YESAYA 29
29
Ukur in Yerusalem
1Moboditodon kotá in Yerusalem inta sinangoian mezbah i Allah! Moboditodon in kotá pinonḷoḷaigan i Daud! Pomayádon mako in taong mobaḷui taong takin singgainea mita moḷoben. 2Táe ki Allah in mopoangoibí in bodito kon kotá tatua, modapot in intau kumarak bo mokuani. Bayongan in kotá naonda bo kotá inta nopuḻing in dugú. 3Ki Allah in monububí kon kotá tatua bo kopungon nongkon bayongan tampat. 4Yerusalem in nádon onda bo dimbuḷó inta moḷongasi mopodongog in singognea nongkon bonu in butá, singog inta mokayow nongkon bonu in ḷobud.
5Táe bayongan in intau mokokiangoi inta moromú tua in mobuḻibí naonda bo ḷobud andeka baḻeká inta inirup in tompot. Moidaḻidon mamangoi bo diábí sinangka mako. 6Ki Tuhan Inta Totok in mokawasa mopoḷuatbí in kotá tatua pongin deḷang bo ḻinug inta motoyang totok. Sia in mopoangoibí in deḷang bo tuḷú inta tumagab. 7Bo bayongan in tontara ango-angoi inta nonubu kon Yerusalem, kotá in mezbah i Allah, bayongan inta mongopung bo inta monubu kon kotá tatua, mobuḻibí naonda bo togoindop kon dodai in doḷom. 8Bangusa mita inta noyosipun sin monubu kon Yerusalem in naondabí bo intau inta ginogoi inta sinumogoindop koyogot in mongaan, bo nobangon takin diá in bonu in sian, andeka naonda bo intau inta norogang inta sinumogoindop koyogot in nonginum, bo nobangon takin sigogow noingkag.
Tonggina mita in nabi diá inindongoganmai
9Tantúdon umuran moherangmai bo momilog naonda bo intau bilog! Koḷoḷangudon, táe deemanbí popisí in nonginum kon anggur. Bayádon diá moipape magí mako, táe deemanbí popisí in nonginum kon arak. 10#Rm. 11:8 Binaḻí i Tuhan in moiko sinomposiug bo noḷoḷot totok. Binilogan-Nea in mata in nabi mita bo nongoḷob kon pogot in intau mita mononanow. 11Mangaḻe in batúan oontongon moibunibí kon inimu, naonda bo buk inta sinegel. Aka buk tatua diaan kon intau tobatú inta motaau mobaca sinbá bacaannea intua kon inimu, sia in mogumandon kon sia in diábí mokobaca, popisí in buk tatua sinegel. 12Aka diaan kon intau inta diá motaau mobaca, sia in motubag kon sia in diábí motaau mobaca.
13 #
Mat. 15:8-9; Mrk. 7:6-7 Ki Tuhan in noguman, “Intau mita tatua in tongábí mosumba kon i-Nakó pongin tosingogon, táe gina monia in moyayúbí kon i-Nakó. Agama monia in tongábí atorang in intau inta ihapal. 14#Kor.1. 1:19 Tuamai in taḻikokogan-Ku in mosia in sambok inta moyo-moyodudui. Intau inta mobijaksana in mobaḻí mobodok, bo bayongan in pandoi monia diábí in mangaḻenea.”
Kamang kon kobiagan moiduduimai
15Moboditodon in intau inta moḷongasi mobuni kon tomayánea kon i Tuhan! Mogaid in mosia takin umuni-uni, bo kai monia kamai diábí tobatúmai in nokoontong andeka nonotaau kon onu inta ain inaidan monia. 16#Yes. 45:9; Rm. 9:20 Bayongan yagi-yagi tuuyon monia. Onda in moponti-ponting, mogogaid kon kuyon butá andeka butá ḷamentong? Degá inta pinomia moguman kon inta nomia kon inia, “Deemanbí iko in nomia kon inakó”. Andeka motaau degá in pakakat tatua moguman kon inia, “Iko in diábí mokopongonu”.
17Oyúon in toḻibag inta noguman nanaa, “Diádon moonggot bo kayuon mobaḻí gobá, bo gobá mobaḻí kayuon.”
18Kon dodai intua intau bongoḷ in mokodongogdon kon tosingogon mita nongkon buk tobatú inta binaca, bo intau bilog inta koina nobiag kon bonu in sindip in mokoontongdon. 19Intau mita bogá bo mokooyá in mokorasadon bui kon kobiagan mopia inta inogoi i Allah inta mokudus Allah in Israel. 20Tuata in imbuit in intau mita inta mondorot kon intau ibanea bo inta moningkuḻe kon i Allah. Ki Allah in moyopúdon kon bayongan in intau baradosa, 21intau inta moibog moponapud in uboḷ, intau inta moḷamboi kon intau moraat in hukumon, bo intau inta mongonguman magí mako kon ouman uboḷ sinbá intau motuḻid diá mokouḻí kon inta moadil.
22Tuamai ki Tuhan, ki Allah Israel inta nopoḷuat kon i Abraham, tanaa in noguman, “Bangusa-Ku, moiko in diá bidon singkuḻeon bui bo pogotmu in diá bidon mobilai bui popisí in mooyá. 23Sin aka moiko mokoontong kon i adímu mita inta inogoi-Ku kon i monimu, dá moiko in mongakubí kon Akuoibí in ki Allah mokudus in Israel. Moiko in mohoromatbí kon i-Nakó bo motoguondok kon i-Nakó. 24Intau bodok in mobalajarbí momangaḻe bo intau inta umuran mongunsingog in mopiabí in ginanea in tundúon.”
Currently Selected:
YESAYA 29: INOMOG
Highlight
Copy
Compare
Share
Want to have your highlights saved across all your devices? Sign up or sign in
Alkitab Singog In Mongondow Masa In Tanaa © Indonesian Bible Society, 2016.
YESAYA 29
29
Ukur in Yerusalem
1Moboditodon kotá in Yerusalem inta sinangoian mezbah i Allah! Moboditodon in kotá pinonḷoḷaigan i Daud! Pomayádon mako in taong mobaḷui taong takin singgainea mita moḷoben. 2Táe ki Allah in mopoangoibí in bodito kon kotá tatua, modapot in intau kumarak bo mokuani. Bayongan in kotá naonda bo kotá inta nopuḻing in dugú. 3Ki Allah in monububí kon kotá tatua bo kopungon nongkon bayongan tampat. 4Yerusalem in nádon onda bo dimbuḷó inta moḷongasi mopodongog in singognea nongkon bonu in butá, singog inta mokayow nongkon bonu in ḷobud.
5Táe bayongan in intau mokokiangoi inta moromú tua in mobuḻibí naonda bo ḷobud andeka baḻeká inta inirup in tompot. Moidaḻidon mamangoi bo diábí sinangka mako. 6Ki Tuhan Inta Totok in mokawasa mopoḷuatbí in kotá tatua pongin deḷang bo ḻinug inta motoyang totok. Sia in mopoangoibí in deḷang bo tuḷú inta tumagab. 7Bo bayongan in tontara ango-angoi inta nonubu kon Yerusalem, kotá in mezbah i Allah, bayongan inta mongopung bo inta monubu kon kotá tatua, mobuḻibí naonda bo togoindop kon dodai in doḷom. 8Bangusa mita inta noyosipun sin monubu kon Yerusalem in naondabí bo intau inta ginogoi inta sinumogoindop koyogot in mongaan, bo nobangon takin diá in bonu in sian, andeka naonda bo intau inta norogang inta sinumogoindop koyogot in nonginum, bo nobangon takin sigogow noingkag.
Tonggina mita in nabi diá inindongoganmai
9Tantúdon umuran moherangmai bo momilog naonda bo intau bilog! Koḷoḷangudon, táe deemanbí popisí in nonginum kon anggur. Bayádon diá moipape magí mako, táe deemanbí popisí in nonginum kon arak. 10#Rm. 11:8 Binaḻí i Tuhan in moiko sinomposiug bo noḷoḷot totok. Binilogan-Nea in mata in nabi mita bo nongoḷob kon pogot in intau mita mononanow. 11Mangaḻe in batúan oontongon moibunibí kon inimu, naonda bo buk inta sinegel. Aka buk tatua diaan kon intau tobatú inta motaau mobaca sinbá bacaannea intua kon inimu, sia in mogumandon kon sia in diábí mokobaca, popisí in buk tatua sinegel. 12Aka diaan kon intau inta diá motaau mobaca, sia in motubag kon sia in diábí motaau mobaca.
13 #
Mat. 15:8-9; Mrk. 7:6-7 Ki Tuhan in noguman, “Intau mita tatua in tongábí mosumba kon i-Nakó pongin tosingogon, táe gina monia in moyayúbí kon i-Nakó. Agama monia in tongábí atorang in intau inta ihapal. 14#Kor.1. 1:19 Tuamai in taḻikokogan-Ku in mosia in sambok inta moyo-moyodudui. Intau inta mobijaksana in mobaḻí mobodok, bo bayongan in pandoi monia diábí in mangaḻenea.”
Kamang kon kobiagan moiduduimai
15Moboditodon in intau inta moḷongasi mobuni kon tomayánea kon i Tuhan! Mogaid in mosia takin umuni-uni, bo kai monia kamai diábí tobatúmai in nokoontong andeka nonotaau kon onu inta ain inaidan monia. 16#Yes. 45:9; Rm. 9:20 Bayongan yagi-yagi tuuyon monia. Onda in moponti-ponting, mogogaid kon kuyon butá andeka butá ḷamentong? Degá inta pinomia moguman kon inta nomia kon inia, “Deemanbí iko in nomia kon inakó”. Andeka motaau degá in pakakat tatua moguman kon inia, “Iko in diábí mokopongonu”.
17Oyúon in toḻibag inta noguman nanaa, “Diádon moonggot bo kayuon mobaḻí gobá, bo gobá mobaḻí kayuon.”
18Kon dodai intua intau bongoḷ in mokodongogdon kon tosingogon mita nongkon buk tobatú inta binaca, bo intau bilog inta koina nobiag kon bonu in sindip in mokoontongdon. 19Intau mita bogá bo mokooyá in mokorasadon bui kon kobiagan mopia inta inogoi i Allah inta mokudus Allah in Israel. 20Tuata in imbuit in intau mita inta mondorot kon intau ibanea bo inta moningkuḻe kon i Allah. Ki Allah in moyopúdon kon bayongan in intau baradosa, 21intau inta moibog moponapud in uboḷ, intau inta moḷamboi kon intau moraat in hukumon, bo intau inta mongonguman magí mako kon ouman uboḷ sinbá intau motuḻid diá mokouḻí kon inta moadil.
22Tuamai ki Tuhan, ki Allah Israel inta nopoḷuat kon i Abraham, tanaa in noguman, “Bangusa-Ku, moiko in diá bidon singkuḻeon bui bo pogotmu in diá bidon mobilai bui popisí in mooyá. 23Sin aka moiko mokoontong kon i adímu mita inta inogoi-Ku kon i monimu, dá moiko in mongakubí kon Akuoibí in ki Allah mokudus in Israel. Moiko in mohoromatbí kon i-Nakó bo motoguondok kon i-Nakó. 24Intau bodok in mobalajarbí momangaḻe bo intau inta umuran mongunsingog in mopiabí in ginanea in tundúon.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Alkitab Singog In Mongondow Masa In Tanaa © Indonesian Bible Society, 2016.