Wahyu 8
8
Buku uwanat mende paga ambusu ndetnokogo ʼbisukwa mende 6 oba arat ʼbunggalkikesikmo omanggi ʼbunggalkike wene
1Esigit diluk yoknekesik oba nen omborlik, buku uwanat mende sirlo ʼbiligogi eti kak ambusu ebe 7 paga ndetnokogo ʼbisuka mende etnogo, at Domba Eyak etnogo nen inggi 6 oba arat ʼbunggalkesik oba nen omanggi ʼbunggalkonem, mbogot oba setengah jam o aborlok ndin-ndontogo welaga kigi. 2Esigit diluk welagasik nen, yabunggane nilenggen lakigi mende, malaikat inebe 7 paga Allah nen pinggon negen ane nggok mende ebe 7 paga nenat wogisekemo, at elokoma mendek werekma lagiyigi.
3Esigit diluk werekma, malaikat ninat omanggi nen, kindu enggen ndemerigogo mende emas mende kagarek wolok, yi mende ndi mende Allah ake kali kunigogoma emas mende kagarek eti paga wagasik mendek welaga. Esigit diluk werekma, Allah nen, at aʼburi taʼbokogonat sembayan yiligogi mende inane inom, kemenyan inom, inom-inom kali kunuwagaluk, kemenyan dogalegat wogokemo, yi mende ndi mende Allah ake kali kunigogoma emas mende kagarek eti, ebe at nggok dogoligogo mende obalikmo etnogo elokoma werekma, oba ʼbi laga lakigi. 4Esigit diluk ʼbi lagonem, Allah aʼburi sembayan yiligogi mende inane inom, kemenyan obasi inom, malaikat etnogo inggimo nen Allah elokoma dagasi laga kigi o. 5Esigit diluk kagakesik nen, yabunggane at malaikat etnogo nen kindu yi mende ndi mende Allah ake kali kunigogi etnogo mende waganggesik, kindu enggen ndemerigogo mende etnogo akla yukarlogo, agat oba wukogo wusa ʼbi wago laga. Esigit diluk wusa ʼbi wagonem, o yabok alep-yabungga yibarlabe kasi dogolik, mbogot ane nggogat luk-luk yigik, yugul nggogat luk-lagakigik, kagakonem kigi o.
Pinggon ane pukasinem kagat lagike wene
6Esigit diluk kigirik oba nen, omborlik malaikat inebe 7 paga yomenogo pinggon negen ane nggok mende ebe 7 paga ane pukawogoluk ndik-nduk kagako lagaka iyigi o.
7Esigit diluk kagat degasik nen, alebagik malaikat omanggi abinggon ane pukasinem miyo kodanggen inom, kindu inom, mep inom, dambuk-pambukogo agat oba mbo wusa ʼbi wagonem, agat inom, o nggokndek inom, inebe 3 paga minggirlogo ʼbiluk mbere togot disi dogolik, omanggi kali dukogo ninggik, ongga kerlengga ngget mende taʼbokogonat inom ninggik, kagakonem lakigi.
8-9Eti kak, at malaikat omanggi alebagik abinggon ane pukekesik oba nen, yabunggane at omanggi abinggon pukasinem ndom salek nggok mende omanggi kindu amulok dukisinem, mbo i laut yenggelekma wusa ʼbi wagonem, i laut inom, Allah nen winamet disike mende i laut akla dogoligogo mende inom, nggu nggok mende endaga kapal inom, ebe 3 paga minggirlogo ʼbiluk, mbere togot disi dogolik, omanggi weyagat disinem, i elokonggen mep agik, yi mende ndi mende ima mende amberek watlagik, kapal mondok weyagat lagik, kagakonem lakigi o.
10-11Esigit diluk it malaikat mbere inabinggon ane pukegasik oba nen, omanggi abinggon ane pukasinem, kusagal nggok mende mbogot oba nen isagal yibarlek negen wusa wagasik, i elesimongge inom, i ebe nggok liligogomangge inom, 3 paga minggirlogo ʼbiluk, mbere togot disi dogolik, omanggi arle weyak mende kagarogo ʼbisi laga kigi. Kusagal eti endaga, Arle weyak engga. At nen esigit diluk i arle kagarogo ʼbekesikmo nogo nen, akoni i nasinem inebe dogalegat watlago lagaka lagiyigi.
12Esigit diluk malaikat inebe kenagan inabinggon ane pukegasik oba nen, omanggi abinggon pukasinem, mulinggi inom, sut inom, kusagal inom, akoni ndugi inakonem inobatne dek arigogi eti kak, inaʼbigil 3 paga minggirlogo ʼbiluk, mbere togot diyasi dogolik, omanggi amum atluk yakidek puk ago dogolik, o dinggagane omanggiat mende, nggokmangge mo yako dogoluk nen, ʼbugurlakmangge yakidek puk agik, o kibanggone omanggiat mende, nggokmangge liya dogoluk nen, ʼbugurlakmangge amum mondok agik, ago laga lakigi.
13Esigit diluk kagakesik oba nen, yabunggane lakigi mende, sewe nggok nggin salek mende mbogot oba walegat ombo paganggeat aʼbika lalan putluk waline kasi dogolik, ane nggogat men yisi laga,
“Malaikat inebe 4 inabinggon ane pukegasik oba nen, yabunggane malaikat inebe 3 paga inabinggon ane pukasinem, akoni taʼbokogonat agat oba dogoligogi mende, mondok weyagarinabigin. Iya! Iya! Inaʼbuwa o!” yiluk yilik noko laga nasuk kolki o.
Currently Selected:
Wahyu 8: DNA
Highlight
Copy
Compare
Share
Want to have your highlights saved across all your devices? Sign up or sign in
Wahyu 8
8
Buku uwanat mende paga ambusu ndetnokogo ʼbisukwa mende 6 oba arat ʼbunggalkikesikmo omanggi ʼbunggalkike wene
1Esigit diluk yoknekesik oba nen omborlik, buku uwanat mende sirlo ʼbiligogi eti kak ambusu ebe 7 paga ndetnokogo ʼbisuka mende etnogo, at Domba Eyak etnogo nen inggi 6 oba arat ʼbunggalkesik oba nen omanggi ʼbunggalkonem, mbogot oba setengah jam o aborlok ndin-ndontogo welaga kigi. 2Esigit diluk welagasik nen, yabunggane nilenggen lakigi mende, malaikat inebe 7 paga Allah nen pinggon negen ane nggok mende ebe 7 paga nenat wogisekemo, at elokoma mendek werekma lagiyigi.
3Esigit diluk werekma, malaikat ninat omanggi nen, kindu enggen ndemerigogo mende emas mende kagarek wolok, yi mende ndi mende Allah ake kali kunigogoma emas mende kagarek eti paga wagasik mendek welaga. Esigit diluk werekma, Allah nen, at aʼburi taʼbokogonat sembayan yiligogi mende inane inom, kemenyan inom, inom-inom kali kunuwagaluk, kemenyan dogalegat wogokemo, yi mende ndi mende Allah ake kali kunigogoma emas mende kagarek eti, ebe at nggok dogoligogo mende obalikmo etnogo elokoma werekma, oba ʼbi laga lakigi. 4Esigit diluk ʼbi lagonem, Allah aʼburi sembayan yiligogi mende inane inom, kemenyan obasi inom, malaikat etnogo inggimo nen Allah elokoma dagasi laga kigi o. 5Esigit diluk kagakesik nen, yabunggane at malaikat etnogo nen kindu yi mende ndi mende Allah ake kali kunigogi etnogo mende waganggesik, kindu enggen ndemerigogo mende etnogo akla yukarlogo, agat oba wukogo wusa ʼbi wago laga. Esigit diluk wusa ʼbi wagonem, o yabok alep-yabungga yibarlabe kasi dogolik, mbogot ane nggogat luk-luk yigik, yugul nggogat luk-lagakigik, kagakonem kigi o.
Pinggon ane pukasinem kagat lagike wene
6Esigit diluk kigirik oba nen, omborlik malaikat inebe 7 paga yomenogo pinggon negen ane nggok mende ebe 7 paga ane pukawogoluk ndik-nduk kagako lagaka iyigi o.
7Esigit diluk kagat degasik nen, alebagik malaikat omanggi abinggon ane pukasinem miyo kodanggen inom, kindu inom, mep inom, dambuk-pambukogo agat oba mbo wusa ʼbi wagonem, agat inom, o nggokndek inom, inebe 3 paga minggirlogo ʼbiluk mbere togot disi dogolik, omanggi kali dukogo ninggik, ongga kerlengga ngget mende taʼbokogonat inom ninggik, kagakonem lakigi.
8-9Eti kak, at malaikat omanggi alebagik abinggon ane pukekesik oba nen, yabunggane at omanggi abinggon pukasinem ndom salek nggok mende omanggi kindu amulok dukisinem, mbo i laut yenggelekma wusa ʼbi wagonem, i laut inom, Allah nen winamet disike mende i laut akla dogoligogo mende inom, nggu nggok mende endaga kapal inom, ebe 3 paga minggirlogo ʼbiluk, mbere togot disi dogolik, omanggi weyagat disinem, i elokonggen mep agik, yi mende ndi mende ima mende amberek watlagik, kapal mondok weyagat lagik, kagakonem lakigi o.
10-11Esigit diluk it malaikat mbere inabinggon ane pukegasik oba nen, omanggi abinggon ane pukasinem, kusagal nggok mende mbogot oba nen isagal yibarlek negen wusa wagasik, i elesimongge inom, i ebe nggok liligogomangge inom, 3 paga minggirlogo ʼbiluk, mbere togot disi dogolik, omanggi arle weyak mende kagarogo ʼbisi laga kigi. Kusagal eti endaga, Arle weyak engga. At nen esigit diluk i arle kagarogo ʼbekesikmo nogo nen, akoni i nasinem inebe dogalegat watlago lagaka lagiyigi.
12Esigit diluk malaikat inebe kenagan inabinggon ane pukegasik oba nen, omanggi abinggon pukasinem, mulinggi inom, sut inom, kusagal inom, akoni ndugi inakonem inobatne dek arigogi eti kak, inaʼbigil 3 paga minggirlogo ʼbiluk, mbere togot diyasi dogolik, omanggi amum atluk yakidek puk ago dogolik, o dinggagane omanggiat mende, nggokmangge mo yako dogoluk nen, ʼbugurlakmangge yakidek puk agik, o kibanggone omanggiat mende, nggokmangge liya dogoluk nen, ʼbugurlakmangge amum mondok agik, ago laga lakigi.
13Esigit diluk kagakesik oba nen, yabunggane lakigi mende, sewe nggok nggin salek mende mbogot oba walegat ombo paganggeat aʼbika lalan putluk waline kasi dogolik, ane nggogat men yisi laga,
“Malaikat inebe 4 inabinggon ane pukegasik oba nen, yabunggane malaikat inebe 3 paga inabinggon ane pukasinem, akoni taʼbokogonat agat oba dogoligogi mende, mondok weyagarinabigin. Iya! Iya! Inaʼbuwa o!” yiluk yilik noko laga nasuk kolki o.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in