YESAYA 32
32
Datu inta moadil
1Indoiaidon, moiangoibí in wakutunea datu tobatú momarenta moadil bo itoi mita in bangusa mopobayá in inta moadil. 2Kon batúannea mosia in naonda bo tampat pogogadopan kon tompot bo deḷang. Mosia in naonda bo ongkag inta moiḻig kon rawang in bungaion, naonda bo batu moḷoben pononiungan kon butá inta noḷogatdon. 3Intau inta mokoontong in diábí momilog, bo inta mokodongog in monaridi. 4Intau inta dungkuḷmai morogi in mobaḷui bidon mosabar bo momangaḻedon totok. Intau inta motapoḷ in dilá in mokosingogdon mosilang. 5Intau bodok in diá bidon anggapon intau ihoromat, bo intau mouboḷ in diá bidon tangoion motuḻid. 6Intau bodok mosingog kon tosingogon inta mobodok bo monomayá kon inta moraat. Onukabí in aidan andeka inta singogonnea in nobaḻí bidon singkuḻe kon i Allah. Diábí kon dodai in onda in sia mobogoi in kaanon kon intau inta gogoyon andeka oinumon kon intau inta morogang. 7Bo intau mouboḷ morai bo mogaid kon onu inta moraat. Sia in motayak kon daya sin mopobodito kon intau bogá pongin tosingogon mita inta uboḷ bo moḷamboi kon i monia mokouḻí kon haknea. 8Táe intau inta motuḻid in ginanea monomayá kon soaḷ mita inta mopia bo mogaid kon inta mopia doman.
Ponisigan bo ponompiaan
9Indongogaidon, ei bobay mita inta mobiag mosanang, noiḷuat nongkon inta mororiga! 10Tanaa moiko mokorasa kon moaman, táe degá totaongpamai moiko in kobuḻiandon in kamang, sin bungai mita in anggur mogoguyaat, bo bungai in boyó ibanea in diá domandon. 11Nodapot in tanaa mako moiko in nobiagpa nosanang noiḷuat nongkon roriga. Táe tanaa, mourotdon sin moondok! Ḷongkutdon in ḷambungmu bo pogibingkoḷotdon in bintoḷ ponogumatoian. 12Ombaḷaidon in gobámu mita inta moḷumbá bo gobá mita in anggurmu inta mobayong totok in bungainea, 13sin butá in bangusaku kinobiagan in mainggoa bo bonganga. Oo, ombaḷaidon in baḷoimu mita tampat pobobarasanangan in intau bo kotá inta nopuḻing in rame! 14Nodapot in komaḻig in taḷaan bo ki iná in kotá inta morame mobaḻídon moingongow. Buḷud bo ḷangkeang mita poḷoḷukadan sinondodaidon in butá modapot in mononoi. Keledai mita ḻindong bo domba mita in modondaḷoi magí mako kon tua bo mokaan kon bonok kon tua.
15Táe komintanpa doman ki Allah in mamangoibí takin kawasa-Nea. Dá padang gurun in mobaḻídon gobá mita inta moḷumbá, bo gobá mita in mobaḻídon naonda bo kayuon. 16Kon sinangkub in butá in mobaḻí bidon in aid mojujur bo moadil. 17Kon batúan in intau in mogaidbí kon onu in moitutui, dá oyúon in kobiagan motompia bo moonow modapot in mononoi. 18Umat i Allah in moiḷuatbí nongkon roriga bo mobiag kon tampat inta moaman bo mopia. 19-20Totuu mosanang in moiko komintan sin tugat in tubig kon pinomuḷamu, bo bobiagonmu in kon ondakabí in bayáannea pongaanan takin diá in monuyayow. Táe musungmu in nádon onda bo kayuon inta inonag in uyan batu bo kotá monia in rumbunon.
Currently Selected:
YESAYA 32: INOMOG
Highlight
Copy
Compare
Share
Want to have your highlights saved across all your devices? Sign up or sign in
Alkitab Singog In Mongondow Masa In Tanaa © Indonesian Bible Society, 2016.
YESAYA 32
32
Datu inta moadil
1Indoiaidon, moiangoibí in wakutunea datu tobatú momarenta moadil bo itoi mita in bangusa mopobayá in inta moadil. 2Kon batúannea mosia in naonda bo tampat pogogadopan kon tompot bo deḷang. Mosia in naonda bo ongkag inta moiḻig kon rawang in bungaion, naonda bo batu moḷoben pononiungan kon butá inta noḷogatdon. 3Intau inta mokoontong in diábí momilog, bo inta mokodongog in monaridi. 4Intau inta dungkuḷmai morogi in mobaḷui bidon mosabar bo momangaḻedon totok. Intau inta motapoḷ in dilá in mokosingogdon mosilang. 5Intau bodok in diá bidon anggapon intau ihoromat, bo intau mouboḷ in diá bidon tangoion motuḻid. 6Intau bodok mosingog kon tosingogon inta mobodok bo monomayá kon inta moraat. Onukabí in aidan andeka inta singogonnea in nobaḻí bidon singkuḻe kon i Allah. Diábí kon dodai in onda in sia mobogoi in kaanon kon intau inta gogoyon andeka oinumon kon intau inta morogang. 7Bo intau mouboḷ morai bo mogaid kon onu inta moraat. Sia in motayak kon daya sin mopobodito kon intau bogá pongin tosingogon mita inta uboḷ bo moḷamboi kon i monia mokouḻí kon haknea. 8Táe intau inta motuḻid in ginanea monomayá kon soaḷ mita inta mopia bo mogaid kon inta mopia doman.
Ponisigan bo ponompiaan
9Indongogaidon, ei bobay mita inta mobiag mosanang, noiḷuat nongkon inta mororiga! 10Tanaa moiko mokorasa kon moaman, táe degá totaongpamai moiko in kobuḻiandon in kamang, sin bungai mita in anggur mogoguyaat, bo bungai in boyó ibanea in diá domandon. 11Nodapot in tanaa mako moiko in nobiagpa nosanang noiḷuat nongkon roriga. Táe tanaa, mourotdon sin moondok! Ḷongkutdon in ḷambungmu bo pogibingkoḷotdon in bintoḷ ponogumatoian. 12Ombaḷaidon in gobámu mita inta moḷumbá bo gobá mita in anggurmu inta mobayong totok in bungainea, 13sin butá in bangusaku kinobiagan in mainggoa bo bonganga. Oo, ombaḷaidon in baḷoimu mita tampat pobobarasanangan in intau bo kotá inta nopuḻing in rame! 14Nodapot in komaḻig in taḷaan bo ki iná in kotá inta morame mobaḻídon moingongow. Buḷud bo ḷangkeang mita poḷoḷukadan sinondodaidon in butá modapot in mononoi. Keledai mita ḻindong bo domba mita in modondaḷoi magí mako kon tua bo mokaan kon bonok kon tua.
15Táe komintanpa doman ki Allah in mamangoibí takin kawasa-Nea. Dá padang gurun in mobaḻídon gobá mita inta moḷumbá, bo gobá mita in mobaḻídon naonda bo kayuon. 16Kon sinangkub in butá in mobaḻí bidon in aid mojujur bo moadil. 17Kon batúan in intau in mogaidbí kon onu in moitutui, dá oyúon in kobiagan motompia bo moonow modapot in mononoi. 18Umat i Allah in moiḷuatbí nongkon roriga bo mobiag kon tampat inta moaman bo mopia. 19-20Totuu mosanang in moiko komintan sin tugat in tubig kon pinomuḷamu, bo bobiagonmu in kon ondakabí in bayáannea pongaanan takin diá in monuyayow. Táe musungmu in nádon onda bo kayuon inta inonag in uyan batu bo kotá monia in rumbunon.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Alkitab Singog In Mongondow Masa In Tanaa © Indonesian Bible Society, 2016.