GALATIA Meijouhw
Meijouhw
Sug lugmahara lebin Mer Geigouhw eisaugb Krisdus se len merdoc mes aimougtut, kaba, len meru en dou dag leng lesai Mer Geigouhw gini eisaugb Musa men gomnomna. Hang Paulus emesulou len dag len lemaimo Musa men gomnomna lemaos darero. Doba gareg en medoc ebdebin an Krisdus, kaba, edeinyum naugb sug Allah eic gesgigouhwesa dou en ucugb. Doba ligbum dau leng Yahudi, kaba, len len audi goucimdeb se leng Galatia meren hancob ucan Paulus. Hanoba len lenara lausa Paulus en mer dou len, lendagai: Yen meigdoc ebdebin an Krisdus dous, kaba, emedeinyumero. Doba esloulougb naugb yen yaimo Musa men gomnomna aud gousanara dara yen yec meijus dau yaos dara toua, kaba, Allah emeic gesgigouhwesa dou yen ucugb. Naro, kaba, naro.
Dangga hang, Paulus og men surad gini dou leng Krisden se leng Galatia meren hancob, dauntoba len lemaimo areg leng Yahudi lebedbed dou lenero. Doba len laimo areg en ebedbed dou len sug nosa naugb len merdoc ebdebin an Krisdus dous. Dara len leicara laimo areg en ens dau meren geicara menau dou len toua deit. Anai en enara dara mer ohos dou len dag lusud lemeija en dara lemeigdoumesa en moho naugb en esai Mer Geigouhw eisaugb Krisdus dou lusudero. Doba Allah enin eng eija en, hanoba en eigdoumesa en naugb en esai Mer Geigouhw eisaugb Krisdus gini dou lusud toua. Dara Allah emarougb en naugb en esai Krisdus moro dou leng Yahudi touwero. Doba en arougb en naugb esai Krisdus moro teisis dou leng lugmahara dous. Hang areg en esai gini, kaba, geica namcir. Dara en edag gembala misen toua. Doba areg leng Yahudi len lebedbed gin, kaba, mer areibahau dous. Hang laugwohosa len dau Ucina Misenohob.
Sug Paulus ens enin ainyes dag gembala misen dou lenohob, kaba, en ogod an mougwa hom deit dag Allah eic gesgigouhwesa dou lusud ogdoc sug len merdoc ebdebin an Krisdus gin dous. Anai sug Krisdus eigdoc maman dau sesar men gogom augwanohob, kaba, dagiro, naugwe hang, len laimo Musa men gomnomna gin toua deita? Anai gomnomna gin, kaba, arautut lusud aud sesar naugb len ledag sesar men sogougb dous. Hang en esulou leng Galatia naugb len lemaimo Musa men gomnomna gin deitero. Doba sug len larges dauwohob, kaba, len laimo Mena Gogoufu en mer aud areg geigouhw gin dous. Anai sug maman maimo areg maman mamdoc etrij icira gin, kaba, maman maimo areg gecgu dous. Doba sug maman masogwa deisa Mena Gogoufu mer aud areg en arougb maman an gin, kaba, maman maimo areg edag beim dara ecabeci terimda.
Se pasal deit, kaba, Paulus esulou leng Galatia dag len lemowunimero. Doba se aremer augwan, kaba, len merdoc gororougwim namcir. Gin dauwohob, kaba, en esulou len mougwa hom deit, dauntoba len lemaimo leng Yahudi meren gebedbed eisaugb Musa men gomnomna ginero. Doba len lasid lenin dau len namcir.
Hancob Aududi:
Paulus owun leng Krisden se leng Galatia meren hancob. 1:1-10
Paulus ens enin ainyes dag gembala misen. 1:11—2:21
Meijouhw eisaugb sug Allah eic gesgigouhwesa dou lusud. 3:1—4:31
Leng Krisden meren geicara. 5:1—6:10
Paulus esulou len sug ouwedoc. 6:11-18
Currently Selected:
GALATIA Meijouhw: INOSOU
Highlight
Share
Copy
Want to have your highlights saved across all your devices? Sign up or sign in
ALLAH MEN GOS DOU MENAU © Indonesian Bible Society 1996, 2016
GALATIA Meijouhw
Meijouhw
Sug lugmahara lebin Mer Geigouhw eisaugb Krisdus se len merdoc mes aimougtut, kaba, len meru en dou dag leng lesai Mer Geigouhw gini eisaugb Musa men gomnomna. Hang Paulus emesulou len dag len lemaimo Musa men gomnomna lemaos darero. Doba gareg en medoc ebdebin an Krisdus, kaba, edeinyum naugb sug Allah eic gesgigouhwesa dou en ucugb. Doba ligbum dau leng Yahudi, kaba, len len audi goucimdeb se leng Galatia meren hancob ucan Paulus. Hanoba len lenara lausa Paulus en mer dou len, lendagai: Yen meigdoc ebdebin an Krisdus dous, kaba, emedeinyumero. Doba esloulougb naugb yen yaimo Musa men gomnomna aud gousanara dara yen yec meijus dau yaos dara toua, kaba, Allah emeic gesgigouhwesa dou yen ucugb. Naro, kaba, naro.
Dangga hang, Paulus og men surad gini dou leng Krisden se leng Galatia meren hancob, dauntoba len lemaimo areg leng Yahudi lebedbed dou lenero. Doba len laimo areg en ebedbed dou len sug nosa naugb len merdoc ebdebin an Krisdus dous. Dara len leicara laimo areg en ens dau meren geicara menau dou len toua deit. Anai en enara dara mer ohos dou len dag lusud lemeija en dara lemeigdoumesa en moho naugb en esai Mer Geigouhw eisaugb Krisdus dou lusudero. Doba Allah enin eng eija en, hanoba en eigdoumesa en naugb en esai Mer Geigouhw eisaugb Krisdus gini dou lusud toua. Dara Allah emarougb en naugb en esai Krisdus moro dou leng Yahudi touwero. Doba en arougb en naugb esai Krisdus moro teisis dou leng lugmahara dous. Hang areg en esai gini, kaba, geica namcir. Dara en edag gembala misen toua. Doba areg leng Yahudi len lebedbed gin, kaba, mer areibahau dous. Hang laugwohosa len dau Ucina Misenohob.
Sug Paulus ens enin ainyes dag gembala misen dou lenohob, kaba, en ogod an mougwa hom deit dag Allah eic gesgigouhwesa dou lusud ogdoc sug len merdoc ebdebin an Krisdus gin dous. Anai sug Krisdus eigdoc maman dau sesar men gogom augwanohob, kaba, dagiro, naugwe hang, len laimo Musa men gomnomna gin toua deita? Anai gomnomna gin, kaba, arautut lusud aud sesar naugb len ledag sesar men sogougb dous. Hang en esulou leng Galatia naugb len lemaimo Musa men gomnomna gin deitero. Doba sug len larges dauwohob, kaba, len laimo Mena Gogoufu en mer aud areg geigouhw gin dous. Anai sug maman maimo areg maman mamdoc etrij icira gin, kaba, maman maimo areg gecgu dous. Doba sug maman masogwa deisa Mena Gogoufu mer aud areg en arougb maman an gin, kaba, maman maimo areg edag beim dara ecabeci terimda.
Se pasal deit, kaba, Paulus esulou leng Galatia dag len lemowunimero. Doba se aremer augwan, kaba, len merdoc gororougwim namcir. Gin dauwohob, kaba, en esulou len mougwa hom deit, dauntoba len lemaimo leng Yahudi meren gebedbed eisaugb Musa men gomnomna ginero. Doba len lasid lenin dau len namcir.
Hancob Aududi:
Paulus owun leng Krisden se leng Galatia meren hancob. 1:1-10
Paulus ens enin ainyes dag gembala misen. 1:11—2:21
Meijouhw eisaugb sug Allah eic gesgigouhwesa dou lusud. 3:1—4:31
Leng Krisden meren geicara. 5:1—6:10
Paulus esulou len sug ouwedoc. 6:11-18
Currently Selected:
:
Highlight
Share
Copy
Want to have your highlights saved across all your devices? Sign up or sign in
ALLAH MEN GOS DOU MENAU © Indonesian Bible Society 1996, 2016