóm tehe nmò fuen Dabid.
Bud kehnas Hisikaya yóm Gónô Dwata
3Bè yóm tanay bulón bè yóm tanay halay kogoten benwu, bud hennasen yó kem tikeb bè Gónô Dwata ne hetloben lu. 4Bud htabahen yó kem tau gel blóng ebè Dwata ne yó kem sfu Libay anì gotu le stifun ebéléen bè lósól fi dmata kdaw yóm Gónô Dwata. 5Timbow le deng stifun, yó monen mò kul, “Hol hnungol ye ou kem sfu Libay. Hólós ye knô ye ne nólós ye yóm Gónô Dwata yóm Dwata yó kem tehe fù ye. Gotu kó ye lem yóm gónô Dwata yó kem dê nô lemen deng gónón gholu. 6Yó kem fù tekuy balù udì ke nimón le Dwata, deng mom nmò le yóm alì sidek bè kton Dwata du yóm sana Dwata hol gónó tekuy mogot. Deng tebel le Dwata, dalang se yóm Gónóen deng knogol le. 7Deng mom tnikeb le yóm bak dól husek elem yóm Gónô Dwata, ne hnatay le yó kem soloken. Là bud le mtem insinsu ne là bud le demsù yó kem dsù gel hkekeb le ebè Dwata bè Gónô yóm Dwata yó kem tau Israél. 8Yó gónóm mon, lenbut Dwata yó kem tau bè benwu Juda ne bè Jirusalim. Lemwót bè yóm kebuten tekuy yó, nmoen tekuy mò kenhisik yó kem dumu tau hmilol tekuy ne kenyó le tekuy ne knuli le tekuy, lómón yóm gel ton ye nim kmoen ni. 9Gotu le matay bè gida yó kem fù tekuy, ne hegefen yó kem ngà tekuy logi ne kem ngà tekuy libun ne kem yehen tekuy snéen. 10Okóm ni hol lemwót lem but blututu yóm kmou fasad bè Dwata yóm Dwata yó kem tau Israél, anì mkó ta tekuy yóm alì kebuten. 11Yó gónóm mon kem ngau sfu Libay, deng nélék Dwata yu mò mdà bè soluhen, ne mò du yóm hmoen kuy, ne mò malak yó kem tau bè ktaba le ebéléen ne bè yóm gel kedsù le ebéléen. Hol nmò ye yóm hmoen kuy.”
12Ominen yó he wen kwalis le mò nmò yó kem sfu Libay.
Lemwót bè tbong Kuhat, duhen Mahat ngà Amasay lewu le Juwél ngà Asaraya.
Lemwót bè tbong Mirari, duhen Kis ngà Abdi lewu le Asaraya ngà Jihalélél.
Lemwót bè tbong Jérson, duhen Juwa ngà Simna lewu le Idén ngà Juwa.
13Lemwót bè fes lówó Ilisafan, duhen Simri lewu le Jiyél.
Lemwót bè fes lówó Asaf, duhen Sikaraya lewu le Matanaya.
14Lemwót bè fes lówó Himan, duhen Jiyél lewu le Simi.
Lemwót bè fes lówó Jidutun, duhen Simaya lewu le Usiyél.
15Lemwót se kul yó kem tau yó, gotu htaba le yó kem dumu le sfu Libay, ne gotu hfólós le knô le yóm kdê le. Omin le bud hólós yóm Gónô Dwata, lómón yóm deng monen mò kul yóm tau hol geta bélê le. Tey ketgama le lemolò du yó kem hlolò Dwata kul bè yóm kmò le nmò. 16Yó fen hólós yóm Gónô Dwata na a mógów elemen, duhen yó kem tau gel blóng ebè Dwata, ne gotu nwit le hewà e talak lósól bè yóm Gónô Dwata yó kem ngom là mólósen ton le bè yó lemen. Ominen yó kem sfu Libay fen demyol kul hewà etu bè Datal Kidron.
17Nbut le hólós du yóm Gónô Dwata bè yóm tanay kdaw bè yóm tanay bulón, ne song gefet le bè yóm gónó henos yóm Gónô Dwata bè yóm kehólós le du yó, deng bè gwoluhen kdaw. Ngang le hemlós hólós du efet bud wolu kdawen bè yó. Bè yóm gesfoloen nem kdaw bè yóm tanay bulón, deng gotu hólós le ne yóm kdéen.
Yóm bud kehfun le du ke Dwata yóm kun Gónô
18Omin le lemwót yó kem sfu Libay mógów le ebè Hisikaya yóm tau hol geta, ne tulón le du, mon le, “Deng gotu hólós me yóm Gónô Dwata, dalang se yóm gónó demsù gónó gel hkekeb yó kem dsù ebè Dwata, gomong yó kem ngomen, ne yóm lemisa gónó le gel hemsù mambang bè solu Dwata, bud gomong se yó kem ngomen, deng gotu hólós me. Deng gotu bud hulék me elemen snéen yó kem ngom tehe nwa Ahas yóm tau hol geta bè yóm tehe kkogolen ke Dwata ne ktikeben yóm Gónô Dwata. Ne ni, deng le gotu bud mólós, nô le bè solu yóm gónó gel demsù ebè Dwata.”
20Hayahen bè yó, hlafus btik Hisikaya yóm tau hol geta, gotu sentifunen yó kem genlal bè yó kem syudad, ne mógów le ebè Gónô Dwata. 21Wen nwit le hitu safì tudu ne hitu ubiha logi, ne hitu ngà ubihahen, ne hitu kambing logi mò dsù le ebè Dwata mò hkó salà yóm tau hol geta bélê le ne yó kem fes lówóhen, ne yóm Gónô Dwata, ne yó kem tau bè Juda. Hedsù yóm tau hol geta bè yó kem sfu Aron yó kem ógóf yó ta yóm gónó demsù ebè Dwata. 22Duhen yó, hnatay le yó kem safì, ne nwa yó kem tau gel blóng ebè Dwata yóm litô le, ne hetsik le ta yóm gónó gel demsù ebè Dwata. Omin le bud hmatay yó kem ubiha logi, ne bud hetsik le ta yóm gónó gel demsù yóm litô le, ne senged se bud nmò le bè yó kem ngà ubiha. 23Lemwót yó kem kambing logi nwit le mò hkó salà le, nwit le ebè yóm tau hol geta bélê le ne ebè yó kem tau stifun, ne nnok yó kem tau ta yó kem kambing yó. 24Hnatay yó kem tau gel blóng ebè Dwata yó kem kambing mò hkó salà le, ne yóm litô le hetsik le ta yóm gónó gel demsù ebè Dwata mò hkó salà yóm kdéen tau Israél.
25Lemwót yó kem sfu Libay, sù Hisikaya yóm tau hol geta lu bè yóm gónó le gel mdà lem Gónô Dwata, nogot le yó kem gel sendofì le ne yó kem gel huni le. Tódô lolò Hisikaya yóm tehe hlolò Dwata ke Dabid hlanen bè Gad yóm tau gel wen hton Dwata du, ne bud bè yóm sotu tugoden boluyen Natan. 26Gotu le mdà bè yóm kul gónó mdà bè yóm hilol Gónô Dwata yó kem sfu Libay, nogot le yó kem gel nuni tehe hmò Dabid. Ne yó kem tau gel blóng ebè Dwata, gotu le mdà bè yó se kul mogot le féw. 27Omin Hisikaya hedsù yóm dsù hkekeb ta yóm gónó gel demsù ebè Dwata. Yóm igò le mbut demsù du yóm dsù hkekeb yó, nbut le se semngal du yóm sngal dmóyón ke Dwata, mung se yó kem tau mféw, ne yó kem dumu nuni tehe hmò Dabid yóm tau hol geta bè Israél. 28Yóm igò le semngal ne igò le mféw, tódô kdê yó kem tau stifun bè yó gotu le tmaba ebè Dwata efet gotu deng yó kem dsù hkekeb le. 29Tikóng deng kedsù le, omin yóm tau hol geta dalang se yóm kdéen tau nô bè yó, mtud le bukol bè tonok, tmaba le ebè Dwata. 30Omin yóm tau hol geta ne yó kem genlalen mdók yó kem sfu Libay anì sngal le yóm sngal dmóyón ke Dwata tehe nmò Dabid ne Asaf yóm tau gel wen hton Dwata du. Duhen yó, tey kehligal le dmóyón ke Dwata, gotu le kudung ne mtud le bukol bè tonok, ne tmaba le ebè Dwata.
31Ne yó udél Hisikaya ebè yó kem tau, monen, “Deng hólós ye knô ye ebè Dwata. Ne ni, nwit ye edini bè Gónô Dwata yó kem dsù ye, gomong nwit ye yó kem dsù bè yóm keslamat ye ebè Dwata.” Tahu se, gotu nwit yó kem tau ebè yó, yó kem dsù le, gomong yóm dsù le bè yóm keslamat le ebè Dwata, ne wen se bélê le hol lemwót lem nawa le yóm kwit le yó kem dsù hkekeb le ebè Dwata. 32Yó kwen yó kem dsù hkekeb nwit le ebè Dwata yó kem tau, botong hitu folò safì tudu, ne lematu ubiha logi, ne lewu latu se ngà ubiha mò hkekeb le ebè Dwata. 33Ominen yó kwen yó kem dumu dsù nwit le mò ken le, botong nem latu safì tudu ne tlu libu ubiha. 34Okóm là hol le wen yó kem tau gel blóng ebè Dwata mò hemtifes du nim kdê dsù hkekeb ni, yó gónó le htóbóng bè yó kem dumu le sfu Libay efet deng yóm nmò le, ne efet le dê yó kem tau gel blóng ebè Dwata hfólós knô. Abay se yó kem sfu Libay kul, tey le teneb bè yóm khólós le knô le senta yó kem tau gel blóng ebè Dwata. 35Ya tey kwen yó kem dsù hkekeb le ebè Dwata yó kem tau. Yóm kul nmò yó kem tau gel blóng ebè Dwata bè yóm kdaw yó, là són du demsù yó kem dsù hkekeb ebè Dwata, okóm bud lu mtem yóm tey abù utón nwa le bè yó kem ógóf dsù yó kem tau mò ken le, ne bud lu snéen gel temwél yóm tifas grép gel hmung le bè yó kem dsù hkekeb le. Duhen yó, deng bud nmò le bè Gónô Dwata yóm tehe hmò Dwata kul. 36Ya tey kehligal Hisikaya ne yóm kdéen tau lemwót bè yóm deng nmò Dwata bélê le, ne tey mahil bélê le mò du yóm kdéen.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.