Suro 14
14
Hi Paulu hante hi Baraba i Ikonium
1I bolaꞌ ngkodeꞌ Ikonium, hi Paulu hante hi Baraba pahuahi hapo to hibobali hante to rohua i bolaꞌ ngkodeꞌ Antiokia. Hei nolouhi pe tambi penombahara toYahudi hei mampowute Kareba Moromiꞌ pe toaꞌ to morampuhi itoꞌo, horiana woriꞌhi toYahudi hei toYunani mepoꞌohi pe hi Yesu. 2Angkana toYahudi to hawaꞌi mepoꞌohi mohohunuhi lalira toaꞌ to woriꞌ to handoꞌio toYahudi, hingkeꞌna rokabiriꞌi toaꞌ to mepoꞌohi pe Pueꞌ Yesu. 3Hi Paulu hante hi Baranaba meꞌohaꞌhi morue itoꞌo. Hei hawaꞌhi motehuꞌ mampowute kareba noniuꞌ i Pueꞌ. Pueꞌ mampaꞌanihi kuasaꞌ mowali tandaꞌ to mepohele hingkeꞌna moliu i waliaNa to moromiꞌ Io mampetidoꞌki komarimana pe iohi. Kareba Moromiꞌ tiꞌo mampololita Rima Ngkotuwuꞌ to ka Pueꞌ Ala to mampaꞌaniꞌi kotuwuꞌ to wolaꞌ pe toaꞌ.
4Angkana tumpu bolaꞌ tiꞌo hawaꞌhi hampekokiri. Uwaꞌhi to tinaꞌ i toYahudi, hei uwaꞌhi woꞌo to tinaꞌ i surona Pueꞌ Yesu. 5Koꞌukoana toYahudi, hante tadulako-tadulakora, toaꞌ to handoꞌiohi woꞌo toYahudi mohintuwuꞌmohi hingkeꞌna hi Paulu hante hi Baranaba nipopoꞌioꞌiohi hei niwatuihi. 6Angkana robahaꞌ hi Paulu hante hi Baranaba tungkaihare. Io horiana mehilaihi nolou pe kota Listra hante Derbe i woiꞌ Likaonia hei bolaꞌ ngkodeꞌ to dodungku itoꞌo. 7Mampowutehi woꞌo Kareba Moromiꞌ itoꞌo.
Hi Paulu niwatui i Listra
8I kota Listra, uwaꞌ haduo tomaꞌani tokohu ka konipoꞌanaꞌakina. Io mahuralu nturusi, alaꞌ hawaꞌi maroho kapuꞌne hei hawaꞌi mpuꞌu nobiaꞌ matengkaꞌ. 9Tokohu tiꞌo mahuramo mampehoromua hi Paulu mololita. Konoꞌokiꞌna hi Paulu tokohu tiꞌo maroho pepoꞌohine moliu i Kareba Moromiꞌ to nopowute nobahaꞌmo kohingkiꞌ moꞌoriꞌne. 10Notiꞌi hi Paulu hante loaꞌna to kodeꞌ “Metotiꞌimoko!” Katoꞌo metotiꞌi tokohu tiꞌo kaliuꞌ matengkaꞌ.
11Koroꞌokiꞌna toaꞌ to woriꞌ hapo to nowali hi Paulu, mololitamohi i wiharora, to nikokeneꞌi wiharo Likaonia, rotiꞌi, “Mengkohoumo humei lomoa-lomoare pe duniaꞌ. Lentera hibali lentena toaꞌ!” 12Uko tiꞌo, hi Baraba nikokeneꞌi hi Seu, konaꞌna datu lomoara. Hei hi Paulu nikokeneꞌi hi Heme, konaꞌna lomoara to mampowute pepaha, alaꞌ hi Paulu to biasa mololita. 13I tempo tiꞌo, uwaꞌ haduo tadulakona lomoa Seu i huwali kota. Tadulako lomoa tiꞌo mangkomi haꞌumbora mbaꞌa gapiꞌ laki hante bunga rokomi nolou pe wambaꞌ bente kota moꞌawa-awa hante toaꞌ to woriꞌ. Tungkaihara morereꞌ gapiꞌ tiꞌo hingkeꞌna ropopenombaꞌi pe hi Paulu hante hi Baranaba.
14Angkana korohorinalu surona Pueꞌ Yesu to roduo tiꞌo hapo tungkaihare toaꞌ to woriꞌ, mohepaꞌ-hepaꞌhi baduꞌra, tandaꞌ kohawaꞌna rolei tungkaihare tiꞌo, hei mehilaihi nolou pe lumbuna toaꞌ to woriꞌ, mololitahi ropokobue, rotiꞌi, 15“Haporeꞌi to iwalikei hieꞌe? Ingka hieꞌe, toaꞌ biasaluka woꞌo hibali ingkei. Humeika mampowute Kareba Moromiꞌ pe ingkei, hingkeꞌna ipohentekei penombahami pe lomoa to hawaꞌi modumbuꞌ hei menombakei pe Pueꞌ Ala to tuwuꞌ, alaꞌ Iomo to mowali laniꞌ, duniaꞌ, tahiꞌ hante lekiꞌ-lekiꞌna ohina. 16Hampiha Pueꞌ Ala mampotedehi toaꞌ menomba motuntuni peleira hadoduora. 17Angkana kehapoꞌi watoꞌo, hawaꞌi Nokomolihaki mampaꞌaniki haꞌumbora tandaꞌ to mampokonontokiki kohihimona Io. Io mampopewaliki hapo to moromiꞌ: Nopaꞌaniki ura ka laniꞌ, Nopopowuaꞌ huꞌa-huꞌante i tempona, Nopaꞌaniki pangka, hante Nopaꞌaniki komotanaꞌ lali.”
18Kehapoꞌi watoꞌo lolitare suro-suro pe toaꞌ to woriꞌ, masusahi nikamoroki hingkeꞌna hawaꞌhi mangkomi popenombara pe suro-suro.
19Hawaꞌi morue katoꞌo, haꞌumborahi toYahudi ka kota Antiokia hante ka kota Ikonium wute i kota Listra. ToYahudi tiꞌo mampokolaho lalira toaꞌ to woriꞌ i Listra hingkeꞌna nolouhi mowatui hi Paulu. Koꞌukona rowatui, roruiꞌ wotane nolou pe huwali kota hei ropolihi itoꞌo, alaꞌ rotiꞌireaꞌ mahimo. 20Angkana kolentuꞌara toSarani i Listra metotiꞌi motuleliꞌi, meꞌaromo hi Paulu, hei kaliuꞌ mekahi pe lali kota. Poꞌonina, noloumo hi Paulu hante hi Baranaba pe kota Derbe.
Hi Paulu hante hi Baraba mahuliꞌ nolou pe Antiokia
21I kota Derbe, hi Paulu hante hi Baranaba mampowutehi Kareba Moromiꞌ, koꞌukoana woriꞌ toaꞌ mepoꞌohi pe hi Yesu. Uko tiꞌo, mahuliꞌ womohi nolou pe kota Listra hante pe Ikonium, honiꞌi liuhi nolou pe kota Antiokia i woiꞌ Pisidia. 22I lekiꞌ-lekiꞌna bolaꞌ to rotengkaꞌi, hi Paulu hante hi Baranaba mampokaroho lalira hingkeꞌna tontora mepoꞌohi pe hi Yesu hei rotiꞌikihi, “Ingkiꞌ hangangaa pahuaki woriꞌ langkaꞌna komaporiꞌ ikohandoaꞌanta tene mekahi i lali poparentana Pueꞌ Ala.” 23I patengkaꞌara tiꞌo, hi Paulu hante hi Baranaba moꞌuwiꞌhi hei mohini tadulakona toSarani i jumaꞌa-jumaꞌa. Maboki hei mekokaehi, merapiꞌ hingkeꞌna Pueꞌ morewahihi alaꞌ Iolu to ropoꞌohi.
24Uko tiꞌo, hi Paulu hante hi Baraba mampololiumohi patengkaꞌara moliu woiꞌ Pisidia wute pe woiꞌ Pampilia. 25Katoꞌo mampowutemohi Pohawaꞌna Pueꞌ Ala i kota Pega, hei noloumohi pe kota Atalia i bota ntahiꞌ. 26Ka kota Atalia tiꞌo, mehendeꞌmohi kapalaꞌ tahiꞌ mahuliꞌ nolou pe kota Antiokia i woiꞌ Siria. Kota Antiokia tiꞌo iomo kota uluꞌ patengkaꞌara hampiha mampowute Kareba moromiꞌ. I tempo tiꞌo, toSarani i Antiokia mampekokaekihi hei merapiꞌ hingkeꞌna Pueꞌ Ala morewahihi ka kopopuhiꞌna laliNa kolentuꞌara mampopatengkaꞌ jamara#Sur. 13:3 hei hinewowoꞌena jamara tiꞌo hiwalimo. 27Kohupaꞌralu i Antiokia, rorampumo lekiꞌ-lekiꞌne to mepoꞌohi pe Pueꞌ Yesu, hei ropowutemo hapo to Nowali Pueꞌ Ala i lali patengkaꞌara. Mampololitamohi woꞌo hohumbo Pueꞌ Ala mampatidoꞌkihi lala hingkeꞌna toaꞌ to handoꞌiohi toYahudi mepoꞌohihi woꞌo pe hi Yesu. 28Uko tiꞌo, hi Paulu hante hi Baranaba moruehi meꞌohaꞌ i kota tiꞌo moꞌawa-awa hante toaꞌ to mepoꞌohi.
Currently Selected:
Suro 14: LAILJE
Highlight
Copy
Compare
Share
Want to have your highlights saved across all your devices? Sign up or sign in
2017 Indonesian Bible Society (Lembaga Alkitab Indonesia)
Suro 14
14
Hi Paulu hante hi Baraba i Ikonium
1I bolaꞌ ngkodeꞌ Ikonium, hi Paulu hante hi Baraba pahuahi hapo to hibobali hante to rohua i bolaꞌ ngkodeꞌ Antiokia. Hei nolouhi pe tambi penombahara toYahudi hei mampowute Kareba Moromiꞌ pe toaꞌ to morampuhi itoꞌo, horiana woriꞌhi toYahudi hei toYunani mepoꞌohi pe hi Yesu. 2Angkana toYahudi to hawaꞌi mepoꞌohi mohohunuhi lalira toaꞌ to woriꞌ to handoꞌio toYahudi, hingkeꞌna rokabiriꞌi toaꞌ to mepoꞌohi pe Pueꞌ Yesu. 3Hi Paulu hante hi Baranaba meꞌohaꞌhi morue itoꞌo. Hei hawaꞌhi motehuꞌ mampowute kareba noniuꞌ i Pueꞌ. Pueꞌ mampaꞌanihi kuasaꞌ mowali tandaꞌ to mepohele hingkeꞌna moliu i waliaNa to moromiꞌ Io mampetidoꞌki komarimana pe iohi. Kareba Moromiꞌ tiꞌo mampololita Rima Ngkotuwuꞌ to ka Pueꞌ Ala to mampaꞌaniꞌi kotuwuꞌ to wolaꞌ pe toaꞌ.
4Angkana tumpu bolaꞌ tiꞌo hawaꞌhi hampekokiri. Uwaꞌhi to tinaꞌ i toYahudi, hei uwaꞌhi woꞌo to tinaꞌ i surona Pueꞌ Yesu. 5Koꞌukoana toYahudi, hante tadulako-tadulakora, toaꞌ to handoꞌiohi woꞌo toYahudi mohintuwuꞌmohi hingkeꞌna hi Paulu hante hi Baranaba nipopoꞌioꞌiohi hei niwatuihi. 6Angkana robahaꞌ hi Paulu hante hi Baranaba tungkaihare. Io horiana mehilaihi nolou pe kota Listra hante Derbe i woiꞌ Likaonia hei bolaꞌ ngkodeꞌ to dodungku itoꞌo. 7Mampowutehi woꞌo Kareba Moromiꞌ itoꞌo.
Hi Paulu niwatui i Listra
8I kota Listra, uwaꞌ haduo tomaꞌani tokohu ka konipoꞌanaꞌakina. Io mahuralu nturusi, alaꞌ hawaꞌi maroho kapuꞌne hei hawaꞌi mpuꞌu nobiaꞌ matengkaꞌ. 9Tokohu tiꞌo mahuramo mampehoromua hi Paulu mololita. Konoꞌokiꞌna hi Paulu tokohu tiꞌo maroho pepoꞌohine moliu i Kareba Moromiꞌ to nopowute nobahaꞌmo kohingkiꞌ moꞌoriꞌne. 10Notiꞌi hi Paulu hante loaꞌna to kodeꞌ “Metotiꞌimoko!” Katoꞌo metotiꞌi tokohu tiꞌo kaliuꞌ matengkaꞌ.
11Koroꞌokiꞌna toaꞌ to woriꞌ hapo to nowali hi Paulu, mololitamohi i wiharora, to nikokeneꞌi wiharo Likaonia, rotiꞌi, “Mengkohoumo humei lomoa-lomoare pe duniaꞌ. Lentera hibali lentena toaꞌ!” 12Uko tiꞌo, hi Baraba nikokeneꞌi hi Seu, konaꞌna datu lomoara. Hei hi Paulu nikokeneꞌi hi Heme, konaꞌna lomoara to mampowute pepaha, alaꞌ hi Paulu to biasa mololita. 13I tempo tiꞌo, uwaꞌ haduo tadulakona lomoa Seu i huwali kota. Tadulako lomoa tiꞌo mangkomi haꞌumbora mbaꞌa gapiꞌ laki hante bunga rokomi nolou pe wambaꞌ bente kota moꞌawa-awa hante toaꞌ to woriꞌ. Tungkaihara morereꞌ gapiꞌ tiꞌo hingkeꞌna ropopenombaꞌi pe hi Paulu hante hi Baranaba.
14Angkana korohorinalu surona Pueꞌ Yesu to roduo tiꞌo hapo tungkaihare toaꞌ to woriꞌ, mohepaꞌ-hepaꞌhi baduꞌra, tandaꞌ kohawaꞌna rolei tungkaihare tiꞌo, hei mehilaihi nolou pe lumbuna toaꞌ to woriꞌ, mololitahi ropokobue, rotiꞌi, 15“Haporeꞌi to iwalikei hieꞌe? Ingka hieꞌe, toaꞌ biasaluka woꞌo hibali ingkei. Humeika mampowute Kareba Moromiꞌ pe ingkei, hingkeꞌna ipohentekei penombahami pe lomoa to hawaꞌi modumbuꞌ hei menombakei pe Pueꞌ Ala to tuwuꞌ, alaꞌ Iomo to mowali laniꞌ, duniaꞌ, tahiꞌ hante lekiꞌ-lekiꞌna ohina. 16Hampiha Pueꞌ Ala mampotedehi toaꞌ menomba motuntuni peleira hadoduora. 17Angkana kehapoꞌi watoꞌo, hawaꞌi Nokomolihaki mampaꞌaniki haꞌumbora tandaꞌ to mampokonontokiki kohihimona Io. Io mampopewaliki hapo to moromiꞌ: Nopaꞌaniki ura ka laniꞌ, Nopopowuaꞌ huꞌa-huꞌante i tempona, Nopaꞌaniki pangka, hante Nopaꞌaniki komotanaꞌ lali.”
18Kehapoꞌi watoꞌo lolitare suro-suro pe toaꞌ to woriꞌ, masusahi nikamoroki hingkeꞌna hawaꞌhi mangkomi popenombara pe suro-suro.
19Hawaꞌi morue katoꞌo, haꞌumborahi toYahudi ka kota Antiokia hante ka kota Ikonium wute i kota Listra. ToYahudi tiꞌo mampokolaho lalira toaꞌ to woriꞌ i Listra hingkeꞌna nolouhi mowatui hi Paulu. Koꞌukona rowatui, roruiꞌ wotane nolou pe huwali kota hei ropolihi itoꞌo, alaꞌ rotiꞌireaꞌ mahimo. 20Angkana kolentuꞌara toSarani i Listra metotiꞌi motuleliꞌi, meꞌaromo hi Paulu, hei kaliuꞌ mekahi pe lali kota. Poꞌonina, noloumo hi Paulu hante hi Baranaba pe kota Derbe.
Hi Paulu hante hi Baraba mahuliꞌ nolou pe Antiokia
21I kota Derbe, hi Paulu hante hi Baranaba mampowutehi Kareba Moromiꞌ, koꞌukoana woriꞌ toaꞌ mepoꞌohi pe hi Yesu. Uko tiꞌo, mahuliꞌ womohi nolou pe kota Listra hante pe Ikonium, honiꞌi liuhi nolou pe kota Antiokia i woiꞌ Pisidia. 22I lekiꞌ-lekiꞌna bolaꞌ to rotengkaꞌi, hi Paulu hante hi Baranaba mampokaroho lalira hingkeꞌna tontora mepoꞌohi pe hi Yesu hei rotiꞌikihi, “Ingkiꞌ hangangaa pahuaki woriꞌ langkaꞌna komaporiꞌ ikohandoaꞌanta tene mekahi i lali poparentana Pueꞌ Ala.” 23I patengkaꞌara tiꞌo, hi Paulu hante hi Baranaba moꞌuwiꞌhi hei mohini tadulakona toSarani i jumaꞌa-jumaꞌa. Maboki hei mekokaehi, merapiꞌ hingkeꞌna Pueꞌ morewahihi alaꞌ Iolu to ropoꞌohi.
24Uko tiꞌo, hi Paulu hante hi Baraba mampololiumohi patengkaꞌara moliu woiꞌ Pisidia wute pe woiꞌ Pampilia. 25Katoꞌo mampowutemohi Pohawaꞌna Pueꞌ Ala i kota Pega, hei noloumohi pe kota Atalia i bota ntahiꞌ. 26Ka kota Atalia tiꞌo, mehendeꞌmohi kapalaꞌ tahiꞌ mahuliꞌ nolou pe kota Antiokia i woiꞌ Siria. Kota Antiokia tiꞌo iomo kota uluꞌ patengkaꞌara hampiha mampowute Kareba moromiꞌ. I tempo tiꞌo, toSarani i Antiokia mampekokaekihi hei merapiꞌ hingkeꞌna Pueꞌ Ala morewahihi ka kopopuhiꞌna laliNa kolentuꞌara mampopatengkaꞌ jamara#Sur. 13:3 hei hinewowoꞌena jamara tiꞌo hiwalimo. 27Kohupaꞌralu i Antiokia, rorampumo lekiꞌ-lekiꞌne to mepoꞌohi pe Pueꞌ Yesu, hei ropowutemo hapo to Nowali Pueꞌ Ala i lali patengkaꞌara. Mampololitamohi woꞌo hohumbo Pueꞌ Ala mampatidoꞌkihi lala hingkeꞌna toaꞌ to handoꞌiohi toYahudi mepoꞌohihi woꞌo pe hi Yesu. 28Uko tiꞌo, hi Paulu hante hi Baranaba moruehi meꞌohaꞌ i kota tiꞌo moꞌawa-awa hante toaꞌ to mepoꞌohi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
2017 Indonesian Bible Society (Lembaga Alkitab Indonesia)