Wahiu 4
4
Peponoꞌokiꞌi korompihana (4:1–16:21)
Pepokodeꞌ i suruga
1Uko tiꞌo, uwaꞌ womo pampeponoꞌokiꞌi. Aku hi Yohanes pangkiꞌa wambaꞌ to moweaꞌ i suruga, hei kuhori womo loaꞌ hibali monina torompeꞌ to kuhorimo hampiha. Notiꞌikiꞌa, “Mehendeꞌmoko humei! Hingkiꞌ Kutidoꞌkiko hapo to hangangaa mewali i ando to hingkiꞌ dongkaꞌ.” 2I tempo tiꞌo woꞌo, nokuasaꞌimoꞌa Inohaꞌna Pueꞌ Ala, hei kuꞌokiꞌ haꞌanu pahura kodatua i suruga. Uwaꞌ Haduo to mahura i pahura tiꞌo. 3Lentena moꞌindoꞌ mpololeke hei manakiꞌ hibali watu mpisiꞌ to mangkomomataꞌ hei momeaꞌ. Hei uwaꞌ halangkaꞌ hibali tantoroꞌoꞌue to manakiꞌ motuleliꞌi pahura datu tiꞌo. 4Hei pahura kodatua tiꞌo notuleliꞌi rompuluꞌ iba pahura ntaniꞌna. Pahura tiꞌo ropahurai tadulako-tadulako to rompuluꞌ iba, mebaduꞌ to popuhiꞌ hei metotalihi bulawa. 5Pahura datu tiꞌo mewiaꞌ hei meboluntuꞌ nturusi. I hinarona pahura tiꞌo, uwaꞌ pitu onu huluꞌ to makiꞌ. Huluꞌ tiꞌo, palaihana pitu langkaꞌ jamana Inohaꞌna Pueꞌ Ala. 6Uwaꞌ woꞌo i hinarona pahura tiꞌo, hibali tahiꞌ to moꞌinoto, lentena moꞌinoto mpololeke hibali watu kaca.
Pahura kodatua tiꞌo notuleliꞌi woꞌo iba langkaꞌ to tuwuꞌ.#4:6 halangkaꞌ to tuwuꞌ I Wiharo Indonesia: makhluk. Basa woꞌo Yeh. 1:5; Wah. 5:6-14, 6:1-7, 7:11, 14:3, 15:7, 19:4. Woriꞌ mpololeke matare. Lekiꞌ-lekiꞌna wotara nokoꞌuwaꞌi mata, moromiꞌ i hinarora, moromiꞌ i tundura. 7Ka to tuwuꞌ tiꞌo, halangkaꞌ hibali singa. Korolangkaꞌna hibali gapiꞌ laki. Kotolu langkaꞌna hibali toaꞌ. Koꞌiba langkaꞌna hibali muntuꞌ to kolentuꞌana meloka. 8To tuwuꞌ iba tiꞌo mokepaꞌ oni onu, hei lekiꞌ-lekiꞌna wotara kemata. Howeꞌ i luaꞌ kepaꞌra, kemata woꞌo. Ando wini, molingahi nturusi, rotiꞌi:
“Mangkolehi! Mangkolehi! Mangkolehi mpuꞌu Pueꞌ Ala!
Iomo to meliu kuasaꞌNe ka lekiꞌ-lekiꞌna,
Io to uwaꞌmo umbiꞌ mepongka ka uluꞌ-uluꞌna,
to uwaꞌ hinewowoꞌena,
hei to hingkiꞌ uwaꞌ nturusi wute nantolou-louna!”
9Totuwuꞌ tiꞌohi mantiꞌi woriꞌ komoromiꞌNa, moꞌadaꞌi hei mampokodeꞌhi konaꞌna Haduo to mahura i pahura kodatua hei to tuwuꞌ nturusi wute nantolou-louna. Ipampowutera pepokodeꞌ, 10tadulako-tadulako to rompuluꞌ iba metumpapaꞌhi i hinarona Haduo to mahura i pahura kodatua hei to tuwuꞌ nturusi wute nantolou-louna. Molulehi totali kodatuara i hinarona pahurahaNa tiꞌo, tandaꞌ peꞌadaꞌira. Uko tiꞌo, rotiꞌi:
11“Pueꞌ Ala, Pueꞌki!
Ingkomo to masipatoꞌ ropokodeꞌ hei niꞌadaꞌi.
Ingkolu to makuasaꞌ,
alaꞌ Ingko to mowali hinangkana.
Nokomi peleihaMu, Ipopewali hei Ipotuwuꞌ lekiꞌ-lekiꞌna to uwaꞌ.”
Currently Selected:
Wahiu 4: LAILJE
Highlight
Copy
Compare
Share
Want to have your highlights saved across all your devices? Sign up or sign in
2017 Indonesian Bible Society (Lembaga Alkitab Indonesia)
Wahiu 4
4
Peponoꞌokiꞌi korompihana (4:1–16:21)
Pepokodeꞌ i suruga
1Uko tiꞌo, uwaꞌ womo pampeponoꞌokiꞌi. Aku hi Yohanes pangkiꞌa wambaꞌ to moweaꞌ i suruga, hei kuhori womo loaꞌ hibali monina torompeꞌ to kuhorimo hampiha. Notiꞌikiꞌa, “Mehendeꞌmoko humei! Hingkiꞌ Kutidoꞌkiko hapo to hangangaa mewali i ando to hingkiꞌ dongkaꞌ.” 2I tempo tiꞌo woꞌo, nokuasaꞌimoꞌa Inohaꞌna Pueꞌ Ala, hei kuꞌokiꞌ haꞌanu pahura kodatua i suruga. Uwaꞌ Haduo to mahura i pahura tiꞌo. 3Lentena moꞌindoꞌ mpololeke hei manakiꞌ hibali watu mpisiꞌ to mangkomomataꞌ hei momeaꞌ. Hei uwaꞌ halangkaꞌ hibali tantoroꞌoꞌue to manakiꞌ motuleliꞌi pahura datu tiꞌo. 4Hei pahura kodatua tiꞌo notuleliꞌi rompuluꞌ iba pahura ntaniꞌna. Pahura tiꞌo ropahurai tadulako-tadulako to rompuluꞌ iba, mebaduꞌ to popuhiꞌ hei metotalihi bulawa. 5Pahura datu tiꞌo mewiaꞌ hei meboluntuꞌ nturusi. I hinarona pahura tiꞌo, uwaꞌ pitu onu huluꞌ to makiꞌ. Huluꞌ tiꞌo, palaihana pitu langkaꞌ jamana Inohaꞌna Pueꞌ Ala. 6Uwaꞌ woꞌo i hinarona pahura tiꞌo, hibali tahiꞌ to moꞌinoto, lentena moꞌinoto mpololeke hibali watu kaca.
Pahura kodatua tiꞌo notuleliꞌi woꞌo iba langkaꞌ to tuwuꞌ.#4:6 halangkaꞌ to tuwuꞌ I Wiharo Indonesia: makhluk. Basa woꞌo Yeh. 1:5; Wah. 5:6-14, 6:1-7, 7:11, 14:3, 15:7, 19:4. Woriꞌ mpololeke matare. Lekiꞌ-lekiꞌna wotara nokoꞌuwaꞌi mata, moromiꞌ i hinarora, moromiꞌ i tundura. 7Ka to tuwuꞌ tiꞌo, halangkaꞌ hibali singa. Korolangkaꞌna hibali gapiꞌ laki. Kotolu langkaꞌna hibali toaꞌ. Koꞌiba langkaꞌna hibali muntuꞌ to kolentuꞌana meloka. 8To tuwuꞌ iba tiꞌo mokepaꞌ oni onu, hei lekiꞌ-lekiꞌna wotara kemata. Howeꞌ i luaꞌ kepaꞌra, kemata woꞌo. Ando wini, molingahi nturusi, rotiꞌi:
“Mangkolehi! Mangkolehi! Mangkolehi mpuꞌu Pueꞌ Ala!
Iomo to meliu kuasaꞌNe ka lekiꞌ-lekiꞌna,
Io to uwaꞌmo umbiꞌ mepongka ka uluꞌ-uluꞌna,
to uwaꞌ hinewowoꞌena,
hei to hingkiꞌ uwaꞌ nturusi wute nantolou-louna!”
9Totuwuꞌ tiꞌohi mantiꞌi woriꞌ komoromiꞌNa, moꞌadaꞌi hei mampokodeꞌhi konaꞌna Haduo to mahura i pahura kodatua hei to tuwuꞌ nturusi wute nantolou-louna. Ipampowutera pepokodeꞌ, 10tadulako-tadulako to rompuluꞌ iba metumpapaꞌhi i hinarona Haduo to mahura i pahura kodatua hei to tuwuꞌ nturusi wute nantolou-louna. Molulehi totali kodatuara i hinarona pahurahaNa tiꞌo, tandaꞌ peꞌadaꞌira. Uko tiꞌo, rotiꞌi:
11“Pueꞌ Ala, Pueꞌki!
Ingkomo to masipatoꞌ ropokodeꞌ hei niꞌadaꞌi.
Ingkolu to makuasaꞌ,
alaꞌ Ingko to mowali hinangkana.
Nokomi peleihaMu, Ipopewali hei Ipotuwuꞌ lekiꞌ-lekiꞌna to uwaꞌ.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
2017 Indonesian Bible Society (Lembaga Alkitab Indonesia)