AMSAL 23
23
– 6 –
1De beleyum sumuhang mongkaan tiba samian anu matangkas na pangkatnyo, tionyo nu ingat ihe na ia. 2De beleyum talalomo majota na mongkaan manjoo', pagala ahi' o'intim na jota nu beleyum anu tala-talamo aijo'. 3Boli majoko' na mongkaan kaanon anu ma'ima' anu pinosadiamo, bingko' ola bau ponguji'nyo beleyum.
– 7 –
4Boli talalo basusa-susa' kahanda da timbali kaya. Bolimo ototu'ui na niat nu beleyum aijo'. 5Kalana, ola sangkinihap halata' nu beleyum aijo' lanyapmo sumomo ia anu ko polipiknyo ka' lumahap mokiita' i langa susumo bonyia'.
– 8 –
6Boli mongkaan hingga-hinggat tiba mian anu matongot. Boli mule' mongkamilui kaanonyo anu toto ima-ima'. 7Kalana, ia saidi mae motatae, “Imbo' da mongkaan; mompaka tuangi pe'e,” padahan makisudnyo misa' sumo aijo'. Ia ola motatae ma'ima', panyo kinyonyoanyo sangalasan. 8Dumo apa na anu i lonyomo nu beleyum po'ule' nu lua'akon, ka' iwi-iwi' na potatae nu beleyum anu ma'ima' hi ia madi' ko gunanyo.
– 9 –
9Bolimo mompokinde'i mian anu ponga'; ia madi' mongangga'i pokinde' nu beleyum aijo'.
– 10 –
10Boli hondo-hondo molalin tempas nu tano', nu pusaka' kabai tano' nu anu unon madi'mo ko tuuma ka'tinanyo. 11Kalana Tumpu atina'mo na montinjohi iamo na anu montinjohi aha mongewa beleyum.
– 11 –
12Palahatikanmo na pangajalan nu gulu' nu beleyum ka' ogulu'i jonjoo.
– 12 –
13Boli hente na mongajan anak nu beleyum. De beleyum mondoke ia nu ue', ia madi mule' silaka, 14ola'o ia salamat.
– 13 –
15O'anaku, aku sanang hondo de beleyum pande. 16Aku sanang hondo de mohongo beleyum montaeakon potatae nu sahondo-hondonyo.
– 14 –
17Boli mongka'ideki mian anu baladosa'. Saja' o tuluti na Tumpu Allah, 18da kantumuu'an nu beleyum anu aiya mae i ahop timbali ma'ima ka' anu nu taha'imani madi' mokangkan.
– 15 –
19Potombihing anaku! Tembali ahi pande. Palahatikan ahi' totu-totu'u na kantumuu'an nu beleyum. 20Boli mosangalu tiba mian anu saja malangu kabai mian anu mabebes, 21kalana aha saidi mae timbali kasiasi. De beleyum ola hoyot, saba' madi'mo pin beleyum mompusokmo hude anu mobea-beakmo.
– 16 –
22O tuluti na tuuma nu beleyum, kalana de madi' ko ianyo madi' kino beleyum. De tina nu beleyum bengkele'mo opotoa ahi' na beleyum mongadati ia.
23Pangajalan anu totu'u, kapandean bapikin, pokinde ka' pangalati'an – iwi-iwi' aijo' tionyo ahi' o'oli, panyo lebe ma'ima'i boli opobaluk.
24Samian na tuuma lame'mo de anaknyo ko kalakuan ahi' anu ma'ima'; ia sanang hondo de anaknyo pande.
25O'amalakon da tuuma tiba tina nu beleyum sanang na montoa beleyum; o'amalakon da mohumpak kantumuu'an ma'ima' na boune anu nohampeakon beleyum.
– 17 –
26Palahatikan ima-ima', ka' bau sonto'na kantumuu'anku, o'anaku! 27Boune anu lewa' masala' aijo'mo na so'o anu monsilakai. 28Aha labot mohakop susumo tololang, ka' monsaduakon manjoo' na to momo'ane anu lewa'mo nasala'.
– 18 –
29-30Nusumbu' nu beleyum pa'apaa na anu jinadimo hi mian anu nonginumo anggur anu talalomo nanjoo ka' saja'mo nonginum anu moko palangu? Mian aijo' sansala ka' mongoa'i sakisa. Ia saja' mahanggaga ka' motusa'. Matanyo momea ka' butongnyo kahomo bela, padahan iwi-iwi' aijo' timbali nupoko ala nu pimpali. 31Bolimo mompojohok anggur monggoda beleyum, maumo otoa talalo ma'ima' ka' jongkilaban i uno nu galas moili minsoop ma'ima' hondo' i unonu gogohong. 32Dodop subu-subu nu oa'i nu beleyum sumomo nu sa'u nu ulo anu ko bisa'nyo. 33Mata nu beleyum mimbolialatmo, pikilan nu beleyum madi'mo tantu ka' nganga' mahataean mo. 34Beleyum mongoa'i sumomo i tuu' nu pelelan nu kapan i tonga' nu ndalangon; ubak nu beleyum moliolong mo ka' beleyum maha sungonanmo. 35Lantas beleyum motatae mo, “Ugaat aku jinagun ka'i hapa' nu mian, panyo madi'mo sinumbu-sumbu'ku pa'apaa na anu jinadimo. Ibeh, aku natatundu' mo hondo! Aku daagi' palalu po'ule' monginum!”
Currently Selected:
AMSAL 23: LAILOE
Highlight
Copy
Compare
Share
Want to have your highlights saved across all your devices? Sign up or sign in
AMSAL 23
23
– 6 –
1De beleyum sumuhang mongkaan tiba samian anu matangkas na pangkatnyo, tionyo nu ingat ihe na ia. 2De beleyum talalomo majota na mongkaan manjoo', pagala ahi' o'intim na jota nu beleyum anu tala-talamo aijo'. 3Boli majoko' na mongkaan kaanon anu ma'ima' anu pinosadiamo, bingko' ola bau ponguji'nyo beleyum.
– 7 –
4Boli talalo basusa-susa' kahanda da timbali kaya. Bolimo ototu'ui na niat nu beleyum aijo'. 5Kalana, ola sangkinihap halata' nu beleyum aijo' lanyapmo sumomo ia anu ko polipiknyo ka' lumahap mokiita' i langa susumo bonyia'.
– 8 –
6Boli mongkaan hingga-hinggat tiba mian anu matongot. Boli mule' mongkamilui kaanonyo anu toto ima-ima'. 7Kalana, ia saidi mae motatae, “Imbo' da mongkaan; mompaka tuangi pe'e,” padahan makisudnyo misa' sumo aijo'. Ia ola motatae ma'ima', panyo kinyonyoanyo sangalasan. 8Dumo apa na anu i lonyomo nu beleyum po'ule' nu lua'akon, ka' iwi-iwi' na potatae nu beleyum anu ma'ima' hi ia madi' ko gunanyo.
– 9 –
9Bolimo mompokinde'i mian anu ponga'; ia madi' mongangga'i pokinde' nu beleyum aijo'.
– 10 –
10Boli hondo-hondo molalin tempas nu tano', nu pusaka' kabai tano' nu anu unon madi'mo ko tuuma ka'tinanyo. 11Kalana Tumpu atina'mo na montinjohi iamo na anu montinjohi aha mongewa beleyum.
– 11 –
12Palahatikanmo na pangajalan nu gulu' nu beleyum ka' ogulu'i jonjoo.
– 12 –
13Boli hente na mongajan anak nu beleyum. De beleyum mondoke ia nu ue', ia madi mule' silaka, 14ola'o ia salamat.
– 13 –
15O'anaku, aku sanang hondo de beleyum pande. 16Aku sanang hondo de mohongo beleyum montaeakon potatae nu sahondo-hondonyo.
– 14 –
17Boli mongka'ideki mian anu baladosa'. Saja' o tuluti na Tumpu Allah, 18da kantumuu'an nu beleyum anu aiya mae i ahop timbali ma'ima ka' anu nu taha'imani madi' mokangkan.
– 15 –
19Potombihing anaku! Tembali ahi pande. Palahatikan ahi' totu-totu'u na kantumuu'an nu beleyum. 20Boli mosangalu tiba mian anu saja malangu kabai mian anu mabebes, 21kalana aha saidi mae timbali kasiasi. De beleyum ola hoyot, saba' madi'mo pin beleyum mompusokmo hude anu mobea-beakmo.
– 16 –
22O tuluti na tuuma nu beleyum, kalana de madi' ko ianyo madi' kino beleyum. De tina nu beleyum bengkele'mo opotoa ahi' na beleyum mongadati ia.
23Pangajalan anu totu'u, kapandean bapikin, pokinde ka' pangalati'an – iwi-iwi' aijo' tionyo ahi' o'oli, panyo lebe ma'ima'i boli opobaluk.
24Samian na tuuma lame'mo de anaknyo ko kalakuan ahi' anu ma'ima'; ia sanang hondo de anaknyo pande.
25O'amalakon da tuuma tiba tina nu beleyum sanang na montoa beleyum; o'amalakon da mohumpak kantumuu'an ma'ima' na boune anu nohampeakon beleyum.
– 17 –
26Palahatikan ima-ima', ka' bau sonto'na kantumuu'anku, o'anaku! 27Boune anu lewa' masala' aijo'mo na so'o anu monsilakai. 28Aha labot mohakop susumo tololang, ka' monsaduakon manjoo' na to momo'ane anu lewa'mo nasala'.
– 18 –
29-30Nusumbu' nu beleyum pa'apaa na anu jinadimo hi mian anu nonginumo anggur anu talalomo nanjoo ka' saja'mo nonginum anu moko palangu? Mian aijo' sansala ka' mongoa'i sakisa. Ia saja' mahanggaga ka' motusa'. Matanyo momea ka' butongnyo kahomo bela, padahan iwi-iwi' aijo' timbali nupoko ala nu pimpali. 31Bolimo mompojohok anggur monggoda beleyum, maumo otoa talalo ma'ima' ka' jongkilaban i uno nu galas moili minsoop ma'ima' hondo' i unonu gogohong. 32Dodop subu-subu nu oa'i nu beleyum sumomo nu sa'u nu ulo anu ko bisa'nyo. 33Mata nu beleyum mimbolialatmo, pikilan nu beleyum madi'mo tantu ka' nganga' mahataean mo. 34Beleyum mongoa'i sumomo i tuu' nu pelelan nu kapan i tonga' nu ndalangon; ubak nu beleyum moliolong mo ka' beleyum maha sungonanmo. 35Lantas beleyum motatae mo, “Ugaat aku jinagun ka'i hapa' nu mian, panyo madi'mo sinumbu-sumbu'ku pa'apaa na anu jinadimo. Ibeh, aku natatundu' mo hondo! Aku daagi' palalu po'ule' monginum!”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in