Matius 4
4
Belisiꞌ mohohongkeꞌi hi Yesu
(Mrk. 1:12-13; Luk. 4:1-13)
1Uko tiꞌo, hi Yesu nokomi Inohaꞌ Mangkolehi nolou pe popada woꞌoni hingkeꞌna nohohongkeꞌi Belisiꞌ. 2Itoꞌo hi Yesu maboki iba mpuluꞌ ando hei iba mpuluꞌ mini komoruene, iomo horiana hi Yesu biloramo mpololeke. 3I tempo tiꞌo, Belisiꞌ mohohongkeꞌi hi Yesu, notiꞌi, “Ane tuꞌu-tuꞌuKo mpuꞌu AnaꞌNa Pueꞌ Ala, Ipopewalimo watu hieꞌe mewali kopongkona!”
4 #
Ul. 8:3
Hi Yesu Mehoniꞌ, “I lali Suraꞌ Mangkolehi teꞌukiꞌ waheꞌe: ‘Manusiaꞌ hawaꞌi podo tuwuꞌ ka kopongkonalu, angkana to toparalu iomo mampoꞌilali pohawaꞌna Pueꞌ Ala.’ ”
5Uko tiꞌo, Belisiꞌ mangkomi hi Yesu nolou pe Yerusale, kota to manobaꞌ, hei nopopetotiꞌi i wumbu Tambina Pueꞌ Ala, 6notiꞌiki, “Ane tuꞌu-tuꞌuKo mpuꞌu AnaꞌNa Pueꞌ Ala, mengkonawuꞌmoKo! Hawaꞌko hingkiꞌ mahampo-hampo, alaꞌ uwaꞌ teꞌukiꞌ i lali Suraꞌ Mangkolehi:
‘Pueꞌ Ala hingkiꞌ morumbaꞌ malaꞌekaNahi mohulaweꞌKo, hingkeꞌna kapuꞌMu hawaꞌi noniuꞌ watu.’ ” (Mas. 91:11-12)
7Nohoniꞌ hi Yesu, “Uwaꞌ woꞌo teꞌukiꞌ i lali Suraꞌ Mangkolehi to mantiꞌi waheꞌe: ‘Inioꞌko mohohongkeꞌi Pueꞌ Alamu.’ ”
8Uko tiꞌo, Belisiꞌ mangkomi womo hi Yesu nolou pe biri to dingkaoꞌ mpololeke, hei notidoꞌki lekiꞌ-lekiꞌne kodatua i duniaꞌ hante komanobaꞌna kodatua tiꞌo, 9notiꞌi, “Ane melingkotuꞌKo menomba pe aku, lekiꞌ-lekiꞌna hieꞌe hingkiꞌ kupaꞌanikiKo.”
10Nohoniꞌ hi Yesu, “Polai Belisiꞌ! Alaꞌ teꞌukiꞌmo i lali Suraꞌ Mangkolehi waheꞌe: ‘Hangangaa menombako pe Pueꞌ Alamu, alaꞌ Iolu to masipatoꞌ ipengkoruꞌi.’ ” 11#1Dat. 19:5-8Katoꞌo molaimo Belisiꞌ tiꞌo mampolihi hi Yesu, honiꞌi hupaꞌmohi malaꞌeka morewahi hi Yesu.
Jamana hi Yesu i woiꞌ Galilea (4:12–18:35)
Hi Yesu mepongka majama i Galilea
(Mrk. 1:14-15; Luk. 4:14-15)
12 #
Mat. 14:3-12; Mrk. 6:14-29 Handoaꞌi tene morue katoꞌo, hi Yohanes Toperiu nihokiꞌ hei nitarungkuꞌ. Konohorinalu hi Yesu kareba tiꞌo, molaimo nolou pe bolaꞌ Nasareꞌ i woiꞌ Galilea. 13Honiꞌi loliu nolou meꞌohaꞌ i bolaꞌ Kapenau. Bolaꞌ tiꞌo i bota rano Galilea, i woiꞌ Sebulo hante Natali. 14Hi Yesu mampowute Pohawaꞌna Pueꞌ pe toaꞌ to meꞌohaꞌ itoꞌo, hingkeꞌna tebuhoꞌi lolita to nopowute nabi Yesaia hampiha to mantiꞌi waheꞌe:
15“Woiꞌra toSebulo hante toNatali
to dodungku i rano Galilea,
uwaꞌ tinaꞌ i hanupe uwai Yarade.
Woiꞌ tiꞌo iomo Galilea to ropeꞌohaꞌi woriꞌ toaꞌ ntaniꞌ to handoꞌio toYahudi.
16Toaꞌ to itoꞌo, meꞌohaꞌhi i lali komokorindiana,
Angkana hinewowoꞌena pangkiꞌmohi wanta to kodeꞌ.
Toaꞌ to nokuasaꞌi komahia,
nowantaimohi Haduo to mepaꞌani kotuwuꞌ.”
(Yes. 9:1-2)
17Katoꞌo hi Yesu mepongkamo mampowute pohawaꞌna Pueꞌ, Notiꞌi, “Mengkatobaꞌmokei ka dosami, alaꞌ hamboaꞌmo morue, Pueꞌ Ala hingkiꞌ moparenta i duniaꞌ.”
Hi Yesu mowowoi topeguruNa to uluꞌ-uluꞌna
(Mrk. 1:16-20; Luk. 5:1-11)
18Kolentuꞌana hi Yesu matengkaꞌ i bota rano Galilea, Noꞌokiꞌ roduo topohalali, konaꞌra hi Simo to rotiꞌi woꞌo hi Peturuꞌ hante hi Andaria, hineeꞌna. I tempo tiꞌo, kolentuꞌara mojalaꞌ i rano, alaꞌ simata iolu jamare. 19#Eps. 1:4-5; Yoh. 15:16Notiꞌikihi hi Yesu, “Humeimokei metuntu pe Aku! Hingkiꞌ Kupopewalikei topojalaꞌ toaꞌ.” 20Mepongka katoꞌo, kaliuꞌ mampolihimohi mpuꞌu jamara, hei metuntumohi pe hi Yesu.
21Hi Yesu mampololiu patengkaꞌNa, Noꞌokiꞌ womo roduo topohalali: hi Yakobus hante hi Yohanes hineeꞌna, anaꞌnahi hi Sebedeu. Tempo tiꞌo, kolentuꞌara mangkoromiꞌi jalaꞌra i lali duanga hante umoꞌra. Nowowoihi woꞌo hi Yesu hingkeꞌna metuntuhi pe Io. 22Katoꞌo kaliuꞌ ropolihi duangare hante umoꞌra, honiꞌi metuntuhi woꞌo pe hi Yesu.
Hi Yesu mepoturuꞌ hei woriꞌ toaꞌ Nopokoꞌoriꞌ
(Luk. 6:17-19)
23Hi Yesu motengkaꞌi humanele woiꞌ Galilea hei mepoturuꞌ i woriꞌ tambi penombahara toYahudi. Io mampowute Kareba Moromiꞌ noniuꞌ poparentana Pueꞌ Ala, hei mampokoꞌoriꞌ woꞌo lekiꞌ-lekiꞌna toaꞌ to hawaꞌi polido. 24Hapo to Nowali tiꞌo tekareba wute i humanele woiꞌ Siria, horiana woriꞌ toaꞌ to mangkodokoꞌi nolou mohidupaꞌ hante hi Yesu. Toaꞌ tiꞌo mangkomihi lekiꞌ-lekiꞌna toaꞌ to molangkaꞌ-langkaꞌ hakiꞌna. Uwaꞌhi woꞌo to nopekahii tokodake, to mohakiꞌ mahi-mahi manuꞌ, hei tokohu. Lekiꞌ-lekiꞌra tiꞌo nopokoꞌoriꞌ hi Yesu. 25I tempo tiꞌo, woriꞌ mpololeke toaꞌ to metuntu nturusi pe Io: uwaꞌhi to ka woiꞌ Galilea, ka Dekapoli, ka Yerusale, ka woiꞌ Yudea, hei uwaꞌhi woꞌo to ka hanupe uwai Yarade.
Currently Selected:
Matius 4: LAILJE
Highlight
Copy
Compare
Share
Want to have your highlights saved across all your devices? Sign up or sign in
2017 Indonesian Bible Society (Lembaga Alkitab Indonesia)
Matius 4
4
Belisiꞌ mohohongkeꞌi hi Yesu
(Mrk. 1:12-13; Luk. 4:1-13)
1Uko tiꞌo, hi Yesu nokomi Inohaꞌ Mangkolehi nolou pe popada woꞌoni hingkeꞌna nohohongkeꞌi Belisiꞌ. 2Itoꞌo hi Yesu maboki iba mpuluꞌ ando hei iba mpuluꞌ mini komoruene, iomo horiana hi Yesu biloramo mpololeke. 3I tempo tiꞌo, Belisiꞌ mohohongkeꞌi hi Yesu, notiꞌi, “Ane tuꞌu-tuꞌuKo mpuꞌu AnaꞌNa Pueꞌ Ala, Ipopewalimo watu hieꞌe mewali kopongkona!”
4 #
Ul. 8:3
Hi Yesu Mehoniꞌ, “I lali Suraꞌ Mangkolehi teꞌukiꞌ waheꞌe: ‘Manusiaꞌ hawaꞌi podo tuwuꞌ ka kopongkonalu, angkana to toparalu iomo mampoꞌilali pohawaꞌna Pueꞌ Ala.’ ”
5Uko tiꞌo, Belisiꞌ mangkomi hi Yesu nolou pe Yerusale, kota to manobaꞌ, hei nopopetotiꞌi i wumbu Tambina Pueꞌ Ala, 6notiꞌiki, “Ane tuꞌu-tuꞌuKo mpuꞌu AnaꞌNa Pueꞌ Ala, mengkonawuꞌmoKo! Hawaꞌko hingkiꞌ mahampo-hampo, alaꞌ uwaꞌ teꞌukiꞌ i lali Suraꞌ Mangkolehi:
‘Pueꞌ Ala hingkiꞌ morumbaꞌ malaꞌekaNahi mohulaweꞌKo, hingkeꞌna kapuꞌMu hawaꞌi noniuꞌ watu.’ ” (Mas. 91:11-12)
7Nohoniꞌ hi Yesu, “Uwaꞌ woꞌo teꞌukiꞌ i lali Suraꞌ Mangkolehi to mantiꞌi waheꞌe: ‘Inioꞌko mohohongkeꞌi Pueꞌ Alamu.’ ”
8Uko tiꞌo, Belisiꞌ mangkomi womo hi Yesu nolou pe biri to dingkaoꞌ mpololeke, hei notidoꞌki lekiꞌ-lekiꞌne kodatua i duniaꞌ hante komanobaꞌna kodatua tiꞌo, 9notiꞌi, “Ane melingkotuꞌKo menomba pe aku, lekiꞌ-lekiꞌna hieꞌe hingkiꞌ kupaꞌanikiKo.”
10Nohoniꞌ hi Yesu, “Polai Belisiꞌ! Alaꞌ teꞌukiꞌmo i lali Suraꞌ Mangkolehi waheꞌe: ‘Hangangaa menombako pe Pueꞌ Alamu, alaꞌ Iolu to masipatoꞌ ipengkoruꞌi.’ ” 11#1Dat. 19:5-8Katoꞌo molaimo Belisiꞌ tiꞌo mampolihi hi Yesu, honiꞌi hupaꞌmohi malaꞌeka morewahi hi Yesu.
Jamana hi Yesu i woiꞌ Galilea (4:12–18:35)
Hi Yesu mepongka majama i Galilea
(Mrk. 1:14-15; Luk. 4:14-15)
12 #
Mat. 14:3-12; Mrk. 6:14-29 Handoaꞌi tene morue katoꞌo, hi Yohanes Toperiu nihokiꞌ hei nitarungkuꞌ. Konohorinalu hi Yesu kareba tiꞌo, molaimo nolou pe bolaꞌ Nasareꞌ i woiꞌ Galilea. 13Honiꞌi loliu nolou meꞌohaꞌ i bolaꞌ Kapenau. Bolaꞌ tiꞌo i bota rano Galilea, i woiꞌ Sebulo hante Natali. 14Hi Yesu mampowute Pohawaꞌna Pueꞌ pe toaꞌ to meꞌohaꞌ itoꞌo, hingkeꞌna tebuhoꞌi lolita to nopowute nabi Yesaia hampiha to mantiꞌi waheꞌe:
15“Woiꞌra toSebulo hante toNatali
to dodungku i rano Galilea,
uwaꞌ tinaꞌ i hanupe uwai Yarade.
Woiꞌ tiꞌo iomo Galilea to ropeꞌohaꞌi woriꞌ toaꞌ ntaniꞌ to handoꞌio toYahudi.
16Toaꞌ to itoꞌo, meꞌohaꞌhi i lali komokorindiana,
Angkana hinewowoꞌena pangkiꞌmohi wanta to kodeꞌ.
Toaꞌ to nokuasaꞌi komahia,
nowantaimohi Haduo to mepaꞌani kotuwuꞌ.”
(Yes. 9:1-2)
17Katoꞌo hi Yesu mepongkamo mampowute pohawaꞌna Pueꞌ, Notiꞌi, “Mengkatobaꞌmokei ka dosami, alaꞌ hamboaꞌmo morue, Pueꞌ Ala hingkiꞌ moparenta i duniaꞌ.”
Hi Yesu mowowoi topeguruNa to uluꞌ-uluꞌna
(Mrk. 1:16-20; Luk. 5:1-11)
18Kolentuꞌana hi Yesu matengkaꞌ i bota rano Galilea, Noꞌokiꞌ roduo topohalali, konaꞌra hi Simo to rotiꞌi woꞌo hi Peturuꞌ hante hi Andaria, hineeꞌna. I tempo tiꞌo, kolentuꞌara mojalaꞌ i rano, alaꞌ simata iolu jamare. 19#Eps. 1:4-5; Yoh. 15:16Notiꞌikihi hi Yesu, “Humeimokei metuntu pe Aku! Hingkiꞌ Kupopewalikei topojalaꞌ toaꞌ.” 20Mepongka katoꞌo, kaliuꞌ mampolihimohi mpuꞌu jamara, hei metuntumohi pe hi Yesu.
21Hi Yesu mampololiu patengkaꞌNa, Noꞌokiꞌ womo roduo topohalali: hi Yakobus hante hi Yohanes hineeꞌna, anaꞌnahi hi Sebedeu. Tempo tiꞌo, kolentuꞌara mangkoromiꞌi jalaꞌra i lali duanga hante umoꞌra. Nowowoihi woꞌo hi Yesu hingkeꞌna metuntuhi pe Io. 22Katoꞌo kaliuꞌ ropolihi duangare hante umoꞌra, honiꞌi metuntuhi woꞌo pe hi Yesu.
Hi Yesu mepoturuꞌ hei woriꞌ toaꞌ Nopokoꞌoriꞌ
(Luk. 6:17-19)
23Hi Yesu motengkaꞌi humanele woiꞌ Galilea hei mepoturuꞌ i woriꞌ tambi penombahara toYahudi. Io mampowute Kareba Moromiꞌ noniuꞌ poparentana Pueꞌ Ala, hei mampokoꞌoriꞌ woꞌo lekiꞌ-lekiꞌna toaꞌ to hawaꞌi polido. 24Hapo to Nowali tiꞌo tekareba wute i humanele woiꞌ Siria, horiana woriꞌ toaꞌ to mangkodokoꞌi nolou mohidupaꞌ hante hi Yesu. Toaꞌ tiꞌo mangkomihi lekiꞌ-lekiꞌna toaꞌ to molangkaꞌ-langkaꞌ hakiꞌna. Uwaꞌhi woꞌo to nopekahii tokodake, to mohakiꞌ mahi-mahi manuꞌ, hei tokohu. Lekiꞌ-lekiꞌra tiꞌo nopokoꞌoriꞌ hi Yesu. 25I tempo tiꞌo, woriꞌ mpololeke toaꞌ to metuntu nturusi pe Io: uwaꞌhi to ka woiꞌ Galilea, ka Dekapoli, ka Yerusale, ka woiꞌ Yudea, hei uwaꞌhi woꞌo to ka hanupe uwai Yarade.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
2017 Indonesian Bible Society (Lembaga Alkitab Indonesia)