Matius 7
7
Inioꞌkei mosalaꞌi toaꞌ
(Luk. 6:37-38, 41-42)
1“Inioꞌkei mosalaꞌi toaꞌ ntaniꞌna, hingkeꞌna hawaꞌkei woꞌo nosalaꞌi Pueꞌ Ala. 2Alaꞌ hohumbo lalami mosalaꞌi toaꞌ, lala tiꞌo woꞌo to hingkiꞌ nopakeꞌ Pueꞌ Ala pe ingkei.
3Mahamporeꞌi hinaꞌ iꞌokiꞌkei kowilohane awami, hantaro rangka loti to i matami hawaꞌkei iꞌokiꞌ? 4Hohumbomo kowadimi mampatiꞌiki awami, ‘Mai, kupopolaiꞌi kowilohama,’ ane uwaꞌi tene rangka loti i matamu. 5Ingkei to mampehantoniꞌ! Hangangaa ipopolaikei duluna rangka to uwaꞌ i matami hadoduomi hingkeꞌna iꞌokiꞌkei mampopolai kowilohane awami.”
6Uko tiꞌo, hi Yesu mampowute womo pandiriꞌ hieꞌe, Notiꞌi, “Hapo to mangkolehi nioꞌkei ipaꞌaniki ahu, inioꞌna intu ahu tiꞌo hingkiꞌ meholibaꞌ motiokei. Hei inioꞌkei mampaꞌani parewa to masuliꞌ pe boeꞌ, alaꞌ boeꞌ tiꞌo hingkiꞌ modihaꞌ-dihaꞌ ntooꞌlu parewa tiꞌo.”#7:6 Ahu hante boeꞌ iomo pinatuwuꞌ to rokopali toYahudi, mampopandiriꞌ toaꞌ to hawaꞌi mepoꞌohi.
Merapiꞌ pe Pueꞌ Ala
(Luk. 11:9-13)
7“Merapiꞌmokei pe Pueꞌ Ala,
hingkeꞌ Nopaꞌanikei.
Mampaliꞌmokei
hingkeꞌ pahuakei,
mangkokadoꞌmokei wambaꞌ,
hingkeꞌ niweaꞌkikei.
8Alaꞌ hihimo to merapiꞌ hingkiꞌ mantorimo.
Hihimo to mampaliꞌ hingkiꞌ pahua.
Hihimo to mangkokadoꞌ wambaꞌ, hingkiꞌ niweaꞌki.
9-10Ka lumbumi, ba uwaꞌreꞌi haduo umoꞌ to mampaꞌani watu pe anaꞌna ane merapiꞌi roti? Ba uwaꞌkei to mampaꞌani ule ane anaꞌmi merapiꞌ bouꞌ? Hawaꞌi! 11Kehapoꞌi kodake walimi, ibahaꞌkei tene mampaꞌani hapo to moromiꞌ pe anaꞌmi. Hapona tene Umoꞌmi to i suruga! Nobahaꞌ mpololeke mepaꞌani hapo to moromiꞌ pe hihimolu to merapiꞌ pe Io.”
Lala to mononto
12“Hapo-hapolu to ileikei rowali toaꞌ pe ingkei, hangangaa iwalikei dulu pe toaꞌ ntaniꞌna. Tiꞌomo ohine Hawaꞌna hi Musa hante pepoturuꞌ ka nabi-nabi.
13-14Hohopiꞌ wambaꞌ hei masusa lala to menonto pe kotuwuꞌ to wolaꞌ, hei hawaꞌi woriꞌ toaꞌ to moliu i lala tiꞌo. Wambaꞌ hante lala to menonto pe naraka koroba, hei woriꞌ toaꞌ to motuntuni lala tiꞌo. Mewaliꞌ mekahikei moliu wambaꞌ to hohopiꞌ, hingkeꞌna tuwuꞌkei nturusi moꞌawa hante Pueꞌ Ala.”
Nabi-nabi to mepomonawuꞌ mombaha ka waliara
15“Majaga-jagakei i nabi-nabi to mampowute poturuꞌ to salaꞌ, hupaꞌhi pe lumbumi hantoniꞌhi hibali gimba, hantaro hibalihi serigala to mohiaꞌ. 16Hingkiꞌ ibahaꞌkei powutire ka wuaꞌna pajamara. Katimaraꞌ hawaꞌi mampowuaꞌki anggoroꞌ hei rui hawaꞌi mampowuaꞌki wuaꞌ ara. 17Hatoꞌo woꞌo lekiꞌna loti to tuwuꞌ moromiꞌ, moromiꞌ woꞌo powuaꞌne hei lekiꞌna loti to hawaꞌi tuwuꞌ moromiꞌ, hawaꞌi woꞌo moromiꞌ powuaꞌne. 18Hawaꞌi uwaꞌ loti to moromiꞌ, kodake powuaꞌne, hei hawaꞌi uwaꞌ loti to kodake, moromiꞌ powuaꞌne. 19Lekiꞌ-lekiꞌna loti to hawaꞌi mowuaꞌ moromiꞌ, hingkiꞌ nitowi hei nitube pe lali api. 20Hatoꞌo woꞌo, hingkiꞌ ibahaꞌkei himo nabi to mepomonawuꞌ, alaꞌ mombaha ka wuaꞌna pajamara.
21Hawaꞌi ka lekiꞌna toaꞌ to mowowoiꞌA Pueꞌ to hingkiꞌ mekahi pe lali poparentana UmoꞌKu to uwaꞌ i suruga, angkana toaꞌ to mowali peleihana UmoꞌKu to hingkiꞌ mekahi pe lali PoparentaNa. 22I ando pobutusi i kotutuana duniaꞌ, woriꞌ toaꞌ hingkiꞌ mantiꞌi pe Aku, ‘Pueꞌ! Hawaꞌireꞌi Ibahaꞌ i lali konaꞌMu kipowutemo Pohawaꞌne Pueꞌ Ala? Mobuemoka lomoa i lali konaꞌMu, hei woriꞌ woꞌo tandaꞌ kuasaꞌ to kiwali i lali konaꞌMu.’
23Tempo tiꞌo, hingkiꞌ Kuhoniꞌhi, ‘Hawaꞌkei Kubahaꞌ! Polaikei kaseꞌe, ingkei to kodake waliami.’ ”
Pandiriꞌ noniuꞌ roduo toaꞌ to moꞌaro tambi
(Luk. 6:47-49)
24“Hihimo to mampehoromua lolitangKu hei nopetuntui, wadi nipandiriꞌ hibali haduo toaꞌ to buhaꞌ pekiri to moꞌaro tambina i womboꞌ watu to kodeꞌ mpololeke hei maroho. 25I tempona meparowo hei ura makaja, uwai kodeꞌ. Parowo morumpa tambi tiꞌo, angkana hawaꞌi modungka alaꞌ tambi tiꞌo niꞌaro i womboꞌ watu.
26Angkana toaꞌ to mampehoromua lolitangKu hieꞌe hei hawaꞌi nopetuntui, wadi nipandiriꞌ hibali haduo toaꞌ to bebe to moꞌaro tambina i womboꞌ woꞌoni. 27I tempona meparowo hei ura makaja, uwai kodeꞌ. Tambi tiꞌo norumpa woꞌo parowo, liu modungka hei mokero.”
28Koꞌukona hi Yesu mampoturuꞌ toaꞌ, lemeniahi lekiꞌ-lekiꞌne to pahori poturuꞌNa, 29alaꞌ Io mepoturuꞌ hibali toaꞌ to makuasaꞌ, hawaꞌi hibali guru-guru agama.
Currently Selected:
Matius 7: LAILJE
Highlight
Copy
Compare
Share
Want to have your highlights saved across all your devices? Sign up or sign in
2017 Indonesian Bible Society (Lembaga Alkitab Indonesia)
Matius 7
7
Inioꞌkei mosalaꞌi toaꞌ
(Luk. 6:37-38, 41-42)
1“Inioꞌkei mosalaꞌi toaꞌ ntaniꞌna, hingkeꞌna hawaꞌkei woꞌo nosalaꞌi Pueꞌ Ala. 2Alaꞌ hohumbo lalami mosalaꞌi toaꞌ, lala tiꞌo woꞌo to hingkiꞌ nopakeꞌ Pueꞌ Ala pe ingkei.
3Mahamporeꞌi hinaꞌ iꞌokiꞌkei kowilohane awami, hantaro rangka loti to i matami hawaꞌkei iꞌokiꞌ? 4Hohumbomo kowadimi mampatiꞌiki awami, ‘Mai, kupopolaiꞌi kowilohama,’ ane uwaꞌi tene rangka loti i matamu. 5Ingkei to mampehantoniꞌ! Hangangaa ipopolaikei duluna rangka to uwaꞌ i matami hadoduomi hingkeꞌna iꞌokiꞌkei mampopolai kowilohane awami.”
6Uko tiꞌo, hi Yesu mampowute womo pandiriꞌ hieꞌe, Notiꞌi, “Hapo to mangkolehi nioꞌkei ipaꞌaniki ahu, inioꞌna intu ahu tiꞌo hingkiꞌ meholibaꞌ motiokei. Hei inioꞌkei mampaꞌani parewa to masuliꞌ pe boeꞌ, alaꞌ boeꞌ tiꞌo hingkiꞌ modihaꞌ-dihaꞌ ntooꞌlu parewa tiꞌo.”#7:6 Ahu hante boeꞌ iomo pinatuwuꞌ to rokopali toYahudi, mampopandiriꞌ toaꞌ to hawaꞌi mepoꞌohi.
Merapiꞌ pe Pueꞌ Ala
(Luk. 11:9-13)
7“Merapiꞌmokei pe Pueꞌ Ala,
hingkeꞌ Nopaꞌanikei.
Mampaliꞌmokei
hingkeꞌ pahuakei,
mangkokadoꞌmokei wambaꞌ,
hingkeꞌ niweaꞌkikei.
8Alaꞌ hihimo to merapiꞌ hingkiꞌ mantorimo.
Hihimo to mampaliꞌ hingkiꞌ pahua.
Hihimo to mangkokadoꞌ wambaꞌ, hingkiꞌ niweaꞌki.
9-10Ka lumbumi, ba uwaꞌreꞌi haduo umoꞌ to mampaꞌani watu pe anaꞌna ane merapiꞌi roti? Ba uwaꞌkei to mampaꞌani ule ane anaꞌmi merapiꞌ bouꞌ? Hawaꞌi! 11Kehapoꞌi kodake walimi, ibahaꞌkei tene mampaꞌani hapo to moromiꞌ pe anaꞌmi. Hapona tene Umoꞌmi to i suruga! Nobahaꞌ mpololeke mepaꞌani hapo to moromiꞌ pe hihimolu to merapiꞌ pe Io.”
Lala to mononto
12“Hapo-hapolu to ileikei rowali toaꞌ pe ingkei, hangangaa iwalikei dulu pe toaꞌ ntaniꞌna. Tiꞌomo ohine Hawaꞌna hi Musa hante pepoturuꞌ ka nabi-nabi.
13-14Hohopiꞌ wambaꞌ hei masusa lala to menonto pe kotuwuꞌ to wolaꞌ, hei hawaꞌi woriꞌ toaꞌ to moliu i lala tiꞌo. Wambaꞌ hante lala to menonto pe naraka koroba, hei woriꞌ toaꞌ to motuntuni lala tiꞌo. Mewaliꞌ mekahikei moliu wambaꞌ to hohopiꞌ, hingkeꞌna tuwuꞌkei nturusi moꞌawa hante Pueꞌ Ala.”
Nabi-nabi to mepomonawuꞌ mombaha ka waliara
15“Majaga-jagakei i nabi-nabi to mampowute poturuꞌ to salaꞌ, hupaꞌhi pe lumbumi hantoniꞌhi hibali gimba, hantaro hibalihi serigala to mohiaꞌ. 16Hingkiꞌ ibahaꞌkei powutire ka wuaꞌna pajamara. Katimaraꞌ hawaꞌi mampowuaꞌki anggoroꞌ hei rui hawaꞌi mampowuaꞌki wuaꞌ ara. 17Hatoꞌo woꞌo lekiꞌna loti to tuwuꞌ moromiꞌ, moromiꞌ woꞌo powuaꞌne hei lekiꞌna loti to hawaꞌi tuwuꞌ moromiꞌ, hawaꞌi woꞌo moromiꞌ powuaꞌne. 18Hawaꞌi uwaꞌ loti to moromiꞌ, kodake powuaꞌne, hei hawaꞌi uwaꞌ loti to kodake, moromiꞌ powuaꞌne. 19Lekiꞌ-lekiꞌna loti to hawaꞌi mowuaꞌ moromiꞌ, hingkiꞌ nitowi hei nitube pe lali api. 20Hatoꞌo woꞌo, hingkiꞌ ibahaꞌkei himo nabi to mepomonawuꞌ, alaꞌ mombaha ka wuaꞌna pajamara.
21Hawaꞌi ka lekiꞌna toaꞌ to mowowoiꞌA Pueꞌ to hingkiꞌ mekahi pe lali poparentana UmoꞌKu to uwaꞌ i suruga, angkana toaꞌ to mowali peleihana UmoꞌKu to hingkiꞌ mekahi pe lali PoparentaNa. 22I ando pobutusi i kotutuana duniaꞌ, woriꞌ toaꞌ hingkiꞌ mantiꞌi pe Aku, ‘Pueꞌ! Hawaꞌireꞌi Ibahaꞌ i lali konaꞌMu kipowutemo Pohawaꞌne Pueꞌ Ala? Mobuemoka lomoa i lali konaꞌMu, hei woriꞌ woꞌo tandaꞌ kuasaꞌ to kiwali i lali konaꞌMu.’
23Tempo tiꞌo, hingkiꞌ Kuhoniꞌhi, ‘Hawaꞌkei Kubahaꞌ! Polaikei kaseꞌe, ingkei to kodake waliami.’ ”
Pandiriꞌ noniuꞌ roduo toaꞌ to moꞌaro tambi
(Luk. 6:47-49)
24“Hihimo to mampehoromua lolitangKu hei nopetuntui, wadi nipandiriꞌ hibali haduo toaꞌ to buhaꞌ pekiri to moꞌaro tambina i womboꞌ watu to kodeꞌ mpololeke hei maroho. 25I tempona meparowo hei ura makaja, uwai kodeꞌ. Parowo morumpa tambi tiꞌo, angkana hawaꞌi modungka alaꞌ tambi tiꞌo niꞌaro i womboꞌ watu.
26Angkana toaꞌ to mampehoromua lolitangKu hieꞌe hei hawaꞌi nopetuntui, wadi nipandiriꞌ hibali haduo toaꞌ to bebe to moꞌaro tambina i womboꞌ woꞌoni. 27I tempona meparowo hei ura makaja, uwai kodeꞌ. Tambi tiꞌo norumpa woꞌo parowo, liu modungka hei mokero.”
28Koꞌukona hi Yesu mampoturuꞌ toaꞌ, lemeniahi lekiꞌ-lekiꞌne to pahori poturuꞌNa, 29alaꞌ Io mepoturuꞌ hibali toaꞌ to makuasaꞌ, hawaꞌi hibali guru-guru agama.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
2017 Indonesian Bible Society (Lembaga Alkitab Indonesia)