IMAMAT 27
27
Atorang kon inta posumba kon i Tuhan
1Ki Tuhan nobogoi kon i Musa 2in atorang tanaa kon bangusa Israel. Aka intau tobatú pinosumba kon i Tuhan sin motobut kon dandinea inta ain sinantú, yo intau tatua in motaaubí tobutonnea in doit 3-7podudui in boḻinea inta sinantú kon Ḷoḷaigan i Tuhan:
– kon ḻimonik in umur onom nopuḷú notaong:
aka ḷoḷaki mopuḷú bo ḻima in doit saḷaka
bobay mopuḷú in doit saḷaka
– kon sigad in umur doyowa nopuḷú notaong dapot in onom nopuḷú notaong:
ḷoḷaki: ḻima nopuḷú in doit saḷaka
bobay: toḷu nopuḷú in doit saḷaka
– kon sigad in umur ḻima notaong dapot in doyowa nopuḷú notaong:
ḷoḷaki: doyowa nopuḷú in doit saḷaka
bobay: mopuḷú in doit saḷaka
– umur ḻima notaong bo namonag:
ḷoḷaki: ḻima in doit saḷaka
bobay: toḷu in doit saḷaka
8Aka intau inta ain nodandi tatua diá mokosanggup moguboḻi kon boḻi inta ain sinantú tua, dá sia musti modia kon intau inta ain pinosumba kon i Tuhan tua pobayá kon i imang. Ki imang musti monantú kon boḻi inta moona-onag podudui in komampuan intau tatua.
9-10Aka inta pinodandi tua bo mahaḷuk inta motaau kaanon inta motaau tarimaan mobaḻí sosumba kon i Tuhan, intau inta nodandi tatua in diábí motaau moponoḻiu in mahaḷuk ibanea, sin bayongan inta pinosumba kon i Tuhan mobaḻí kapunyaan i Tuhan. Aka toḻiuannea doman, mahaḷuk doyowa tatua tumpaḷadon mobaḻí kapunyaan i Tuhan. 11Táe aka inta pinodandi tatua bo soaḷ mahaḷuk inta haram inta diá motaau tarimaan mobaḻí sosumba kon i Tuhan, intau inta nodandi musti modia kon mahaḷuk tatua kon i imang. 12Ki imang in monantú kon boḻinea podudui in kaadaan in mahaḷuk tatua. Bo boḻi inta sinantú tua in diá bidon motaau baḷuian. 13Aka intau tatua moibog motobut kon biagnea, dá musti uboḻiannea bo dugangan doman in doyowa nopuḷú noporsen.
14Aka intau tobatú moposumba in baḷoinea kon i Tuhan, yo ki imang in musti monantú kon boḻinea podudui in kaadaan in baḷoi tatua. Boḻi inta ain sinantú tatua in diá bidon motaau baḷuian. 15Aka intau tatua moibog motobut kon baḷoinea, yo musti uboḻiannea in boḻinea tatua bo dugangan in doyowa nopuḷú noporsen.
16Aka intau tobatú moposumba in butánea toḷosi kon i Tuhan, yo boḻinea musti tantúon podudui in bibit inta pakéon pomunak kon butá tatua. Aka doyowa nopuḷú nokilo in gandum yo boḻinea in doit saḷaka mopuḷú. 17Aka butá tatua pinosumba pinangkoipa kon taong pinopobuian, yo boḻinea musti uboḻian motompod. 18Aka butá tatua pinosumba naonda in nopaḷut mako in Taong Popobuian, dá ki imang musti monakuser kon boḻinea podudui in koonggot in taong mita inta ki agatnea modapot kon Taong Popobuian inta moidudui, bo monantú kon boḻinea in moona-onag nongkon tua. 19Aka intau inta noposumba in gobá tatua moibog motobut kon tua, yo musti uboḻiannea in tua takin dugangan in doyowa nopuḷú noporsen. 20Aka sia mopotaḷui in gobá tatua táe diá muna tobutonnea kon i Tuhan, yo diá bidon in haknea motobut kon gobánea. 21Kon Taong popobuian moiduduimai, gobá tatua mobaḻídon kapunyaan i Tuhan mononoi, bo ogoidon kon imang mita.
22Aka intau tobatú moposumba kon i Tuhan in gobánea inta sinaḷuinea, 23yo ki imang in musti monakuser kon boḻinea podudui in koonggot in taong modapot kon Taong Popobuian moiduduimai. Bo intau tatua musti moguboḻi kon boḻinea kon singgai doman tatua. Doit tatua mobaḻí kapunyaan i Tuhan. 24Kon Taong Popobuian, gobá tatua in musti pobuion kon i toginea inta muna ande kon buínea.
25Boḻinea komintan musti tantúon podudui in boḻi inta sinantú kon Ḷoḷaigan i Tuhan.
26Biag inta muna pinogadí in mobaḻíbí kapunyaan i Tuhan, dá diábí motaau posumba mobaḻí kuruban ibog tontaní. Adí in sapi, adí in domba ande adí in bembé inta muna pinogadí in kapunyaanbí i Tuhan. 27Táe mahaḷuk haram inta muna pinogadí motaaubí tobuton podudui in boḻi inta sinantú kon Ḷoḷaigan i Tuhan, bo dugangan in doyowa nopuḷú noporsen. Aka diá tobuton in mahaḷuk tatua yo motaaubí in potaḷui kon intau ibanea podudui in boḻi inta ain sinantú kon Ḷoḷaigan i Tuhan.
28 #
Pin. 18:14
Diá tobatúmai in motaau mopotaḷui ande motobut kon onu inta ain sinondínea takin diá in sarat#27:28: sinondí takin diá in sarat: Onukabí in sinondí natua in nobaḻídon kapunyaan i Tuhan, sahingga diádon motaau pakéon bo musti yopúon. kon i Tuhan, pinomayá tua intau, mahaḷuk ande butá. Tua in nobaḻídon kapunyaan i Tuhan mononoi. 29Modapot in intau inta ain sinantú kon i Tuhan inta yopúon yo diábí doman motaau tobuton; sia mustibí ḻimodon.
30 #
Pin. 18:21; Ul. 14:22-29 Mopuḷú noporsen nongkon bungai in boyó, pinomayá gandum ande bungai in ayop mita, tua in kon i Tuhan. 31Aka intau tobatú moibog motobut kon tobotak nongkon bungai in boyó tatua, yo sia in musti moguboḻi kon boḻinea inta ain sinantú bo dugangan in doyowa nopuḷú noporsen. 32Tobatú nongkon biag mopuḷú tua in mobaḻí kapunyaan i Tuhan. Aka biag tatua iapon, dá pomuḷoi in biag inta noginpuḷú mobaḻí kapunyaan i Tuhan. 33Ki togi biag tatua diábí motaau in momiḻí kon onda inta mopia, bo onda inta diá mopia. Bo diábí doman motaau toḻiuannea. Aka toḻiuannea doman, dá biag doyowa tatua tumpaḷadon ki Tuhan in kitogi bo diábí motaau tobuton.
34Tuata in parenta mita inta inogoi i Tuhan kon tudu in Buḷud Sinai kon i Musa sin ogoi kon bangusa Israel.
Currently Selected:
IMAMAT 27: INOMOG
Highlight
Share
Copy
Want to have your highlights saved across all your devices? Sign up or sign in
Alkitab Singog In Mongondow Masa In Tanaa © Indonesian Bible Society, 2016.
IMAMAT 27
27
Atorang kon inta posumba kon i Tuhan
1Ki Tuhan nobogoi kon i Musa 2in atorang tanaa kon bangusa Israel. Aka intau tobatú pinosumba kon i Tuhan sin motobut kon dandinea inta ain sinantú, yo intau tatua in motaaubí tobutonnea in doit 3-7podudui in boḻinea inta sinantú kon Ḷoḷaigan i Tuhan:
– kon ḻimonik in umur onom nopuḷú notaong:
aka ḷoḷaki mopuḷú bo ḻima in doit saḷaka
bobay mopuḷú in doit saḷaka
– kon sigad in umur doyowa nopuḷú notaong dapot in onom nopuḷú notaong:
ḷoḷaki: ḻima nopuḷú in doit saḷaka
bobay: toḷu nopuḷú in doit saḷaka
– kon sigad in umur ḻima notaong dapot in doyowa nopuḷú notaong:
ḷoḷaki: doyowa nopuḷú in doit saḷaka
bobay: mopuḷú in doit saḷaka
– umur ḻima notaong bo namonag:
ḷoḷaki: ḻima in doit saḷaka
bobay: toḷu in doit saḷaka
8Aka intau inta ain nodandi tatua diá mokosanggup moguboḻi kon boḻi inta ain sinantú tua, dá sia musti modia kon intau inta ain pinosumba kon i Tuhan tua pobayá kon i imang. Ki imang musti monantú kon boḻi inta moona-onag podudui in komampuan intau tatua.
9-10Aka inta pinodandi tua bo mahaḷuk inta motaau kaanon inta motaau tarimaan mobaḻí sosumba kon i Tuhan, intau inta nodandi tatua in diábí motaau moponoḻiu in mahaḷuk ibanea, sin bayongan inta pinosumba kon i Tuhan mobaḻí kapunyaan i Tuhan. Aka toḻiuannea doman, mahaḷuk doyowa tatua tumpaḷadon mobaḻí kapunyaan i Tuhan. 11Táe aka inta pinodandi tatua bo soaḷ mahaḷuk inta haram inta diá motaau tarimaan mobaḻí sosumba kon i Tuhan, intau inta nodandi musti modia kon mahaḷuk tatua kon i imang. 12Ki imang in monantú kon boḻinea podudui in kaadaan in mahaḷuk tatua. Bo boḻi inta sinantú tua in diá bidon motaau baḷuian. 13Aka intau tatua moibog motobut kon biagnea, dá musti uboḻiannea bo dugangan doman in doyowa nopuḷú noporsen.
14Aka intau tobatú moposumba in baḷoinea kon i Tuhan, yo ki imang in musti monantú kon boḻinea podudui in kaadaan in baḷoi tatua. Boḻi inta ain sinantú tatua in diá bidon motaau baḷuian. 15Aka intau tatua moibog motobut kon baḷoinea, yo musti uboḻiannea in boḻinea tatua bo dugangan in doyowa nopuḷú noporsen.
16Aka intau tobatú moposumba in butánea toḷosi kon i Tuhan, yo boḻinea musti tantúon podudui in bibit inta pakéon pomunak kon butá tatua. Aka doyowa nopuḷú nokilo in gandum yo boḻinea in doit saḷaka mopuḷú. 17Aka butá tatua pinosumba pinangkoipa kon taong pinopobuian, yo boḻinea musti uboḻian motompod. 18Aka butá tatua pinosumba naonda in nopaḷut mako in Taong Popobuian, dá ki imang musti monakuser kon boḻinea podudui in koonggot in taong mita inta ki agatnea modapot kon Taong Popobuian inta moidudui, bo monantú kon boḻinea in moona-onag nongkon tua. 19Aka intau inta noposumba in gobá tatua moibog motobut kon tua, yo musti uboḻiannea in tua takin dugangan in doyowa nopuḷú noporsen. 20Aka sia mopotaḷui in gobá tatua táe diá muna tobutonnea kon i Tuhan, yo diá bidon in haknea motobut kon gobánea. 21Kon Taong popobuian moiduduimai, gobá tatua mobaḻídon kapunyaan i Tuhan mononoi, bo ogoidon kon imang mita.
22Aka intau tobatú moposumba kon i Tuhan in gobánea inta sinaḷuinea, 23yo ki imang in musti monakuser kon boḻinea podudui in koonggot in taong modapot kon Taong Popobuian moiduduimai. Bo intau tatua musti moguboḻi kon boḻinea kon singgai doman tatua. Doit tatua mobaḻí kapunyaan i Tuhan. 24Kon Taong Popobuian, gobá tatua in musti pobuion kon i toginea inta muna ande kon buínea.
25Boḻinea komintan musti tantúon podudui in boḻi inta sinantú kon Ḷoḷaigan i Tuhan.
26Biag inta muna pinogadí in mobaḻíbí kapunyaan i Tuhan, dá diábí motaau posumba mobaḻí kuruban ibog tontaní. Adí in sapi, adí in domba ande adí in bembé inta muna pinogadí in kapunyaanbí i Tuhan. 27Táe mahaḷuk haram inta muna pinogadí motaaubí tobuton podudui in boḻi inta sinantú kon Ḷoḷaigan i Tuhan, bo dugangan in doyowa nopuḷú noporsen. Aka diá tobuton in mahaḷuk tatua yo motaaubí in potaḷui kon intau ibanea podudui in boḻi inta ain sinantú kon Ḷoḷaigan i Tuhan.
28 #
Pin. 18:14
Diá tobatúmai in motaau mopotaḷui ande motobut kon onu inta ain sinondínea takin diá in sarat#27:28: sinondí takin diá in sarat: Onukabí in sinondí natua in nobaḻídon kapunyaan i Tuhan, sahingga diádon motaau pakéon bo musti yopúon. kon i Tuhan, pinomayá tua intau, mahaḷuk ande butá. Tua in nobaḻídon kapunyaan i Tuhan mononoi. 29Modapot in intau inta ain sinantú kon i Tuhan inta yopúon yo diábí doman motaau tobuton; sia mustibí ḻimodon.
30 #
Pin. 18:21; Ul. 14:22-29 Mopuḷú noporsen nongkon bungai in boyó, pinomayá gandum ande bungai in ayop mita, tua in kon i Tuhan. 31Aka intau tobatú moibog motobut kon tobotak nongkon bungai in boyó tatua, yo sia in musti moguboḻi kon boḻinea inta ain sinantú bo dugangan in doyowa nopuḷú noporsen. 32Tobatú nongkon biag mopuḷú tua in mobaḻí kapunyaan i Tuhan. Aka biag tatua iapon, dá pomuḷoi in biag inta noginpuḷú mobaḻí kapunyaan i Tuhan. 33Ki togi biag tatua diábí motaau in momiḻí kon onda inta mopia, bo onda inta diá mopia. Bo diábí doman motaau toḻiuannea. Aka toḻiuannea doman, dá biag doyowa tatua tumpaḷadon ki Tuhan in kitogi bo diábí motaau tobuton.
34Tuata in parenta mita inta inogoi i Tuhan kon tudu in Buḷud Sinai kon i Musa sin ogoi kon bangusa Israel.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Alkitab Singog In Mongondow Masa In Tanaa © Indonesian Bible Society, 2016.