ZAKHARIA 7
7
Ki Tuhan noningkuḻe kon puasa inta diá totuu
1Kon singgai inggopatnea kon buḷan Kislew, inta buḷan noginsiow, kon taong inggopatnea kon pinomarentaan i Datu Darius, ki Tuhan nobogoi in koyow bui kon inakó.
2Intau in Betel ain nopotabá kon i Sarezer bo kon i Regem-Melekh takin intau monia minayá in Baḷoi i Tuhan Inta Totok in mokawasa sin mopoigum in barakat-Nea. 3Mosia in pinotabá doman noḻibó kon imang mita bo nabi mita, nanaa, “Paraḷupa degá in kami mogamui kon kinorimumudan in Baḷoi i Tuhan takin mopuasa kon pomuḷoi in buḷan noginḻima ná inta ain inaidanmai nami kon taongannea?”
4Naa in koyow i Tuhan inta namangoi kon inakó. 5Kai-Nia, “Potaaudon kon bayongan intau kon butá tanaa bo kon imang mita, kon puasa bo amui inta pinobayá monia kon buḷan noginḻima bo noginpitu kon bonu in pitu notaong naa deemanbí mohoromat kon i-Nakó. 6Natua doman kon dodai in mosia nongaan bo nonginum, mosia in tongábí mopoorop in ibog monia tontaní.”
7Tuata in siningog i Tuhan pinongin nabi mita kon tungkuḷ intua kon dodai in Yerusalem inutunanpa bo intaunea in nobiagpa notomomon. Kon dodai intua intau in diábí tongá mogutun kon ḻipú mita kon diugmai in kotá táe nodapotbí in kon dotá in toḷatan bo kon obagaanmai in tombuḷud kon dotá in toyopan.
Pinomaḻidawan nokopopisí kon pinoḷumbúan
8Ki Tuhan Inta Totok in mokawasa nobogoi in koyow tanaa kon inakó, 9“Kon taong mita inta ain noitaḻib inogoi-Ku in parenta tanaa kon umat-Ku, ‘Moiko in mustibí mokopoadil, kototabi bo mopia in gina kon tumpaḷa intau. 10Dikabí mondorot kon intau boba-bobay, adí uno-unon, intau mita ango-angoi inta nogutun kon yua-yuak monimu, andeka ki ineka in nobiag noyempeng. Bo dika doman monomayá kon moraat kon tumpaḷa intau.’
11Táe umat-Ku motontogat in uḷu bo totokbí in doí mokidongog; mosia in nomaḷon kon bongoḷan monia sinbá diá mokodongog. 12Mosia in sinumontogat dá gina monia in nádon onda bo batu. Akuoi in sinumorú totok popisí in mosia doídon dumudui kon totundú mita inta inogoi-Kudon kon i monia pinongin nabi mita dungkuḷmai. 13Akuoi in doíbí notubag kon sambayang monia, sin mosia doman in doí mokidongog kon tungkuḷ in Akuoi nosingog. 14Naonda bo deḷang, Akuoi in nongaitdon kon i monia dá pakisadon in mosia nogutun kon butá mita in intau. Butá inta mopia tanaa ain nobaḻí noingongow diádon in mogogutun bo noḷogatdon.”
Currently Selected:
ZAKHARIA 7: INOMOG
Highlight
Copy
Compare
Share
Want to have your highlights saved across all your devices? Sign up or sign in
Alkitab Singog In Mongondow Masa In Tanaa © Indonesian Bible Society, 2016.
ZAKHARIA 7
7
Ki Tuhan noningkuḻe kon puasa inta diá totuu
1Kon singgai inggopatnea kon buḷan Kislew, inta buḷan noginsiow, kon taong inggopatnea kon pinomarentaan i Datu Darius, ki Tuhan nobogoi in koyow bui kon inakó.
2Intau in Betel ain nopotabá kon i Sarezer bo kon i Regem-Melekh takin intau monia minayá in Baḷoi i Tuhan Inta Totok in mokawasa sin mopoigum in barakat-Nea. 3Mosia in pinotabá doman noḻibó kon imang mita bo nabi mita, nanaa, “Paraḷupa degá in kami mogamui kon kinorimumudan in Baḷoi i Tuhan takin mopuasa kon pomuḷoi in buḷan noginḻima ná inta ain inaidanmai nami kon taongannea?”
4Naa in koyow i Tuhan inta namangoi kon inakó. 5Kai-Nia, “Potaaudon kon bayongan intau kon butá tanaa bo kon imang mita, kon puasa bo amui inta pinobayá monia kon buḷan noginḻima bo noginpitu kon bonu in pitu notaong naa deemanbí mohoromat kon i-Nakó. 6Natua doman kon dodai in mosia nongaan bo nonginum, mosia in tongábí mopoorop in ibog monia tontaní.”
7Tuata in siningog i Tuhan pinongin nabi mita kon tungkuḷ intua kon dodai in Yerusalem inutunanpa bo intaunea in nobiagpa notomomon. Kon dodai intua intau in diábí tongá mogutun kon ḻipú mita kon diugmai in kotá táe nodapotbí in kon dotá in toḷatan bo kon obagaanmai in tombuḷud kon dotá in toyopan.
Pinomaḻidawan nokopopisí kon pinoḷumbúan
8Ki Tuhan Inta Totok in mokawasa nobogoi in koyow tanaa kon inakó, 9“Kon taong mita inta ain noitaḻib inogoi-Ku in parenta tanaa kon umat-Ku, ‘Moiko in mustibí mokopoadil, kototabi bo mopia in gina kon tumpaḷa intau. 10Dikabí mondorot kon intau boba-bobay, adí uno-unon, intau mita ango-angoi inta nogutun kon yua-yuak monimu, andeka ki ineka in nobiag noyempeng. Bo dika doman monomayá kon moraat kon tumpaḷa intau.’
11Táe umat-Ku motontogat in uḷu bo totokbí in doí mokidongog; mosia in nomaḷon kon bongoḷan monia sinbá diá mokodongog. 12Mosia in sinumontogat dá gina monia in nádon onda bo batu. Akuoi in sinumorú totok popisí in mosia doídon dumudui kon totundú mita inta inogoi-Kudon kon i monia pinongin nabi mita dungkuḷmai. 13Akuoi in doíbí notubag kon sambayang monia, sin mosia doman in doí mokidongog kon tungkuḷ in Akuoi nosingog. 14Naonda bo deḷang, Akuoi in nongaitdon kon i monia dá pakisadon in mosia nogutun kon butá mita in intau. Butá inta mopia tanaa ain nobaḻí noingongow diádon in mogogutun bo noḷogatdon.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Alkitab Singog In Mongondow Masa In Tanaa © Indonesian Bible Society, 2016.