KINOBAḺIAN 2
2
1Natuata in nobaḻí bo noḷapatdon in pinomaḻían kon dunia naa bo bayongan tombonunea. 2#Ibr. 4:4, 10 Kon singgai nogimpitu nodaitdon noḷapat i Allah in bayongan oaidan-Nea tatua, bo Sia in nogogaidon. 3#Iḷn. 20:11 Dá binarakatandon i Allah in singgai nogimpitu tatua bo binaḻí-Neadon singgai husus, sin kon singgai tatuata ki Allah nogogai naonda in noginḷapat mako kon oaidan-Nea. 4Tuata in ouman soaḷ pinomaḻían i Allah kon dunia naa takin tombonunea.
Taman Eden
Kon tungkuḷ in ki Tuhan nomaḻí kon dunia naa, 5diápabí in nobiag nion nonokat bo diápabí doman in pinomuḷa kon dunia naa, sin diápa pinopoponagan i Tuhan in uyan bo diápa doman in intau mononggobá kon butá tatua. 6Táe oyúon in tubig inta ḷumuai nongkon butá bo momuntad kon tudu in butá tua.
7 #
Kor.1. 15:45
Onda intua ki Tuhan Allah in nogamá kon butá bodongka pinomia-Nea in tobatú intau,#2:7: butá … intau Kata “intau” bo “butá” kon bonu in bahasa Ibrani nododiugan in mangaḻenea. bodongka pinopoirupan in tompot inta mobogoi in kobiagan, pinopoirup kon bonu in ngiungnea; dá nobiagdon intau tatua.
8Noiduduimai kon tua ki Tuhan Allah nomia kon taman kon Eden, kon dotá in pomukaan, bo sinampat-Nea kon tua in intau inta ain pinomia-Nea tatua. 9#Why. 2:7, 22:2, 14 Ki Tuhan Allah in nopobiag in bayongan pangkoi in kayu inta mongogaga, inta mopomungai doman in ayop inta mopia. Kon yua-yuak in taman tatua nobiag domandon in kayu inta mobogoi in kobiagan bo pangkoi in kayu inta mobogoi in pongotahuan kon soaḷ inta mopia bo inta moraat.#2:9: pongotahuan kon soaḷ inta mopia bo inta moraat ande pongotahuan soaḷ bayongan in yagi-yagi.
10Tubig tobatú in moiḻig nongkon Eden, momuntad kon taman tatua; bo nongkon tua tubig tatua nosilai opat notanga. 11Inta muna tangoinea in Pison; tubig tatua in moiḻig noḻibu kon butá in Hawila. 12Kon tua oyúon in buḷawan inta mopia bo taḷong mobondu inta mosaged mouḻí kon tampat ibanea takin doman batu mita permata. 13Tubig nogindua tangoinea in Gihon; tubignea in moiḻig noiḻibu kon butá in Kus.#2:13: Kus (kon Mesopotamia); ande Sudan. 14Tubig nogintoḷu tangoinea in Tigris; tubig tanaa in moiḻig kon ḻimako in timur Asyur. Tubig noginggopat tangoinea in Eprat.
15Onda intua sinampatdon i Tuhan Allah in intau tatua kon taman Eden sin monompia bo moḷukad kon taman tatua. 16Ki Tuhan in noguman kon intau tatua, “Iko in motaaubí in mokaan kon bungai mita in pangkoi ayop kon taman tanaa, 17koḻikudbí in bungai pangkoi in kayu inta mobogoi in pongotahuan soaḷ inta mopia bo inta moraat. Bungainea diábí motaaumu kaanon; aka iko mokaan yo nopastibí kon matoi iko kon singgai doman tuata.”
18Bo ki Tuhan Allah in noguman, “Diábí mopia intau aka mobiag tongá sia-sia mita. Pomiaan-Kudon kon yobayatnea inta motombuḷoi sinbá motaau motuḷung kon inia.” 19Dá Sia in nogamá kon butá topiḻik bo nomia kon bayongan in mahaḷuk in toba bo mahaḷuk inta ḷumoḷayug. Onu inta pinomia-Nea tatua komintan dinia kon intau sinbá tontangoiannea. Tuata in kinobobaḻí in mahaḷuk mita kon toba bo inta ḷumoḷayug nokouḻí kon tangoi monia tontaní. 20Natuata in intau nonontangoi kon bayongan mahaḷuk inta kon toba bo inta ḷumoḷayug. Táe diá in tobatúmai kon sigad in mahaḷuk mita tatua in motaau baḻíon yobayat inta motombuḷoi motuḷung kon inia.
21Bo pinopoḷoḷotdon totok i Tuhan Allah in intau tatua, bo noitongkaná in sia nosiug, ki Tuhan Allah in nogamá kon tuḷan gutuk tobatú nongkon awak in intau tatua, nopaḷut mako bui-Nea bo binonuan in tapú. 22Nongkon gutuk tatua ki Tuhan nomia kon tobatú bobay, bodongka dinia-Nea kon intau tatua. 23Dá intau tatua in nogumandon nanaa,
“Naa in sia, intau inta notongkaiku –
tuḷan nongkon tuḷanku, bo tapú nongkon tapúku.
Tangoianku in sia bobay, sin sia in ginamá nongkon ḷoḷaki.” #2:23 Kon bonu in bahasa Ibrani kata ḷoḷaki in ISH, bo kata inta pakéon kon bobay in ISHA.
24 #
Mat. 19:5; Mrk. 10:7-8; Kor.1. 6:16; Ep. 5:31 Tuamain ḷoḷaki in musti monaḷámai kon i amá bo kon i inánea, bo motobatú takin i buḷoinea.
25Ḷoḷaki bo bobay tatua in nomilang táe diápabí mooyá in mosia.
Currently Selected:
KINOBAḺIAN 2: INOMOG
Highlight
Share
Copy
Want to have your highlights saved across all your devices? Sign up or sign in
Alkitab Singog In Mongondow Masa In Tanaa © Indonesian Bible Society, 2016.
KINOBAḺIAN 2
2
1Natuata in nobaḻí bo noḷapatdon in pinomaḻían kon dunia naa bo bayongan tombonunea. 2#Ibr. 4:4, 10 Kon singgai nogimpitu nodaitdon noḷapat i Allah in bayongan oaidan-Nea tatua, bo Sia in nogogaidon. 3#Iḷn. 20:11 Dá binarakatandon i Allah in singgai nogimpitu tatua bo binaḻí-Neadon singgai husus, sin kon singgai tatuata ki Allah nogogai naonda in noginḷapat mako kon oaidan-Nea. 4Tuata in ouman soaḷ pinomaḻían i Allah kon dunia naa takin tombonunea.
Taman Eden
Kon tungkuḷ in ki Tuhan nomaḻí kon dunia naa, 5diápabí in nobiag nion nonokat bo diápabí doman in pinomuḷa kon dunia naa, sin diápa pinopoponagan i Tuhan in uyan bo diápa doman in intau mononggobá kon butá tatua. 6Táe oyúon in tubig inta ḷumuai nongkon butá bo momuntad kon tudu in butá tua.
7 #
Kor.1. 15:45
Onda intua ki Tuhan Allah in nogamá kon butá bodongka pinomia-Nea in tobatú intau,#2:7: butá … intau Kata “intau” bo “butá” kon bonu in bahasa Ibrani nododiugan in mangaḻenea. bodongka pinopoirupan in tompot inta mobogoi in kobiagan, pinopoirup kon bonu in ngiungnea; dá nobiagdon intau tatua.
8Noiduduimai kon tua ki Tuhan Allah nomia kon taman kon Eden, kon dotá in pomukaan, bo sinampat-Nea kon tua in intau inta ain pinomia-Nea tatua. 9#Why. 2:7, 22:2, 14 Ki Tuhan Allah in nopobiag in bayongan pangkoi in kayu inta mongogaga, inta mopomungai doman in ayop inta mopia. Kon yua-yuak in taman tatua nobiag domandon in kayu inta mobogoi in kobiagan bo pangkoi in kayu inta mobogoi in pongotahuan kon soaḷ inta mopia bo inta moraat.#2:9: pongotahuan kon soaḷ inta mopia bo inta moraat ande pongotahuan soaḷ bayongan in yagi-yagi.
10Tubig tobatú in moiḻig nongkon Eden, momuntad kon taman tatua; bo nongkon tua tubig tatua nosilai opat notanga. 11Inta muna tangoinea in Pison; tubig tatua in moiḻig noḻibu kon butá in Hawila. 12Kon tua oyúon in buḷawan inta mopia bo taḷong mobondu inta mosaged mouḻí kon tampat ibanea takin doman batu mita permata. 13Tubig nogindua tangoinea in Gihon; tubignea in moiḻig noiḻibu kon butá in Kus.#2:13: Kus (kon Mesopotamia); ande Sudan. 14Tubig nogintoḷu tangoinea in Tigris; tubig tanaa in moiḻig kon ḻimako in timur Asyur. Tubig noginggopat tangoinea in Eprat.
15Onda intua sinampatdon i Tuhan Allah in intau tatua kon taman Eden sin monompia bo moḷukad kon taman tatua. 16Ki Tuhan in noguman kon intau tatua, “Iko in motaaubí in mokaan kon bungai mita in pangkoi ayop kon taman tanaa, 17koḻikudbí in bungai pangkoi in kayu inta mobogoi in pongotahuan soaḷ inta mopia bo inta moraat. Bungainea diábí motaaumu kaanon; aka iko mokaan yo nopastibí kon matoi iko kon singgai doman tuata.”
18Bo ki Tuhan Allah in noguman, “Diábí mopia intau aka mobiag tongá sia-sia mita. Pomiaan-Kudon kon yobayatnea inta motombuḷoi sinbá motaau motuḷung kon inia.” 19Dá Sia in nogamá kon butá topiḻik bo nomia kon bayongan in mahaḷuk in toba bo mahaḷuk inta ḷumoḷayug. Onu inta pinomia-Nea tatua komintan dinia kon intau sinbá tontangoiannea. Tuata in kinobobaḻí in mahaḷuk mita kon toba bo inta ḷumoḷayug nokouḻí kon tangoi monia tontaní. 20Natuata in intau nonontangoi kon bayongan mahaḷuk inta kon toba bo inta ḷumoḷayug. Táe diá in tobatúmai kon sigad in mahaḷuk mita tatua in motaau baḻíon yobayat inta motombuḷoi motuḷung kon inia.
21Bo pinopoḷoḷotdon totok i Tuhan Allah in intau tatua, bo noitongkaná in sia nosiug, ki Tuhan Allah in nogamá kon tuḷan gutuk tobatú nongkon awak in intau tatua, nopaḷut mako bui-Nea bo binonuan in tapú. 22Nongkon gutuk tatua ki Tuhan nomia kon tobatú bobay, bodongka dinia-Nea kon intau tatua. 23Dá intau tatua in nogumandon nanaa,
“Naa in sia, intau inta notongkaiku –
tuḷan nongkon tuḷanku, bo tapú nongkon tapúku.
Tangoianku in sia bobay, sin sia in ginamá nongkon ḷoḷaki.” #2:23 Kon bonu in bahasa Ibrani kata ḷoḷaki in ISH, bo kata inta pakéon kon bobay in ISHA.
24 #
Mat. 19:5; Mrk. 10:7-8; Kor.1. 6:16; Ep. 5:31 Tuamain ḷoḷaki in musti monaḷámai kon i amá bo kon i inánea, bo motobatú takin i buḷoinea.
25Ḷoḷaki bo bobay tatua in nomilang táe diápabí mooyá in mosia.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Alkitab Singog In Mongondow Masa In Tanaa © Indonesian Bible Society, 2016.