MALEAKHI 4
4
Tuhan Awi hobuk wesigin mene faget, isikhe wene
1 Tuhan Omame Mondok Hokho mene a'nogo ane ikhi logolik he, ”Hobuk An nawi andi wei ugunem he, afuni ekhe inonggwaregen foget fakhagarek mene inom, inobabut weak hilingitarek mene andi inom, inebe engga puk mene endu nen ninggerek andi hak ekhe fena herakfisigi'lek endu mondok nagain o. 2A'nogo meneat he, hit An nane hologo tiphogo hilingiti lagep mene nek he, hinagap telhinabuageluk An nomame a'nogo re, mo asinandi tilelogo lakfei wagarek andi hak fanothinabi wesigin o. A'nogo hilinghinabi wesumo re, wam wundula nen wulakfei wagunem endawimo hagaiyegen helalue wanherek andi hak hilingisugun. 3O andi sambul he, An nomamerogo hilingitunem he, hiren afuni weak hilingitarek mene andi mabenet fisamo re, it inebe re ogoilong engge hakhogo hineisogen alperelogo fisogoin.
4An namingmingengge Musa nen wene yagaisikhi lagaikhe mene omanogo wenggelhikhi logoino. Wene melalek inom, wene yi'nogo hilingi'no, ti'nogo hilingi'no iluk palek werek mene omanogo inom, it afuni An nagainafuri Israel mene inebe mondogaren hologo hilingiti logouwageluk attak tom Sinaiba nen wogetigi mene omanogo ebethikhi logoino.
5Oba nen he linggene elalin awi An nen enogo fesigi mene andi oan wagi'lek werek kwelek he, An nen hit hinoba Allah ane yagahisikhi lagaikhe mene nabi Elia a'nogo lakfei wesigin.#Mat. 11:14, 17:10-13; Mrk. 9:11-13; Luk. 1:17; Yoh. 1:21 6Andi re, An hobuk waga logolik o hit welagep oba andoma nen weagethinabi wagi hanogoluk, at Elia nen ap inesugwi inom, inagainafuri inom inendawinggen misik sebe iluk logouwageluk hilinginabi wesigin andi,” iluk yagaisasikhe.
Currently Selected:
MALEAKHI 4: inohap
Highlight
Share
Copy
Want to have your highlights saved across all your devices? Sign up or sign in