YESAYA 27
27
1 #
Ayb. 41:1; Mzm. 74:14, 104:26 Kon dodai intua ki Tuhan in momakébí in pitow-Nea inta moropot bo moḷanit sin mohukum kon Lewiatan, #27:1: Lewiatan: Mahaḷuk motoyang inta inouman kon bonu in ouman mita bo nobaḻí lambang in bangusa mita inta nopororiga kon Israel. uḷag inta ḷumandai bo iḻimibo-ḻibod tua, bo moḻimod kon naga in dagat.
2Kon dodai intua ki Tuhan in moguman,
“Podondongdon soaḷ gobá in anggur-Ku inta mogaga.
3Akuoi, ki Tuhan, moḷoḷukad-Nea;
pomuḷoi mako butakanku intua,
singgai doḷom ḷukadanku intua,
sinbá diá in monuyayow kon inia.
4Diá bidon in porasaan-Ku tumorú.
Aka kuma bo oyúon in bonok andeka bo bonganga,
yo putúan-Kubí intua,
bo momokak kon tua komintan.
5Táe aka musung mita in umat-Ku mokiḷukad kon i-Nakó,
pomayádon mako in mosia moyodame takin-Ku,
oo, moyodame takin-Ku.”
6Kon singgai moiduduimai,
bangusa in Israel in mobaḻídon naonda bo pangkoi in kayu inta nonguakat bo modugang,
bo momuḻing kon dunia
pongin bungainea mita.
Ki Tuhan in mohukum kon bangusa-Nea
7Ki Tuhan in mohukum kon umat-Nea diábí ná kobogat in pohohukum-Nea kon bangusa mita inta nosaturu kon i monia. Sia in diábí moḻimod kon umat-Nea ná pinoḷoḻimod-Nea kon musung-Nea. 8Ki Tuhan in nohukum kon umat-Nea pinongin noḷumbú kon i monia kon butá in intau. Inuntun-Nea in mosia pinongin tompot moraat nongkon dotá in pomukaan.#27:8: kon bonu in naska in Ibrani tontagá tanaa diá nosilang in mangaḻenea. 9Táe dosa mita in Israel in tongábí motaau ampungan aka mezbah in dewa mita giḻingon koyimokon naonda bo silon. Bayongan in pototubáan kon dupa bo lambang i Dewi Asyera in rimumudon doman.
10Kotá inta dininding tatua noingongowdon bo sinaḷáan naonda bo rawang noingkag inta diá koonu bo onu. Paanan in bobiagon mokaan kon bonok bo mogogai kon tua poḷat mokopodait kon daun mita inta kon tanga mita in kayu. 11Aka tanganea mita moingkagdon bo moputoḷ, bobay mita in mamangoi mogamá sin pondungú.
Bangusa tatua in diábí nonotaau in onu bo onu, dá ki Allah inta nomaḻí kon inia in diábí motabi andeka monotabi kon i monia.
Ki Tuhan in monompia bui kon bangusa-Nea
12Kon dodai intua ki Tuhan in mosipun kon bangusa-Nea kon batúannea nongkon Ongkag in Eprat nodapot kon pinosigadan in Mesir. Sia in mopotondíbí kon i monia naonda bo intau inta mopotondí kon batoḷ in gandum nongkon kepanea.
13Kon dodai intua posingogonbí in torompet moḷoben sin mogoiní bui kon bayongan intau in Israel inta iḷumbú kon Asyur bo kon Mesir. Mosia in mamangoibí in Yerusalem sin mosumba kon i Tuhan kon buḷud-Nea inta motusi. #27:13: buḷud inta motusi: Indoiai 2:3.
Currently Selected:
YESAYA 27: INOMOG
Highlight
Copy
Compare
Share
Want to have your highlights saved across all your devices? Sign up or sign in
Alkitab Singog In Mongondow Masa In Tanaa © Indonesian Bible Society, 2016.
YESAYA 27
27
1 #
Ayb. 41:1; Mzm. 74:14, 104:26 Kon dodai intua ki Tuhan in momakébí in pitow-Nea inta moropot bo moḷanit sin mohukum kon Lewiatan, #27:1: Lewiatan: Mahaḷuk motoyang inta inouman kon bonu in ouman mita bo nobaḻí lambang in bangusa mita inta nopororiga kon Israel. uḷag inta ḷumandai bo iḻimibo-ḻibod tua, bo moḻimod kon naga in dagat.
2Kon dodai intua ki Tuhan in moguman,
“Podondongdon soaḷ gobá in anggur-Ku inta mogaga.
3Akuoi, ki Tuhan, moḷoḷukad-Nea;
pomuḷoi mako butakanku intua,
singgai doḷom ḷukadanku intua,
sinbá diá in monuyayow kon inia.
4Diá bidon in porasaan-Ku tumorú.
Aka kuma bo oyúon in bonok andeka bo bonganga,
yo putúan-Kubí intua,
bo momokak kon tua komintan.
5Táe aka musung mita in umat-Ku mokiḷukad kon i-Nakó,
pomayádon mako in mosia moyodame takin-Ku,
oo, moyodame takin-Ku.”
6Kon singgai moiduduimai,
bangusa in Israel in mobaḻídon naonda bo pangkoi in kayu inta nonguakat bo modugang,
bo momuḻing kon dunia
pongin bungainea mita.
Ki Tuhan in mohukum kon bangusa-Nea
7Ki Tuhan in mohukum kon umat-Nea diábí ná kobogat in pohohukum-Nea kon bangusa mita inta nosaturu kon i monia. Sia in diábí moḻimod kon umat-Nea ná pinoḷoḻimod-Nea kon musung-Nea. 8Ki Tuhan in nohukum kon umat-Nea pinongin noḷumbú kon i monia kon butá in intau. Inuntun-Nea in mosia pinongin tompot moraat nongkon dotá in pomukaan.#27:8: kon bonu in naska in Ibrani tontagá tanaa diá nosilang in mangaḻenea. 9Táe dosa mita in Israel in tongábí motaau ampungan aka mezbah in dewa mita giḻingon koyimokon naonda bo silon. Bayongan in pototubáan kon dupa bo lambang i Dewi Asyera in rimumudon doman.
10Kotá inta dininding tatua noingongowdon bo sinaḷáan naonda bo rawang noingkag inta diá koonu bo onu. Paanan in bobiagon mokaan kon bonok bo mogogai kon tua poḷat mokopodait kon daun mita inta kon tanga mita in kayu. 11Aka tanganea mita moingkagdon bo moputoḷ, bobay mita in mamangoi mogamá sin pondungú.
Bangusa tatua in diábí nonotaau in onu bo onu, dá ki Allah inta nomaḻí kon inia in diábí motabi andeka monotabi kon i monia.
Ki Tuhan in monompia bui kon bangusa-Nea
12Kon dodai intua ki Tuhan in mosipun kon bangusa-Nea kon batúannea nongkon Ongkag in Eprat nodapot kon pinosigadan in Mesir. Sia in mopotondíbí kon i monia naonda bo intau inta mopotondí kon batoḷ in gandum nongkon kepanea.
13Kon dodai intua posingogonbí in torompet moḷoben sin mogoiní bui kon bayongan intau in Israel inta iḷumbú kon Asyur bo kon Mesir. Mosia in mamangoibí in Yerusalem sin mosumba kon i Tuhan kon buḷud-Nea inta motusi. #27:13: buḷud inta motusi: Indoiai 2:3.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Alkitab Singog In Mongondow Masa In Tanaa © Indonesian Bible Society, 2016.