2 Tutul Israél 26
26
Kogot Usiya yóm benwu Juda
1Ominen lemwót yóm kdéen tau bè Juda, nmò le Usiya yóm ngà Amasaya logi hanà sfolò nem halayen mò tau hol geta bélê le mò tles maen. 2Kogol katay maen, bud nwa Usiya yóm benwu Ilat anì bud snakuf Juda, ne bud hen-gulék hefdaen. 3Hanà sfolò nem he halay Usiya yóm kbalingen tau hol geta, ne yó kegenen mogot benwu, botong limu folò lewu halay, ne bè Jirusalim gónón nô. Yó boluy yéen, Jikulaya libun lemwót bè Jirusalim. 4Nmò Usiya yóm hyu bè kton Dwata du, lómón yóm kun nmò Amasaya yóm kun mà. 5Bè yóm hanà tolo kegenen du Sikaraya, yóm tau tendo hlolò du ke Usiya yóm klikò ke Dwata, són Dwata gónó Usiya smalig. Yóm igoen tendo smalig ke Dwata, tey wen uléken yóm kdê nmoen.
6Deng mit sfatay bè yó kem Flistin, ne gotu genbaen yóm beng hmilol Gat ne hmilol Jabni ne hmilol Asdod hono syudad yó kem Flistin. Ominen wen kem lomi syudad bud hefdaen moni bè Asdod ne bè yó kem dumu benwu bè Flistin. 7Là són du yó gónó Dwata tmóbóng du bè yóm kwiten sgida bè yó kem Flistin, okóm bud tnóbóngen snéen bè yóm kwiten sgida bè yó kem tau Arab menwu bè benwu Gur-baal, ne bud bè yóm kwiten sgida bè yó kem tau Munayt. 8Gel le mayad bwis bè Usiya ket halay yó kem tau Amon. Yóm tey któtól Usiya botong gefet bè Idyip lemwót bè yóm deng tey kfasangen.
9Wen kem gónô geta alì mbegel mò gónô mentey hefdà Usiya bè kem bak tikeb bè Jirusalim, hefdaen bè Bak Tikeb bè Sokok Beng, ne Bak Tikeb bè Datal, ne bè Bak Tikeb gónón Sigol Beng, gotu hefdaen. 10Wen se kem gónô geta mbegel hefdaen ditu bè yóm benwu laen hol wen tauhen,#26:10 Yó muhen du yó kem gónô geta hefdaen yó mò gónó le mentey yó kem ógófen. ne tey wen kem kokol hokolen bè yó snéen, abay se tey wen kem ógófen nô bè yó kem but bulul bè Juda ne bè yó kem datalen. Tey móyô mò nmò bè tonok snéen. Tey wen kem tau mò nmò béléen mò semgifà yó kem huluhen ne yó kem gónón hmulu grép bè yó kem but bulul ne bè yó kem gónón hyu tonok.
11Yóm Husiya, tey wen kem sendaluen, hono kem sendalù deng alì megtolok bè gida, ne deng le eles htifes ebè gida, ne nólólen lu bè hilu lumbuk. Yó kem tey sendalù wen alì hulung mit sgida yó, Jiyél fen tmolok kul yóm fen smulat bè yó kem sendalù, ne Amasaya yóm smugung béléen. Yó fen malak kul, duhen Hananiya yóm sotu genlal yóm tau hol geta. 12Yó kwen yó kem kmandér bè yó kem sendalù alì layam bè gida, botong lewu libu nem latu kdê le lemwót bè ket tbong yó kem tau Israél. 13Ne yó kem sendalù nalak le, botong tlu latu hitu libu bud limu latu kdê le. Deng le eles htifes mung bè yóm tau hol geta mit sgida bè yó kem hohonen. 14Yóm kdê le, sket benlay Usiya lu klung, ne buyus, ne sloung ne onit, ne boho, ne kem botu mò ubat hasut. 15Wen kem mekina hmò Usiya yó kem tau alì hulung mò mekina suen ta yó kem gónô geta hdaen bè yó kem sokok beng hmilol Jirusalim mò fen gemtì ne mò tmudà yó kem botu lembang. Lemwót bè yóm tey któbóng Dwata ke Usiya, botong gefet ebè klamangen yóm tey któtólen ne yóm tey kfasangen.
Kegsalà Usiya ne yóm ktafak Dwata du
16Okóm tikóng deng mbegel kegetahen, deng mom baling hegmón, ne yó se mit du btang. Deng gemsalà bè yóm Dwata kun gónó mogot lanen husek elem Gónô Dwata, ne tódô mtem insinsu ta yóm gónó le gel mtem insinsu bè yó lemen. 17Okóm lolò Asaraya yóm tau hol geta bè yó kem blóng le ebè Dwata elemen, mung du yó kem wolu folò dumuhen blóng ebè Dwata alì lóbô. 18Tódô le ssolu ke Usiya, mon le mò du, “Là kô uu du, Usiya, yóm mtem insinsu ebè Dwata. Kem sfu Libay fen mò du, yó kem tau gel blóng ebè Dwata, kem tau deng hetfing le mò fen mò du yóm nmò ni. Hewai lem yóm Gónô Dwata ni, abay se dengi gemsalà. Là kô nadaten kóm yóm Dwata hol gónó mogot bè yóm nmoem ni.”
19Tey kebut Usiya, ne là kô hlasaen du yóm gónó le gel mtem insinsu nogoten. Okóm yóm igoen mdà bè yó klohok yó kem tau gel blóng ebè Dwata bè solu yóm gónó mtem insinsu lem gónô Dwata, tódô wen des mifù tmowok lem uyóhen. 20Tikóng ton Asaraya, ne yó kem dumuhen gel blóng ebè Dwata yóm des mifù sut béléen yó, tódô kendel hegewà le gu lem yóm Gónô Dwata. Balù se kun, hol kóyóen ke géhél hewà, abay se deng tnafak Dwata. 21Duhen yó, efet katay Usiya yóm tau hol geta sana tolo kwen des mifuen. Nô bè yóm sotu gónô gónó le hemsù du tek sotuhen, ne là kô hfusek le du elem yóm Gónô Dwata. Yóm ngaen boluyen Jutam bud tles mogot yóm kun gónô bong dalang se yó kem tau bè klamang Juda.
22Yó kem dumu nmò Usiya, nbuten bè kbuten efet kól bè sónen, deng gotu snulat Isaya ngà Amus logi. 23Duhen yó, matay Usiya, okóm lemwót bè yóm kwen des mifuen, là kô lebeng le du bè yóm gónó le gel lembeng yó kem dumu tau hol geta, mom lebeng le moni bè yó bè yóm tonok nfun yó kem tau hol geta. Ominen yóm ngaen Jutam bud tles tau hol geta.
Currently Selected:
2 Tutul Israél 26: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
2 Tutul Israél 26
26
Kogot Usiya yóm benwu Juda
1Ominen lemwót yóm kdéen tau bè Juda, nmò le Usiya yóm ngà Amasaya logi hanà sfolò nem halayen mò tau hol geta bélê le mò tles maen. 2Kogol katay maen, bud nwa Usiya yóm benwu Ilat anì bud snakuf Juda, ne bud hen-gulék hefdaen. 3Hanà sfolò nem he halay Usiya yóm kbalingen tau hol geta, ne yó kegenen mogot benwu, botong limu folò lewu halay, ne bè Jirusalim gónón nô. Yó boluy yéen, Jikulaya libun lemwót bè Jirusalim. 4Nmò Usiya yóm hyu bè kton Dwata du, lómón yóm kun nmò Amasaya yóm kun mà. 5Bè yóm hanà tolo kegenen du Sikaraya, yóm tau tendo hlolò du ke Usiya yóm klikò ke Dwata, són Dwata gónó Usiya smalig. Yóm igoen tendo smalig ke Dwata, tey wen uléken yóm kdê nmoen.
6Deng mit sfatay bè yó kem Flistin, ne gotu genbaen yóm beng hmilol Gat ne hmilol Jabni ne hmilol Asdod hono syudad yó kem Flistin. Ominen wen kem lomi syudad bud hefdaen moni bè Asdod ne bè yó kem dumu benwu bè Flistin. 7Là són du yó gónó Dwata tmóbóng du bè yóm kwiten sgida bè yó kem Flistin, okóm bud tnóbóngen snéen bè yóm kwiten sgida bè yó kem tau Arab menwu bè benwu Gur-baal, ne bud bè yóm kwiten sgida bè yó kem tau Munayt. 8Gel le mayad bwis bè Usiya ket halay yó kem tau Amon. Yóm tey któtól Usiya botong gefet bè Idyip lemwót bè yóm deng tey kfasangen.
9Wen kem gónô geta alì mbegel mò gónô mentey hefdà Usiya bè kem bak tikeb bè Jirusalim, hefdaen bè Bak Tikeb bè Sokok Beng, ne Bak Tikeb bè Datal, ne bè Bak Tikeb gónón Sigol Beng, gotu hefdaen. 10Wen se kem gónô geta mbegel hefdaen ditu bè yóm benwu laen hol wen tauhen,#26:10 Yó muhen du yó kem gónô geta hefdaen yó mò gónó le mentey yó kem ógófen. ne tey wen kem kokol hokolen bè yó snéen, abay se tey wen kem ógófen nô bè yó kem but bulul bè Juda ne bè yó kem datalen. Tey móyô mò nmò bè tonok snéen. Tey wen kem tau mò nmò béléen mò semgifà yó kem huluhen ne yó kem gónón hmulu grép bè yó kem but bulul ne bè yó kem gónón hyu tonok.
11Yóm Husiya, tey wen kem sendaluen, hono kem sendalù deng alì megtolok bè gida, ne deng le eles htifes ebè gida, ne nólólen lu bè hilu lumbuk. Yó kem tey sendalù wen alì hulung mit sgida yó, Jiyél fen tmolok kul yóm fen smulat bè yó kem sendalù, ne Amasaya yóm smugung béléen. Yó fen malak kul, duhen Hananiya yóm sotu genlal yóm tau hol geta. 12Yó kwen yó kem kmandér bè yó kem sendalù alì layam bè gida, botong lewu libu nem latu kdê le lemwót bè ket tbong yó kem tau Israél. 13Ne yó kem sendalù nalak le, botong tlu latu hitu libu bud limu latu kdê le. Deng le eles htifes mung bè yóm tau hol geta mit sgida bè yó kem hohonen. 14Yóm kdê le, sket benlay Usiya lu klung, ne buyus, ne sloung ne onit, ne boho, ne kem botu mò ubat hasut. 15Wen kem mekina hmò Usiya yó kem tau alì hulung mò mekina suen ta yó kem gónô geta hdaen bè yó kem sokok beng hmilol Jirusalim mò fen gemtì ne mò tmudà yó kem botu lembang. Lemwót bè yóm tey któbóng Dwata ke Usiya, botong gefet ebè klamangen yóm tey któtólen ne yóm tey kfasangen.
Kegsalà Usiya ne yóm ktafak Dwata du
16Okóm tikóng deng mbegel kegetahen, deng mom baling hegmón, ne yó se mit du btang. Deng gemsalà bè yóm Dwata kun gónó mogot lanen husek elem Gónô Dwata, ne tódô mtem insinsu ta yóm gónó le gel mtem insinsu bè yó lemen. 17Okóm lolò Asaraya yóm tau hol geta bè yó kem blóng le ebè Dwata elemen, mung du yó kem wolu folò dumuhen blóng ebè Dwata alì lóbô. 18Tódô le ssolu ke Usiya, mon le mò du, “Là kô uu du, Usiya, yóm mtem insinsu ebè Dwata. Kem sfu Libay fen mò du, yó kem tau gel blóng ebè Dwata, kem tau deng hetfing le mò fen mò du yóm nmò ni. Hewai lem yóm Gónô Dwata ni, abay se dengi gemsalà. Là kô nadaten kóm yóm Dwata hol gónó mogot bè yóm nmoem ni.”
19Tey kebut Usiya, ne là kô hlasaen du yóm gónó le gel mtem insinsu nogoten. Okóm yóm igoen mdà bè yó klohok yó kem tau gel blóng ebè Dwata bè solu yóm gónó mtem insinsu lem gónô Dwata, tódô wen des mifù tmowok lem uyóhen. 20Tikóng ton Asaraya, ne yó kem dumuhen gel blóng ebè Dwata yóm des mifù sut béléen yó, tódô kendel hegewà le gu lem yóm Gónô Dwata. Balù se kun, hol kóyóen ke géhél hewà, abay se deng tnafak Dwata. 21Duhen yó, efet katay Usiya yóm tau hol geta sana tolo kwen des mifuen. Nô bè yóm sotu gónô gónó le hemsù du tek sotuhen, ne là kô hfusek le du elem yóm Gónô Dwata. Yóm ngaen boluyen Jutam bud tles mogot yóm kun gónô bong dalang se yó kem tau bè klamang Juda.
22Yó kem dumu nmò Usiya, nbuten bè kbuten efet kól bè sónen, deng gotu snulat Isaya ngà Amus logi. 23Duhen yó, matay Usiya, okóm lemwót bè yóm kwen des mifuen, là kô lebeng le du bè yóm gónó le gel lembeng yó kem dumu tau hol geta, mom lebeng le moni bè yó bè yóm tonok nfun yó kem tau hol geta. Ominen yóm ngaen Jutam bud tles tau hol geta.
© 2007, Wycliffe Bible Translators, Inc. All rights reserved.