YIA̒APO 4
4
Tuugasi taulo Lewi monto kaumu Kehat
1 Eeya lopoa̒hu olei Musa wolei Haruna 2moponao̒ mao̒ poloyia̒apo jumulaa ulipu taulo Lewi monto kaumu Kehat loduduo̒ ngaalaa̒lio ngota-ngota, 3lapatao̒ loluladeo̒ ngoa̒amila tanggulo mongo lolai̒ tao̒ umulu tolopulu dilumutu limo lopulu lotaunu, tamambo u mohutu mao̒ kalaja uwajibu to Kema lo Eeya. 4Kalaja limongolio yito mongulusi babaa-langiyalo ulaba-labaalo mantali.
5 Eeya longohi mai odelei Musa wuu̒du botie: Wonu malei dungga wakutuulio momonggari kema, tei Haruna wau mongo walai̒o musi tumuwotao̒ ode Kema lo Eeya, mopolaaheo̒ podehu totalu lo Bulua Daantia, wau molau̒be Bulua boito wolo kaingi boito. 6Lapatio mao̒, timongolio musi muli molau̒beo̒ wolo walito ngopita u moa̒aluti, tulusi momua̒deo̒ kaingi ngopita u wahue̒nte toitaatio, wau mopohuli mao̒ ayu pomulihelo Bulua boito.
7Timongolio musi momua̒deo̒ kaingi ngopita u wahue̒nte toitaato meja tambati loroti pohinta ode Eeya, wau toitaato meja boito timongolio musi mopodutu mao̒ pingge leidaa̒, baki tambati lodupa, baki tambati lodewo, wau ginti ode dewa taluhu lo angguru. Roti pohinta musi laito woluo tomeja boito. 8Timongolio musi molau̒beo̒ ngoa̒amilalo boito wolo kaingi meela ngopita, lapatao̒ momua̒deo̒ walito ngopita u moa̒aluti toitaatio, wau mopohuli ayu pomulihelo meja boito.
9Timongolio musi mohama mao̒ kaingi wahue̒nte ngopita wau molau̒beo̒ oa̒ato tohe wau totoo-helio, pakaakasi umopoo̒ belesi tumbu lotohe wau polotaai̒o, wau ngoa̒amila tambati lowinulo jaitun. 10Oa̒ato tohe wau ngoa̒amila powimumutio musi bolulo mao̒ limongolio wolo walito u moa̒aluti lapatao̒ podutuwola toitaato tambati pomulihelo.
11Lapatao̒ uito timongolio musi momua̒deo̒ kaingi wahue̒nte ngopita toitaato mesba lohulawa boito, wau molau̒beo̒ wolo walito ngopita u moa̒aluti, lapatao̒ pohuliyalo lo ayu pomulihelo mesba boito. 12Ngoa̒amila pakaakasi u pilomake todelomo Huwali Leidaa̒ Mantali musi hamaa mao̒ limongolio boluloola lokaingi wahue̒nte ngopita. Lapatao̒ timongolio musi molau̒beo̒ wolo walito ngopita u moa̒aluti, wau podutuwola toitaato huhulihe. 13Timongolio musi mopobelesi mao̒ mesba boito monto peaahuo̒, lapatao̒ momua̒deo̒ kaingi lailoumu ngopita toitaatio. 14Wau toitaatio boito timongolio musi mopodutu mao̒ ngoa̒amila pakaakasi u pomake todelomo ibaadati tomesba boito; tambati lotulu, tutunggoo̒, sikopu, wau basi. Lapatao̒ timongolio musi molau̒beo̒ ngoa̒amilalo boito wolo walito ngopita u moa̒aluti wau mopohuli ayu pomulihelio.
15-20 Eeya lotahuda odelei Musa wolei Haruna, “Tou̒ timongoli momonggari mao̒ kema, tei Haruna wau mongo walai̒o musi tumuwotao̒ ode delomo Kema-U̒ wau molau̒beo̒ ngoa̒amila balangi wau powimumuto uwoluo mota teto. Bolo lapatao̒ uito, tau-tauwalo Kehat mowali monao̒ mai momota mao̒. Bo timongolio diila mowali momilohe, mohimbideo̒ meaalo modedeta babaa-langiyalo boito, sababu mapilohetu ode ola-U̒. Wonu timongolio debo mohutu mao̒, timongolio maamate. Oditolio, alihu tau-tauwalo Kehat diila mao̒ oluluta monto suku Lewi, tei Haruna wau mongo walai̒o musi mongohi mao̒ tuugasi ngota-ngota towolota limongolio wolo umusi deloo limongolio. Ui-uitolo tuugasi taulo Kehat tou̒ Kema-U̒ polimbatolo. Tei Eleajar, walae̒e Haruna, tatihu-tihula to ngoilanggubu lo Kema-U̒, winulo tohe, totabu, bake lopale u pohinta tatapu, winulo upacala wau ngoa̒amila uwoluo todelomo Kema-U̒.”
Tuugasi taulo Lewi monto kaumu Gerson
21 Eeya lopoa̒hu olei Musa 22mohutu mao̒ poloyia̒apo jumulaa ulipu totaulo Lewi monto kaumu Gerson moduduo̒ ngaalaa̒ lou̒ ngota-ngota. 23Tei Musa musi moluladeo̒ tanggulo ngoa̒amila mongo lolai̒ tao̒ umulu tolopulu dilumutu limo lopulu lotaunu tamambo mokalaja mao̒ uwajibu kalajaalo to Kema lo Eeya. 24Timongolio wohuyalo tuugasi u momintao̒ babaa-langiyalo botie: 25Kaingi tenda lo Kema boito wolo tau̒bio wimbihu delomio wau wimbihu bulemengio monto walito u moa̒aluti, kaingi tohuhebu lo Kema, 26lalaa-yaheelo wau tataa-liilio duo̒lo palepelo totili lo Kema wau mesba, kaingi to hulubangi lo palepelo, wau ngoa̒amila powimumuto upomake duo̒lo pohuliyalo ngoa̒amila balangi boito. Timongolio tatihu-tihula to ngoa̒amila kalaja u owumbuta wolo babaa-langiyalo boito. 27Tei Musa wolei Haruna musi mongimato mao̒ alihu kalaja uiludu mao̒ odelei Haruna wau mongo walai̒o ode tau-tauwalo lei Gerson boito ponao̒lo, wau ngoa̒amila balangi umusi bintao̒lo, alihu bintao̒lo. 28Ui-uitolo tuugasi lotau-tauwalo lei Gerson todelomo Kema; tutuu-gasiyaalo boito musi ponao̒lo to tau̒wa lei Itamar, walai̒ Iimamu Haruna.
Tuugasi taulo Lewi monto kaumu Merari
29 Eeya lopoa̒hu olei Musa moponao̒ mao̒ poloyia̒apo jumulaa ulipu ode taulo Lewi monto kaumu Merari moduduo̒ ngaalaa̒ lou̒ ngota-ngota. 30Tei Musa moluladeo̒ tanggulo ngoa̒amila mongo lolai̒ tao̒ umulu tolopulu dilumutu limo lopulu lotaunu tamambo moponao̒ lokalaja uwajibu to Kema lo Eeya. 31Timongolio tilugasia mao̒ u momintao̒ popoo-ngawaa̒alo Kema boito, babaa-lakilio, wowoo-lihilio wau wumbatio. 32Wau olo wowoo-lihiyaalo palepelo pali-palita to Kema boito boli wumbatio, papaatoi̒o wau tataa-liilio wolo totoonulalo pakaakasi u palaluwola u mopotihulao̒ motulidu. Ngota-ngota tilugasia modelo babaa-langiyalo utantu-tantu. 33Ui-uitolo tutuu-gasiyaalo kaumu Merari; ngoa̒amila kalaja limongolio to Kema lo Eeya musi pohutuwola to tau̒wa lei Itamar, walai̒ Iimamu Haruna.
Poloyia̒apo jumulaa ulipu tau-tauwalo Lewi
34-48Tutuuu̒de wolo palenta mai lo Eeya, tei Musa, tei Haruna wau mongo tau̒wa lo umati loponao̒ mao̒ poloyia̒apo jumulaa ulipu to otolu kaumu boito todelomo suku Lewi, deu̒yito-yito suku Kehat, suku Gerson wau Merari. Timongolio helo ponao̒ lo poloyia̒apo jumulaa ulipu boito ngaalaa̒ domi ngaalaa̒. Timongolio helo luladeo̒ tanggulo ngoa̒amila mongo lolai̒ tao̒ umulu tolopulu dilumutu limo lopulu lotaunu tamambo moponao̒ lokalaja uwajibu to Kema lo Eeya. Uti-utieelo hasililio:
| Kaumu | Jumulaa tau | |
|---|---|---|
| Kehat | 2.750 | |
| Gerson | 2.630 | |
| Merari | 3.200 | |
| Ngoa̒amilalo: | 8.580 |
49To palenta lo Eeya lotimbuludei olei Musa, timii̒du tau daputaliyolo wau wohiyalo uwajibu memanta mao̒ totoonulalo u hitua-tuawualio ngota-ngota tou̒ wolo umusi bayaalio meaalo wolo umusi potaalolio.
Currently Selected:
YIA̒APO 4: LAIGOR
Highlight
Copy
Compare
Share
Want to have your highlights saved across all your devices? Sign up or sign in
YIA̒APO 4
4
Tuugasi taulo Lewi monto kaumu Kehat
1 Eeya lopoa̒hu olei Musa wolei Haruna 2moponao̒ mao̒ poloyia̒apo jumulaa ulipu taulo Lewi monto kaumu Kehat loduduo̒ ngaalaa̒lio ngota-ngota, 3lapatao̒ loluladeo̒ ngoa̒amila tanggulo mongo lolai̒ tao̒ umulu tolopulu dilumutu limo lopulu lotaunu, tamambo u mohutu mao̒ kalaja uwajibu to Kema lo Eeya. 4Kalaja limongolio yito mongulusi babaa-langiyalo ulaba-labaalo mantali.
5 Eeya longohi mai odelei Musa wuu̒du botie: Wonu malei dungga wakutuulio momonggari kema, tei Haruna wau mongo walai̒o musi tumuwotao̒ ode Kema lo Eeya, mopolaaheo̒ podehu totalu lo Bulua Daantia, wau molau̒be Bulua boito wolo kaingi boito. 6Lapatio mao̒, timongolio musi muli molau̒beo̒ wolo walito ngopita u moa̒aluti, tulusi momua̒deo̒ kaingi ngopita u wahue̒nte toitaatio, wau mopohuli mao̒ ayu pomulihelo Bulua boito.
7Timongolio musi momua̒deo̒ kaingi ngopita u wahue̒nte toitaato meja tambati loroti pohinta ode Eeya, wau toitaato meja boito timongolio musi mopodutu mao̒ pingge leidaa̒, baki tambati lodupa, baki tambati lodewo, wau ginti ode dewa taluhu lo angguru. Roti pohinta musi laito woluo tomeja boito. 8Timongolio musi molau̒beo̒ ngoa̒amilalo boito wolo kaingi meela ngopita, lapatao̒ momua̒deo̒ walito ngopita u moa̒aluti toitaatio, wau mopohuli ayu pomulihelo meja boito.
9Timongolio musi mohama mao̒ kaingi wahue̒nte ngopita wau molau̒beo̒ oa̒ato tohe wau totoo-helio, pakaakasi umopoo̒ belesi tumbu lotohe wau polotaai̒o, wau ngoa̒amila tambati lowinulo jaitun. 10Oa̒ato tohe wau ngoa̒amila powimumutio musi bolulo mao̒ limongolio wolo walito u moa̒aluti lapatao̒ podutuwola toitaato tambati pomulihelo.
11Lapatao̒ uito timongolio musi momua̒deo̒ kaingi wahue̒nte ngopita toitaato mesba lohulawa boito, wau molau̒beo̒ wolo walito ngopita u moa̒aluti, lapatao̒ pohuliyalo lo ayu pomulihelo mesba boito. 12Ngoa̒amila pakaakasi u pilomake todelomo Huwali Leidaa̒ Mantali musi hamaa mao̒ limongolio boluloola lokaingi wahue̒nte ngopita. Lapatao̒ timongolio musi molau̒beo̒ wolo walito ngopita u moa̒aluti, wau podutuwola toitaato huhulihe. 13Timongolio musi mopobelesi mao̒ mesba boito monto peaahuo̒, lapatao̒ momua̒deo̒ kaingi lailoumu ngopita toitaatio. 14Wau toitaatio boito timongolio musi mopodutu mao̒ ngoa̒amila pakaakasi u pomake todelomo ibaadati tomesba boito; tambati lotulu, tutunggoo̒, sikopu, wau basi. Lapatao̒ timongolio musi molau̒beo̒ ngoa̒amilalo boito wolo walito ngopita u moa̒aluti wau mopohuli ayu pomulihelio.
15-20 Eeya lotahuda odelei Musa wolei Haruna, “Tou̒ timongoli momonggari mao̒ kema, tei Haruna wau mongo walai̒o musi tumuwotao̒ ode delomo Kema-U̒ wau molau̒beo̒ ngoa̒amila balangi wau powimumuto uwoluo mota teto. Bolo lapatao̒ uito, tau-tauwalo Kehat mowali monao̒ mai momota mao̒. Bo timongolio diila mowali momilohe, mohimbideo̒ meaalo modedeta babaa-langiyalo boito, sababu mapilohetu ode ola-U̒. Wonu timongolio debo mohutu mao̒, timongolio maamate. Oditolio, alihu tau-tauwalo Kehat diila mao̒ oluluta monto suku Lewi, tei Haruna wau mongo walai̒o musi mongohi mao̒ tuugasi ngota-ngota towolota limongolio wolo umusi deloo limongolio. Ui-uitolo tuugasi taulo Kehat tou̒ Kema-U̒ polimbatolo. Tei Eleajar, walae̒e Haruna, tatihu-tihula to ngoilanggubu lo Kema-U̒, winulo tohe, totabu, bake lopale u pohinta tatapu, winulo upacala wau ngoa̒amila uwoluo todelomo Kema-U̒.”
Tuugasi taulo Lewi monto kaumu Gerson
21 Eeya lopoa̒hu olei Musa 22mohutu mao̒ poloyia̒apo jumulaa ulipu totaulo Lewi monto kaumu Gerson moduduo̒ ngaalaa̒ lou̒ ngota-ngota. 23Tei Musa musi moluladeo̒ tanggulo ngoa̒amila mongo lolai̒ tao̒ umulu tolopulu dilumutu limo lopulu lotaunu tamambo mokalaja mao̒ uwajibu kalajaalo to Kema lo Eeya. 24Timongolio wohuyalo tuugasi u momintao̒ babaa-langiyalo botie: 25Kaingi tenda lo Kema boito wolo tau̒bio wimbihu delomio wau wimbihu bulemengio monto walito u moa̒aluti, kaingi tohuhebu lo Kema, 26lalaa-yaheelo wau tataa-liilio duo̒lo palepelo totili lo Kema wau mesba, kaingi to hulubangi lo palepelo, wau ngoa̒amila powimumuto upomake duo̒lo pohuliyalo ngoa̒amila balangi boito. Timongolio tatihu-tihula to ngoa̒amila kalaja u owumbuta wolo babaa-langiyalo boito. 27Tei Musa wolei Haruna musi mongimato mao̒ alihu kalaja uiludu mao̒ odelei Haruna wau mongo walai̒o ode tau-tauwalo lei Gerson boito ponao̒lo, wau ngoa̒amila balangi umusi bintao̒lo, alihu bintao̒lo. 28Ui-uitolo tuugasi lotau-tauwalo lei Gerson todelomo Kema; tutuu-gasiyaalo boito musi ponao̒lo to tau̒wa lei Itamar, walai̒ Iimamu Haruna.
Tuugasi taulo Lewi monto kaumu Merari
29 Eeya lopoa̒hu olei Musa moponao̒ mao̒ poloyia̒apo jumulaa ulipu ode taulo Lewi monto kaumu Merari moduduo̒ ngaalaa̒ lou̒ ngota-ngota. 30Tei Musa moluladeo̒ tanggulo ngoa̒amila mongo lolai̒ tao̒ umulu tolopulu dilumutu limo lopulu lotaunu tamambo moponao̒ lokalaja uwajibu to Kema lo Eeya. 31Timongolio tilugasia mao̒ u momintao̒ popoo-ngawaa̒alo Kema boito, babaa-lakilio, wowoo-lihilio wau wumbatio. 32Wau olo wowoo-lihiyaalo palepelo pali-palita to Kema boito boli wumbatio, papaatoi̒o wau tataa-liilio wolo totoonulalo pakaakasi u palaluwola u mopotihulao̒ motulidu. Ngota-ngota tilugasia modelo babaa-langiyalo utantu-tantu. 33Ui-uitolo tutuu-gasiyaalo kaumu Merari; ngoa̒amila kalaja limongolio to Kema lo Eeya musi pohutuwola to tau̒wa lei Itamar, walai̒ Iimamu Haruna.
Poloyia̒apo jumulaa ulipu tau-tauwalo Lewi
34-48Tutuuu̒de wolo palenta mai lo Eeya, tei Musa, tei Haruna wau mongo tau̒wa lo umati loponao̒ mao̒ poloyia̒apo jumulaa ulipu to otolu kaumu boito todelomo suku Lewi, deu̒yito-yito suku Kehat, suku Gerson wau Merari. Timongolio helo ponao̒ lo poloyia̒apo jumulaa ulipu boito ngaalaa̒ domi ngaalaa̒. Timongolio helo luladeo̒ tanggulo ngoa̒amila mongo lolai̒ tao̒ umulu tolopulu dilumutu limo lopulu lotaunu tamambo moponao̒ lokalaja uwajibu to Kema lo Eeya. Uti-utieelo hasililio:
| Kaumu | Jumulaa tau | |
|---|---|---|
| Kehat | 2.750 | |
| Gerson | 2.630 | |
| Merari | 3.200 | |
| Ngoa̒amilalo: | 8.580 |
49To palenta lo Eeya lotimbuludei olei Musa, timii̒du tau daputaliyolo wau wohiyalo uwajibu memanta mao̒ totoonulalo u hitua-tuawualio ngota-ngota tou̒ wolo umusi bayaalio meaalo wolo umusi potaalolio.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in