GALATIA 2
2
I Paulus tiba to rasul-rasul sangga'at
1 #
Kis. 11:30, 15:2 Ilapas sampulu' ka' opat na taun, aku ninsusule'mo nokiijo' i Yerusalem tiba i Barnabas, ka' nomboa suele i Titus. 2Aku namba nokiijo' i Yerusalem kalana Tumpu nompoto'imo hi belengku, tukoonyo aku tionyo mamba. Ka' i uno nu sa'angu' na binagombuan, ola samata-mata to pola-polaya' anu i kiijo' mae, aku nompotalangakonmo Lele Ma'ima' anu pinolelengkumo hi to mia-mian anu misa' Yahudi. Kalana aku madi' mongka'oho' usahangku anu u'utu, mae kabai pe'e anu uuka aiya, ola palasuma. 3I Titus, anu nonsangalui aku, mian nu Yunani, panyo ia madi' pinakisa mombatuki atulan nu sunat, 4maumo daagi' ko to mia-mian anu mompakisa han aijo'. Aha to mia-mian anu minsoop hoko-hokot hi bubuu' kita montiho-tiho sumo utus. Aha minsoop hoko-hokot da mompinasa kabebasan anu daagi' hi kita, kalana kita nosa'angu'mo tiba i Kristus Yesus. Aha mongka'oho' monsule'akon kita i kabebasan anu susumo u'utu mae salaku botuan, 5panyo kami madi' ihungku'an nu aha mau sangkiding pe'e, kalana pagala ojagai mami da Lele Ma'ima' aijo' tataap ma'ima' hi komiu.
6 #
Ul. 10:17
Maumo sumo aitu, madi' ko hahan anu ma'isa toho' ihongo nu aha na pagalamo nu tuntut nu aha hi belengku, nu to mia-mian anu osangka pande – hi belengku madi' ko bedanyo de aha pande kabai madi', kalana Tumpu madi' montoa ohup nu mian. 7Sumo aitumo mule' na to mia-mian anu osangka pande aijo' mangaku tukoonyo, Tumpu ompalentahmo aku da mompolele Lele Ma'ima' hi mian anu misa' Yahudi, pokakana sumo Ia nompalentahmo i Petrus da mompolele Lele Ma'ima' aijo' hi mian nu Yahudi. 8Kalana Tumpu na nombee' i kamampuan hi Petrus da moko ala timbali rasul nu mian Yahudi, suele nombee'imo hi belengku kamampuan da moko ala timbali rasul nu mian misa' Yahudi. 9I Yakobus, i Petrus ka' i Yohanes anu lupanyo tinimbalimo to pola-polaya' nu jama'at, nongakuimo tukoonyo Tumpu nombee'imo hi belengku palentah anu ola samata-mata aiya na obau. Sahingga aha nompaha kawamo tiba i Barnabas ka' aku, salaku tanda nosangalumo. Lantas aha ka' kami nompahakonamo jadi kami mokalajamo hi aha aijo' to bansa-bansa anu misa' Yahudi, ka' aha na hi mian nu Yahudi. 10Sala'sa'angu' na poitaon nu aha aijo' da kami mompalahatikan mian anu kasiasi. Ka' aku mule' sanang na mombau han aijo'.
I Paulus nompokinde'i i Petrus kiijo' i Antiokhia
11Salatan i Petrus tinoka kiijo' i Antiokhia, pinisala'ankumo na ia i aho-ahopnyo, kalana apaa na anu binaunyomo sala'. 12Momonanyo ia sinumuhang mongkaan hingga-hinggat tiba to Utu-utus anu misa' Yahudi. Panyo salatan to mia-mian anu sinai mae i Yakobus tinokamo, ia madi'mo nosangalu tiba to Utu-utus anu misa' Yahudi ka' madi'mo mongka'oho' mongkaan tiba aha, kalana nabuhukmo hi to mia-mian anu mongka'oho' da iwi-iwi' na mian o sunat. 13To Utu-utus Yahudi sangga'at po'ule'mo nombatuki kalakuan anu baleko' sumo i Petrus, sahingga i Barnabas suele nombatukimo kalakuannyo sumo aha. 14Salatan tinoangku taalu' aha madi' mompintoongi kahondoan nu Lele Ma'ima' aijo', aku notatae hi Petrus i ahop nu iwi-iwi' mian anu tinoka i kiijo', “De kita Utus mian nu Yahudi tumuu'mo sumo mian anu misa' Yahudi, kadaka' kita Utus uuka aiya mongka'oho'mo mompakisa to mia-mian sangga'at tumuu' sumo mian nu Yahudi?”
Mian nu Yahudi ka' misa' Yahudi oposalamat kalana palesaya hi Kristus
15Memang de o'ala ihannyo pinohampe, kami mian nu Yahudi ka' misa' “mian misa' Yahudi anu baladosa'”. 16#Mzm. 143:2, Rm. 3:20,22 Mau mule' sumo aitu osumbu' mami saba' mian mompo'ule'mo ma'ima' tiba Tumpu ola kalana palesaya hi Yesus Kristus, ka' misa' kalana mompojalan atulan nu agama. Kami suele palesaya hi Yesus Kristus, da kami mompo'ule'mo ma'ima' tiba Tumpu Allah kalana palesaya totu-totu'u, misa' kalana kami mompojalan atulan nu agama. Kalana de ola mompojalan atulan nu agama, madi' ko samian pe'e na timbali mompo'ule'mo ma'ima' tiba Tumpu Allah. 17Kami mompagala mompo'ule'mo ma'ima' hi Tumpu, aijo'mo tumuu' mosa'angu' tiba i Kristus. Panyo de lapasmo mombau anu sumo aijo', kami ahi' daagi' sumo “to mia-mian baladosa'” suele sumo to mia-mian misa' Yahudi, pa' aiya alati'nyo saba' i Kristusmo na anu monsabapi kami baladosa'? Tantu ahi' madi'! 18De aku mompo'ule'mo montampu'uni mompotinjo atulan nu agama anu ingideankumo, saba' aku momponyata'mo taalu' aku tinimbalimo anu molanggai atulan. 19Panyo aku sinilakamo i atulan nu agama – atulan aijo' na nonsilakai – da aku tumuu' bau kapentingan nu Tumpu. Aku sinalibmo hingga-hinggat i Kristus. 20Uuka misa'mo aku na anu tinumuu', panyo i Kristusmo na tinumuu' i uno nu butongku. Kantumuu'an aiya anu ku oa'i uuka aiya aitumo tumuu' palesaya hi Anak nu Tumpu anu mongkalibosi aku ka' anu nongkulubanakonmo butong-Nyo kalana aku. 21Aku madi' mongoa'i dengke na balakat nu Tumpu. De pompahasumbu'an nu mian tiba Tumpu mompo'ule'mo ma'ima' kalana mompojalan atulan nu agama, aijo' alati'nyo, i Kristus sinilaka madi' kino gunanyo!
Currently Selected:
GALATIA 2: LAILOE
Highlight
Copy
Compare
Share
Want to have your highlights saved across all your devices? Sign up or sign in
GALATIA 2
2
I Paulus tiba to rasul-rasul sangga'at
1 #
Kis. 11:30, 15:2 Ilapas sampulu' ka' opat na taun, aku ninsusule'mo nokiijo' i Yerusalem tiba i Barnabas, ka' nomboa suele i Titus. 2Aku namba nokiijo' i Yerusalem kalana Tumpu nompoto'imo hi belengku, tukoonyo aku tionyo mamba. Ka' i uno nu sa'angu' na binagombuan, ola samata-mata to pola-polaya' anu i kiijo' mae, aku nompotalangakonmo Lele Ma'ima' anu pinolelengkumo hi to mia-mian anu misa' Yahudi. Kalana aku madi' mongka'oho' usahangku anu u'utu, mae kabai pe'e anu uuka aiya, ola palasuma. 3I Titus, anu nonsangalui aku, mian nu Yunani, panyo ia madi' pinakisa mombatuki atulan nu sunat, 4maumo daagi' ko to mia-mian anu mompakisa han aijo'. Aha to mia-mian anu minsoop hoko-hokot hi bubuu' kita montiho-tiho sumo utus. Aha minsoop hoko-hokot da mompinasa kabebasan anu daagi' hi kita, kalana kita nosa'angu'mo tiba i Kristus Yesus. Aha mongka'oho' monsule'akon kita i kabebasan anu susumo u'utu mae salaku botuan, 5panyo kami madi' ihungku'an nu aha mau sangkiding pe'e, kalana pagala ojagai mami da Lele Ma'ima' aijo' tataap ma'ima' hi komiu.
6 #
Ul. 10:17
Maumo sumo aitu, madi' ko hahan anu ma'isa toho' ihongo nu aha na pagalamo nu tuntut nu aha hi belengku, nu to mia-mian anu osangka pande – hi belengku madi' ko bedanyo de aha pande kabai madi', kalana Tumpu madi' montoa ohup nu mian. 7Sumo aitumo mule' na to mia-mian anu osangka pande aijo' mangaku tukoonyo, Tumpu ompalentahmo aku da mompolele Lele Ma'ima' hi mian anu misa' Yahudi, pokakana sumo Ia nompalentahmo i Petrus da mompolele Lele Ma'ima' aijo' hi mian nu Yahudi. 8Kalana Tumpu na nombee' i kamampuan hi Petrus da moko ala timbali rasul nu mian Yahudi, suele nombee'imo hi belengku kamampuan da moko ala timbali rasul nu mian misa' Yahudi. 9I Yakobus, i Petrus ka' i Yohanes anu lupanyo tinimbalimo to pola-polaya' nu jama'at, nongakuimo tukoonyo Tumpu nombee'imo hi belengku palentah anu ola samata-mata aiya na obau. Sahingga aha nompaha kawamo tiba i Barnabas ka' aku, salaku tanda nosangalumo. Lantas aha ka' kami nompahakonamo jadi kami mokalajamo hi aha aijo' to bansa-bansa anu misa' Yahudi, ka' aha na hi mian nu Yahudi. 10Sala'sa'angu' na poitaon nu aha aijo' da kami mompalahatikan mian anu kasiasi. Ka' aku mule' sanang na mombau han aijo'.
I Paulus nompokinde'i i Petrus kiijo' i Antiokhia
11Salatan i Petrus tinoka kiijo' i Antiokhia, pinisala'ankumo na ia i aho-ahopnyo, kalana apaa na anu binaunyomo sala'. 12Momonanyo ia sinumuhang mongkaan hingga-hinggat tiba to Utu-utus anu misa' Yahudi. Panyo salatan to mia-mian anu sinai mae i Yakobus tinokamo, ia madi'mo nosangalu tiba to Utu-utus anu misa' Yahudi ka' madi'mo mongka'oho' mongkaan tiba aha, kalana nabuhukmo hi to mia-mian anu mongka'oho' da iwi-iwi' na mian o sunat. 13To Utu-utus Yahudi sangga'at po'ule'mo nombatuki kalakuan anu baleko' sumo i Petrus, sahingga i Barnabas suele nombatukimo kalakuannyo sumo aha. 14Salatan tinoangku taalu' aha madi' mompintoongi kahondoan nu Lele Ma'ima' aijo', aku notatae hi Petrus i ahop nu iwi-iwi' mian anu tinoka i kiijo', “De kita Utus mian nu Yahudi tumuu'mo sumo mian anu misa' Yahudi, kadaka' kita Utus uuka aiya mongka'oho'mo mompakisa to mia-mian sangga'at tumuu' sumo mian nu Yahudi?”
Mian nu Yahudi ka' misa' Yahudi oposalamat kalana palesaya hi Kristus
15Memang de o'ala ihannyo pinohampe, kami mian nu Yahudi ka' misa' “mian misa' Yahudi anu baladosa'”. 16#Mzm. 143:2, Rm. 3:20,22 Mau mule' sumo aitu osumbu' mami saba' mian mompo'ule'mo ma'ima' tiba Tumpu ola kalana palesaya hi Yesus Kristus, ka' misa' kalana mompojalan atulan nu agama. Kami suele palesaya hi Yesus Kristus, da kami mompo'ule'mo ma'ima' tiba Tumpu Allah kalana palesaya totu-totu'u, misa' kalana kami mompojalan atulan nu agama. Kalana de ola mompojalan atulan nu agama, madi' ko samian pe'e na timbali mompo'ule'mo ma'ima' tiba Tumpu Allah. 17Kami mompagala mompo'ule'mo ma'ima' hi Tumpu, aijo'mo tumuu' mosa'angu' tiba i Kristus. Panyo de lapasmo mombau anu sumo aijo', kami ahi' daagi' sumo “to mia-mian baladosa'” suele sumo to mia-mian misa' Yahudi, pa' aiya alati'nyo saba' i Kristusmo na anu monsabapi kami baladosa'? Tantu ahi' madi'! 18De aku mompo'ule'mo montampu'uni mompotinjo atulan nu agama anu ingideankumo, saba' aku momponyata'mo taalu' aku tinimbalimo anu molanggai atulan. 19Panyo aku sinilakamo i atulan nu agama – atulan aijo' na nonsilakai – da aku tumuu' bau kapentingan nu Tumpu. Aku sinalibmo hingga-hinggat i Kristus. 20Uuka misa'mo aku na anu tinumuu', panyo i Kristusmo na tinumuu' i uno nu butongku. Kantumuu'an aiya anu ku oa'i uuka aiya aitumo tumuu' palesaya hi Anak nu Tumpu anu mongkalibosi aku ka' anu nongkulubanakonmo butong-Nyo kalana aku. 21Aku madi' mongoa'i dengke na balakat nu Tumpu. De pompahasumbu'an nu mian tiba Tumpu mompo'ule'mo ma'ima' kalana mompojalan atulan nu agama, aijo' alati'nyo, i Kristus sinilaka madi' kino gunanyo!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in