YIA̒APO 14
14
Bangusa lo Isirai̒lu helo poilaalo suusa
1Ilo-iloonua umati lo Isirai̒lu hiwuwaatia̒ wau hehiyonga. 2Timongolio lobiiheo̒ olei Musa wolei Haruna wau loloi̒ya mao̒, “Lebe mopioheo̒ ito mate to Masiri meaala tohuta datahu wau luasi udelita botie! Huliilo mao̒ ito mate wambai̒o! 3Pongola Eeya modelo olanto ode lipu boito? De ito mate todelomo popaatea wau mongo dilento wau mongo walao̒onto tawalolio. Diila malebe mopioheo̒ ito muli mohualinga mola wambai̒o ode Masiri!” 4Lapatao̒ timongolio malo loi̒ya ngota timongota, “Mopiohulo ito molulaotao̒ tau̒wa ngota wau muli mohualinga mola ode Masiri!”
5Lapatao̒ tei Musa wolei Haruna losujudu lomola totalu lo ngoilanggubu ulipu. 6Tei Yosua walae̒e Nun wolei Kale walae̒e Yepune, duulota towolota lo taa u tiluugasia motulete lou̒ poo̒-poo̒oyo boito, malo ngaidinga pakeyangi limongolio tuotio ilopatea. 7Timongolio loloi̒ya ode ngoilanggubu ulipu boito, “Lipu u tilulete lamiaatia boito polu-polutuo̒ piohio. 8Wonu Eeya motuhatawa to olanto, yi Tio mamodelo olanto odito mola wau mongohi mao̒ huta ukaya wau molomiodu boito to olanto. 9Diila mao̒ poluwali to Eeya, wau diila mao̒ oohe totau-tauwalo tahi biluloa̒wa tolipu boito, sababu wolo gambangi ito mamopo olaaheo̒ olimongolio. Tamoduo̒la olimongolio malo lolaa mao̒ olimongolio, wau Eeya pee̒-pee̒enta wolanto. Oditolio, diila mao̒ oohe.” 10Ngoilanggubu ulipu monganjamu mamomai̒ olimongolio wolo botu tunggula mate. Bo debolo tau-tauwala boito loo̒onto mao̒ tinelo umilato lo Eeya yilumenetai lonto yitaato Kema-Lio.
Tei Musa helodua̒ mola to umati
11 Eeya lotahuda mai odelei Musa, “Donggo ngolo mola hiheolio tau-tauwala botie moluwali ola-U̒? Tunggula omolua timongolio diila mohuto palacaya ola-U̒, eleponu Wau̒ malohutu mai odito daatalio u moo̒linggolabu towolota limongolio? 12Wau̒ mamopo binasa mai olimongolio lou̒ mopodungga ngongoto u moe̒embita. Bo yio̒ mapo waliyo-U̒ tiyamo lobangusa tuwau ulebe udaa̒ wau lebe molotolao̒ woli mongolio!”
13Lapatao̒ tei Musa loloi̒ya ode Eeya, “Yaa, Eeya, de taulo Masiri modungoheo̒ sua̒li boito! Lebe-lebe pomao̒ wolo kawasaa lo Eeya , malodelo mai mongowatotia yilumualao̒ lonto lipu boito, 14wau timongolio mamo hungguli mao̒ ode tau-tauwala tolipu botie, tamalo dungoheo̒ deu̒ Eeya, Eeya, pee̒-pee̒enta wolo mongowatotia. Timongolio malo dungohe olo deu̒ Eeya lopo bilohei batanga ode mongowatotia tou̒ Eeya lonao̒ totalu lo mongowatotia todelomo patoo̒ heengo tou̒ dulahu, wau todelomo patoo̒ tulu tou̒ hui. 15Wonu Eeya momate mateelo mao̒ ngoa̒amila umati lo Eeya botie, yi babaa-ngusawalo tapee̒enta lodungohe pasali omasyuhuru lo Eeya boito mamoloi̒ya deu̒ 16Eeya helomate yila-yilateelo mao̒ umati lo Eeya tohuta datahu wau luasi udelita sababu Eeya diila mambo modelo olimongolio ode lipu u mapilo danti lo Eeya. 17Sababu uito, yaa Eeya, watotia momolohone, ambunguolo pobiloheelo mai okokuwasa lo Eeya olo mongowatotia wau ambunguolo pohutuwalo mai wolo u mapilo danti lo Eeya. Eeya malo tahuda mai, 18‘Wau̒, Eeya, diila hua̒a muluka. Wau̒ mopo bilohei ponu-U̒ wau otatapu wau olootolo hilaa-U̒ wolo diila o enggadelio. Wau̒ mongambungu mai taa u odusa wau tamoluwali ola-U̒. Penu boli odito, totala lomongo dulaa̒ mapomalasi-U̒ ode mongo walao̒ wau mongo wombulio, tunggula wali u otolulio wau opatio mola.’ 19Botia, Eeya, sababu udaa̒lio odehu hilaa lo Eeya wau Eeya tatapu wau molotolo hilao todanti lo Eeya, watotia momolohone ambungualo mai dusa lotau-tauwala botie tumulalo mai timongolio lololaa mao̒ huta lo Masiri.”
20Lapatao̒ Eeya, “Mopiohulo, Wau̒ mamo ngambungu mai olimongolio debo odelo u pilohilemu. 21Bo Wau̒ modanti mai domi batanga-U̒ wau domi Wau̒ tatumu-tumulo wau okawasa todunia botie, 22deu̒ monto tau-tauwala botie diaaluo penu boli ngotaa mao̒ tadonggo tumu-tumulo u tumuwota ode lipu umapilo danti-U̒ odeli nenemoya limongolio. Sababu timongolio diila mohuto modungohe ola-U̒, wau mololaalaaita hemo himontala ola-U̒. Lebe-lebe pomao̒ timongolio maloo̒onto tinelu-U̒ u ilumilato, wau momoo̒o-linggolabeyalo u pilohutu-U̒ to Masiri wau tohuta datahu wau luasi udelita. 23Diila! Timongolio diila tumuwoto ode lipu boito. Towolota limongolio tahemo luwali ola-U̒, diaaluo penu boli ngotaa mao̒ tamoo̒ dutaa̒ lipu boito. 24-25Bo diila odito wato-U̒ tei Kale. Tio tatapu wau molotolo hilao to ola-U̒. Sababu uito Wau̒ mamodelo olio ode lipu u matiluwotio. Botia taulo Amalek wau taulo Kanaa̒n bilu-biluloa̒ todatahu boito. Bo lipu boito mamowali miliki lo wali mai lei Kale, wato-U̒ boito. Loombu timongoli musi mohualingai wau monao̒ mola ode huta datahu wau luasi udelita ode ambahu Wulungo lo Akaba.”
Eeya lohukuumani mai bangusa lo Isirai̒lu sababu timongolio hipobiihe
26 Eeya lotahuda odelei Musa wolei Haruna, 27“Tunggula omolua tau-tauwalo boito mobiihu to ola-U̒? Ngoa̒amila poloilaalo suusa limongolio maa ilodungohe-U̒. 28Timongoli musi molametao̒ olimongolio odie: Eeya lotahuda mai, ‘Wau̒ motadia mai domi Wau̒ tatumu-tumulo deu̒ timongoli mapo hutuwo-U̒ mai debo odelo u mailoi̒ya limongoli totalu-U̒. Wau̒, Eeya, malo tahuda. 29Timongoli malobiihu to ola-U̒. Sababu uito timongoli maamate, wau mimii-lateyaalo limongoli mopupuu-lepeelo mao̒ tohuta datahu wau luasi udelita botie. 30Ngopohia tei Kale wolei Yosua, diaaluo penu boli ngotaa mao̒ towolota limongoli tao̒ umulu dulopulu lotaunu ode yitaato matumuwota ode lipu u pilodanti-U̒ mai olemu boito. 31Timongoli malo loi̒ya deu̒ mongo walau̒mu matawalolio. Bo timongoliyolo tamaa deloo-U̒ mota ode lipu udiila tilolimo limongoli boito wau lipu boito mamowali huta pilohuluta loduhu limongolio. 32Hiambola timongoli maamate tohuta datahu wau luasi udelita botie. 33Wopato pulu lotaunu hiheolio mongo walau̒mu mamonao̒ ode utoonulalo mao̒ tohuta datahu wau luasi udelita. Sababu timongoli diila tatapu wau molotolo hilao, mongo walau̒mu boito mamodutolo, tunggula taa u pulitio towolota limongoli mailate. 34Timongoli mamomanta totoonulalo akiibati lodusaamu wopato pulu lotaunu mola hiheolio; ngotaunu lekeniyolo duo̒lo ngohui monto timii̒du wopato puluhui mola upilomake limongoli u helo tulete huta boito. Timongoli mamotota mao̒ woloolo mola rasaalio wonu Wau̒ moluwali olimongoli! 35Wau̒ motadia mai deu̒ Wau̒ mamohutu mao̒ sua̒li boito ode limongoli, tau-tauwalo moleeto tahelo woomboa u loluwali ola-U̒. To huta datahu wau luasi udelita botie timongoli ngoa̒amila maamate. Wau̒, Eeya, malo tahuda mai.’ ”
36-37Tau-tauwalo tamaa ilutolia lei Musa mota lotulete huta boito, luli lohualingai lopoduloho̒ udiila otutu pasali lolipu boito, wau sua̒li boito loo̒sababu taulo Isirai̒lu lobiihu to ola-U̒. Sababu uito Eeya lohukuumani mai olimongolio tilinggula timongolio ilotuhata longongoto. 38Monto opulaa duulota taa u tiluugasia motulete lou̒ poo̒-poo̒oyo boito bolo tei Yosua wolei Kale tadonggo tumu-tumulo.
Bohulo tolopani u moluhu lipu boito
(Tin. 1:41-46)
39Lapatao̒ tei Musa lopo tunggulao̒ tahuli lo Eeya ode bangusa lo Isirai̒lu, bangusa boito helo tilimi lou̒ suukali. 40Loloombulio mola didimodupo daa̒, malo tidapa-dapato timongolio u motao̒de mola ode bolitutuo̒ hui̒du. Uali mongolio mao̒, “Memangi amiaatia mai̒lodusa. Bo botia amiaatia malo tidapato u monao̒ mota ode tambati u tilunu mai lo Eeya.”
41Bo tei Musa loloi̒ya mao̒, “Yilongola timongoli botia ohilaa molambanga palenta lo Eeya? Timongoli diila tao̒ haasili! 42Diila mao̒ ponao̒! Timongoli mao̒laahe mai lo mumuu-suwaalo limongoli sababu Eeya diila pee̒-pee̒enta woli mongoli. 43Tou̒ timongoli motaalua mao̒ wolo taulo Amalek wau taulo Kanaa̒n boito, timongoli maamate todelomo popaatea. Eeya diila motulungi olimongoli sababu timongoli diila mohuto modungohu to Eeya.”
44Bo tau-tauwalo Isirai̒lu boito dongo baaa̒ngi lohilao olo motidulungo ode bolitutuo̒ hui̒du boito, eleponu tei Musa wau Bulua Daantia diila mololaa mao̒ kema boito. 45Yi taulo Amalek wau taulo Kanaa̒n tabilu-biluloa̒ mola teto maloluhu wau lopo olaaheo̒ totao-tauwalo Isirai̒lu wau helo hilapita olimongolio demola Horma.
Currently Selected:
YIA̒APO 14: LAIGOR
Highlight
Copy
Compare
Share
Want to have your highlights saved across all your devices? Sign up or sign in
YIA̒APO 14
14
Bangusa lo Isirai̒lu helo poilaalo suusa
1Ilo-iloonua umati lo Isirai̒lu hiwuwaatia̒ wau hehiyonga. 2Timongolio lobiiheo̒ olei Musa wolei Haruna wau loloi̒ya mao̒, “Lebe mopioheo̒ ito mate to Masiri meaala tohuta datahu wau luasi udelita botie! Huliilo mao̒ ito mate wambai̒o! 3Pongola Eeya modelo olanto ode lipu boito? De ito mate todelomo popaatea wau mongo dilento wau mongo walao̒onto tawalolio. Diila malebe mopioheo̒ ito muli mohualinga mola wambai̒o ode Masiri!” 4Lapatao̒ timongolio malo loi̒ya ngota timongota, “Mopiohulo ito molulaotao̒ tau̒wa ngota wau muli mohualinga mola ode Masiri!”
5Lapatao̒ tei Musa wolei Haruna losujudu lomola totalu lo ngoilanggubu ulipu. 6Tei Yosua walae̒e Nun wolei Kale walae̒e Yepune, duulota towolota lo taa u tiluugasia motulete lou̒ poo̒-poo̒oyo boito, malo ngaidinga pakeyangi limongolio tuotio ilopatea. 7Timongolio loloi̒ya ode ngoilanggubu ulipu boito, “Lipu u tilulete lamiaatia boito polu-polutuo̒ piohio. 8Wonu Eeya motuhatawa to olanto, yi Tio mamodelo olanto odito mola wau mongohi mao̒ huta ukaya wau molomiodu boito to olanto. 9Diila mao̒ poluwali to Eeya, wau diila mao̒ oohe totau-tauwalo tahi biluloa̒wa tolipu boito, sababu wolo gambangi ito mamopo olaaheo̒ olimongolio. Tamoduo̒la olimongolio malo lolaa mao̒ olimongolio, wau Eeya pee̒-pee̒enta wolanto. Oditolio, diila mao̒ oohe.” 10Ngoilanggubu ulipu monganjamu mamomai̒ olimongolio wolo botu tunggula mate. Bo debolo tau-tauwala boito loo̒onto mao̒ tinelo umilato lo Eeya yilumenetai lonto yitaato Kema-Lio.
Tei Musa helodua̒ mola to umati
11 Eeya lotahuda mai odelei Musa, “Donggo ngolo mola hiheolio tau-tauwala botie moluwali ola-U̒? Tunggula omolua timongolio diila mohuto palacaya ola-U̒, eleponu Wau̒ malohutu mai odito daatalio u moo̒linggolabu towolota limongolio? 12Wau̒ mamopo binasa mai olimongolio lou̒ mopodungga ngongoto u moe̒embita. Bo yio̒ mapo waliyo-U̒ tiyamo lobangusa tuwau ulebe udaa̒ wau lebe molotolao̒ woli mongolio!”
13Lapatao̒ tei Musa loloi̒ya ode Eeya, “Yaa, Eeya, de taulo Masiri modungoheo̒ sua̒li boito! Lebe-lebe pomao̒ wolo kawasaa lo Eeya , malodelo mai mongowatotia yilumualao̒ lonto lipu boito, 14wau timongolio mamo hungguli mao̒ ode tau-tauwala tolipu botie, tamalo dungoheo̒ deu̒ Eeya, Eeya, pee̒-pee̒enta wolo mongowatotia. Timongolio malo dungohe olo deu̒ Eeya lopo bilohei batanga ode mongowatotia tou̒ Eeya lonao̒ totalu lo mongowatotia todelomo patoo̒ heengo tou̒ dulahu, wau todelomo patoo̒ tulu tou̒ hui. 15Wonu Eeya momate mateelo mao̒ ngoa̒amila umati lo Eeya botie, yi babaa-ngusawalo tapee̒enta lodungohe pasali omasyuhuru lo Eeya boito mamoloi̒ya deu̒ 16Eeya helomate yila-yilateelo mao̒ umati lo Eeya tohuta datahu wau luasi udelita sababu Eeya diila mambo modelo olimongolio ode lipu u mapilo danti lo Eeya. 17Sababu uito, yaa Eeya, watotia momolohone, ambunguolo pobiloheelo mai okokuwasa lo Eeya olo mongowatotia wau ambunguolo pohutuwalo mai wolo u mapilo danti lo Eeya. Eeya malo tahuda mai, 18‘Wau̒, Eeya, diila hua̒a muluka. Wau̒ mopo bilohei ponu-U̒ wau otatapu wau olootolo hilaa-U̒ wolo diila o enggadelio. Wau̒ mongambungu mai taa u odusa wau tamoluwali ola-U̒. Penu boli odito, totala lomongo dulaa̒ mapomalasi-U̒ ode mongo walao̒ wau mongo wombulio, tunggula wali u otolulio wau opatio mola.’ 19Botia, Eeya, sababu udaa̒lio odehu hilaa lo Eeya wau Eeya tatapu wau molotolo hilao todanti lo Eeya, watotia momolohone ambungualo mai dusa lotau-tauwala botie tumulalo mai timongolio lololaa mao̒ huta lo Masiri.”
20Lapatao̒ Eeya, “Mopiohulo, Wau̒ mamo ngambungu mai olimongolio debo odelo u pilohilemu. 21Bo Wau̒ modanti mai domi batanga-U̒ wau domi Wau̒ tatumu-tumulo wau okawasa todunia botie, 22deu̒ monto tau-tauwala botie diaaluo penu boli ngotaa mao̒ tadonggo tumu-tumulo u tumuwota ode lipu umapilo danti-U̒ odeli nenemoya limongolio. Sababu timongolio diila mohuto modungohe ola-U̒, wau mololaalaaita hemo himontala ola-U̒. Lebe-lebe pomao̒ timongolio maloo̒onto tinelu-U̒ u ilumilato, wau momoo̒o-linggolabeyalo u pilohutu-U̒ to Masiri wau tohuta datahu wau luasi udelita. 23Diila! Timongolio diila tumuwoto ode lipu boito. Towolota limongolio tahemo luwali ola-U̒, diaaluo penu boli ngotaa mao̒ tamoo̒ dutaa̒ lipu boito. 24-25Bo diila odito wato-U̒ tei Kale. Tio tatapu wau molotolo hilao to ola-U̒. Sababu uito Wau̒ mamodelo olio ode lipu u matiluwotio. Botia taulo Amalek wau taulo Kanaa̒n bilu-biluloa̒ todatahu boito. Bo lipu boito mamowali miliki lo wali mai lei Kale, wato-U̒ boito. Loombu timongoli musi mohualingai wau monao̒ mola ode huta datahu wau luasi udelita ode ambahu Wulungo lo Akaba.”
Eeya lohukuumani mai bangusa lo Isirai̒lu sababu timongolio hipobiihe
26 Eeya lotahuda odelei Musa wolei Haruna, 27“Tunggula omolua tau-tauwalo boito mobiihu to ola-U̒? Ngoa̒amila poloilaalo suusa limongolio maa ilodungohe-U̒. 28Timongoli musi molametao̒ olimongolio odie: Eeya lotahuda mai, ‘Wau̒ motadia mai domi Wau̒ tatumu-tumulo deu̒ timongoli mapo hutuwo-U̒ mai debo odelo u mailoi̒ya limongoli totalu-U̒. Wau̒, Eeya, malo tahuda. 29Timongoli malobiihu to ola-U̒. Sababu uito timongoli maamate, wau mimii-lateyaalo limongoli mopupuu-lepeelo mao̒ tohuta datahu wau luasi udelita botie. 30Ngopohia tei Kale wolei Yosua, diaaluo penu boli ngotaa mao̒ towolota limongoli tao̒ umulu dulopulu lotaunu ode yitaato matumuwota ode lipu u pilodanti-U̒ mai olemu boito. 31Timongoli malo loi̒ya deu̒ mongo walau̒mu matawalolio. Bo timongoliyolo tamaa deloo-U̒ mota ode lipu udiila tilolimo limongoli boito wau lipu boito mamowali huta pilohuluta loduhu limongolio. 32Hiambola timongoli maamate tohuta datahu wau luasi udelita botie. 33Wopato pulu lotaunu hiheolio mongo walau̒mu mamonao̒ ode utoonulalo mao̒ tohuta datahu wau luasi udelita. Sababu timongoli diila tatapu wau molotolo hilao, mongo walau̒mu boito mamodutolo, tunggula taa u pulitio towolota limongoli mailate. 34Timongoli mamomanta totoonulalo akiibati lodusaamu wopato pulu lotaunu mola hiheolio; ngotaunu lekeniyolo duo̒lo ngohui monto timii̒du wopato puluhui mola upilomake limongoli u helo tulete huta boito. Timongoli mamotota mao̒ woloolo mola rasaalio wonu Wau̒ moluwali olimongoli! 35Wau̒ motadia mai deu̒ Wau̒ mamohutu mao̒ sua̒li boito ode limongoli, tau-tauwalo moleeto tahelo woomboa u loluwali ola-U̒. To huta datahu wau luasi udelita botie timongoli ngoa̒amila maamate. Wau̒, Eeya, malo tahuda mai.’ ”
36-37Tau-tauwalo tamaa ilutolia lei Musa mota lotulete huta boito, luli lohualingai lopoduloho̒ udiila otutu pasali lolipu boito, wau sua̒li boito loo̒sababu taulo Isirai̒lu lobiihu to ola-U̒. Sababu uito Eeya lohukuumani mai olimongolio tilinggula timongolio ilotuhata longongoto. 38Monto opulaa duulota taa u tiluugasia motulete lou̒ poo̒-poo̒oyo boito bolo tei Yosua wolei Kale tadonggo tumu-tumulo.
Bohulo tolopani u moluhu lipu boito
(Tin. 1:41-46)
39Lapatao̒ tei Musa lopo tunggulao̒ tahuli lo Eeya ode bangusa lo Isirai̒lu, bangusa boito helo tilimi lou̒ suukali. 40Loloombulio mola didimodupo daa̒, malo tidapa-dapato timongolio u motao̒de mola ode bolitutuo̒ hui̒du. Uali mongolio mao̒, “Memangi amiaatia mai̒lodusa. Bo botia amiaatia malo tidapato u monao̒ mota ode tambati u tilunu mai lo Eeya.”
41Bo tei Musa loloi̒ya mao̒, “Yilongola timongoli botia ohilaa molambanga palenta lo Eeya? Timongoli diila tao̒ haasili! 42Diila mao̒ ponao̒! Timongoli mao̒laahe mai lo mumuu-suwaalo limongoli sababu Eeya diila pee̒-pee̒enta woli mongoli. 43Tou̒ timongoli motaalua mao̒ wolo taulo Amalek wau taulo Kanaa̒n boito, timongoli maamate todelomo popaatea. Eeya diila motulungi olimongoli sababu timongoli diila mohuto modungohu to Eeya.”
44Bo tau-tauwalo Isirai̒lu boito dongo baaa̒ngi lohilao olo motidulungo ode bolitutuo̒ hui̒du boito, eleponu tei Musa wau Bulua Daantia diila mololaa mao̒ kema boito. 45Yi taulo Amalek wau taulo Kanaa̒n tabilu-biluloa̒ mola teto maloluhu wau lopo olaaheo̒ totao-tauwalo Isirai̒lu wau helo hilapita olimongolio demola Horma.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in