MATIUS 6
6
Tonggina kon pobobogoi in sadaka
1 #
Mat. 23:5
“Pokotoropdon, donaai moiko mogaid kon onu inta pinarenta in agamamu kon tayowon intau sinbá koontongan monia. Sin aka natua yo diábí in mangaḻenea, bo ki Amámu inta kon soroga in doíbí in natua.
2Sin tuamai, aka iko bo mobogoi in sadaka, donaaibí muna poguma-guman mako naonda bo oaid in intau mongomunapik kon baḷoi mita pososambayangan bo kon lorong mita sinbá dayowon intau in mosia. Poguman-Kudon kon i monimu: Mosia tua in notarimadon kon bungai in oaid monia tua. 3Táe, aka iko bo mosadaka, yo tugatdon iko in mokotaau. 4Ḷongasi bá diá kotaauan in intau ibanea, koḻikudon ki Amámu kon soroga in monotaau. Sin Sia inta nokoontong kon oaidmu natua in mobogoi bui kon inimu.”
Tonggina pososambayang
(Luk. 11:2-4)
5 #
Luk. 18:10-14
“Bo aka moiko mosambayang, donaai mosambayang ná oaid in intau momunapik. Mosia in simindog bo mosambayang kon baḷoi pososambayangan bo kon poyotangaan in daḷan sinbá ontongon in intau in oaid monia tua. Poguman-Ku kon imonimu, aindon nouḻí monia in onu inta kinoibog monia. 6Táe aka iko bo mosambayang, tuotdon kon gopot, bo kunsíai in ḷoḻingkop bodongka mosambayang kon i Amámu inta kon tampat noibuni. Dá ki Amámu inta nokoontong kon inimu in mobogoibí kon onu inta koibogmu.
7Ná doman tua aka iko mosambayang, yo donaaidon ḷanggo-ḷanggóon naonda bo kabiasaan in intau inta diá nonotaau kon i Allah. Sin sinangka monia aka sambayang bo moḷanggó yo tua in tarimaan i Tuhan. 8Manangka intua yo donaaidon moiko dumudui kon oaid monia. Sin kotaauanbí i Amámu onu in paraḷumu, wakutu in moiko diápa moigum kon i-Nia. 9Tuamai aka moiko bo mosambayang yo singogdon naa:
‘O Allah, Amá nami inta kon soroga,
tongábí Iko in ki Allah
inta sinumba bo inta dayo-dayowon nami.
10Ikobí in Datu nami.
Igumon mako Iko in momarenta kon dunia naa,
bo inta koibog-Mu in duduian naonda bo kon soroga.
11Ogoiaidon kaanon in kami in singgai naa,
inta tugat kon inami.#6:11: inta tugat kon inami: ande pakéon ikoḷom; ande pakéon muḷoi in singgai.
12Bo ampungaidon taḷá nami,
ná doman kami ain nongampung kon intau
inta kotaḷá kon inami.
13Donaaidon pomayá mako in kami kobuḻian in pirisaya kon dodai in kami koantugan in totungkuḷ,
táe pilataidon in kami nongkon kawasa i inta Moraat!
[Sin Ikobí in Datu inta mokawasa bo momulia dapot in mononoi. Amin.]’
14 #
Mrk. 11:25-26
Aka moiko bo moibog mongampung kon taḷá in intau, yo ki Amá monimu inta kon soroga in mongampungbí doman kon taḷámu. 15Táe aka moiko bo diá mongampung kon taḷá in intau kon i monimu, yo ki Amámu in doí doman mongampung kon taḷámu.”
Tonggina popopuasa
16“Aka moiko bo mopuasa, yo donaaibí popokantara kon pogotmu ná intau mita inta mongomunapik. Imonia in popokantarabí kon pogot monia, sinbá kotaauan in intau kon mosia in koyogot mopuasa. Poguman-Ku kon inimu, tuadon bungainea kon i monia. 17Táe aka moiko bo mopuasa, yo pogiminyabí bo pongiamot, 18sinbá diá kotaauan in intau kon iko in koyogot mopuasa, pomayádon mako sinbá tongá ki Amámu inta kon tampat noiadop in mokotaau. Bo Sia inta nokotaau kon inta oaidmu noibuni tatua mobogoi kon onu inta sinayakmu.”
Pososipun kon Kapunyaan
(Luk. 12:33-34)
19 #
Yak. 5:2-3
“Donaaidon moiko mosipun kon kapunyaan kon dunia, sin poguyaaton in sisik bo kaḻiotá, ná doman tua, mononakow mamangoi momulingkar bo monakow. 20Manangka, intua posipundon maní kon kapunyaan kon soroga, sin kon soroga diábí in sisik bo kaḻiotá inta momoguyaat, ná doman tua, kon tua diábí in mononakow inta mamangoi momulingkar poḷat monakow. 21Kon onda in kapunyaanmu, kon tua doman in ginamu!”
Bayag in awak
(Luk. 11:34-36)
22 #
Luk. 11:34-36
“Mata naa togá in awak. Aka matamu bo mopia, yo mobayag doman in bayongan awakmu. 23Táe aka matamu bo moraat, yo mosindip doman in bayongan awakmu. Dá aka togá kon inimu bo mopiongdon, yo mosindipdon totok in doḷom tatua!”
Ki Allah bo kapunyaan in dunia
(Luk. 16:13, 12:22-31)
24“Diábí in tobatúmai intau in motaau monontuang kon doyowa. Sin aka natua, yo tongábí tobatú in kotabinea, yo tobatú in diábí kotabinea, andeka tongábí tobatú in duduiannea, yo tobatú in diábí. Moiko in diábí motaau mobantung kon i Allah bo kon kapunyaanmu.
25Manangka intua Akuoi in moguman kon inimu: donaaidon mohawatir kon kobobiagmu, kon onu inta kaanonmu andeka inumonmu, bo onu in pakéonmu. Sin mobiagbí in moponti-ponting nongkon kaanon andeka pakeang? 26Indoiaidon in ḷagapan mita. Mosia tua in diábí nomuḷa, bo nokoyut, bo diábí doman nosipun kon bungai in pinomuḷa kon bonu in ontag. Táe mosia inogoianbí doman in kaanon i Amámu inta kon soroga! Degá diápa kinotaauan monimu kon moiko in noiḻiubí nongkon ḷagapan mita tatua? 27Oyúon degá intau kon sigad monimu inta popisí in mohawatir, dá sia in modugang kon umurnea biar tongá topiḻikmai?#6:27 modugang kon umurnea biar tongá topiḻikmai?: andeka modugang moḷantud umpaka tongá topiḻik.
28Bo nongonu sin moiko in mohawatirbí kon onu in pakéon monimu? Ḻiḻiaika totok in bungang mita. Mosia in nobiag, bo diábí kon dodai in onda in nogaid bo diá doman kon dodai in onda in nodagum; 29#Dat.1. 10:4-7; Taw.2. 9:3-6 táe poguman-Kudon kon i monimu ki Salomo in nobiag nooyúon totok táe diábí kon dodai onda in nogiḷambung ná kogaga in bungang mita tatua! 30Dá aka ki Allah bo nobogoi kon inta mopia kon bungang mita inta singgai naa oyúon bo ikoḷom in tubáan. Yo tantú moikobí in kotabi-tabi-Nea! Táe moiko in diá totok mopirisaya! 31Tuamai moiko in donaaidon mohawatir bo poḷat mosingog nanaa, ‘Onu in kaanon nami’ andeka ‘onu in inumon nami’ andeka ‘onu in pakéon nami’? 32Tua komintan tayakon doman in intau mita inta diá mopirisaya kon i Allah. Bo kinotaauanbí doman i Allah kon paraḷuonbí doman monimu intua komintan. 33Táe, tayakpa muna in ki Allah bo aidaidon onu inta kinoibog-Nea. Dá komintan tua in ogoi-Neabí doman kon inimu. 34Manangka intua, donaaidon mohawatir moiko kon singgai ikoḷom. Sin singgai ikoḷom torupabí doman in roriganea. Roriga singgai naa tugatdon, donaaidon dugangan in roriganea.”
Currently Selected:
MATIUS 6: INOMOG
Highlight
Share
Copy
Want to have your highlights saved across all your devices? Sign up or sign in
Alkitab Singog In Mongondow Masa In Tanaa © Indonesian Bible Society, 2016.
MATIUS 6
6
Tonggina kon pobobogoi in sadaka
1 #
Mat. 23:5
“Pokotoropdon, donaai moiko mogaid kon onu inta pinarenta in agamamu kon tayowon intau sinbá koontongan monia. Sin aka natua yo diábí in mangaḻenea, bo ki Amámu inta kon soroga in doíbí in natua.
2Sin tuamai, aka iko bo mobogoi in sadaka, donaaibí muna poguma-guman mako naonda bo oaid in intau mongomunapik kon baḷoi mita pososambayangan bo kon lorong mita sinbá dayowon intau in mosia. Poguman-Kudon kon i monimu: Mosia tua in notarimadon kon bungai in oaid monia tua. 3Táe, aka iko bo mosadaka, yo tugatdon iko in mokotaau. 4Ḷongasi bá diá kotaauan in intau ibanea, koḻikudon ki Amámu kon soroga in monotaau. Sin Sia inta nokoontong kon oaidmu natua in mobogoi bui kon inimu.”
Tonggina pososambayang
(Luk. 11:2-4)
5 #
Luk. 18:10-14
“Bo aka moiko mosambayang, donaai mosambayang ná oaid in intau momunapik. Mosia in simindog bo mosambayang kon baḷoi pososambayangan bo kon poyotangaan in daḷan sinbá ontongon in intau in oaid monia tua. Poguman-Ku kon imonimu, aindon nouḻí monia in onu inta kinoibog monia. 6Táe aka iko bo mosambayang, tuotdon kon gopot, bo kunsíai in ḷoḻingkop bodongka mosambayang kon i Amámu inta kon tampat noibuni. Dá ki Amámu inta nokoontong kon inimu in mobogoibí kon onu inta koibogmu.
7Ná doman tua aka iko mosambayang, yo donaaidon ḷanggo-ḷanggóon naonda bo kabiasaan in intau inta diá nonotaau kon i Allah. Sin sinangka monia aka sambayang bo moḷanggó yo tua in tarimaan i Tuhan. 8Manangka intua yo donaaidon moiko dumudui kon oaid monia. Sin kotaauanbí i Amámu onu in paraḷumu, wakutu in moiko diápa moigum kon i-Nia. 9Tuamai aka moiko bo mosambayang yo singogdon naa:
‘O Allah, Amá nami inta kon soroga,
tongábí Iko in ki Allah
inta sinumba bo inta dayo-dayowon nami.
10Ikobí in Datu nami.
Igumon mako Iko in momarenta kon dunia naa,
bo inta koibog-Mu in duduian naonda bo kon soroga.
11Ogoiaidon kaanon in kami in singgai naa,
inta tugat kon inami.#6:11: inta tugat kon inami: ande pakéon ikoḷom; ande pakéon muḷoi in singgai.
12Bo ampungaidon taḷá nami,
ná doman kami ain nongampung kon intau
inta kotaḷá kon inami.
13Donaaidon pomayá mako in kami kobuḻian in pirisaya kon dodai in kami koantugan in totungkuḷ,
táe pilataidon in kami nongkon kawasa i inta Moraat!
[Sin Ikobí in Datu inta mokawasa bo momulia dapot in mononoi. Amin.]’
14 #
Mrk. 11:25-26
Aka moiko bo moibog mongampung kon taḷá in intau, yo ki Amá monimu inta kon soroga in mongampungbí doman kon taḷámu. 15Táe aka moiko bo diá mongampung kon taḷá in intau kon i monimu, yo ki Amámu in doí doman mongampung kon taḷámu.”
Tonggina popopuasa
16“Aka moiko bo mopuasa, yo donaaibí popokantara kon pogotmu ná intau mita inta mongomunapik. Imonia in popokantarabí kon pogot monia, sinbá kotaauan in intau kon mosia in koyogot mopuasa. Poguman-Ku kon inimu, tuadon bungainea kon i monia. 17Táe aka moiko bo mopuasa, yo pogiminyabí bo pongiamot, 18sinbá diá kotaauan in intau kon iko in koyogot mopuasa, pomayádon mako sinbá tongá ki Amámu inta kon tampat noiadop in mokotaau. Bo Sia inta nokotaau kon inta oaidmu noibuni tatua mobogoi kon onu inta sinayakmu.”
Pososipun kon Kapunyaan
(Luk. 12:33-34)
19 #
Yak. 5:2-3
“Donaaidon moiko mosipun kon kapunyaan kon dunia, sin poguyaaton in sisik bo kaḻiotá, ná doman tua, mononakow mamangoi momulingkar bo monakow. 20Manangka, intua posipundon maní kon kapunyaan kon soroga, sin kon soroga diábí in sisik bo kaḻiotá inta momoguyaat, ná doman tua, kon tua diábí in mononakow inta mamangoi momulingkar poḷat monakow. 21Kon onda in kapunyaanmu, kon tua doman in ginamu!”
Bayag in awak
(Luk. 11:34-36)
22 #
Luk. 11:34-36
“Mata naa togá in awak. Aka matamu bo mopia, yo mobayag doman in bayongan awakmu. 23Táe aka matamu bo moraat, yo mosindip doman in bayongan awakmu. Dá aka togá kon inimu bo mopiongdon, yo mosindipdon totok in doḷom tatua!”
Ki Allah bo kapunyaan in dunia
(Luk. 16:13, 12:22-31)
24“Diábí in tobatúmai intau in motaau monontuang kon doyowa. Sin aka natua, yo tongábí tobatú in kotabinea, yo tobatú in diábí kotabinea, andeka tongábí tobatú in duduiannea, yo tobatú in diábí. Moiko in diábí motaau mobantung kon i Allah bo kon kapunyaanmu.
25Manangka intua Akuoi in moguman kon inimu: donaaidon mohawatir kon kobobiagmu, kon onu inta kaanonmu andeka inumonmu, bo onu in pakéonmu. Sin mobiagbí in moponti-ponting nongkon kaanon andeka pakeang? 26Indoiaidon in ḷagapan mita. Mosia tua in diábí nomuḷa, bo nokoyut, bo diábí doman nosipun kon bungai in pinomuḷa kon bonu in ontag. Táe mosia inogoianbí doman in kaanon i Amámu inta kon soroga! Degá diápa kinotaauan monimu kon moiko in noiḻiubí nongkon ḷagapan mita tatua? 27Oyúon degá intau kon sigad monimu inta popisí in mohawatir, dá sia in modugang kon umurnea biar tongá topiḻikmai?#6:27 modugang kon umurnea biar tongá topiḻikmai?: andeka modugang moḷantud umpaka tongá topiḻik.
28Bo nongonu sin moiko in mohawatirbí kon onu in pakéon monimu? Ḻiḻiaika totok in bungang mita. Mosia in nobiag, bo diábí kon dodai in onda in nogaid bo diá doman kon dodai in onda in nodagum; 29#Dat.1. 10:4-7; Taw.2. 9:3-6 táe poguman-Kudon kon i monimu ki Salomo in nobiag nooyúon totok táe diábí kon dodai onda in nogiḷambung ná kogaga in bungang mita tatua! 30Dá aka ki Allah bo nobogoi kon inta mopia kon bungang mita inta singgai naa oyúon bo ikoḷom in tubáan. Yo tantú moikobí in kotabi-tabi-Nea! Táe moiko in diá totok mopirisaya! 31Tuamai moiko in donaaidon mohawatir bo poḷat mosingog nanaa, ‘Onu in kaanon nami’ andeka ‘onu in inumon nami’ andeka ‘onu in pakéon nami’? 32Tua komintan tayakon doman in intau mita inta diá mopirisaya kon i Allah. Bo kinotaauanbí doman i Allah kon paraḷuonbí doman monimu intua komintan. 33Táe, tayakpa muna in ki Allah bo aidaidon onu inta kinoibog-Nea. Dá komintan tua in ogoi-Neabí doman kon inimu. 34Manangka intua, donaaidon mohawatir moiko kon singgai ikoḷom. Sin singgai ikoḷom torupabí doman in roriganea. Roriga singgai naa tugatdon, donaaidon dugangan in roriganea.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Alkitab Singog In Mongondow Masa In Tanaa © Indonesian Bible Society, 2016.