Markus 8
8
Hi Yesu mampopopangka iba sabu toaꞌ
(Mat. 15:32-39)
1Hawaꞌi morue katoꞌo, woriꞌ womohi toaꞌ mororampu moꞌawa hante hi Yesu. Biloramohi alaꞌ hawaꞌi uwaꞌ pangkare. Iomo horiana hi Yesu mowowoi topeguruNahi, Notiꞌikihi: 2“Marima lalingKa mampeꞌele toaꞌ to woriꞌ hieꞌe. Tolu andomohi iseꞌe, hei bateꞌna biloramohi alaꞌ hamboaꞌmo uwaꞌ pangkare. 3Hawaꞌi moromiꞌ rekeꞌKa hingkiꞌ morumbaꞌhi molai. Uwaꞌhi intu to modungka i lala nokomi kobilorara, alaꞌ uwaꞌhi to hupaꞌ humei ka moꞌela.”
4Rotiꞌi topeguruNe, “Hade pe imbomo to pahua pangka topopolorahi, alaꞌ moꞌelaki ka bolaꞌ hei peꞌohaꞌanta hieꞌe hawaꞌi uwaꞌ hapo-hapo?”
5Noteneihi, “Haꞌumbo onu depa to uwaꞌ i ingkei?”
Rohoniꞌ, “Pitu onulu.”
6Katoꞌo Norumbaꞌmohi toaꞌ to woriꞌ mahura i woiꞌ. Noroamo depa to pitu onu tiꞌo honiꞌi mekokae pe Pueꞌ Ala moꞌawerasiꞌ. Uko tiꞌo, Nokebiꞌ-kebiꞌmo honiꞌi Nopaꞌanikihi topeguruNa hingkeꞌna rodolaꞌ-dolaꞌkihi toaꞌ to woriꞌ. 7Uwaꞌ woꞌo haꞌumbora mbaꞌa bouꞌ to kokiuꞌ. Nopekokaeki moꞌawerasiꞌ honiꞌi Nopaꞌaniki topeguruNa hingkeꞌna rodolaꞌ-dolaꞌkihi toaꞌ to woriꞌ. 8Mangkamohi lekiꞌ-lekiꞌra wutehi wohu. Koꞌukora mangka, topeguruNahi morampu lobina pangka tiꞌo, lobina pitu bakuꞌ tene to kodeꞌ. 9Koworiꞌra to mangka i tempo tiꞌo, kira-kira iba sabu. Uko tiꞌo, toaꞌ to woriꞌ tiꞌo norumbaꞌmohi hi Yesu mahuliꞌ, 10honiꞌi Io hante topeguruNa kaliuꞌhi meduanga nolou pe woiꞌ Dalamanuta.
ToParisi merapiꞌhi hingkeꞌna hi Yesu mowali tandaꞌ kuasaꞌ
(Mat. 16:1-4)
11Haꞌumbora duohi toParisi ako mampohidupaꞌki hi Yesu. Hei ropemolukamo meꞌitano-tano pe hi Yesu alaꞌ mampaliꞌluhi komonawuꞌaNa hei roperapiꞌ hingkeꞌna mowaliꞌI tandaꞌ to mepohele to mampotongawa koꞌIonamo to ka Pueꞌ Ala.
12Konohorina hi Yesu, handondoiha laline, Notiꞌi, “Mahamporeꞌi hinaꞌ toaꞌ to tuwuꞌ tempo hieꞌe merapiꞌ tandaꞌ kuasaꞌ? Kutiꞌikikei, hawaꞌkei hingkiꞌ Kuponoꞌokiꞌi tandaꞌ kuasaꞌ hibali to iperapiꞌkei.” 13Uko katoꞌo, Nopolihimohi hei mehendeꞌ womo pe duanga nolou pe hanupena rano.
Poturuꞌra toParisi hante waliana datu Herode nipandiriꞌ hibali ragiꞌ
(Mat. 16:5-12)
14Ikopolaira tiꞌo, topeguruna hi Yesu mangkolembulikihi mangkomi bakura, i duangara tiꞌo uwaꞌlu haꞌanu depa 15Hi Yesu mampowute lolita hieꞌe pe iohi, Notiꞌi, “Majaga-jagakei i ragiꞌra#8:15-21 Ragiꞌi lalana hieꞌe palaihana, poturuꞌ ba waliara to hawaꞌi hintotoꞌ hante peleihana Pueꞌ Ala. toParisi hante i ragiꞌna datu Herode!”
16Angkana hawaꞌi robahaꞌ tungkaihaNe lolita tiꞌo. Mololitamohi haduo hei haduo, rotiꞌi, “Notiꞌi hatoꞌo, alaꞌ hawaꞌki uwaꞌ to mangkomi depa.”
17Angkana nobahaꞌ hi Yesu hapo to rotiꞌi topeguruNe, katoꞌo Notiꞌikihi, “Pekirimi hamoloꞌ i depalu! Iomo hinaꞌ hawaꞌkei ibahaꞌ palaihane! I imbolureꞌito pekirimio? 18#Mrk. 4:12; Yes. 6:9-10; 44:18; Yer. 5:21; Yeh. 12:2Woriꞌ mpihakei pangkiꞌ kuasaꞌKu hei woriꞌ mpihakei pahori poturuꞌKu. Kematakei hei ketolinakei, angkana hawaꞌkei ibahaꞌ hapo palaihane to iꞌokiꞌkei hei to ihorimokei. Hawaꞌireꞌi ikolowoikei? 19TempoKu mampopopangka toaꞌ to limo sabu ka roti to limo onu to Kukebiꞌ-kebiꞌ? Haꞌumbo bakuꞌ lobine to irampukei?”
Rohoniꞌ topeguruNa, “Hampuluꞌ merobakuꞌ.”
20Nopeꞌitanoki womo hi Yesu, “Hei tempoKu mampopopangka toaꞌ to iba sabu ka depa to pitu onu, haꞌumbo bakuꞌ woꞌo lobine to irampukei?”
Rotiꞌi, “Pitu bakuꞌ.”
21Notiꞌiki womohi, “Hade mahamporeꞌi hinaꞌ handoaꞌi tene ibahaꞌkei palaihane lekiꞌ-lekiꞌna tiꞌo?”
Hi Yesu mampokoꞌoriꞌ tobilo i Besaida
22Katoꞌo, hi Yesu hante topeguruNa hupaꞌmohi i bolaꞌ Besaida. Itoꞌo toaꞌ mangkomi haduo tobilo pe hi Yesu, hei roperapiꞌ hingkeꞌna hi Yesu mampokoꞌoriꞌi 23Notikomo hi Yesu korawene tobilo tiꞌo, honiꞌi Noranda nolou pe howali bolaꞌ. Uko tiꞌo, Noliku matane honiꞌi Norama matane. Hei, Nopeꞌitanoki, “Uwaꞌ to iꞌokiꞌno?”
24Tobilo tiꞌo mampehohongkeꞌ mampeꞌele hapo to uwaꞌ i hinarona, hei notiꞌi, “Kuꞌokiꞌhi toaꞌ matengkaꞌ, angkana hibaliluhi loti.” 25Katoꞌo Notiko womo hi Yesu matane korompihana. Hei moꞌoriꞌmo mpuꞌu. Lekiꞌ-lekiꞌna to noꞌokiꞌ, mombahamo. 26Uko tiꞌo, notiꞌi hi Yesu, “Mahuliꞌmoko nolou pe tambimu, hampoliꞌmoko mekahi pe lali bolaꞌ Besaida hinewowoꞌena.”
Hi Peturuꞌ mopangakuꞌ kohiYesuna Datu Topohompoꞌ
(Mat. 16:13-20; Luk. 9:18-21)
27Hi Yesu hante topeguruNa nolou pe bolaꞌ-bolaꞌ to dodungku i kota Kaisarea Pilipi. I lumbu lala, meꞌitano hi Yesu, Notiꞌi, “Motuntuni pahuara toaꞌ to woriꞌ, Aku hieꞌe, hihimoꞌA?”
28Mehoniꞌhi topeguruNe, “Uwaꞌhi to mantiꞌi hi Yohanes Toperiu to tuwuꞌ huliꞌ. Uwaꞌhi woꞌo to mantiꞌi nabi Elia, uwaꞌ woꞌo to mantiꞌi Ingko haduo nabi hampiha to tuwuꞌ huliꞌ.”
29Nopeꞌitanoki womo, Notiꞌi, “Ane motuntuni pahuami, Aku hieꞌe, hihimoꞌA?”
Mehoniꞌ hi Peturuꞌ, “Ingkomo Datu Topohompoꞌ!”
30Mepongka katoꞌo, Notiꞌikihi, “Inioꞌ itiꞌi-tiꞌikei pe hihimolu kohihimongKa.”
Hi Yesu mampololita noniuꞌ komaporiꞌ hei komahia to hingkiꞌ Nopolala
(Mat. 16:21-28; Luk. 9:22-27)
31Uko katoꞌo, nopelukamo hi Yesu mampowute pe topeguruNa hapo to hangangaa mewali i wotana hadoduoNa. Notiꞌi, “Anaꞌ Manusiaꞌ hangangaa nolou pe Yerusale hei mampolala woriꞌ komaporiꞌ. Itoꞌo, tomotodi-tomotodi, tutuꞌ-tutuꞌ tadulako mpenomba hante guru-guru agama hingkiꞌ mampoperima-rimaꞌA. Hingkiꞌ rorokoꞌA, angkana ikotolu andona, hingkiꞌ tuwuꞌA huliꞌ.” 32Lekiꞌ-lekiꞌna tiꞌo Nopokonontokihi, angkana hi Peturuꞌ mobiniꞌ hi Yesu pe hirina honiꞌi nokamoroki alaꞌ hi Yesu mampololita kohingkiꞌ mahiNa. 33#Yes. 55:8-9Mehahiliꞌmo hi Yesu meꞌoꞌele pe topeguruNahi, honiꞌi mampowuriꞌi hi Peturuꞌ, Notiꞌiki, “Tolou! Ingko hibaliko Belisiꞌ! Itube pekiri to hatoꞌo, alaꞌ pekirimu tiꞌo pekiri manusiaꞌ, handoꞌio pekiri to ka Pueꞌ Ala.”
Hi Yesu mampololita lala mewali topeguruNa
34-35Uko katoꞌo, hi Yesu mowowoi toaꞌ to woriꞌ hante topeguruNa. Notiꞌikihi, “Himo to dokoꞌ metuntu pe Aku, hangangaa mampohinte peleihana hadoduona hei timomo woꞌo mampolala komaporiꞌ hei metuntu nturusi i Aku. Himo to motuntuni peleihana duniaꞌ, hawaꞌi pahua kotuwuꞌ to wolaꞌ. Angkana hihimo to mampohinte peleihana duniaꞌ hei metuntu pe Aku kehapoꞌi nirokoꞌ alaꞌ pampowutena Kareba Moromiꞌ, iomo to pahua kotuwuꞌ to wolaꞌ. 36Hawaꞌi uwaꞌ dumbuꞌne morampuki lekiꞌ-lekiꞌna luma i duniaꞌ hieꞌe, ane hawaꞌki pahua kotuwuꞌ to wolaꞌ to hawaꞌi mokoꞌukoa. 37Hawaꞌi uwaꞌ hapo-hapo to wadi topopotopu kotuwuꞌ to wolaꞌ tiꞌo.
38Tuwuꞌkei i lumbura toaꞌ to kodake hei to hawaꞌi metuntu i Aku. Ane himo to mohili mopangakuꞌ petuntuna i Aku hei mampohili woꞌo poturuꞌKu, Aku woꞌo hingkiꞌ mohiliꞌA mopangakuꞌ koꞌiona topetuntuKa ane hupaꞌA huliꞌ ka suruga. I tempo tiꞌo, Anaꞌ Manusiaꞌ hingkiꞌ mengkohou humei ka suruga moꞌawa hante malaꞌeka-malaꞌekana Pueꞌ Ala, hei Io manobaꞌ hibali komanobaꞌna UmoꞌNa.”
Currently Selected:
Markus 8: LAILJE
Highlight
Copy
Compare
Share
Want to have your highlights saved across all your devices? Sign up or sign in
2017 Indonesian Bible Society (Lembaga Alkitab Indonesia)
Markus 8
8
Hi Yesu mampopopangka iba sabu toaꞌ
(Mat. 15:32-39)
1Hawaꞌi morue katoꞌo, woriꞌ womohi toaꞌ mororampu moꞌawa hante hi Yesu. Biloramohi alaꞌ hawaꞌi uwaꞌ pangkare. Iomo horiana hi Yesu mowowoi topeguruNahi, Notiꞌikihi: 2“Marima lalingKa mampeꞌele toaꞌ to woriꞌ hieꞌe. Tolu andomohi iseꞌe, hei bateꞌna biloramohi alaꞌ hamboaꞌmo uwaꞌ pangkare. 3Hawaꞌi moromiꞌ rekeꞌKa hingkiꞌ morumbaꞌhi molai. Uwaꞌhi intu to modungka i lala nokomi kobilorara, alaꞌ uwaꞌhi to hupaꞌ humei ka moꞌela.”
4Rotiꞌi topeguruNe, “Hade pe imbomo to pahua pangka topopolorahi, alaꞌ moꞌelaki ka bolaꞌ hei peꞌohaꞌanta hieꞌe hawaꞌi uwaꞌ hapo-hapo?”
5Noteneihi, “Haꞌumbo onu depa to uwaꞌ i ingkei?”
Rohoniꞌ, “Pitu onulu.”
6Katoꞌo Norumbaꞌmohi toaꞌ to woriꞌ mahura i woiꞌ. Noroamo depa to pitu onu tiꞌo honiꞌi mekokae pe Pueꞌ Ala moꞌawerasiꞌ. Uko tiꞌo, Nokebiꞌ-kebiꞌmo honiꞌi Nopaꞌanikihi topeguruNa hingkeꞌna rodolaꞌ-dolaꞌkihi toaꞌ to woriꞌ. 7Uwaꞌ woꞌo haꞌumbora mbaꞌa bouꞌ to kokiuꞌ. Nopekokaeki moꞌawerasiꞌ honiꞌi Nopaꞌaniki topeguruNa hingkeꞌna rodolaꞌ-dolaꞌkihi toaꞌ to woriꞌ. 8Mangkamohi lekiꞌ-lekiꞌra wutehi wohu. Koꞌukora mangka, topeguruNahi morampu lobina pangka tiꞌo, lobina pitu bakuꞌ tene to kodeꞌ. 9Koworiꞌra to mangka i tempo tiꞌo, kira-kira iba sabu. Uko tiꞌo, toaꞌ to woriꞌ tiꞌo norumbaꞌmohi hi Yesu mahuliꞌ, 10honiꞌi Io hante topeguruNa kaliuꞌhi meduanga nolou pe woiꞌ Dalamanuta.
ToParisi merapiꞌhi hingkeꞌna hi Yesu mowali tandaꞌ kuasaꞌ
(Mat. 16:1-4)
11Haꞌumbora duohi toParisi ako mampohidupaꞌki hi Yesu. Hei ropemolukamo meꞌitano-tano pe hi Yesu alaꞌ mampaliꞌluhi komonawuꞌaNa hei roperapiꞌ hingkeꞌna mowaliꞌI tandaꞌ to mepohele to mampotongawa koꞌIonamo to ka Pueꞌ Ala.
12Konohorina hi Yesu, handondoiha laline, Notiꞌi, “Mahamporeꞌi hinaꞌ toaꞌ to tuwuꞌ tempo hieꞌe merapiꞌ tandaꞌ kuasaꞌ? Kutiꞌikikei, hawaꞌkei hingkiꞌ Kuponoꞌokiꞌi tandaꞌ kuasaꞌ hibali to iperapiꞌkei.” 13Uko katoꞌo, Nopolihimohi hei mehendeꞌ womo pe duanga nolou pe hanupena rano.
Poturuꞌra toParisi hante waliana datu Herode nipandiriꞌ hibali ragiꞌ
(Mat. 16:5-12)
14Ikopolaira tiꞌo, topeguruna hi Yesu mangkolembulikihi mangkomi bakura, i duangara tiꞌo uwaꞌlu haꞌanu depa 15Hi Yesu mampowute lolita hieꞌe pe iohi, Notiꞌi, “Majaga-jagakei i ragiꞌra#8:15-21 Ragiꞌi lalana hieꞌe palaihana, poturuꞌ ba waliara to hawaꞌi hintotoꞌ hante peleihana Pueꞌ Ala. toParisi hante i ragiꞌna datu Herode!”
16Angkana hawaꞌi robahaꞌ tungkaihaNe lolita tiꞌo. Mololitamohi haduo hei haduo, rotiꞌi, “Notiꞌi hatoꞌo, alaꞌ hawaꞌki uwaꞌ to mangkomi depa.”
17Angkana nobahaꞌ hi Yesu hapo to rotiꞌi topeguruNe, katoꞌo Notiꞌikihi, “Pekirimi hamoloꞌ i depalu! Iomo hinaꞌ hawaꞌkei ibahaꞌ palaihane! I imbolureꞌito pekirimio? 18#Mrk. 4:12; Yes. 6:9-10; 44:18; Yer. 5:21; Yeh. 12:2Woriꞌ mpihakei pangkiꞌ kuasaꞌKu hei woriꞌ mpihakei pahori poturuꞌKu. Kematakei hei ketolinakei, angkana hawaꞌkei ibahaꞌ hapo palaihane to iꞌokiꞌkei hei to ihorimokei. Hawaꞌireꞌi ikolowoikei? 19TempoKu mampopopangka toaꞌ to limo sabu ka roti to limo onu to Kukebiꞌ-kebiꞌ? Haꞌumbo bakuꞌ lobine to irampukei?”
Rohoniꞌ topeguruNa, “Hampuluꞌ merobakuꞌ.”
20Nopeꞌitanoki womo hi Yesu, “Hei tempoKu mampopopangka toaꞌ to iba sabu ka depa to pitu onu, haꞌumbo bakuꞌ woꞌo lobine to irampukei?”
Rotiꞌi, “Pitu bakuꞌ.”
21Notiꞌiki womohi, “Hade mahamporeꞌi hinaꞌ handoaꞌi tene ibahaꞌkei palaihane lekiꞌ-lekiꞌna tiꞌo?”
Hi Yesu mampokoꞌoriꞌ tobilo i Besaida
22Katoꞌo, hi Yesu hante topeguruNa hupaꞌmohi i bolaꞌ Besaida. Itoꞌo toaꞌ mangkomi haduo tobilo pe hi Yesu, hei roperapiꞌ hingkeꞌna hi Yesu mampokoꞌoriꞌi 23Notikomo hi Yesu korawene tobilo tiꞌo, honiꞌi Noranda nolou pe howali bolaꞌ. Uko tiꞌo, Noliku matane honiꞌi Norama matane. Hei, Nopeꞌitanoki, “Uwaꞌ to iꞌokiꞌno?”
24Tobilo tiꞌo mampehohongkeꞌ mampeꞌele hapo to uwaꞌ i hinarona, hei notiꞌi, “Kuꞌokiꞌhi toaꞌ matengkaꞌ, angkana hibaliluhi loti.” 25Katoꞌo Notiko womo hi Yesu matane korompihana. Hei moꞌoriꞌmo mpuꞌu. Lekiꞌ-lekiꞌna to noꞌokiꞌ, mombahamo. 26Uko tiꞌo, notiꞌi hi Yesu, “Mahuliꞌmoko nolou pe tambimu, hampoliꞌmoko mekahi pe lali bolaꞌ Besaida hinewowoꞌena.”
Hi Peturuꞌ mopangakuꞌ kohiYesuna Datu Topohompoꞌ
(Mat. 16:13-20; Luk. 9:18-21)
27Hi Yesu hante topeguruNa nolou pe bolaꞌ-bolaꞌ to dodungku i kota Kaisarea Pilipi. I lumbu lala, meꞌitano hi Yesu, Notiꞌi, “Motuntuni pahuara toaꞌ to woriꞌ, Aku hieꞌe, hihimoꞌA?”
28Mehoniꞌhi topeguruNe, “Uwaꞌhi to mantiꞌi hi Yohanes Toperiu to tuwuꞌ huliꞌ. Uwaꞌhi woꞌo to mantiꞌi nabi Elia, uwaꞌ woꞌo to mantiꞌi Ingko haduo nabi hampiha to tuwuꞌ huliꞌ.”
29Nopeꞌitanoki womo, Notiꞌi, “Ane motuntuni pahuami, Aku hieꞌe, hihimoꞌA?”
Mehoniꞌ hi Peturuꞌ, “Ingkomo Datu Topohompoꞌ!”
30Mepongka katoꞌo, Notiꞌikihi, “Inioꞌ itiꞌi-tiꞌikei pe hihimolu kohihimongKa.”
Hi Yesu mampololita noniuꞌ komaporiꞌ hei komahia to hingkiꞌ Nopolala
(Mat. 16:21-28; Luk. 9:22-27)
31Uko katoꞌo, nopelukamo hi Yesu mampowute pe topeguruNa hapo to hangangaa mewali i wotana hadoduoNa. Notiꞌi, “Anaꞌ Manusiaꞌ hangangaa nolou pe Yerusale hei mampolala woriꞌ komaporiꞌ. Itoꞌo, tomotodi-tomotodi, tutuꞌ-tutuꞌ tadulako mpenomba hante guru-guru agama hingkiꞌ mampoperima-rimaꞌA. Hingkiꞌ rorokoꞌA, angkana ikotolu andona, hingkiꞌ tuwuꞌA huliꞌ.” 32Lekiꞌ-lekiꞌna tiꞌo Nopokonontokihi, angkana hi Peturuꞌ mobiniꞌ hi Yesu pe hirina honiꞌi nokamoroki alaꞌ hi Yesu mampololita kohingkiꞌ mahiNa. 33#Yes. 55:8-9Mehahiliꞌmo hi Yesu meꞌoꞌele pe topeguruNahi, honiꞌi mampowuriꞌi hi Peturuꞌ, Notiꞌiki, “Tolou! Ingko hibaliko Belisiꞌ! Itube pekiri to hatoꞌo, alaꞌ pekirimu tiꞌo pekiri manusiaꞌ, handoꞌio pekiri to ka Pueꞌ Ala.”
Hi Yesu mampololita lala mewali topeguruNa
34-35Uko katoꞌo, hi Yesu mowowoi toaꞌ to woriꞌ hante topeguruNa. Notiꞌikihi, “Himo to dokoꞌ metuntu pe Aku, hangangaa mampohinte peleihana hadoduona hei timomo woꞌo mampolala komaporiꞌ hei metuntu nturusi i Aku. Himo to motuntuni peleihana duniaꞌ, hawaꞌi pahua kotuwuꞌ to wolaꞌ. Angkana hihimo to mampohinte peleihana duniaꞌ hei metuntu pe Aku kehapoꞌi nirokoꞌ alaꞌ pampowutena Kareba Moromiꞌ, iomo to pahua kotuwuꞌ to wolaꞌ. 36Hawaꞌi uwaꞌ dumbuꞌne morampuki lekiꞌ-lekiꞌna luma i duniaꞌ hieꞌe, ane hawaꞌki pahua kotuwuꞌ to wolaꞌ to hawaꞌi mokoꞌukoa. 37Hawaꞌi uwaꞌ hapo-hapo to wadi topopotopu kotuwuꞌ to wolaꞌ tiꞌo.
38Tuwuꞌkei i lumbura toaꞌ to kodake hei to hawaꞌi metuntu i Aku. Ane himo to mohili mopangakuꞌ petuntuna i Aku hei mampohili woꞌo poturuꞌKu, Aku woꞌo hingkiꞌ mohiliꞌA mopangakuꞌ koꞌiona topetuntuKa ane hupaꞌA huliꞌ ka suruga. I tempo tiꞌo, Anaꞌ Manusiaꞌ hingkiꞌ mengkohou humei ka suruga moꞌawa hante malaꞌeka-malaꞌekana Pueꞌ Ala, hei Io manobaꞌ hibali komanobaꞌna UmoꞌNa.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
2017 Indonesian Bible Society (Lembaga Alkitab Indonesia)