YESAYA 15
15
Ki Allah morimumud kon Moab
1 #
Yes. 25:10-12; Yer. 48:1-47; Yeh. 25:8-11; Am. 2:1-3; Zep. 2:8-11 Naa in koyow i Tuhan kon Moab.
Kotá in Ar bo Kir iyompat tongá tonggobii, bo butá in Moab mobaḻí moingongow totok. 2Intau inta nogutun kon Dibon #15:2: Kamungkinan moḷoben in mangaḻenea Intau in Dibon; podudui in naska Ibrani: Intau bo Dibon. motakod kon buḷud sin mongombaḷ kon tampat pososumbaan kon dewa mita. Intau in Moab takin morobonoḷ in dodob mogamui kon kotá in Nebo bo Medeba. Mosia in nongarug kon uḷu bo kumi nobaḻí tomponuot kon norobonoḷ in dodob. 3Intau mita kon daḷan nogibintoḷ nobaḻí tomponuot nonogumatoi; intau nogamui bo nongombaḷ kon rawang bo kon tudu in atop in baḷoi.#15:3: atop in baḷoi: makusudnea dangkuḷon in baḷoi; tuata in atop in baḷoi inta notondodai pinomia nongkon beton andeka batu ná baḷoi mita kon butá in Arab. 4Intau in Hesybon Eleale momaḷú, bo singog monia in kodongogan nodapot kon Yahas. Nodapot in tontara mita mogugur; mosia in kinobuḻiandon in barani.
5Akuoi in motabi kon Moab! Intaunea in noḷagui minayá in kotá in Zoar bo kon Eglat-Selisia. Oyúon in notakod kon daḷan nopobayá ná Luhit sindaḷan nongombaḷ; oyúon in noḷagui minayá in Horonaim sindaḷan kumarak sin kinoantugan in bodito. 6Tubig in Ongkag in Nimrim bo bonok inta nobiag kon bingkínea ain noingkag totok, diádon in mobobiag in noḷunow. 7Intau mita in ḷumoḷan kon tapá in Haarabim bo moḷongasi moposaḷamat kon bayongan in kapunyaan monia. 8Kon bayongan tampat kon pinosigadan in Moab kodongogan in karak. Amui tua in kodongogan kon Eglaim bo Beer-Elim. 9Kon Dibon tubig in ongkag nobaḻídon nopura sin noyobauidon in dugú. Bo ki Allah in mopoangoibí kon intau mita kon tua in inta moiḻiu kon tua in kotoyangnea. Moḷoḻimod inta potabá-Nea in moḻimodbí kon bayongan in intau in Moab inta nobiagpa.
Currently Selected:
YESAYA 15: INOMOG
Highlight
Copy
Compare
Share
Want to have your highlights saved across all your devices? Sign up or sign in
Alkitab Singog In Mongondow Masa In Tanaa © Indonesian Bible Society, 2016.
YESAYA 15
15
Ki Allah morimumud kon Moab
1 #
Yes. 25:10-12; Yer. 48:1-47; Yeh. 25:8-11; Am. 2:1-3; Zep. 2:8-11 Naa in koyow i Tuhan kon Moab.
Kotá in Ar bo Kir iyompat tongá tonggobii, bo butá in Moab mobaḻí moingongow totok. 2Intau inta nogutun kon Dibon #15:2: Kamungkinan moḷoben in mangaḻenea Intau in Dibon; podudui in naska Ibrani: Intau bo Dibon. motakod kon buḷud sin mongombaḷ kon tampat pososumbaan kon dewa mita. Intau in Moab takin morobonoḷ in dodob mogamui kon kotá in Nebo bo Medeba. Mosia in nongarug kon uḷu bo kumi nobaḻí tomponuot kon norobonoḷ in dodob. 3Intau mita kon daḷan nogibintoḷ nobaḻí tomponuot nonogumatoi; intau nogamui bo nongombaḷ kon rawang bo kon tudu in atop in baḷoi.#15:3: atop in baḷoi: makusudnea dangkuḷon in baḷoi; tuata in atop in baḷoi inta notondodai pinomia nongkon beton andeka batu ná baḷoi mita kon butá in Arab. 4Intau in Hesybon Eleale momaḷú, bo singog monia in kodongogan nodapot kon Yahas. Nodapot in tontara mita mogugur; mosia in kinobuḻiandon in barani.
5Akuoi in motabi kon Moab! Intaunea in noḷagui minayá in kotá in Zoar bo kon Eglat-Selisia. Oyúon in notakod kon daḷan nopobayá ná Luhit sindaḷan nongombaḷ; oyúon in noḷagui minayá in Horonaim sindaḷan kumarak sin kinoantugan in bodito. 6Tubig in Ongkag in Nimrim bo bonok inta nobiag kon bingkínea ain noingkag totok, diádon in mobobiag in noḷunow. 7Intau mita in ḷumoḷan kon tapá in Haarabim bo moḷongasi moposaḷamat kon bayongan in kapunyaan monia. 8Kon bayongan tampat kon pinosigadan in Moab kodongogan in karak. Amui tua in kodongogan kon Eglaim bo Beer-Elim. 9Kon Dibon tubig in ongkag nobaḻídon nopura sin noyobauidon in dugú. Bo ki Allah in mopoangoibí kon intau mita kon tua in inta moiḻiu kon tua in kotoyangnea. Moḷoḻimod inta potabá-Nea in moḻimodbí kon bayongan in intau in Moab inta nobiagpa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Alkitab Singog In Mongondow Masa In Tanaa © Indonesian Bible Society, 2016.