Wahyu 21
21
Allah nen mbogot inom, agat inom, ngget mende kagasigin wene
1Esigit diluk kigirik oba nen yabunggane, Allah nen mbogot inom, agat inom, alep mende deget digik, i laut yenggelek deget digik, kagakesik nen, obalikmo, mbogot inom, agat inom, ngget mende kagarogo ʼbekemo werekma kigi. 2Esigit diluk kagarogo ʼbekesik, at Allah enggaerek ago kota Yerusalem ngget mende, kumi inaguni korlawogoluk inobanggengge dik-duk waganigogi eti kak, at werekma mbogot oba nen wusa ʼbi wagonem kigi. 3Esigit diluk kigirik oba nen, yabunggane nasuk kolki mende, at Allah nggok dogoligogo mende obalikmo etnogo nen, at omanggi ane nggokogo yisi dogolik,
“Lakani! Allah akoni inom mondok dogogin mende, ago ili lakani! Esigit diluk dogolik, it at aʼburiat dogogun, nen, at Allah it inombae inendainggen at oba panggot diluk dogogun mendeat dogolik, inom mondok dogogun o. 4Esigit diluk dogolik, yi wene ndi wene alep mende deget diyalok, at nen it inil ambusu arat korogo ʼbilukmo nogo nen, inebe watlago dogogun degat, inakla weyak ago dogogun degat, de ako dogogun degat, kenet wako dogogun degat o,” yiluk yisinem kolki. 5Nen, at Allah nggok dogoligogo mende obalikmo etnogo paga dogolik, men yeke:
“Yi mende ndi mende taʼbokogonat ngget mende winamerogo ʼbigi yoma lakani,” yiluk yekesik nen, an men yokneke,
“Wene yi pasik akoni nen,
Wene eti eberogonat o, yiluk didusak mende eti paga, kolal mbalin o,” yiluk yokneke. 6Esigit diluk yoknekesik yabunggane omanggi men yokneke,
“Arat. Erlo inom, enggaʼbu inom, anatma, an nebe erlo paga nen logat, enggaʼbu paga nikok mondok dogogin mende nen, akoni i abu mende i inilugurinabigogo mende elesimo nen kenago onggo dek werlegat wogisasi dogogin o. 7At ta nen obatne asigin mende kalok, wene yigi eti taʼbokogonat at indewerek dogogin o. Esigit diluk indewerek dogolik, an Allah at ombae endainggen noba panggot diluk dogogin mendeat dogogin, nen, at an naʼburat dogogin o. 8Esigit diluk mende, it akoni amberek inayuk-inayuk dogoligogi mende inom, inendainggen Allah oba panggot digidek mende inom, Allah alilo mende kagarigogi mende inom, akoni inarigogi mende inom, yogot paʼbiyigik, paʼbiyawagaluk kagakik, kagarigogi mende inom, elo dek elalinat inarigogi mende inom, inendainggen ngganengge oba panggot diluk dogolik, pogorarigogi mende inom, inenggalat yiligogi mende taʼbokogonat inom, i laut kindu mende yenggelek werekma, kondali al negen obasi weyak mende endaga belerang inom-inom amulok nasi mondok werekma etoma inobalikmo laʼbiyagin o. Laʼbiyagin eti, inebe alebagik elalma ake watlatlukmo nen, yabunggane watlasugun etiat o,” yiluk watlatlukmo nen, yabunggane watlasugun etiat o,” yiluk yokneke.
O Yerusalem ngget mende ilenggen lakasike wene
9Esigit diluk yoknekesik oba nen yabunggane, Allah nen ilugun nggobokogo akoni weyagarinabuwagaluk, it malaikat inebe 7 paga Allah nen akla agaga i kenago negen wolok ndiyali lagaka mende yomenogo mende omanggi wagasik nen, men yokneke,
“Domba Eyak nen age negen yikeke mende eti ebe yanggul kisumo kilenggen lakanok nen eme o,” yiluk yokneke. 10Esigit diluk yoknoko nggorlek, Allah Agurengge noba duk yi wagama, at malaikat etnogo nen woknarek ndom nggok uwanat oba dagekesik, at Allah enggaerek ago o kota Yerusalem mbogot oba Allah nen wusa ʼbi waga mende etnogo yanggul nekemo lakigi. 11O kota eti Allah ebe aʼbigil pogorarigogi kagatma, aʼbigil nggit aʼbigileyak onggo nggogat mbaligogi mende endaga baiduri pandan elokonggen mirliyak pano wukagi salek mende kigi. 12Nen, leget ʼbak leget nggok uwanat palekma, kolagambe 12 paga mbalek. Nen, kolagambe mbalek ebe dombok oba, akoni Israel mende inunggulowak endaga 12 pagaat kolal mbalekma, it malaikat inebe 12 paga nenat kolagambe dombok suwam welagaka. 13Nen, o kota eti, abel mulinggi dagi wirigogomangge mot-mot kolagambe 3 paga mbalek welaga. Nen, abel ombongge mot-mot, kolagambe 3 paga mbalek welagaat. Nen abel wemangge mot-mot, kolagambe 3 paga mbalek welagaat. Nen, abel mulinggi nggorokogo unggiligogomangge mot-mot kolagambe 3 paga mbalek welagaat o. 14Nen, leget korlanggoma leget palek eti, kerlaga nggit ebe 12 pagaatma, at Domba Eyak nen inebe 12 paga wenago inayonggo ʼbiluk laʼbiyasike mende yomenogo inendaga kolal mbalek welaga kigi.
15Nen, at malaikat an wene yoknoko laga mende etnogo nen, o kota etnogo inom, kolagambe mbalek yomenogo inom, ʼbak leget palek etnogo inom, yalengge emas mende paga walkagaluk pago werekma lakigi. 16Esigit diluk ebe walkasi dogolik, o kota etnogo unggut 4 oba kagarekma, aleget pelak-pelak uwanmangge inom, ʼberomangge inom, imbisak ndak-ndagatma, yalengge etnogo paga walkasi laga. Esigit diluk walkasinem leget abel pelak-pelak inom, mendok liyabek inom, kurli it ininggi wenarigogi ndak-ndak, 12.000 paga, nen, nit yoma wenarigogi ndak-ndak, 2.400 kilometer kagat lagonem kigi. 17At malaikat etnogo nen akoni nen walkiligogi negen leget ʼbak leget etnogo mendok liyabek walkeke mende, kurli it ininggi wenarigogi ndak-ndak, 144 paga, nen, nit yoma wenarigogi ndak-ndagat, 60 meter negen agonem kigi. 18Leget ʼbak leget eti, nggit aʼbigileyak onggo nggok mbaligogi mende endaga baiduri pandan eti mende palek. Nen, o kota eti, ebe emas elokonggen pano wukagi salek mende palek kigi. 19O kota eti leget ʼbak leget kerlaga palek, yi nggit ndi nggit onggo nggok mende endaga permata mende elokonggen panorogo palek. Nggit kerlaga nomor satu endaga baiduri pandan eti mende palek. Nen, omborlik, nggit kerlaga nomor 2 endaga nilam eti mende palek. Nen, omborlik nggit kerlaga nomor 3 endaga yakut eti mende palek. Nen, omborlik nggit kerlaga nomor 4 endaga zamrud eti mende palek. 20Nen, omborlik, nggit kerlaga nomor 5 endaga baiduri sepah eti mende palek. Nen, omborlik nggit kerlaga nomor 6 endaga delima eti mende palek. Nen, omborlik, nggit kerlaga nomor 7 endaga ratna cempaka eti mende palek. Nen, omborlik nggit kerlaga nomor 8 endaga pirus eti mende palek. Nen, omborlik, nggit kerlaga nomor 9 endaga topas eti mende palek. Nen, omborlik, nggit kerlaga nomor 10 endaga krisopras eti mende palek. Nen, omborlik, nggit kerlaga nomor 11 endaga lazuwardi eti mende palek. Nen, omborlik, nggit kerlaga nomor 12 ebe ilugunmo, endaga kecubung eti mende palekma kigi. 21Nen, kolagambe mbalek ebe 12 paga yomenogo, kolagambe su dombok nggit enggen onggo nggok mende endaga mutiara eti mende kagarek. Nen, o kota eti kolak liligogomangge taʼbokogonat, emas mende elokonggen mirliyak pano wukagi salek mende ndalek werekma kigi.
22Esigit diluk kigi mende, o kota etoma Allah obatneyak dogolik yi mende ndi mende kagasusak arlek etnogo inom, Domba Eyak etnogo inom, imbisak inebe Allah ago palek negen werek nggorlek nogo nen, Allah ago palek omanggi werekma kigi dek o. 23Nen, o kota etoma Allah aʼbigil yakik, Domba Eyak etnogo ebe aʼbigil isagal negen yakik, liyarogo yako nggorlek nogo nen, o mulinggi inom, sut inom, yako dogusak degat welaga kigi. 24Esigit diluk aʼbigil korleyak liya werek nggorlek nogo nen, yi akoni ndi akoni agat oba mende inunggulowak endaga dombok aʼbigil eti paga noko dogogun o. Nen, it ap nggokndek inendaganggok agat oba mende inamende yi mende ndi mende onggo nggogat mende werekma pogorinabigogi mende eti, wolok o kota etnogo ʼbi unggisi dogogunat. 25Nen, o kota etoma o ki agidek dinggagane mondok dogogin eti paga, leget ʼbak leget palekma kolagambe mbalek ebe dombok, su lakidek kuwalek mondok dogogin kigi o. 26Nen, akoni inunggulowak endaga dombok taʼbokogonat inamende yi mende ndi mende dogalegatma pogorinakik, agugurinakik, kagarigogi mende eti wolok o kota etoma ʼbi unggisi dogogun o. 27Esigit diluk unggisi dogogun mende, akoni weyak inalilo mende kagakik, inenggalat yigik, kagako dogolik inoba korinakidek mende o etoma unggisi dogogun mondok dek kigi. Esigit diluk mende, it amberek iniluk mondok dogowagaluk panorinabigin mende inendaga Domba Eyak ambuku paga kolal mbalek mende arlek o etoma unggisi dogogun kigi o.
Currently Selected:
Wahyu 21: DNA
Highlight
Copy
Compare
Share
Want to have your highlights saved across all your devices? Sign up or sign in
Wahyu 21
21
Allah nen mbogot inom, agat inom, ngget mende kagasigin wene
1Esigit diluk kigirik oba nen yabunggane, Allah nen mbogot inom, agat inom, alep mende deget digik, i laut yenggelek deget digik, kagakesik nen, obalikmo, mbogot inom, agat inom, ngget mende kagarogo ʼbekemo werekma kigi. 2Esigit diluk kagarogo ʼbekesik, at Allah enggaerek ago kota Yerusalem ngget mende, kumi inaguni korlawogoluk inobanggengge dik-duk waganigogi eti kak, at werekma mbogot oba nen wusa ʼbi wagonem kigi. 3Esigit diluk kigirik oba nen, yabunggane nasuk kolki mende, at Allah nggok dogoligogo mende obalikmo etnogo nen, at omanggi ane nggokogo yisi dogolik,
“Lakani! Allah akoni inom mondok dogogin mende, ago ili lakani! Esigit diluk dogolik, it at aʼburiat dogogun, nen, at Allah it inombae inendainggen at oba panggot diluk dogogun mendeat dogolik, inom mondok dogogun o. 4Esigit diluk dogolik, yi wene ndi wene alep mende deget diyalok, at nen it inil ambusu arat korogo ʼbilukmo nogo nen, inebe watlago dogogun degat, inakla weyak ago dogogun degat, de ako dogogun degat, kenet wako dogogun degat o,” yiluk yisinem kolki. 5Nen, at Allah nggok dogoligogo mende obalikmo etnogo paga dogolik, men yeke:
“Yi mende ndi mende taʼbokogonat ngget mende winamerogo ʼbigi yoma lakani,” yiluk yekesik nen, an men yokneke,
“Wene yi pasik akoni nen,
Wene eti eberogonat o, yiluk didusak mende eti paga, kolal mbalin o,” yiluk yokneke. 6Esigit diluk yoknekesik yabunggane omanggi men yokneke,
“Arat. Erlo inom, enggaʼbu inom, anatma, an nebe erlo paga nen logat, enggaʼbu paga nikok mondok dogogin mende nen, akoni i abu mende i inilugurinabigogo mende elesimo nen kenago onggo dek werlegat wogisasi dogogin o. 7At ta nen obatne asigin mende kalok, wene yigi eti taʼbokogonat at indewerek dogogin o. Esigit diluk indewerek dogolik, an Allah at ombae endainggen noba panggot diluk dogogin mendeat dogogin, nen, at an naʼburat dogogin o. 8Esigit diluk mende, it akoni amberek inayuk-inayuk dogoligogi mende inom, inendainggen Allah oba panggot digidek mende inom, Allah alilo mende kagarigogi mende inom, akoni inarigogi mende inom, yogot paʼbiyigik, paʼbiyawagaluk kagakik, kagarigogi mende inom, elo dek elalinat inarigogi mende inom, inendainggen ngganengge oba panggot diluk dogolik, pogorarigogi mende inom, inenggalat yiligogi mende taʼbokogonat inom, i laut kindu mende yenggelek werekma, kondali al negen obasi weyak mende endaga belerang inom-inom amulok nasi mondok werekma etoma inobalikmo laʼbiyagin o. Laʼbiyagin eti, inebe alebagik elalma ake watlatlukmo nen, yabunggane watlasugun etiat o,” yiluk watlatlukmo nen, yabunggane watlasugun etiat o,” yiluk yokneke.
O Yerusalem ngget mende ilenggen lakasike wene
9Esigit diluk yoknekesik oba nen yabunggane, Allah nen ilugun nggobokogo akoni weyagarinabuwagaluk, it malaikat inebe 7 paga Allah nen akla agaga i kenago negen wolok ndiyali lagaka mende yomenogo mende omanggi wagasik nen, men yokneke,
“Domba Eyak nen age negen yikeke mende eti ebe yanggul kisumo kilenggen lakanok nen eme o,” yiluk yokneke. 10Esigit diluk yoknoko nggorlek, Allah Agurengge noba duk yi wagama, at malaikat etnogo nen woknarek ndom nggok uwanat oba dagekesik, at Allah enggaerek ago o kota Yerusalem mbogot oba Allah nen wusa ʼbi waga mende etnogo yanggul nekemo lakigi. 11O kota eti Allah ebe aʼbigil pogorarigogi kagatma, aʼbigil nggit aʼbigileyak onggo nggogat mbaligogi mende endaga baiduri pandan elokonggen mirliyak pano wukagi salek mende kigi. 12Nen, leget ʼbak leget nggok uwanat palekma, kolagambe 12 paga mbalek. Nen, kolagambe mbalek ebe dombok oba, akoni Israel mende inunggulowak endaga 12 pagaat kolal mbalekma, it malaikat inebe 12 paga nenat kolagambe dombok suwam welagaka. 13Nen, o kota eti, abel mulinggi dagi wirigogomangge mot-mot kolagambe 3 paga mbalek welaga. Nen, abel ombongge mot-mot, kolagambe 3 paga mbalek welagaat. Nen abel wemangge mot-mot, kolagambe 3 paga mbalek welagaat. Nen, abel mulinggi nggorokogo unggiligogomangge mot-mot kolagambe 3 paga mbalek welagaat o. 14Nen, leget korlanggoma leget palek eti, kerlaga nggit ebe 12 pagaatma, at Domba Eyak nen inebe 12 paga wenago inayonggo ʼbiluk laʼbiyasike mende yomenogo inendaga kolal mbalek welaga kigi.
15Nen, at malaikat an wene yoknoko laga mende etnogo nen, o kota etnogo inom, kolagambe mbalek yomenogo inom, ʼbak leget palek etnogo inom, yalengge emas mende paga walkagaluk pago werekma lakigi. 16Esigit diluk ebe walkasi dogolik, o kota etnogo unggut 4 oba kagarekma, aleget pelak-pelak uwanmangge inom, ʼberomangge inom, imbisak ndak-ndagatma, yalengge etnogo paga walkasi laga. Esigit diluk walkasinem leget abel pelak-pelak inom, mendok liyabek inom, kurli it ininggi wenarigogi ndak-ndak, 12.000 paga, nen, nit yoma wenarigogi ndak-ndak, 2.400 kilometer kagat lagonem kigi. 17At malaikat etnogo nen akoni nen walkiligogi negen leget ʼbak leget etnogo mendok liyabek walkeke mende, kurli it ininggi wenarigogi ndak-ndak, 144 paga, nen, nit yoma wenarigogi ndak-ndagat, 60 meter negen agonem kigi. 18Leget ʼbak leget eti, nggit aʼbigileyak onggo nggok mbaligogi mende endaga baiduri pandan eti mende palek. Nen, o kota eti, ebe emas elokonggen pano wukagi salek mende palek kigi. 19O kota eti leget ʼbak leget kerlaga palek, yi nggit ndi nggit onggo nggok mende endaga permata mende elokonggen panorogo palek. Nggit kerlaga nomor satu endaga baiduri pandan eti mende palek. Nen, omborlik, nggit kerlaga nomor 2 endaga nilam eti mende palek. Nen, omborlik nggit kerlaga nomor 3 endaga yakut eti mende palek. Nen, omborlik nggit kerlaga nomor 4 endaga zamrud eti mende palek. 20Nen, omborlik, nggit kerlaga nomor 5 endaga baiduri sepah eti mende palek. Nen, omborlik nggit kerlaga nomor 6 endaga delima eti mende palek. Nen, omborlik, nggit kerlaga nomor 7 endaga ratna cempaka eti mende palek. Nen, omborlik nggit kerlaga nomor 8 endaga pirus eti mende palek. Nen, omborlik, nggit kerlaga nomor 9 endaga topas eti mende palek. Nen, omborlik, nggit kerlaga nomor 10 endaga krisopras eti mende palek. Nen, omborlik, nggit kerlaga nomor 11 endaga lazuwardi eti mende palek. Nen, omborlik, nggit kerlaga nomor 12 ebe ilugunmo, endaga kecubung eti mende palekma kigi. 21Nen, kolagambe mbalek ebe 12 paga yomenogo, kolagambe su dombok nggit enggen onggo nggok mende endaga mutiara eti mende kagarek. Nen, o kota eti kolak liligogomangge taʼbokogonat, emas mende elokonggen mirliyak pano wukagi salek mende ndalek werekma kigi.
22Esigit diluk kigi mende, o kota etoma Allah obatneyak dogolik yi mende ndi mende kagasusak arlek etnogo inom, Domba Eyak etnogo inom, imbisak inebe Allah ago palek negen werek nggorlek nogo nen, Allah ago palek omanggi werekma kigi dek o. 23Nen, o kota etoma Allah aʼbigil yakik, Domba Eyak etnogo ebe aʼbigil isagal negen yakik, liyarogo yako nggorlek nogo nen, o mulinggi inom, sut inom, yako dogusak degat welaga kigi. 24Esigit diluk aʼbigil korleyak liya werek nggorlek nogo nen, yi akoni ndi akoni agat oba mende inunggulowak endaga dombok aʼbigil eti paga noko dogogun o. Nen, it ap nggokndek inendaganggok agat oba mende inamende yi mende ndi mende onggo nggogat mende werekma pogorinabigogi mende eti, wolok o kota etnogo ʼbi unggisi dogogunat. 25Nen, o kota etoma o ki agidek dinggagane mondok dogogin eti paga, leget ʼbak leget palekma kolagambe mbalek ebe dombok, su lakidek kuwalek mondok dogogin kigi o. 26Nen, akoni inunggulowak endaga dombok taʼbokogonat inamende yi mende ndi mende dogalegatma pogorinakik, agugurinakik, kagarigogi mende eti wolok o kota etoma ʼbi unggisi dogogun o. 27Esigit diluk unggisi dogogun mende, akoni weyak inalilo mende kagakik, inenggalat yigik, kagako dogolik inoba korinakidek mende o etoma unggisi dogogun mondok dek kigi. Esigit diluk mende, it amberek iniluk mondok dogowagaluk panorinabigin mende inendaga Domba Eyak ambuku paga kolal mbalek mende arlek o etoma unggisi dogogun kigi o.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in