2 TESALONIKA 3
3
Do'akon mae na kami
1Ka' mule' to Utu-utus, do'akon mae na kami. Balado'a da lele lengkat mae hi Tumpu saja' sampa tolele ka' otalima ma'i-ma'ima' susumo anu toho'mo jinadi hi komiu u'utu mae. 2Do'akon suele da Tumpu momposalamat kami da boli nu silakai nu to mia-mian anu palaganta ka' ma'idek. Kalana madi' iwi-iwi'mo na mian anu pinalesayamo i lele anu lengkat mae hi Tumpu aijo'.
3Panyo Tumpu mongkanonongi. Ia mompohoson ka' monjagai komiu da te Ibilis madi' mompoposia komiu. 4Ka' kami palesaya hondo-hondo hi Tumpu apaa na anu jinadimo hi komiu, kalana komiu nombaumo ka' sabole-bole mombau apaa na anu pinoto'imo mami hi komiu.
5O amalakon da Tumpu saja' mompotingaan komiu, da lebe mangalati', hi Tumpu anu mongkalibosi komiu, ka' kalana i Kristus nombee'imo kasabalan hi komiu.
Palentah da mokalaja
6To Utu-utus, kalana kuasa i Tumpu Yesus Kristus, kami mompalentah da komiu matijo'on hi to Utu-utus iwi-iwi' anu tumuu' to lulu-luluk, ka' madi' mombatuki aja-ajalan anu obee' kami hi aha. 7Posi komiu monsumbu'mo, saba' komiu tionyo ahi' montiho' sonto' kami. Kami madi' lewa' moluluk tempo'nyo kami daagi' itina' mae hi komiu. 8Kami madi' mongkaan kaanon nu mian de madi' o bayan mami. Panyo mule' sinaa ka' pihi, kami mokalaja totu-totu'u, da kami madi' monsusa'i maumo pa' ihe itina' hi komiu. 9Kami mombau aijo' misa' kalana kami madi' ko hak montuntut da komiu montulungi kami, panyo kalana kami mongka'oho' da timbali sonto' hi komiu. 10Tempo'nyo kami daagi' itina' hi komiu, kami nombee'imo atulan sumo uuka, “Mian anu madi' mongka'oho' mokalaja, madi' timbali mongkaan.”
11Kami motatae sumo aiya, kalana kami nohongomo, daagi' ko to mia-mian anu itina' hi komiu anu tumuu' ola lewa'mo luluk. Aha madi' mombau apa-apaa panyo ola ahi' saja' monggalo'i ulusan nu mian sangga'at. 12Kalana kuasa nu Tumpu Yesus Kristus, sahingga kami mompalentahmo mian haha aijo' da mombee'i pokinde' da aha mokalaja ma'i-ma'ima' ka' molio anu bau pontumuu' nu aha.
13Panyo komiu boli ma'osa na mombau anu ma'ima'. 14Kugantang daagi' ko mian anu madi' mongka'oho' montuluti apaa na anu tinaloakonmo mami i uno nu sulat aiya. Obalaingati na mian anu sumo aijo', ka' boli mosangalu tiba ia da ia ma'ambang. 15Panyo boli ahi' mombau ia sumo anu mompaha idek, ola ahi' opokinde'i na ia sumo samian na utus.
Potatae anu pupuusnyomo
16Tumpu pinolengkatan nu ka'ima'anto. O amalakon hi Ia da saja' mombee'i komiu ka'ima'an i uno nu iwi-iwi' na han. O amalakon da Tumpu saja' monjagai to Utu-utus iwi-iwi'.
17 Salan do'angku i Paulus. Posi aku na nontulis bahagian sangga'at aiya. Aiyamo na tanda anu tinuliskumo iwi-iwi' i sulatku.
18O amalakon da Tumpunto i Yesus Kristus mombalakati komiu Utus iwi-iwi'.
Tabea' mami, I Paulus 6
Currently Selected:
2 TESALONIKA 3: LAILOE
Highlight
Copy
Compare
Share
Want to have your highlights saved across all your devices? Sign up or sign in
2 TESALONIKA 3
3
Do'akon mae na kami
1Ka' mule' to Utu-utus, do'akon mae na kami. Balado'a da lele lengkat mae hi Tumpu saja' sampa tolele ka' otalima ma'i-ma'ima' susumo anu toho'mo jinadi hi komiu u'utu mae. 2Do'akon suele da Tumpu momposalamat kami da boli nu silakai nu to mia-mian anu palaganta ka' ma'idek. Kalana madi' iwi-iwi'mo na mian anu pinalesayamo i lele anu lengkat mae hi Tumpu aijo'.
3Panyo Tumpu mongkanonongi. Ia mompohoson ka' monjagai komiu da te Ibilis madi' mompoposia komiu. 4Ka' kami palesaya hondo-hondo hi Tumpu apaa na anu jinadimo hi komiu, kalana komiu nombaumo ka' sabole-bole mombau apaa na anu pinoto'imo mami hi komiu.
5O amalakon da Tumpu saja' mompotingaan komiu, da lebe mangalati', hi Tumpu anu mongkalibosi komiu, ka' kalana i Kristus nombee'imo kasabalan hi komiu.
Palentah da mokalaja
6To Utu-utus, kalana kuasa i Tumpu Yesus Kristus, kami mompalentah da komiu matijo'on hi to Utu-utus iwi-iwi' anu tumuu' to lulu-luluk, ka' madi' mombatuki aja-ajalan anu obee' kami hi aha. 7Posi komiu monsumbu'mo, saba' komiu tionyo ahi' montiho' sonto' kami. Kami madi' lewa' moluluk tempo'nyo kami daagi' itina' mae hi komiu. 8Kami madi' mongkaan kaanon nu mian de madi' o bayan mami. Panyo mule' sinaa ka' pihi, kami mokalaja totu-totu'u, da kami madi' monsusa'i maumo pa' ihe itina' hi komiu. 9Kami mombau aijo' misa' kalana kami madi' ko hak montuntut da komiu montulungi kami, panyo kalana kami mongka'oho' da timbali sonto' hi komiu. 10Tempo'nyo kami daagi' itina' hi komiu, kami nombee'imo atulan sumo uuka, “Mian anu madi' mongka'oho' mokalaja, madi' timbali mongkaan.”
11Kami motatae sumo aiya, kalana kami nohongomo, daagi' ko to mia-mian anu itina' hi komiu anu tumuu' ola lewa'mo luluk. Aha madi' mombau apa-apaa panyo ola ahi' saja' monggalo'i ulusan nu mian sangga'at. 12Kalana kuasa nu Tumpu Yesus Kristus, sahingga kami mompalentahmo mian haha aijo' da mombee'i pokinde' da aha mokalaja ma'i-ma'ima' ka' molio anu bau pontumuu' nu aha.
13Panyo komiu boli ma'osa na mombau anu ma'ima'. 14Kugantang daagi' ko mian anu madi' mongka'oho' montuluti apaa na anu tinaloakonmo mami i uno nu sulat aiya. Obalaingati na mian anu sumo aijo', ka' boli mosangalu tiba ia da ia ma'ambang. 15Panyo boli ahi' mombau ia sumo anu mompaha idek, ola ahi' opokinde'i na ia sumo samian na utus.
Potatae anu pupuusnyomo
16Tumpu pinolengkatan nu ka'ima'anto. O amalakon hi Ia da saja' mombee'i komiu ka'ima'an i uno nu iwi-iwi' na han. O amalakon da Tumpu saja' monjagai to Utu-utus iwi-iwi'.
17 Salan do'angku i Paulus. Posi aku na nontulis bahagian sangga'at aiya. Aiyamo na tanda anu tinuliskumo iwi-iwi' i sulatku.
18O amalakon da Tumpunto i Yesus Kristus mombalakati komiu Utus iwi-iwi'.
Tabea' mami, I Paulus 6
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in