FILIPI 2
2
I Kristus nati aluk ka' pinopodaka'
1Komiu nahosonmo kalana komiu nosa'angu'mo tiba i Kristus. Ka' komiu sinanangmo kalana i Kristus nongkalibosimo komiu! Komiu pinotiju'mo nu Roh nu Tumpu, ka' komiu suele nompaha kali-kalibosimo, ka' nompaha ina-inau'mo kalibosan nu samian ka' samian. 2Jadi, soba da komiu totu-totu'u momposanang kinyonyoangku tiba jalan anu sumo aiya: Tumuu'mo mosa'angu' nu kalibosan anu pokakana tiba pikilan ka' tanga'an anu pokakana. 3Boli mombau apa-apaa ola kalana kapalaluan nu posi butong, kabai da bau pombuulakon butong. Ola ahi' tionyo komiu toto samian mati aluk na kinyonyoa, ka' monsangka mian sangga'at na lebe talakana' molingkudui butong miu. 4Opalahatikan na kapentingan nu mian sangga'at; boli ola kapentingan nu posi butong. 5Tionyo ahi' komiu mingkinyonyoa sumo i Yesus Kristus:
6Sabenannyo Ia pokakana tiba Tumpu,
panyo Ia madi' ko kinyonyoa sabole-bole mompotoa sipat-Nyo susumo Tumpu na pagala nu toongi.
7Panyo ola ahi' ilapasakon-Nyomo iwi-iwi' aijo'
lantas tinimbalimo pokakana sumo posaihon.
Ia tinimbalimo sumo mian,
ka' otoa tumuu' sumo mian.
8Ia nompati alukakonmo butong-Nyo, ka' tinumuu'mo nontuluti Tumpu sangkutnyo sinilaka –
aijo'mo sinilaka sinalib.
9Mokonyo aijo' Tumpu nohangkatmo Ia mata-matangkas,
ka' nombee'imo Ia kakuasa'an kuasa anu lebe daka' molingkudui kakuasa'an iwi-iwi' sangga'at.
10 #
Yes. 45:23
Jadi bau pongadati i Yesus,
iwi-iwi' na malaikat kiita' i suluga'
ka' anu i dunia,
tiba anu i aluk nu dunia,
monsombahmo Ia.
11Aha iwi-iwi' mongakuimo taalu' i Yesus Kristusmo na Tumpu;
tiba jalan anu sumo aijo' Tumpu Tuumanto opopodaka'mo.
Jongkilaban sumo jingka anu monjingkai dunia
12Mokonyo aijo', to Utu-utus anu okanonongi, susumo komiu saja' montuluti aku tempo'nyo aku daagi' itina' hi komiu, saba' lebe-lebe mule' uuka aiya tempo'nyo to majo'onanmo, tionyo ahi' komiu tataap montuluti aku. Komiu pinosalamatmo nu Tumpu Allah, jadi saja' ahi' o usahakon da kabilahian miu mompaka pa'ima'. Obau na aijo' bau pongadati ka' tulu-tulutan hi Tumpu, 13kalana Tumpu na mokalaja i uno nu butong miu da mompotimbali komiu halala' ka' moko ala momposanang kinyonyoa nu Tumpu.
14Obau na iwi-iwi' aijo', ka' boli motusa' kabai painggaga. 15-16#Ul. 32:5 Tiba jalan anu sumo aijo', komiu mompotoamo saba' komiu to ana-anak nu Tumpu anu madi' ko alunyo, anu tumuu' madi' baleko' ka' madi' geguan hi aha mian anu ma'idek ka' baladosa'. Ka' de komiu monsisikmo hi aha lele anu mombee'i kantumuu'an, tionyo ahi' komiu toka hi aha timbali sumo jingka anu jongkilaban monjingkai dunia. De komiu tumuu' sumo aijo', atina'je ka' aku mongoa'i sanang hi komiu de tempo'nyomo i Yesus Kristus mompo'ule'mo toka. Aijo' na bukuti'nyo saba' usahangku madi' pinalasuma ka' usahangku kino hasinnyomo.
17Ugaat aku saidi' mae opateimo ka' baso'ku timbalimo sumo kuluban anu obubusakon i bawo nu anu osombahkon komiu hi Tumpu Allah salaku sa'angu' na tanda saba' komiu pinalesayamo hi Ia. De memang aijo' tionyo sumo aijo', aku montalima kase i han aijo' ka' lame'mo hingga-hinggat tiba komiu. 18Sumo aitu mule' na komiu tionyo suele mongoa'i sanang ka' hingga-hinggat lame' tiba aku.
I Timotius ka' i Epafroditus
19Ku palesaya i Tumpu Yesus na nontulungi sahingga aku nalia' na nonsai i Timotius namba hi komiu, da aku sanang na mohongo lele mongkona komiu. 20Ola sami-samiannyo i Timotius na mian anu pokakana na kinyonyoa tiba aku, ka' totu-totu'u mompopikilakon ka'ima'an miu. 21Anu iwi-iwi' sangga'at ola mongkalesang kapentingan nu posi butong nu aha, misa' kapentingan i Yesus Kristus. 22Posi komiu nontoamo bukuti'nyo taalu' i Timotius ko gunanyo. Ia nokalajamo juku-jukut tiba aku mompolele Lele Ma'ima' lengkat mae hi Tumpu. Kami ohua' sumomo ahi' anak tiba tuuma. 23Mokonyo aijo', malia-lia'je kusai na ia mamba hi komiu salatan kusumbu'mo mosia na palakalangku mingahen saidi' mae. 24Ku palesaya saba' kalana pontulungi nu Tumpu, aku suele madi'mo daagi' pin na mamba molenga komiu.
25Mongkona utusto i Epafroditus anu sinai miu mae da montulungi aku, ku oa'i palalu monsai ia da po'ule' minsusule' hi komiu. Ia nonsangaluimo aku i uno nu kalajangku ka' usahangku. 26Ia molibos hondo hi komiu to Utu-utus iwi-iwi', ka' sinusa'mo na kinyonyoanyo kalana komiu nohongomo lele ia masakit. 27Memang totu'u ia nasakit kiniboli' sinilakamo. Panyo Tumpu Allah nongkalibosimo ia; ka' misa' ola ia, panyo hi belengku suele da boli aku mompaka susa' mule'. 28Mokonyo aijo' lebe daka' mule' na kahanda'ku monsai ia minsusule' hi komiu da komiu po'ule' lame' de komiu singkabotmo tiba ia, ka' kinyonyoangku suele madi'mo guaon. 29Jadi, talimamo na ia nu kinyonyoa sanang sumo samian na utus anu sampo palesaya. O'angga'i na mian iwi-iwi' anu sumo ia. 30Bau kapalaluan nu kalaja i Kristus, ia kiniboli' sinilakamo; ia nombatoniakonmo nyawanyo bakasmo da silaka asan montulungi aku salaku mowakini mae komiu.
Currently Selected:
FILIPI 2: LAILOE
Highlight
Copy
Compare
Share
Want to have your highlights saved across all your devices? Sign up or sign in
FILIPI 2
2
I Kristus nati aluk ka' pinopodaka'
1Komiu nahosonmo kalana komiu nosa'angu'mo tiba i Kristus. Ka' komiu sinanangmo kalana i Kristus nongkalibosimo komiu! Komiu pinotiju'mo nu Roh nu Tumpu, ka' komiu suele nompaha kali-kalibosimo, ka' nompaha ina-inau'mo kalibosan nu samian ka' samian. 2Jadi, soba da komiu totu-totu'u momposanang kinyonyoangku tiba jalan anu sumo aiya: Tumuu'mo mosa'angu' nu kalibosan anu pokakana tiba pikilan ka' tanga'an anu pokakana. 3Boli mombau apa-apaa ola kalana kapalaluan nu posi butong, kabai da bau pombuulakon butong. Ola ahi' tionyo komiu toto samian mati aluk na kinyonyoa, ka' monsangka mian sangga'at na lebe talakana' molingkudui butong miu. 4Opalahatikan na kapentingan nu mian sangga'at; boli ola kapentingan nu posi butong. 5Tionyo ahi' komiu mingkinyonyoa sumo i Yesus Kristus:
6Sabenannyo Ia pokakana tiba Tumpu,
panyo Ia madi' ko kinyonyoa sabole-bole mompotoa sipat-Nyo susumo Tumpu na pagala nu toongi.
7Panyo ola ahi' ilapasakon-Nyomo iwi-iwi' aijo'
lantas tinimbalimo pokakana sumo posaihon.
Ia tinimbalimo sumo mian,
ka' otoa tumuu' sumo mian.
8Ia nompati alukakonmo butong-Nyo, ka' tinumuu'mo nontuluti Tumpu sangkutnyo sinilaka –
aijo'mo sinilaka sinalib.
9Mokonyo aijo' Tumpu nohangkatmo Ia mata-matangkas,
ka' nombee'imo Ia kakuasa'an kuasa anu lebe daka' molingkudui kakuasa'an iwi-iwi' sangga'at.
10 #
Yes. 45:23
Jadi bau pongadati i Yesus,
iwi-iwi' na malaikat kiita' i suluga'
ka' anu i dunia,
tiba anu i aluk nu dunia,
monsombahmo Ia.
11Aha iwi-iwi' mongakuimo taalu' i Yesus Kristusmo na Tumpu;
tiba jalan anu sumo aijo' Tumpu Tuumanto opopodaka'mo.
Jongkilaban sumo jingka anu monjingkai dunia
12Mokonyo aijo', to Utu-utus anu okanonongi, susumo komiu saja' montuluti aku tempo'nyo aku daagi' itina' hi komiu, saba' lebe-lebe mule' uuka aiya tempo'nyo to majo'onanmo, tionyo ahi' komiu tataap montuluti aku. Komiu pinosalamatmo nu Tumpu Allah, jadi saja' ahi' o usahakon da kabilahian miu mompaka pa'ima'. Obau na aijo' bau pongadati ka' tulu-tulutan hi Tumpu, 13kalana Tumpu na mokalaja i uno nu butong miu da mompotimbali komiu halala' ka' moko ala momposanang kinyonyoa nu Tumpu.
14Obau na iwi-iwi' aijo', ka' boli motusa' kabai painggaga. 15-16#Ul. 32:5 Tiba jalan anu sumo aijo', komiu mompotoamo saba' komiu to ana-anak nu Tumpu anu madi' ko alunyo, anu tumuu' madi' baleko' ka' madi' geguan hi aha mian anu ma'idek ka' baladosa'. Ka' de komiu monsisikmo hi aha lele anu mombee'i kantumuu'an, tionyo ahi' komiu toka hi aha timbali sumo jingka anu jongkilaban monjingkai dunia. De komiu tumuu' sumo aijo', atina'je ka' aku mongoa'i sanang hi komiu de tempo'nyomo i Yesus Kristus mompo'ule'mo toka. Aijo' na bukuti'nyo saba' usahangku madi' pinalasuma ka' usahangku kino hasinnyomo.
17Ugaat aku saidi' mae opateimo ka' baso'ku timbalimo sumo kuluban anu obubusakon i bawo nu anu osombahkon komiu hi Tumpu Allah salaku sa'angu' na tanda saba' komiu pinalesayamo hi Ia. De memang aijo' tionyo sumo aijo', aku montalima kase i han aijo' ka' lame'mo hingga-hinggat tiba komiu. 18Sumo aitu mule' na komiu tionyo suele mongoa'i sanang ka' hingga-hinggat lame' tiba aku.
I Timotius ka' i Epafroditus
19Ku palesaya i Tumpu Yesus na nontulungi sahingga aku nalia' na nonsai i Timotius namba hi komiu, da aku sanang na mohongo lele mongkona komiu. 20Ola sami-samiannyo i Timotius na mian anu pokakana na kinyonyoa tiba aku, ka' totu-totu'u mompopikilakon ka'ima'an miu. 21Anu iwi-iwi' sangga'at ola mongkalesang kapentingan nu posi butong nu aha, misa' kapentingan i Yesus Kristus. 22Posi komiu nontoamo bukuti'nyo taalu' i Timotius ko gunanyo. Ia nokalajamo juku-jukut tiba aku mompolele Lele Ma'ima' lengkat mae hi Tumpu. Kami ohua' sumomo ahi' anak tiba tuuma. 23Mokonyo aijo', malia-lia'je kusai na ia mamba hi komiu salatan kusumbu'mo mosia na palakalangku mingahen saidi' mae. 24Ku palesaya saba' kalana pontulungi nu Tumpu, aku suele madi'mo daagi' pin na mamba molenga komiu.
25Mongkona utusto i Epafroditus anu sinai miu mae da montulungi aku, ku oa'i palalu monsai ia da po'ule' minsusule' hi komiu. Ia nonsangaluimo aku i uno nu kalajangku ka' usahangku. 26Ia molibos hondo hi komiu to Utu-utus iwi-iwi', ka' sinusa'mo na kinyonyoanyo kalana komiu nohongomo lele ia masakit. 27Memang totu'u ia nasakit kiniboli' sinilakamo. Panyo Tumpu Allah nongkalibosimo ia; ka' misa' ola ia, panyo hi belengku suele da boli aku mompaka susa' mule'. 28Mokonyo aijo' lebe daka' mule' na kahanda'ku monsai ia minsusule' hi komiu da komiu po'ule' lame' de komiu singkabotmo tiba ia, ka' kinyonyoangku suele madi'mo guaon. 29Jadi, talimamo na ia nu kinyonyoa sanang sumo samian na utus anu sampo palesaya. O'angga'i na mian iwi-iwi' anu sumo ia. 30Bau kapalaluan nu kalaja i Kristus, ia kiniboli' sinilakamo; ia nombatoniakonmo nyawanyo bakasmo da silaka asan montulungi aku salaku mowakini mae komiu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in