PILIPI Meijouhw
Meijouhw
Sug Paulus og surad gini, kaba, eni moongga se tu gesisug se cinogo Roma. Anai en ouman dag ligbum, kaba, len lecic en moho gohw genes deseino leng Krisden se Pilipi terimda. Dara en ouman dag lingma, kaba, len lesai mer areibahau dou len toua. Anai len louwan naugb leng Krisden laimo Musa men gomnomna aud gousanara dara lec merus laos dau toua. Doba Paulus, kaba, en medoc ebdebin an Krisdus, dara en od mena debsa Allah an areg en os dou en dag buc gototo namcirohob. Dangga hang, areg en og se men surad gin, kaba, en emog dara medoc momogoro. Doba en agahugouhw an namcir, anai aremer augwan gini eic dag Mer Geigouhw eisaugb Krisdus agaha becintenohob. Dara Pilipi gin, kaba, Paulus men goucimdeb aimougtut se Eropa geb se leng Makedonia meren hancob toua.
Paulus men gauwamara aimougtut naugb sug en og surad gini dou leng Pilipi, kaba, dag en en sijo dou len, anai len lousa en dara aregoufu, sug ara ara emeb naugb enero. Doba en eic cumougt gin naugb enara bad len merdoc mes toua. Dauntoba sug len leiya dau men gogom, dara sug len laimo ucina mog erij gin dou lenin toua, kaba, dag len lemobsara dau Krisdusero. Doba len laiyan merdocesem naugb len laimo en dara lod merna debsa areg Allah os dou len gin toua terimda. Gin dauwohob, kaba, en esulou len dara goubesa, dauntoba len lemed lenin deseino len gus se aremer augwan. Aninim dag Yesus emeigdoumesa enin moho emagas touwero, doba en aimo meren geicara augwan dara medoc arjaga an lusud laugwan toua namcirohob.
Dara en ens dou len dag len merdoc dag hom dara Krisdus emogdoc sug len laimo Musa men gomnomna aud gousanara dara lec merus dauwero. Doba ogdoc sug len merdoc ebdebin an Krisdus. Dara ogdoc sug Allah medoc eigouhw an len dous. Gin dauwohob, kaba, en ecic dau medoc gagahugouhw dara medoc ebtou an areg Allah eic dou leng merdoc dag hom dara Krisdusohob gin toua.
Se surad gini, kaba, Paulus eigdoumesa aremer dag medoc agahugouhw, dara od mena debsa Allah an areg en os gini, dara maman mamdoc dag hom anim namcir. Dara en esulou maman ucucugb terimda dag maman mamobsara dau sug maman mamdoc ebdebin an Krisdus. Dara maicara maimo areg en arougb maman an gin touwero. Doba maman maiyan mamdocesem naugb mas agadgeij se augwan terimda.
Dara Paulus ens ainyes dou maman dag en medoc gogorougb leng Krisden se cinogo Pilipi dara en medoc augwan namcir.
Hancob Aududi:
Paulus ou leng Pilipi dara en sijo dou Allah naugb len. 1:1-11
Paulus ens dau sug eni moongga se tu gesisug. 1:12-26
Meijouhw eisaugb maman Krisden maman geicara. 1:27—2:18 Paulus ens meijouhw dou Timotius dara Epaproditus. 2:19-30
Paulus esulou dougwo leng louwan lahwan len Pilipi aud gomnomna mohon ucugb dara leng laimo areg len merdoc etrij icira. 3:1—4:9
Paulus dara en mesir se cinogo Pilipi. 4:10-20 Paulus esulou len sug ouwedoc. 4:21-23
Currently Selected:
PILIPI Meijouhw: INOSOU
Highlight
Share
Copy
Want to have your highlights saved across all your devices? Sign up or sign in
ALLAH MEN GOS DOU MENAU © Indonesian Bible Society 1996, 2016
PILIPI Meijouhw
Meijouhw
Sug Paulus og surad gini, kaba, eni moongga se tu gesisug se cinogo Roma. Anai en ouman dag ligbum, kaba, len lecic en moho gohw genes deseino leng Krisden se Pilipi terimda. Dara en ouman dag lingma, kaba, len lesai mer areibahau dou len toua. Anai len louwan naugb leng Krisden laimo Musa men gomnomna aud gousanara dara lec merus laos dau toua. Doba Paulus, kaba, en medoc ebdebin an Krisdus, dara en od mena debsa Allah an areg en os dou en dag buc gototo namcirohob. Dangga hang, areg en og se men surad gin, kaba, en emog dara medoc momogoro. Doba en agahugouhw an namcir, anai aremer augwan gini eic dag Mer Geigouhw eisaugb Krisdus agaha becintenohob. Dara Pilipi gin, kaba, Paulus men goucimdeb aimougtut se Eropa geb se leng Makedonia meren hancob toua.
Paulus men gauwamara aimougtut naugb sug en og surad gini dou leng Pilipi, kaba, dag en en sijo dou len, anai len lousa en dara aregoufu, sug ara ara emeb naugb enero. Doba en eic cumougt gin naugb enara bad len merdoc mes toua. Dauntoba sug len leiya dau men gogom, dara sug len laimo ucina mog erij gin dou lenin toua, kaba, dag len lemobsara dau Krisdusero. Doba len laiyan merdocesem naugb len laimo en dara lod merna debsa areg Allah os dou len gin toua terimda. Gin dauwohob, kaba, en esulou len dara goubesa, dauntoba len lemed lenin deseino len gus se aremer augwan. Aninim dag Yesus emeigdoumesa enin moho emagas touwero, doba en aimo meren geicara augwan dara medoc arjaga an lusud laugwan toua namcirohob.
Dara en ens dou len dag len merdoc dag hom dara Krisdus emogdoc sug len laimo Musa men gomnomna aud gousanara dara lec merus dauwero. Doba ogdoc sug len merdoc ebdebin an Krisdus. Dara ogdoc sug Allah medoc eigouhw an len dous. Gin dauwohob, kaba, en ecic dau medoc gagahugouhw dara medoc ebtou an areg Allah eic dou leng merdoc dag hom dara Krisdusohob gin toua.
Se surad gini, kaba, Paulus eigdoumesa aremer dag medoc agahugouhw, dara od mena debsa Allah an areg en os gini, dara maman mamdoc dag hom anim namcir. Dara en esulou maman ucucugb terimda dag maman mamobsara dau sug maman mamdoc ebdebin an Krisdus. Dara maicara maimo areg en arougb maman an gin touwero. Doba maman maiyan mamdocesem naugb mas agadgeij se augwan terimda.
Dara Paulus ens ainyes dou maman dag en medoc gogorougb leng Krisden se cinogo Pilipi dara en medoc augwan namcir.
Hancob Aududi:
Paulus ou leng Pilipi dara en sijo dou Allah naugb len. 1:1-11
Paulus ens dau sug eni moongga se tu gesisug. 1:12-26
Meijouhw eisaugb maman Krisden maman geicara. 1:27—2:18 Paulus ens meijouhw dou Timotius dara Epaproditus. 2:19-30
Paulus esulou dougwo leng louwan lahwan len Pilipi aud gomnomna mohon ucugb dara leng laimo areg len merdoc etrij icira. 3:1—4:9
Paulus dara en mesir se cinogo Pilipi. 4:10-20 Paulus esulou len sug ouwedoc. 4:21-23
Currently Selected:
:
Highlight
Share
Copy
Want to have your highlights saved across all your devices? Sign up or sign in
ALLAH MEN GOS DOU MENAU © Indonesian Bible Society 1996, 2016