YESAYA 26
26
Tumpu nombee'imo kabilahian hi mian anu palesayamo hi Ia
1Tempo'nyo aijo' mian monyanyimo nyanyian sumo uuka itano' nu Yehuda:
“Mahoson hondo na kota' aiya;
Tumpu na nombau benteng-Nyo,
i aiya na kita salamat.
2Tuhea'akon na tumban nu sabatan toto daka-daka',
da minsoopmo na bansa anu tulu-tulutan,
bansa anu nombaumo apaa na nu kahanda'i nu Tumpu-nyo.
3O, Tumpu Belento nombee'imo mae kadamean ka' mule' kantumuu'an anu ma'ima'
hi mian anu mahoson nakinyonyoanyo,
kalana ia palesaya hi Belento.
4Saja' ahi' sabole-boleh palesaya hi Tumpu,
kalana Tumpu saja' monjagai mae kita.
5Tumpu mompota'alukmo mian anu buulon;
Nu hansunimo na kota'nu aha anu kobentengnyo,
ka' opohatamo susumo tano'.
6Aha to mia-mian anu kasiasi ka' sinansalamo,
mompahampeja'akonmo ia.”
7Mian anu madi' tageo' na kinyonyoanyo lumajang ijalan anu hodi',
kalana Belento Tumpu na nombuka' jalan momona hi ia.
8Kami montulutimo kaputusan nu Belento, o, Tumpu,
ka' saja'mo montanda'i Belento;
Belentomo na anu opuji ka' mule' anu o, inau'nu kinyonyoa mami.
9Santuu'ku saja' monginau' Belento de pihimo
kinyonyoangku montaha'imani Belento de subu-subumo.
De Belento momputusimo palakala nu dunia aiya,
nu sumbu'je nu mian anu jojoong idunia aiya apaa na anu sahondo-hondonyo.
10Maumo ahi' mian anu ma'idek na kinyonyoanyo saja' o, atun ma'i-ma'ima'
panyo ia madi' ahi' monggulu'i apaa na anu sahondo-hondonyo.
Maumo ahi' inegara hukum ia saja' ahi' mingkalakuan madi' adin,
ka' madi' ka oho' mongakui kakuasa'an nu Tumpu.
11 #
Ibr. 10:27
O, Tumpu, Belento sabole-boleh mohukum anu monsampobali' Belento,
panyo madi' nu sumbu' nu aha.
Bakas da aha ma'ambangje
demontoamo kalibosan nu Belento hi mian anu palesayamo hi Belento.
Bakas da aha mohopu'o nu hukuman anu
Nu posadiamo hi aha.
12O, Tumpu, Nu balakatimo mae na kami da mohumpak kantumuu'an anu ma'ima';
iwi-iwi' na anu obau mami,
Belentomo na mombauakon apaa na anu opalalui mami.
13Kami toho'mo kinuasan nu to tuan-tuan sangga'at,
panyo ola-olamo ahi' Belento na anu o, akui mami,
o, Tumpu mami!
14Aha sinilakamo ka' madi'mo po ule' tumuu',
santuu'nyo madi'mo daagi' po ule' tumuu'.
Kalana aha ningkotmo pinatean nu Belento
ka' sinapuanmo nu Belento na sanggo nu aha da bolimo sola o, inau'.
15Belento nompaka ponjoo'mo kami mian anu palesayamo hi Belento, o, Tumpu,
ka' nompaka po ewamo daerah mami
kalana aijo' Belento iholomatanmo.
16Belento nohukumo kami;
i uno nu kasansala'an kami po ule'mo nompalesaya Belento,
ka' binalado'amo hi belento, o, Tumpu.
17Susumo boune anu kahanda'mo mompohampe anak
mongka'oa'imo ka' mondede'akonmo sakitnyo,
sumo aijo'mo na kami i ahop nu Belento, o, Tumpu.
18Kami poboamo ka' mongka'oa'imo ka' mondede'akonmo sakitnyo,
panyo madi' ahi' mompohampe apa-apaa;
kami madi' mombee'i kasalamatan hi dunia
ka' madi' mule' ahi' montuani mian anu monjojoongi ia.
19Mian anu palesayamo hi Belento sisinilakamo saidi' mae po ule'mo tumuu',
bangke-bangke' nu aha po ule'mo tumuu'.
Mian anu ilamunmo i uno nu tano'
saidi' mae po ule'mo tumuu' ka' lame'mo na lewa' molo ais.
Sumomo dondu'ok mompoloopmo tano',
Belento mompotumuu'mo mian anu palesayamo hi Belento
anu pini-pininmo na sinilaka.
Tumpu momputusimo palakala ka' po ule'mo mompoko ima'i
20Pinsoopmo i uno nu laigan nu beleyum, o, belemiu bansangku, lantas tumbanmo mae na sabatan. Paninsulukmo mau ola sasaingoni' sampe Tumpu madi'mo motambuha'. 21Mintatau'je mae na Tumpu lengkat mae aita' isuluga' kajo-kajojoongan-Nyo da mohukumo mian anu jojoong i dunia kalana dosa' nu aha. Aha mompatei aijo' madi' osumbu-sumbu' panyo sidi' mae osumbu'je ahi'. Tano' madi'mo daagi' montabuhi aha to mia-mian anu sinilaka pipinateanmo aijo'.
Currently Selected:
YESAYA 26: LAILOE
Highlight
Copy
Compare
Share
Want to have your highlights saved across all your devices? Sign up or sign in
YESAYA 26
26
Tumpu nombee'imo kabilahian hi mian anu palesayamo hi Ia
1Tempo'nyo aijo' mian monyanyimo nyanyian sumo uuka itano' nu Yehuda:
“Mahoson hondo na kota' aiya;
Tumpu na nombau benteng-Nyo,
i aiya na kita salamat.
2Tuhea'akon na tumban nu sabatan toto daka-daka',
da minsoopmo na bansa anu tulu-tulutan,
bansa anu nombaumo apaa na nu kahanda'i nu Tumpu-nyo.
3O, Tumpu Belento nombee'imo mae kadamean ka' mule' kantumuu'an anu ma'ima'
hi mian anu mahoson nakinyonyoanyo,
kalana ia palesaya hi Belento.
4Saja' ahi' sabole-boleh palesaya hi Tumpu,
kalana Tumpu saja' monjagai mae kita.
5Tumpu mompota'alukmo mian anu buulon;
Nu hansunimo na kota'nu aha anu kobentengnyo,
ka' opohatamo susumo tano'.
6Aha to mia-mian anu kasiasi ka' sinansalamo,
mompahampeja'akonmo ia.”
7Mian anu madi' tageo' na kinyonyoanyo lumajang ijalan anu hodi',
kalana Belento Tumpu na nombuka' jalan momona hi ia.
8Kami montulutimo kaputusan nu Belento, o, Tumpu,
ka' saja'mo montanda'i Belento;
Belentomo na anu opuji ka' mule' anu o, inau'nu kinyonyoa mami.
9Santuu'ku saja' monginau' Belento de pihimo
kinyonyoangku montaha'imani Belento de subu-subumo.
De Belento momputusimo palakala nu dunia aiya,
nu sumbu'je nu mian anu jojoong idunia aiya apaa na anu sahondo-hondonyo.
10Maumo ahi' mian anu ma'idek na kinyonyoanyo saja' o, atun ma'i-ma'ima'
panyo ia madi' ahi' monggulu'i apaa na anu sahondo-hondonyo.
Maumo ahi' inegara hukum ia saja' ahi' mingkalakuan madi' adin,
ka' madi' ka oho' mongakui kakuasa'an nu Tumpu.
11 #
Ibr. 10:27
O, Tumpu, Belento sabole-boleh mohukum anu monsampobali' Belento,
panyo madi' nu sumbu' nu aha.
Bakas da aha ma'ambangje
demontoamo kalibosan nu Belento hi mian anu palesayamo hi Belento.
Bakas da aha mohopu'o nu hukuman anu
Nu posadiamo hi aha.
12O, Tumpu, Nu balakatimo mae na kami da mohumpak kantumuu'an anu ma'ima';
iwi-iwi' na anu obau mami,
Belentomo na mombauakon apaa na anu opalalui mami.
13Kami toho'mo kinuasan nu to tuan-tuan sangga'at,
panyo ola-olamo ahi' Belento na anu o, akui mami,
o, Tumpu mami!
14Aha sinilakamo ka' madi'mo po ule' tumuu',
santuu'nyo madi'mo daagi' po ule' tumuu'.
Kalana aha ningkotmo pinatean nu Belento
ka' sinapuanmo nu Belento na sanggo nu aha da bolimo sola o, inau'.
15Belento nompaka ponjoo'mo kami mian anu palesayamo hi Belento, o, Tumpu,
ka' nompaka po ewamo daerah mami
kalana aijo' Belento iholomatanmo.
16Belento nohukumo kami;
i uno nu kasansala'an kami po ule'mo nompalesaya Belento,
ka' binalado'amo hi belento, o, Tumpu.
17Susumo boune anu kahanda'mo mompohampe anak
mongka'oa'imo ka' mondede'akonmo sakitnyo,
sumo aijo'mo na kami i ahop nu Belento, o, Tumpu.
18Kami poboamo ka' mongka'oa'imo ka' mondede'akonmo sakitnyo,
panyo madi' ahi' mompohampe apa-apaa;
kami madi' mombee'i kasalamatan hi dunia
ka' madi' mule' ahi' montuani mian anu monjojoongi ia.
19Mian anu palesayamo hi Belento sisinilakamo saidi' mae po ule'mo tumuu',
bangke-bangke' nu aha po ule'mo tumuu'.
Mian anu ilamunmo i uno nu tano'
saidi' mae po ule'mo tumuu' ka' lame'mo na lewa' molo ais.
Sumomo dondu'ok mompoloopmo tano',
Belento mompotumuu'mo mian anu palesayamo hi Belento
anu pini-pininmo na sinilaka.
Tumpu momputusimo palakala ka' po ule'mo mompoko ima'i
20Pinsoopmo i uno nu laigan nu beleyum, o, belemiu bansangku, lantas tumbanmo mae na sabatan. Paninsulukmo mau ola sasaingoni' sampe Tumpu madi'mo motambuha'. 21Mintatau'je mae na Tumpu lengkat mae aita' isuluga' kajo-kajojoongan-Nyo da mohukumo mian anu jojoong i dunia kalana dosa' nu aha. Aha mompatei aijo' madi' osumbu-sumbu' panyo sidi' mae osumbu'je ahi'. Tano' madi'mo daagi' montabuhi aha to mia-mian anu sinilaka pipinateanmo aijo'.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in