AMSAL 6
6
To poki-pokinde' sangga'at
1O ana-anaku, pa' beleyum toho'mo binalajanji' hi sala' samian da montanggungimo samaya'nyo. 2Pa' ugaat tinompolausmo na potatae nu beleyum ka' tinompolausmo kalana nonjanji'mo na beleyum. 3De totu-totu'umo sumo aijo' o anaku beleyum kinuasanmo nu mian aijo'. Panyo sumo uuka na obau da beleyum madi'mo otuntut; palia-lia' mamba hi mian aijo' sampa pagala opoita da ia madi'mo montuntut hi beleyum. 4Bolimo pe'e mamba hoyot ka' bolimo pe'e mingkain. 5Lapasakon na butong nu beleyum i so'o aijo' susumo tomonsi' kabai kijang anu nolapasmo hi topo bebas.
6Mian anu moluluk tionyo ahi' montoa pa' mosia na soom tumuu' ka' balagulu' hi ia. 7Soom madi' ko anu mongatun, madi' ko anu mongkuasai kabai ko anu mongawasi. 8Panyo tempo'nyo nu pompadakan aha mompo unamo anu okaan da okaan nu aha de tempo'mo nu kakulangan. 9Hipian nakopinnyo na mian anu moluluk daagi saja' hoyot? Hipian na ia mongka oho'mo mobula? 10#Ams. 24:33-34 Ia milawe suha-suhang ka' momposolung limanyo ka' motatae, “Ah, aku ihoyot ola sinasaingoni', ka' aku natatundu'mo.” 11Panyo hau-haunyo ia hoyo-hoyot tinokanmo mae nu kakulangan ka' kasiasi suele tinokamo mae susumo anu mombuling ko toongonnyo anu bau pompatei.
12Mian anu ma'idek na kinyonyoanyo tiba mian anu madi' ko adatnyo iyayamae na tampat ia saja' baleko'. 13Matanyo maha kinta'an salaku bau tanda da moleko'imo. 14Kinyonyoanyo anu mabusik kahomo tanga'an anu ma'idek ka' monsaduakonmo pahantuda'an iyaya mae. 15Iwi-iwi' aijo' monsaduakonmo kasilaka'an anu monti-montiik mongkonamo butongnyo, ka' ia hansunmo totu-totu'u.
16-19Popitu' na han na anu nu ka'ideki nu Tumpu ka' madi' timbali Nupojohok.
Palabuatan anu buulon,
nganga' anu baleko'
lima anu mompatei mian anu madi'
kosala'nyo,
pikilan anu montanga'i hahan anu ma'idek,
tengke anu kosia-sia' mamba ipalabuatan anu ma'idek,
sakisi anu sabole-bole saja' baleko'
ka' mian anu saja' monsaduakon pahantuda'an hi bubu' sangalu.
Pokinde' mongkona palabuatan masala'
20O anaku obau apaa na anu pinalentahkonmo nu tuuma nu beleyum ka' boli okolilimi na to poki-pokinde' nu tina nu beleyum. 21Saja' o inau' ka' boli okolilimi na potatae nu aha ka' o una' ikinyonyoa nu beleyum. 22Pangajalan nu aha iwi-iwi' timbali molaya' beleyum de mamba moyaya, monjagai beleyum de pihimo ka' mombee'i pangajalan hi beleyum de beleyum mobulamo. 23Sinin na pangajalan nu tu'anyo nu beleyum sumomo sulu' anu majingka; pokinde nu aha mompotingaan hi beleyum jalan nu kantumuu'an anu ma'ima'. 24Tiba jalan anu sumo aijo' beleyum majo'onmo hi to bou-boune anu lewa' masala', ka' sisin na potatae nu bengkele' nu mian sangga'at anu kahanda' monggoda. 25Boli beleyum tagoda kalana montoa butong nu aha handa, boli tagoda imata nu aha anu kahanda'mo monsale'i. 26Anu lewa' masala' timbali otamboi nu kaanon sa'angu na lean, panyo masala' tiba bengkele' nu mian sangga'at tionyo ahi' obayan nu nyawa.
27Pa' timbali na mian montangkung apu, ka' madi' mopapu na baju'nyo? 28Pa' timbali na mompeja' oba nu apu ka' madi' mohohut na tengkenyo? 29Aijo' pokakanamo na bahayanyo tiba bakusinta bengkele' nu mian sangga'at. Ihe na mombau sumo aijo' madi'mo luput ihukuman. 30De mian mombuling kaanon, maumo ia mo ohopmo ia o alumo nu mian. 31Ka' de ia o hakop ia tionyo ahi' po ule' mombayan pimpitun lipat; kalana aijo' manjoo'mo ahi na halata'nyo mingkot iwi-iwi'. 32Panyo mosia na mo'ane anu masala'? Ia mosi ideimo posi butongnyo! Talalo ponga' hondo na ia! 33Ia osakisamo ka' mule' ia o alumo. Sanggonyo tinimbalimo nabusik sampe toka sidu-sidutu'. 34Saba' kalana palabuatannyo aijo', langaki nu boune aijo' minsihipmo, sahingga ia motambuha'mo hondo. Ka' de ia mombalosakon ia madi'mo daagi ko kalibosan. 35Ia madi'mo opoko ala ohase' nu doi; pontamboi mau sumo apaamo na konjoo'nyo madi'mo moko ala mohuhusi tambuha'nyo.
Currently Selected:
AMSAL 6: LAILOE
Highlight
Copy
Compare
Share
Want to have your highlights saved across all your devices? Sign up or sign in
AMSAL 6
6
To poki-pokinde' sangga'at
1O ana-anaku, pa' beleyum toho'mo binalajanji' hi sala' samian da montanggungimo samaya'nyo. 2Pa' ugaat tinompolausmo na potatae nu beleyum ka' tinompolausmo kalana nonjanji'mo na beleyum. 3De totu-totu'umo sumo aijo' o anaku beleyum kinuasanmo nu mian aijo'. Panyo sumo uuka na obau da beleyum madi'mo otuntut; palia-lia' mamba hi mian aijo' sampa pagala opoita da ia madi'mo montuntut hi beleyum. 4Bolimo pe'e mamba hoyot ka' bolimo pe'e mingkain. 5Lapasakon na butong nu beleyum i so'o aijo' susumo tomonsi' kabai kijang anu nolapasmo hi topo bebas.
6Mian anu moluluk tionyo ahi' montoa pa' mosia na soom tumuu' ka' balagulu' hi ia. 7Soom madi' ko anu mongatun, madi' ko anu mongkuasai kabai ko anu mongawasi. 8Panyo tempo'nyo nu pompadakan aha mompo unamo anu okaan da okaan nu aha de tempo'mo nu kakulangan. 9Hipian nakopinnyo na mian anu moluluk daagi saja' hoyot? Hipian na ia mongka oho'mo mobula? 10#Ams. 24:33-34 Ia milawe suha-suhang ka' momposolung limanyo ka' motatae, “Ah, aku ihoyot ola sinasaingoni', ka' aku natatundu'mo.” 11Panyo hau-haunyo ia hoyo-hoyot tinokanmo mae nu kakulangan ka' kasiasi suele tinokamo mae susumo anu mombuling ko toongonnyo anu bau pompatei.
12Mian anu ma'idek na kinyonyoanyo tiba mian anu madi' ko adatnyo iyayamae na tampat ia saja' baleko'. 13Matanyo maha kinta'an salaku bau tanda da moleko'imo. 14Kinyonyoanyo anu mabusik kahomo tanga'an anu ma'idek ka' monsaduakonmo pahantuda'an iyaya mae. 15Iwi-iwi' aijo' monsaduakonmo kasilaka'an anu monti-montiik mongkonamo butongnyo, ka' ia hansunmo totu-totu'u.
16-19Popitu' na han na anu nu ka'ideki nu Tumpu ka' madi' timbali Nupojohok.
Palabuatan anu buulon,
nganga' anu baleko'
lima anu mompatei mian anu madi'
kosala'nyo,
pikilan anu montanga'i hahan anu ma'idek,
tengke anu kosia-sia' mamba ipalabuatan anu ma'idek,
sakisi anu sabole-bole saja' baleko'
ka' mian anu saja' monsaduakon pahantuda'an hi bubu' sangalu.
Pokinde' mongkona palabuatan masala'
20O anaku obau apaa na anu pinalentahkonmo nu tuuma nu beleyum ka' boli okolilimi na to poki-pokinde' nu tina nu beleyum. 21Saja' o inau' ka' boli okolilimi na potatae nu aha ka' o una' ikinyonyoa nu beleyum. 22Pangajalan nu aha iwi-iwi' timbali molaya' beleyum de mamba moyaya, monjagai beleyum de pihimo ka' mombee'i pangajalan hi beleyum de beleyum mobulamo. 23Sinin na pangajalan nu tu'anyo nu beleyum sumomo sulu' anu majingka; pokinde nu aha mompotingaan hi beleyum jalan nu kantumuu'an anu ma'ima'. 24Tiba jalan anu sumo aijo' beleyum majo'onmo hi to bou-boune anu lewa' masala', ka' sisin na potatae nu bengkele' nu mian sangga'at anu kahanda' monggoda. 25Boli beleyum tagoda kalana montoa butong nu aha handa, boli tagoda imata nu aha anu kahanda'mo monsale'i. 26Anu lewa' masala' timbali otamboi nu kaanon sa'angu na lean, panyo masala' tiba bengkele' nu mian sangga'at tionyo ahi' obayan nu nyawa.
27Pa' timbali na mian montangkung apu, ka' madi' mopapu na baju'nyo? 28Pa' timbali na mompeja' oba nu apu ka' madi' mohohut na tengkenyo? 29Aijo' pokakanamo na bahayanyo tiba bakusinta bengkele' nu mian sangga'at. Ihe na mombau sumo aijo' madi'mo luput ihukuman. 30De mian mombuling kaanon, maumo ia mo ohopmo ia o alumo nu mian. 31Ka' de ia o hakop ia tionyo ahi' po ule' mombayan pimpitun lipat; kalana aijo' manjoo'mo ahi na halata'nyo mingkot iwi-iwi'. 32Panyo mosia na mo'ane anu masala'? Ia mosi ideimo posi butongnyo! Talalo ponga' hondo na ia! 33Ia osakisamo ka' mule' ia o alumo. Sanggonyo tinimbalimo nabusik sampe toka sidu-sidutu'. 34Saba' kalana palabuatannyo aijo', langaki nu boune aijo' minsihipmo, sahingga ia motambuha'mo hondo. Ka' de ia mombalosakon ia madi'mo daagi ko kalibosan. 35Ia madi'mo opoko ala ohase' nu doi; pontamboi mau sumo apaamo na konjoo'nyo madi'mo moko ala mohuhusi tambuha'nyo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in