2 Tutul Israél 2
2
Eles kehtifes Selumun bè kehdaen yóm Gónô Dwata
(1 Bok Kem Tau Hol Geta 5:1-18)
1Yó hendem Selumun, deng kól ne yóm kdaw kehdaen du yóm Gónô Dwata ne yóm bud kehdaen du yóm kun gónô bong. 2Botong hitu folò libu kem tau sentifunen mò hmoen balù kihu kay nmò, ne wolu folò libu kem tau mò kemleng botu lem bulul, ne tlu libu nem latu kem tau mò malak yó kem tau mò nmò. 3Omin Selumun hemwit udél ebè Hiram yóm tau hol geta bè Tayal, monen,
“Ke yó dum hyu béléem, henwitem ou koyu sidar, lómón yóm tehe hwitem ebè Dabid yóm mau, bè yóm tehe kehdaen yóm gónô bongen. 4Móyón hdau ne yóm Gónô Dwata mò mit yóm kun boluy, yóm sana dou Dwata hol gónó mogot. Hetfing me ebéléen yóm gónô yó mò gónó me mtem insinsu mò hboo me ebéléen, ne mò gónó me hmasà du ebéléen yóm mambang gel blay me du. Bè yó snéen gónó me demsù ebéléen yó kem dsù hkekeb me ebéléen ket hlafus ne ket kimel, dalang se yóm dsù me bè Kdaw Kehegnô, ne bè yóm kdaw kehligal me bè lomi bulón, ne bè yó kem dumu kdaw gel kehligal me deng hmò Dwata kum yóm sana kum Dwata hol gónó mogot. Deng kehloloen yó kem tau Israél nim ni, ne laen kô dù tul sónen yóm kehloloen du kul.
5Yóm gónô hdau yó, angat tey ktiloben, abay se yóm kum Dwata, du se hol geta senta yóm kdéen dwata lennged. 6Okóm tau du de gembek hemdà béléen gónô? Balù yó hem longit hol geta, là kóen na a kóyów béléen. Tmau do de tô hemdà béléen Gónô? Yó olo gbek hdau yóm mò gónó hkekeb ebéléen yó kem dsù.
7Duhen yó, ke hyu béléem, henwitem ou tau wen kenhulungen bè tahu blówón ne bè blówón bukay ne bè tembaga ne bè bala tók. Bud henwitem ou snéen tau hulung metek tila nes megem hulô, ne hulô ne ginggung, tau hulung temwil. Slomong bè yó kem tau bè Juda ne bè Jirusalim, kem tau wen kenhulung le tehe deng nélék Dabid yóm mau. 8Ke yó dum bud hyu béléem, henwitem ou kem koyu sidar ne kem koyu siprus ne kem koyu almug lemwót bè Libanun, abay se tngónu yó kem tauhem, tey le hulung mofok koyu. Mung le kul yó kem dou tau anì tnóbóng le lu 9mofok yó kem tey koyu wen, yakà teyen bong ne tilob yóm Gónô Dwata hdau. 10Snukéyu yó kem tauhem mofok koyu lematu libu abì bong msó halay wit, ne bud lematu libu abì halay barli. Snukéyu lu lematu bud sfolò libu galun tifas grép, ne bud lematu sfolò libu galun hnolo ulib.”
11Omin Hiram yóm tau hol geta bè Tayal malà ke Selumun bè sulaten, monen,
“Lemwót bè yóm kbong nawa Dwata yó kem tauhen, yó gónón mò kóm tau hol geta bélê le. 12Hol megdóyón yóm Dwata yó kem tau Israél yóm Dwata mò longit ne tonok. Deng blayen ke Dabid yóm ngaen logi alì hulung hedem, ne dê kenhulungen lelen hulung temnef. Du se hemdà yóm Gónô Dwata, dalang se yóm kun gónô bong.
13Hwitu ebéléem Huram-abi tau alì wen kenhulungen. 14Yóm yéen, libun lemwót bè Dan bè Israél, ne maen lemwót bè Tayal. Tey wen kenhulungen bè tahu blówón ne bè blówón bukay ne bè tembaga ne bè bala tók. Ne bud hulung kemleng botu kkólen bè kfal, ne wen kenhulungen bè kmoen nes megem hulô ne ginggung ne yó kem tila molung bukay alì tilob bè yó kem newel. Tey wen kenhulungen bè yó kem nmò tenwil ne gbeken lemolò du kihu betek hmoem du. Slomong bè yó kem tauhem wen kenhulung le, ne yó kem tau deng nélék Dabid yóm kóm mà, yóm dou amo.
15Duhen yó, hwitem ebè yóm tóbóng lówóhem yóm halay wit ne halay barli deng monem, dalang se yóm hnolo ulib ne tifas grép. 16Nofok me béléem yóm koyu wen muhem du lemwót bè yó kem bulul bè Libanun. Nfét me lu, ne hkonul me lemwót bè Mohin Miditiranyan kól bè Jupa. Ne bè yó gónóm mangay du anì nwitem ebè Jirusalim.”
17Omin Selumun gotu hlista kul yóm kdê tólóng tau menwu bè Israél, lómón yóm tehe kehlista maen kul. Ne yó kwen le, botong lematu limu folò tlu libu bud nem latu. 18Hitu folò libu bélê le hmoen balù kihu kay nmò, ne wolu folò libu mò kemleng botu lem bulul, ne yóm tlu libu nem latu nmoen mò malak kul.
Là gomongen bè nili yóm tsaptér 3 ne yóm tsaptér 4. Yó tulónen bè tsaptér 3 yóm kbong ne klamang yóm Gónô Dwata hdà le, ne kbong yó kem dfél nô lemen. Tulónen snéen yó kem tahu blówón ne blówón bukay ne kem botu mebtes lafin ne klóón yóm Gónô Dwata. Yó tulónen bè tsaptér 4, yóm kdê nmò le sù le bè yóm Gónô Dwata, lómón kem lemisa, ne kem soloken, ne yó kem dumuhen, bede hono lenafin tahu blówón. Ke móyói semfala du, tenngelem bè Tanay Bok Kem Tau Geta 6:1-38.
Currently Selected:
2 Tutul Israél 2: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
2 Tutul Israél 2
2
Eles kehtifes Selumun bè kehdaen yóm Gónô Dwata
(1 Bok Kem Tau Hol Geta 5:1-18)
1Yó hendem Selumun, deng kól ne yóm kdaw kehdaen du yóm Gónô Dwata ne yóm bud kehdaen du yóm kun gónô bong. 2Botong hitu folò libu kem tau sentifunen mò hmoen balù kihu kay nmò, ne wolu folò libu kem tau mò kemleng botu lem bulul, ne tlu libu nem latu kem tau mò malak yó kem tau mò nmò. 3Omin Selumun hemwit udél ebè Hiram yóm tau hol geta bè Tayal, monen,
“Ke yó dum hyu béléem, henwitem ou koyu sidar, lómón yóm tehe hwitem ebè Dabid yóm mau, bè yóm tehe kehdaen yóm gónô bongen. 4Móyón hdau ne yóm Gónô Dwata mò mit yóm kun boluy, yóm sana dou Dwata hol gónó mogot. Hetfing me ebéléen yóm gónô yó mò gónó me mtem insinsu mò hboo me ebéléen, ne mò gónó me hmasà du ebéléen yóm mambang gel blay me du. Bè yó snéen gónó me demsù ebéléen yó kem dsù hkekeb me ebéléen ket hlafus ne ket kimel, dalang se yóm dsù me bè Kdaw Kehegnô, ne bè yóm kdaw kehligal me bè lomi bulón, ne bè yó kem dumu kdaw gel kehligal me deng hmò Dwata kum yóm sana kum Dwata hol gónó mogot. Deng kehloloen yó kem tau Israél nim ni, ne laen kô dù tul sónen yóm kehloloen du kul.
5Yóm gónô hdau yó, angat tey ktiloben, abay se yóm kum Dwata, du se hol geta senta yóm kdéen dwata lennged. 6Okóm tau du de gembek hemdà béléen gónô? Balù yó hem longit hol geta, là kóen na a kóyów béléen. Tmau do de tô hemdà béléen Gónô? Yó olo gbek hdau yóm mò gónó hkekeb ebéléen yó kem dsù.
7Duhen yó, ke hyu béléem, henwitem ou tau wen kenhulungen bè tahu blówón ne bè blówón bukay ne bè tembaga ne bè bala tók. Bud henwitem ou snéen tau hulung metek tila nes megem hulô, ne hulô ne ginggung, tau hulung temwil. Slomong bè yó kem tau bè Juda ne bè Jirusalim, kem tau wen kenhulung le tehe deng nélék Dabid yóm mau. 8Ke yó dum bud hyu béléem, henwitem ou kem koyu sidar ne kem koyu siprus ne kem koyu almug lemwót bè Libanun, abay se tngónu yó kem tauhem, tey le hulung mofok koyu. Mung le kul yó kem dou tau anì tnóbóng le lu 9mofok yó kem tey koyu wen, yakà teyen bong ne tilob yóm Gónô Dwata hdau. 10Snukéyu yó kem tauhem mofok koyu lematu libu abì bong msó halay wit, ne bud lematu libu abì halay barli. Snukéyu lu lematu bud sfolò libu galun tifas grép, ne bud lematu sfolò libu galun hnolo ulib.”
11Omin Hiram yóm tau hol geta bè Tayal malà ke Selumun bè sulaten, monen,
“Lemwót bè yóm kbong nawa Dwata yó kem tauhen, yó gónón mò kóm tau hol geta bélê le. 12Hol megdóyón yóm Dwata yó kem tau Israél yóm Dwata mò longit ne tonok. Deng blayen ke Dabid yóm ngaen logi alì hulung hedem, ne dê kenhulungen lelen hulung temnef. Du se hemdà yóm Gónô Dwata, dalang se yóm kun gónô bong.
13Hwitu ebéléem Huram-abi tau alì wen kenhulungen. 14Yóm yéen, libun lemwót bè Dan bè Israél, ne maen lemwót bè Tayal. Tey wen kenhulungen bè tahu blówón ne bè blówón bukay ne bè tembaga ne bè bala tók. Ne bud hulung kemleng botu kkólen bè kfal, ne wen kenhulungen bè kmoen nes megem hulô ne ginggung ne yó kem tila molung bukay alì tilob bè yó kem newel. Tey wen kenhulungen bè yó kem nmò tenwil ne gbeken lemolò du kihu betek hmoem du. Slomong bè yó kem tauhem wen kenhulung le, ne yó kem tau deng nélék Dabid yóm kóm mà, yóm dou amo.
15Duhen yó, hwitem ebè yóm tóbóng lówóhem yóm halay wit ne halay barli deng monem, dalang se yóm hnolo ulib ne tifas grép. 16Nofok me béléem yóm koyu wen muhem du lemwót bè yó kem bulul bè Libanun. Nfét me lu, ne hkonul me lemwót bè Mohin Miditiranyan kól bè Jupa. Ne bè yó gónóm mangay du anì nwitem ebè Jirusalim.”
17Omin Selumun gotu hlista kul yóm kdê tólóng tau menwu bè Israél, lómón yóm tehe kehlista maen kul. Ne yó kwen le, botong lematu limu folò tlu libu bud nem latu. 18Hitu folò libu bélê le hmoen balù kihu kay nmò, ne wolu folò libu mò kemleng botu lem bulul, ne yóm tlu libu nem latu nmoen mò malak kul.
Là gomongen bè nili yóm tsaptér 3 ne yóm tsaptér 4. Yó tulónen bè tsaptér 3 yóm kbong ne klamang yóm Gónô Dwata hdà le, ne kbong yó kem dfél nô lemen. Tulónen snéen yó kem tahu blówón ne blówón bukay ne kem botu mebtes lafin ne klóón yóm Gónô Dwata. Yó tulónen bè tsaptér 4, yóm kdê nmò le sù le bè yóm Gónô Dwata, lómón kem lemisa, ne kem soloken, ne yó kem dumuhen, bede hono lenafin tahu blówón. Ke móyói semfala du, tenngelem bè Tanay Bok Kem Tau Geta 6:1-38.
© 2007, Wycliffe Bible Translators, Inc. All rights reserved.