YIA̒APO 6
6
Wuu̒du duo̒lo taa umopowato batanga u momaya to EEYA
1 Eeya lopoa̒hu ode lei Musa 2mongohi mao̒ wuwuu-uduwaalo botie ode taulo Isirai̒lu. Timii̒du talolai̒ meealo taabua tao̒ danti u tumumulo tolomodu duo̒lo Eeya odelo ngotaalio tau̒ mopowato batanga u momaya to EEYA, 3-4diila mowali mongilu taluhu lo angguru meaalo minumani u moo̒huwoo̒. Penu boli woloolo mola tio diila mowali mongilu minumani moo̒huwoo̒ u pilohutu monto hungo lo angguru meaalo huhuu-ngowaalo wewo. Tio diila mowali molamela hungo lo angguru useehati umohengu, meaalo wolo wambai̒o u asaliilio mai monto bungo lo angguru; botualio meaalo penu boli hulai̒o diila mowali tamelolio.
5Ngotilonggadu maasa lo dantilio tio diila mowali mohuntinga huwoi̒o meaalo monguluheo̒. Ngotilonggadu wakutu boito huwoi̒o wau danggulio musi huliyalio mobutu mola hayahaya. Tio meitihuto to dantilio dilumutu maasa potolo-modulo batangalio ode Eeya mopaluto. 6-7Huwoi̒o boito debo odelo tuoto deu̒ tio pilohetu ode Allahu Taa̒ala. Ngotilonggadu dantilio pohupohutu tio diila mowali moponajisi batangalio; tio diila mowali mohimbideo̒ mesba, eleponu uito milate liyamolio, liilolio, meaalo wutatio. 8Ngotilonggadu tio taa umopowato batanga u momaya to EEYA, tio yito taa upohetu ode Eeya.
9Wonu bolo huwoo̒ lo ngotaalio tau̒ mopowato batanga u momaya to EEYA tamaa pilohetu lowali najisi sababu tio woluo totili lotaa mate wolo tumahuo̒lo mola, yi tio musi mohima pitu hui mola hiheolio; lapatao̒ uito tio musi mongoluheo̒ huwoi̒o wau danggulio, bolo tio mowali belesi. 10Todulahee u owalulio tio musi modelo mota bulungi poombo duluo meaalo bulungi tarakuku odeli iimamu tohuhebu Kema lo Eeya. 11Bulungi u tuwau musi podewo li iimamu ode bake pongambungualo dusa, wau u tuwau poli ode bake yilalango huna moluluta onajisiilio. Todulahee boitolo tio musi muli mopohetu mao̒ huwoi̒o ode Eeya 12wau mopobohu wuwudu lo batangalio odelo taa umopowato batanga u momaya to EEYA. Hiyango wakutu u malo paluto diilalo yia̒apolo sababu tio malowali najisi. Odelo bake poluloo̒ uiluhi tio musi mopodewo mao̒ walao̒ himba tuwau u ou̒umulu ngotaunu.
13Wonu bolo maasa lo ngotaalio lo taa umopowato batanga u momaya to EEYA malo paluto, yi pohutuwolo upacala botie. Tau boito musi depitola ode huhebu Kema lo Eeya 14lou̒ modelo mao̒ ode Eeya totolu bibiahe udiila otailio: tuwau walao̒ himba ulai̒ ou̒umulu ngotaunu ode bake yilalango, tuwau walao̒ himba bilango ou̒umulu ngotaunu ode bake pongambungualo dusa, wau tuwau himba ulai̒ ode bake lo polodame. 15Tio olo musi mopodewo mao̒ ngokalanji roti upilohutu lou̒ diila lomake ragi, deu̒yito-yito roti hihulula upilohutu monto labu u ilulau lowinulo jaitun, wau kuukisi molipa upiladeta wolo winulo jaitun. Wewolio leeto tio olo musi mopodewo mao̒ bake pohinta wau bake lo minumani.
16Ti iimamu musi modelo mota ngoa̒amilalo boito ode talu lo Eeya, lapatao̒ lopodewo bake pongambungualo dusa wau bake yilalango. 17Pee̒-pee̒enta wolo roti ngokalanji boito, tio musi mopodewo himba ulai̒ boito ode Eeya odelo bake lo polodame. Wau olo bake pohinta wau bake lo minumani boito musi podewolio ode Eeya.
18Taa umopowato batanga u momaya to EEYA boito musi monguluheo̒ huwoi̒o tohuhebu Kema lo Eeya, wau mopo mahulao̒ ode delomo tulu tambati bake lo polodame boito udonggo helalangolo.
19Lapatao̒ uito, wonu talulo bungolopa lohimba ulai̒ boito matilubu, ti iimamu musi mohama mao̒ wau mopodutu pee̒-pee̒enta wolo roti ngobotu hulu-hululo wau tuwau kuukisi molipa monto kalanji boito, ode delomo uluu̒ lotaa umopowato batanga u momaya to EEYA boito. 20Lapatao̒ ti iimamu musi mopo biloheo̒ ua̒alo boito odelo wowohi pohetu ode Eeya; uito yito wimbihu umantali wau umowali tayadu li iimamu, ngopohia duhelo wau bungolopa lohimba ulai̒ u modudua̒ wuu̒du mowali tayadu li iimamu. Bolo lapatao̒ uito taa umopowato batanga u momaya to EEYA boito mowali mongilu taluhu angguru.
21Ui-uitolo wuu̒du ode taa umopowato batanga u momaya to EEYA; bo wonu ngotaalio tau̒ mopowato batanga u momaya to EEYA modanti mao̒ bake u mongilabotao̒ sasaa-ratiyaalo dantilio, tio musi mopoo̒polu wolo tuhata wolo upilo dantilio boito.
Loi̒ya balakati li iimamu
22 Eeya lopoa̒hu olei Musa 23mopo tunggulao̒ olei Haruna wau mongo walai̒o deu̒ timongolio musi mohulitao̒ tataa-heyaalo botie tou̒ timongolio mobalakati mao̒ bangusa lo Isirai̒lu:
24Hinta Eeya mobalakati wau molaala olimongoli.
25Hinta Eeya mopiohe hilao wau muura hilao olimongoli.
26Hinta Eeya momonu olimongoli wau mongohi mai dame olimongoli.
27Wau Eeya lotahuda mai, “Wonu bolo timongolio mohulitao̒ tanggulu-U̒ odelo balakati to bangusa lo Isirai̒lu, Wau̒ mamo balakati mai olimongolio.”
Currently Selected:
YIA̒APO 6: LAIGOR
Highlight
Copy
Compare
Share
Want to have your highlights saved across all your devices? Sign up or sign in
YIA̒APO 6
6
Wuu̒du duo̒lo taa umopowato batanga u momaya to EEYA
1 Eeya lopoa̒hu ode lei Musa 2mongohi mao̒ wuwuu-uduwaalo botie ode taulo Isirai̒lu. Timii̒du talolai̒ meealo taabua tao̒ danti u tumumulo tolomodu duo̒lo Eeya odelo ngotaalio tau̒ mopowato batanga u momaya to EEYA, 3-4diila mowali mongilu taluhu lo angguru meaalo minumani u moo̒huwoo̒. Penu boli woloolo mola tio diila mowali mongilu minumani moo̒huwoo̒ u pilohutu monto hungo lo angguru meaalo huhuu-ngowaalo wewo. Tio diila mowali molamela hungo lo angguru useehati umohengu, meaalo wolo wambai̒o u asaliilio mai monto bungo lo angguru; botualio meaalo penu boli hulai̒o diila mowali tamelolio.
5Ngotilonggadu maasa lo dantilio tio diila mowali mohuntinga huwoi̒o meaalo monguluheo̒. Ngotilonggadu wakutu boito huwoi̒o wau danggulio musi huliyalio mobutu mola hayahaya. Tio meitihuto to dantilio dilumutu maasa potolo-modulo batangalio ode Eeya mopaluto. 6-7Huwoi̒o boito debo odelo tuoto deu̒ tio pilohetu ode Allahu Taa̒ala. Ngotilonggadu dantilio pohupohutu tio diila mowali moponajisi batangalio; tio diila mowali mohimbideo̒ mesba, eleponu uito milate liyamolio, liilolio, meaalo wutatio. 8Ngotilonggadu tio taa umopowato batanga u momaya to EEYA, tio yito taa upohetu ode Eeya.
9Wonu bolo huwoo̒ lo ngotaalio tau̒ mopowato batanga u momaya to EEYA tamaa pilohetu lowali najisi sababu tio woluo totili lotaa mate wolo tumahuo̒lo mola, yi tio musi mohima pitu hui mola hiheolio; lapatao̒ uito tio musi mongoluheo̒ huwoi̒o wau danggulio, bolo tio mowali belesi. 10Todulahee u owalulio tio musi modelo mota bulungi poombo duluo meaalo bulungi tarakuku odeli iimamu tohuhebu Kema lo Eeya. 11Bulungi u tuwau musi podewo li iimamu ode bake pongambungualo dusa, wau u tuwau poli ode bake yilalango huna moluluta onajisiilio. Todulahee boitolo tio musi muli mopohetu mao̒ huwoi̒o ode Eeya 12wau mopobohu wuwudu lo batangalio odelo taa umopowato batanga u momaya to EEYA. Hiyango wakutu u malo paluto diilalo yia̒apolo sababu tio malowali najisi. Odelo bake poluloo̒ uiluhi tio musi mopodewo mao̒ walao̒ himba tuwau u ou̒umulu ngotaunu.
13Wonu bolo maasa lo ngotaalio lo taa umopowato batanga u momaya to EEYA malo paluto, yi pohutuwolo upacala botie. Tau boito musi depitola ode huhebu Kema lo Eeya 14lou̒ modelo mao̒ ode Eeya totolu bibiahe udiila otailio: tuwau walao̒ himba ulai̒ ou̒umulu ngotaunu ode bake yilalango, tuwau walao̒ himba bilango ou̒umulu ngotaunu ode bake pongambungualo dusa, wau tuwau himba ulai̒ ode bake lo polodame. 15Tio olo musi mopodewo mao̒ ngokalanji roti upilohutu lou̒ diila lomake ragi, deu̒yito-yito roti hihulula upilohutu monto labu u ilulau lowinulo jaitun, wau kuukisi molipa upiladeta wolo winulo jaitun. Wewolio leeto tio olo musi mopodewo mao̒ bake pohinta wau bake lo minumani.
16Ti iimamu musi modelo mota ngoa̒amilalo boito ode talu lo Eeya, lapatao̒ lopodewo bake pongambungualo dusa wau bake yilalango. 17Pee̒-pee̒enta wolo roti ngokalanji boito, tio musi mopodewo himba ulai̒ boito ode Eeya odelo bake lo polodame. Wau olo bake pohinta wau bake lo minumani boito musi podewolio ode Eeya.
18Taa umopowato batanga u momaya to EEYA boito musi monguluheo̒ huwoi̒o tohuhebu Kema lo Eeya, wau mopo mahulao̒ ode delomo tulu tambati bake lo polodame boito udonggo helalangolo.
19Lapatao̒ uito, wonu talulo bungolopa lohimba ulai̒ boito matilubu, ti iimamu musi mohama mao̒ wau mopodutu pee̒-pee̒enta wolo roti ngobotu hulu-hululo wau tuwau kuukisi molipa monto kalanji boito, ode delomo uluu̒ lotaa umopowato batanga u momaya to EEYA boito. 20Lapatao̒ ti iimamu musi mopo biloheo̒ ua̒alo boito odelo wowohi pohetu ode Eeya; uito yito wimbihu umantali wau umowali tayadu li iimamu, ngopohia duhelo wau bungolopa lohimba ulai̒ u modudua̒ wuu̒du mowali tayadu li iimamu. Bolo lapatao̒ uito taa umopowato batanga u momaya to EEYA boito mowali mongilu taluhu angguru.
21Ui-uitolo wuu̒du ode taa umopowato batanga u momaya to EEYA; bo wonu ngotaalio tau̒ mopowato batanga u momaya to EEYA modanti mao̒ bake u mongilabotao̒ sasaa-ratiyaalo dantilio, tio musi mopoo̒polu wolo tuhata wolo upilo dantilio boito.
Loi̒ya balakati li iimamu
22 Eeya lopoa̒hu olei Musa 23mopo tunggulao̒ olei Haruna wau mongo walai̒o deu̒ timongolio musi mohulitao̒ tataa-heyaalo botie tou̒ timongolio mobalakati mao̒ bangusa lo Isirai̒lu:
24Hinta Eeya mobalakati wau molaala olimongoli.
25Hinta Eeya mopiohe hilao wau muura hilao olimongoli.
26Hinta Eeya momonu olimongoli wau mongohi mai dame olimongoli.
27Wau Eeya lotahuda mai, “Wonu bolo timongolio mohulitao̒ tanggulu-U̒ odelo balakati to bangusa lo Isirai̒lu, Wau̒ mamo balakati mai olimongolio.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in