YIA̒APO 35
35
Kokoo-tawaalo ode taulo Lewi
1Todatahu lo Moab, tobiihu lo Dutulaa Yordan, totili lokota Yerikho, Eeya lotahuda mai odelei Musa, 2“Potunggula mao̒ ode bangusa lo Isirai̒lu deu̒ monto huta pusaka u matolimo limongolio boito, dengolo kotalio wolo huta luasi u pilobutua huo̒yota topalitio musi wohi mao̒ limongolio ode taulo Lewi alihu timongolio mowali motibiluloa̒ mota teto. 3Kokoo-tawaalo boito mowali miliki taulo Lewi u mowali tambati potibiluloa̒ limongolio. Huta luasi u pilobutua huo̒yota topalitio yito ode bibiahu wau totoonulalo binatangi limongolio. 4Huta luasi u pilobutua huo̒yota boito luasilio wopato hetuto limo lopulu lomeeteri ode totoonulalo mantahu, tuu̒dulo monto dingingo meeseli lokota. 5Oditolio madala taulo Lewi momoodeli tutulio wopato, u otuu̒du tio lohetuto meeteri timii̒du biihio, wolo kotalio tohuungio. 6To taulo Lewi musi wohia mao̒ limongoli wolomo kota potiduo̒lalo odelo tambati polahiyaalo duo̒lo tau-tauwala tadiila sangaja malomate yila-yilateelo mao̒ taa wewo. Ngopohia leeto to taulo Lewi musi wohiyaala olo wopato pulaa duluo kota wewolio 7wolo huta luasi u pilobutua lo huo̒yotio. Oditolio ngoa̒amilalo woluo wopato pulaa walu kota ode taulo Lewi. 8Jumulaa kokoo-tawaalo Lewi todelomo madala lotimii̒du suku Isirai̒lu musi tantuwola moduduo̒ daatalio lokota wau udaa̒alio lomadala boito.”
Kokoo-tawaalo potiduo̒lalo
(Tin. 19:1-13; Yos. 20:1-9)
9 Eeya lopoa̒hu mao̒ olei Musa 10lopo tunggulao̒ ode bangusa lo Isirai̒lu tataa-heyaalo botie, “Lapatao̒ timongoli mobalanga Dutulaa Yordan wau tumuwotao̒ ode lipu lo Kanaa̒n, 11timongoli musi molantu mao̒ kokoo-tawaalo potiduo̒lalo, alihu tau-tauwalo tawolo sangaja malomate taa wewo yila-yilateelo mao̒, mowali tumetea̒a mota odito. 12To kokoo-tawaalo boito tau boito maa̒amani monto mongo ilaato lobake polomatealio yila-yilateelo mao̒ tao̒hilaa molontuli niyati. Sababu taa u potuludela momate mateelo mao̒ taa wewo, diila mowali pateelo mate-mateelo mao̒ wonu palakalaalio diipo pilalakisa to bubutoo̒ lou̒ lipu. 13Tantua mao̒ wolomo kota potiduo̒lalo, 14totolu to ambahu tiimuru lo Dutulaa Yordan wau totolu poli tohuta lo Kanaa̒n. 15Olomo kota boito mowali kota potiduo̒la limongoli, taulo Isirai̒lu, wau ode tau deli talonao̒ mai meaalo tadebo bilu-biluloa̒ tohuungi mongoli. Tatoonu wambai̒o tamalomate yila-yilateelo mao̒ taa wewo lou̒ diila sangaja, mowali mopolahi lobatanga ode tala tuwau lokota boito.
16-18Bo wonu bolo tahingota-ngotaawa momake tingolo wate meaalo botu meaalo ayu u momate-mateelo mao̒ taa wewo, tau boito yito tamoomatea mata-mateelo mao̒; tio ototala wau musi hukuu-maniyolo mate. 19Mongo ilaato tamodudula daa̒ lotaa u ilopatea yila-yilateelo mao̒ boito mowali moponao̒ mao̒ hukuumani mate boito. Wonu tio moo̒dungga tamoomatea mate-mateelo mao̒ boito, tio mowali momate-mateelo mao̒ olio.
20Wonu bolo tahingota-ngotaawa molonua̒ taa wewo, lapatao̒ momate olio mate-mateelo mao̒ wolo mpobanti olio meaalo momai̒ wolo pakaakasi tuwau to olio, 21meaalo momate olio wolo buntungio, yi tau boito yito tamoomatea mate-mateelo mao̒; tio ototala wau musi hukuu-maniyolo mate. Mongo ilaatio tamodudula daa̒ lotaa u ilopatea yile-yilateelo mao̒ boito mowali moponao̒ hukuumani mate boito. Wonu tio moo̒dungga tamoomatea mate-mateelo mao̒ boito, yi tio mowali momate-mateelo mao̒ olio.
22Bo mowaliilio tahingota-ngotaawa wolo diila sangaja moo̒pate taa wewo mate-mateelo mao̒ tadiila yilonui̒o, diila otaawa wolo mopobanti mao̒ tau boito meaalo momai̒ wolo pakaakasi tuwau to olio. 23Meaalo mowaliilio tahingota-ngotaawa lou̒ diila moo̒onto, mopodehu mao̒ botu tuwau umoo̒ sababu opopate taa wewo tadiila musuulio, wau diila omakusudu olo mopoo̒ topotala tau boito. 24Todelomo papaa-lakawaalo debo odelo uito dudunggaya lo umati musi momutoa̒ao̒ wolota lotaa u malomate yila-yilateelo mao̒, wau taa u ohilaa molontuli opopate lotaa u ilopatealio yila-yilateelo mao̒. 25-28Dudunggaya lo umati musi moduo̒lao̒ taa u malomate yila-yilateelo mao̒ lou̒ diila sangaja boito to aanjamu lomongo ilaato lotaa u ilopatea yila-yilateelo mao̒. Tau boito musi muli deloolo ode kota potiduo̒lalo, tambati polahia lo batangalio. Tio musi motibiluloa̒ mota teto tunggula taa u tou̒ boito mowali Iimamu Daa̒ mailate; bolo lapatao̒ uito tio mowali mohualinga ode kambungu pilohuluta loduhulio. Bo wonu tio mololaa mao̒ kota potiduo̒lalo tambati pilolahia lo batangalio, tulusi ilodungga wau pilatelio yila-yilateelo mao̒ lomongo ilaato lotaa u ilopatea yila-yilateelo mao̒, yi huhutu u molontuli boito diila huhutu umomate mateelo mao̒. 29Wuwuu-uduwaala boito pohu-pohutu ode limongoli wau ode waliimu mai, penu boli tou̒toonu timongoli bilu-biluloa̒.
30Todelomo palakala polomatea mate-mateelo mao̒, taa u pilopo tuludu odelo tamoomatea mate-mateelo mao̒, bo mowali poi̒laalo ototala wau hukuu-maniyolo mate wonu huhutu boito mowali pobukutiyola lo taduulota sakusi meaalo lebe mao̒. Sakusi ngota diila motuuu̒de u mopo bukuti mao̒ deu̒ potuludu boito otutu. 31Ngotaalio lo tamoomatea mate-mateelo mao̒ musi hukuu-maniyolo mate. Tio diila mowali motolotao̒ hukuumani boito wolo doi. 32Wonu bolo tahingota-ngotaawa mopolahi batanga ode tala tuwau lokota potiduo̒lalo, diila mao̒ luasia tio mongohi doi alihu mowali mohualinga ode belelio tou̒ ti Iimamu Daa̒ diipo yilate. 33Wonu timongoli mohutu mao̒ odito, yi timongoli moponajisi huta u piloti biluloa̒ limongoli. Polomatea mate-mateelo mao̒ moponajisi lipu; oditolio diaaluo dudelo wewo u mopo belesi mao̒ lipu boito ngopohia lou̒ momahutao̒ nyawa lo tamoomatea mate-mateelo mao̒. 34Diila mao̒ ponajisia huta u piloti biluloa̒ limongoli, sababu Wau̒lo Eeya, wau Wau̒ bilu-biluloa̒ tohuungo bangusa lo Isirai̒lu.”
Currently Selected:
YIA̒APO 35: LAIGOR
Highlight
Copy
Compare
Share
Want to have your highlights saved across all your devices? Sign up or sign in
YIA̒APO 35
35
Kokoo-tawaalo ode taulo Lewi
1Todatahu lo Moab, tobiihu lo Dutulaa Yordan, totili lokota Yerikho, Eeya lotahuda mai odelei Musa, 2“Potunggula mao̒ ode bangusa lo Isirai̒lu deu̒ monto huta pusaka u matolimo limongolio boito, dengolo kotalio wolo huta luasi u pilobutua huo̒yota topalitio musi wohi mao̒ limongolio ode taulo Lewi alihu timongolio mowali motibiluloa̒ mota teto. 3Kokoo-tawaalo boito mowali miliki taulo Lewi u mowali tambati potibiluloa̒ limongolio. Huta luasi u pilobutua huo̒yota topalitio yito ode bibiahu wau totoonulalo binatangi limongolio. 4Huta luasi u pilobutua huo̒yota boito luasilio wopato hetuto limo lopulu lomeeteri ode totoonulalo mantahu, tuu̒dulo monto dingingo meeseli lokota. 5Oditolio madala taulo Lewi momoodeli tutulio wopato, u otuu̒du tio lohetuto meeteri timii̒du biihio, wolo kotalio tohuungio. 6To taulo Lewi musi wohia mao̒ limongoli wolomo kota potiduo̒lalo odelo tambati polahiyaalo duo̒lo tau-tauwala tadiila sangaja malomate yila-yilateelo mao̒ taa wewo. Ngopohia leeto to taulo Lewi musi wohiyaala olo wopato pulaa duluo kota wewolio 7wolo huta luasi u pilobutua lo huo̒yotio. Oditolio ngoa̒amilalo woluo wopato pulaa walu kota ode taulo Lewi. 8Jumulaa kokoo-tawaalo Lewi todelomo madala lotimii̒du suku Isirai̒lu musi tantuwola moduduo̒ daatalio lokota wau udaa̒alio lomadala boito.”
Kokoo-tawaalo potiduo̒lalo
(Tin. 19:1-13; Yos. 20:1-9)
9 Eeya lopoa̒hu mao̒ olei Musa 10lopo tunggulao̒ ode bangusa lo Isirai̒lu tataa-heyaalo botie, “Lapatao̒ timongoli mobalanga Dutulaa Yordan wau tumuwotao̒ ode lipu lo Kanaa̒n, 11timongoli musi molantu mao̒ kokoo-tawaalo potiduo̒lalo, alihu tau-tauwalo tawolo sangaja malomate taa wewo yila-yilateelo mao̒, mowali tumetea̒a mota odito. 12To kokoo-tawaalo boito tau boito maa̒amani monto mongo ilaato lobake polomatealio yila-yilateelo mao̒ tao̒hilaa molontuli niyati. Sababu taa u potuludela momate mateelo mao̒ taa wewo, diila mowali pateelo mate-mateelo mao̒ wonu palakalaalio diipo pilalakisa to bubutoo̒ lou̒ lipu. 13Tantua mao̒ wolomo kota potiduo̒lalo, 14totolu to ambahu tiimuru lo Dutulaa Yordan wau totolu poli tohuta lo Kanaa̒n. 15Olomo kota boito mowali kota potiduo̒la limongoli, taulo Isirai̒lu, wau ode tau deli talonao̒ mai meaalo tadebo bilu-biluloa̒ tohuungi mongoli. Tatoonu wambai̒o tamalomate yila-yilateelo mao̒ taa wewo lou̒ diila sangaja, mowali mopolahi lobatanga ode tala tuwau lokota boito.
16-18Bo wonu bolo tahingota-ngotaawa momake tingolo wate meaalo botu meaalo ayu u momate-mateelo mao̒ taa wewo, tau boito yito tamoomatea mata-mateelo mao̒; tio ototala wau musi hukuu-maniyolo mate. 19Mongo ilaato tamodudula daa̒ lotaa u ilopatea yila-yilateelo mao̒ boito mowali moponao̒ mao̒ hukuumani mate boito. Wonu tio moo̒dungga tamoomatea mate-mateelo mao̒ boito, tio mowali momate-mateelo mao̒ olio.
20Wonu bolo tahingota-ngotaawa molonua̒ taa wewo, lapatao̒ momate olio mate-mateelo mao̒ wolo mpobanti olio meaalo momai̒ wolo pakaakasi tuwau to olio, 21meaalo momate olio wolo buntungio, yi tau boito yito tamoomatea mate-mateelo mao̒; tio ototala wau musi hukuu-maniyolo mate. Mongo ilaatio tamodudula daa̒ lotaa u ilopatea yile-yilateelo mao̒ boito mowali moponao̒ hukuumani mate boito. Wonu tio moo̒dungga tamoomatea mate-mateelo mao̒ boito, yi tio mowali momate-mateelo mao̒ olio.
22Bo mowaliilio tahingota-ngotaawa wolo diila sangaja moo̒pate taa wewo mate-mateelo mao̒ tadiila yilonui̒o, diila otaawa wolo mopobanti mao̒ tau boito meaalo momai̒ wolo pakaakasi tuwau to olio. 23Meaalo mowaliilio tahingota-ngotaawa lou̒ diila moo̒onto, mopodehu mao̒ botu tuwau umoo̒ sababu opopate taa wewo tadiila musuulio, wau diila omakusudu olo mopoo̒ topotala tau boito. 24Todelomo papaa-lakawaalo debo odelo uito dudunggaya lo umati musi momutoa̒ao̒ wolota lotaa u malomate yila-yilateelo mao̒, wau taa u ohilaa molontuli opopate lotaa u ilopatealio yila-yilateelo mao̒. 25-28Dudunggaya lo umati musi moduo̒lao̒ taa u malomate yila-yilateelo mao̒ lou̒ diila sangaja boito to aanjamu lomongo ilaato lotaa u ilopatea yila-yilateelo mao̒. Tau boito musi muli deloolo ode kota potiduo̒lalo, tambati polahia lo batangalio. Tio musi motibiluloa̒ mota teto tunggula taa u tou̒ boito mowali Iimamu Daa̒ mailate; bolo lapatao̒ uito tio mowali mohualinga ode kambungu pilohuluta loduhulio. Bo wonu tio mololaa mao̒ kota potiduo̒lalo tambati pilolahia lo batangalio, tulusi ilodungga wau pilatelio yila-yilateelo mao̒ lomongo ilaato lotaa u ilopatea yila-yilateelo mao̒, yi huhutu u molontuli boito diila huhutu umomate mateelo mao̒. 29Wuwuu-uduwaala boito pohu-pohutu ode limongoli wau ode waliimu mai, penu boli tou̒toonu timongoli bilu-biluloa̒.
30Todelomo palakala polomatea mate-mateelo mao̒, taa u pilopo tuludu odelo tamoomatea mate-mateelo mao̒, bo mowali poi̒laalo ototala wau hukuu-maniyolo mate wonu huhutu boito mowali pobukutiyola lo taduulota sakusi meaalo lebe mao̒. Sakusi ngota diila motuuu̒de u mopo bukuti mao̒ deu̒ potuludu boito otutu. 31Ngotaalio lo tamoomatea mate-mateelo mao̒ musi hukuu-maniyolo mate. Tio diila mowali motolotao̒ hukuumani boito wolo doi. 32Wonu bolo tahingota-ngotaawa mopolahi batanga ode tala tuwau lokota potiduo̒lalo, diila mao̒ luasia tio mongohi doi alihu mowali mohualinga ode belelio tou̒ ti Iimamu Daa̒ diipo yilate. 33Wonu timongoli mohutu mao̒ odito, yi timongoli moponajisi huta u piloti biluloa̒ limongoli. Polomatea mate-mateelo mao̒ moponajisi lipu; oditolio diaaluo dudelo wewo u mopo belesi mao̒ lipu boito ngopohia lou̒ momahutao̒ nyawa lo tamoomatea mate-mateelo mao̒. 34Diila mao̒ ponajisia huta u piloti biluloa̒ limongoli, sababu Wau̒lo Eeya, wau Wau̒ bilu-biluloa̒ tohuungo bangusa lo Isirai̒lu.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in