AMSAL 10
10
Pokinde' i Salomo
1Sumo uuka na pokinde' i Salomo:
Anak anu pande mohangkat sanggo nu tuumanyo;
panyo anak anu ponga' momposusa' kinyonyoa nu tinanyo.
2Kakaya'an anu ohumpak nu katageo'an madi' mombee'i ka untungan;
panyo mule' anu madi' tageo' timbali momboa kasalamatan.
3Tumpu madi' mompojohok mian anu manonong kakulangan i anu okaan;
panyo Ia madi' mombee'i kasampatan mian anu ma'idek
nakalakuannyo sahingga mian aijo' madi' moko ala mohumpak anu nu ka'ma'i.
4Mian anu moluluk saidi mae timbali kasiasi;
panyo mian anu makeke saidi mae timbali kaya.
5Mian anu pande mohumpakmo anu nu padak de tokamo na lonunyo;
panyo mian anu ola saja' hoyot de tokamo na lonunyo pompadakan ola ahi' monsaduakon da butongnyo ma'ambang.
6Mian anu manonong mohumpak balakat.
Panyo palabuatan nu mian anu taha-tahahumo hi mian kiijo' sulu-sulu' ipotatae nu mian anu ma'idek na kinyonyoanyo.
7Saja' o inau' na mian anu manonong, aijo' salakumo sa'angu' na balakat;
panyo mian anu ma'idek na kinyonyoanyo malia' hondo okolilimi.
8Mian anu pande mongka'ima'i pokinde';
panyo mian anu potataenyo madi' singguan saidi' mae mohumpak kasusa'an.
9Mian anu madi' tageo' na kinyonyoanyo kantumuu'annyo aman;
panyo mian anu mongakali saidi' mae osumbu'mo.
10Ihe na mompohowini kahondoan, mompodaagi' kasusa'an;
panyo ihe na mompisala'i i aho-ahop, mompagala da mohumpak kantumuu'an ma'ima'.
11Sisik nu mian anu manonong mompotimbali kantumuu'an anu ma'ima'.
Panyo kiijo' sulu-suluk ipotatae nu mian anu ma'idek nakinyonyoanyo madi' osumbu-sumbu'na kinyonyoa anu pagalanta.
12 #
Yak. 5:20, 1Ptr. 4:8 Mongka'ideki mian monsaduakon da saja' painggaga;
panyo mompaha kali-kalibosi mongampuni iwi-iwi' na kasala'an.
13Mian anu kopikilannyo matajom montaeakon potatae anu pande.
Panyo mian anu ponga' na palalu ahi' opohos.
14Mian anu pande momposihuk pangatahuan anu mingkaliangan;
panyo de mian anu ponga' na motatae, ia ola monsaduakon anu moko silaka.
15Kakaya'an monjagai mian anu kaya;
panyo kasusa'an i uno nu kantumuu'an mohansuni mian anu kasiasi.
16De mombau ka'ima'an tamboonyo aijo'mo kantumuu'an anu sanang.
Panyo de mombau dosa' ahennyo lebe manjoo' mule' da dosa'.
17Ihe na mompalahatikan pokinde' mohumpak kantumuu'an anu sanang.
Panyo de ihe na madi' mongakui kasala'annyo; ia i unomo nu kasilaka'an.
18Mian anu mompohowini mongka'ideki mian aijo'mo na anu saja' mongakali.
Mian anu lewa' mompitana'i aijo'mo na mian anu ponga' hondo.
19Talalo manjoo' na potatae, talalo manjoo' mule' ugaat na mombau dosa';
panyo mian anu moko ala monjagai jila'nyo atina'mo na mian pande.
20Potatae nu mian anu manonong sumomo salaka anu madi' kogalo'nyo.
Panyo pikilan nu mian anu ma'idek na kinyonyoanyo madi' ko alati'nyo.
21Potatae nu mian anu manonong salakumo balakat kona hi mian da'isan.
Panyo kaponga'an nu mian anu ponga' monsilakai posi butongnyo.
22Ola ahi' kalana balakat nu Tumpu na mian timbali kaya,
panyo mokalaja makeke madi' moko ala montuangi halata.'
23Mian anu ponga' sanang na mombau pakalaja'an;
panyo mian anu pande mongka'ima'i hondo molio kapandean bapikin.
24Mian anu madi' tageo' na kinyonyoanyo mohumpak apaa na anu nu kahanda'i;
panyo mian anu ma'idek na kinyonyoanyo mohumpak apaa na anu talalo hondo nu kabuhuk.
25De ko tombusisi' montuda'mae mohopu' na mian anu ma'idek na kinyonyoanyo;
panyo mian anu madi' tageo' na kinyonyoanyo tataap mahoson sampe toka sidu-sidutu'.
26Boli mompokau mian anu moluluk, ia ola momposungkelek kinyonyoa;
sumomo anu malosing mongilu'i bese' kabai tibuk mompopoe'mata.
27Oholomati na Tumpu da beleyum tumuu' pin;
mian anu ma'idek na kinyonyoanyo ma'isa pe'e toka na ajannyo ia silakamo.
28Anu nu taha imani nu mian anu manonong na kinyonyoanyo mompotimbali ia sanang na kinyonyoanyo;
anu nu taha imani nu mian anu ma'idek na kinyonyoanyo madi'mo ko apa-apaa anu nu humpak.
29Tumpu monjagai mian anu madi' tageo' na kinyonyoanyo;
panyo monsilakai mian anu mombau anu ma'idek.
30Mian anu madi' tageo' na kinyonyoanyo kantumuu'annyo madi' ko anu mompoposia ka' mule' mohumpak ka'ima'an;
panyo mian anu ma'idek na kinyonyoanyo madi' jojoong i tano' pusaka'.
31Mian anu madi' tageo' na kinyonyoanyo pande na basisik;
panyo mian anu ma'idek na kinyonyoanyo ogunggumije na nganga'nyo.
32Potatae nu mian anu madi' tageo' na kinyonyoanyo momposanang kinyonyoa;
panyo potatae nu mian anu ma'idek na kinyonyoanyo saja' momposakit kinyonyoa.
Currently Selected:
AMSAL 10: LAILOE
Highlight
Copy
Compare
Share
Want to have your highlights saved across all your devices? Sign up or sign in
AMSAL 10
10
Pokinde' i Salomo
1Sumo uuka na pokinde' i Salomo:
Anak anu pande mohangkat sanggo nu tuumanyo;
panyo anak anu ponga' momposusa' kinyonyoa nu tinanyo.
2Kakaya'an anu ohumpak nu katageo'an madi' mombee'i ka untungan;
panyo mule' anu madi' tageo' timbali momboa kasalamatan.
3Tumpu madi' mompojohok mian anu manonong kakulangan i anu okaan;
panyo Ia madi' mombee'i kasampatan mian anu ma'idek
nakalakuannyo sahingga mian aijo' madi' moko ala mohumpak anu nu ka'ma'i.
4Mian anu moluluk saidi mae timbali kasiasi;
panyo mian anu makeke saidi mae timbali kaya.
5Mian anu pande mohumpakmo anu nu padak de tokamo na lonunyo;
panyo mian anu ola saja' hoyot de tokamo na lonunyo pompadakan ola ahi' monsaduakon da butongnyo ma'ambang.
6Mian anu manonong mohumpak balakat.
Panyo palabuatan nu mian anu taha-tahahumo hi mian kiijo' sulu-sulu' ipotatae nu mian anu ma'idek na kinyonyoanyo.
7Saja' o inau' na mian anu manonong, aijo' salakumo sa'angu' na balakat;
panyo mian anu ma'idek na kinyonyoanyo malia' hondo okolilimi.
8Mian anu pande mongka'ima'i pokinde';
panyo mian anu potataenyo madi' singguan saidi' mae mohumpak kasusa'an.
9Mian anu madi' tageo' na kinyonyoanyo kantumuu'annyo aman;
panyo mian anu mongakali saidi' mae osumbu'mo.
10Ihe na mompohowini kahondoan, mompodaagi' kasusa'an;
panyo ihe na mompisala'i i aho-ahop, mompagala da mohumpak kantumuu'an ma'ima'.
11Sisik nu mian anu manonong mompotimbali kantumuu'an anu ma'ima'.
Panyo kiijo' sulu-suluk ipotatae nu mian anu ma'idek nakinyonyoanyo madi' osumbu-sumbu'na kinyonyoa anu pagalanta.
12 #
Yak. 5:20, 1Ptr. 4:8 Mongka'ideki mian monsaduakon da saja' painggaga;
panyo mompaha kali-kalibosi mongampuni iwi-iwi' na kasala'an.
13Mian anu kopikilannyo matajom montaeakon potatae anu pande.
Panyo mian anu ponga' na palalu ahi' opohos.
14Mian anu pande momposihuk pangatahuan anu mingkaliangan;
panyo de mian anu ponga' na motatae, ia ola monsaduakon anu moko silaka.
15Kakaya'an monjagai mian anu kaya;
panyo kasusa'an i uno nu kantumuu'an mohansuni mian anu kasiasi.
16De mombau ka'ima'an tamboonyo aijo'mo kantumuu'an anu sanang.
Panyo de mombau dosa' ahennyo lebe manjoo' mule' da dosa'.
17Ihe na mompalahatikan pokinde' mohumpak kantumuu'an anu sanang.
Panyo de ihe na madi' mongakui kasala'annyo; ia i unomo nu kasilaka'an.
18Mian anu mompohowini mongka'ideki mian aijo'mo na anu saja' mongakali.
Mian anu lewa' mompitana'i aijo'mo na mian anu ponga' hondo.
19Talalo manjoo' na potatae, talalo manjoo' mule' ugaat na mombau dosa';
panyo mian anu moko ala monjagai jila'nyo atina'mo na mian pande.
20Potatae nu mian anu manonong sumomo salaka anu madi' kogalo'nyo.
Panyo pikilan nu mian anu ma'idek na kinyonyoanyo madi' ko alati'nyo.
21Potatae nu mian anu manonong salakumo balakat kona hi mian da'isan.
Panyo kaponga'an nu mian anu ponga' monsilakai posi butongnyo.
22Ola ahi' kalana balakat nu Tumpu na mian timbali kaya,
panyo mokalaja makeke madi' moko ala montuangi halata.'
23Mian anu ponga' sanang na mombau pakalaja'an;
panyo mian anu pande mongka'ima'i hondo molio kapandean bapikin.
24Mian anu madi' tageo' na kinyonyoanyo mohumpak apaa na anu nu kahanda'i;
panyo mian anu ma'idek na kinyonyoanyo mohumpak apaa na anu talalo hondo nu kabuhuk.
25De ko tombusisi' montuda'mae mohopu' na mian anu ma'idek na kinyonyoanyo;
panyo mian anu madi' tageo' na kinyonyoanyo tataap mahoson sampe toka sidu-sidutu'.
26Boli mompokau mian anu moluluk, ia ola momposungkelek kinyonyoa;
sumomo anu malosing mongilu'i bese' kabai tibuk mompopoe'mata.
27Oholomati na Tumpu da beleyum tumuu' pin;
mian anu ma'idek na kinyonyoanyo ma'isa pe'e toka na ajannyo ia silakamo.
28Anu nu taha imani nu mian anu manonong na kinyonyoanyo mompotimbali ia sanang na kinyonyoanyo;
anu nu taha imani nu mian anu ma'idek na kinyonyoanyo madi'mo ko apa-apaa anu nu humpak.
29Tumpu monjagai mian anu madi' tageo' na kinyonyoanyo;
panyo monsilakai mian anu mombau anu ma'idek.
30Mian anu madi' tageo' na kinyonyoanyo kantumuu'annyo madi' ko anu mompoposia ka' mule' mohumpak ka'ima'an;
panyo mian anu ma'idek na kinyonyoanyo madi' jojoong i tano' pusaka'.
31Mian anu madi' tageo' na kinyonyoanyo pande na basisik;
panyo mian anu ma'idek na kinyonyoanyo ogunggumije na nganga'nyo.
32Potatae nu mian anu madi' tageo' na kinyonyoanyo momposanang kinyonyoa;
panyo potatae nu mian anu ma'idek na kinyonyoanyo saja' momposakit kinyonyoa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in