Wahyu 19
19
1-2Esigit diluk yisinem kolkirikmo nen yabunggane, akoni mondok dogalegat mbogot oba dogolik inane nggokogo men yisinem nasuk kolki,
Wae u, wae a, oi
“Ninombae Allah kobatneyak, .............. oi
Ninebe ndil ninabigogon, .................. oi
Karat pogot kabusak, ...................... oi
Pogot kabigogi yu kak, .................... oi
Haleluya yiligogi, ................ oi
Kat nen wene inoba ʼbigik, nggokik, ........ oi
Eberogonat dombok kagarigogon, ............ oi
Motogonat dombok kagarigogon, ............. oi
Eti paga, akoni o Babel mende inobabut, ... oi
Kwe yugunengge kagarik liligogo mende negen, ... oi
Etnogo nen, akoni o yi ai ndi ai dogoligogi mende, .. oi
Weyak kagarinabigogi eti paga, ............ oi
Wene inoba ʼbegendik weyagarinaken, ....... oi
It nen kanduwanengge mende, ............... oi
Inamep wulabogo inakuka pasik, ............ oi
Inonggo inaken eti paga, .................. oi
Pogot kabigogi,” ......................... oi
yiluk endai wako lagaka. 3Esigit diluk wakasik nen, yabunggane omanggi wako dogolik,
“Allah ninombae, ......................... oi
Pogot kabigogi, yu kak, ................... oi
Haleluya yiligogi, ................ oi
Akoni o Babel mende inisi sode, ........... oi
Dek agidek dagasi mondok werek,” ......... oi
yiluk wako lagaka.
4Esigit diluk yisi nggorlek, it ap inarluwendek inebe 24 yomenogo inom, it Allah nen winamet diyasikemo iniluk dogoligogi mende inebe 4 oba eranogo inom, at Allah ebe nggok dogoligogo mende obalikmo werekma apma unggiluk, inindibagal yunggulogo pogorako dogolik men yisi lagaka,
“Ebeat asuwak,” yu kak,
“Amin,” yigik,
“Pogot kabigogi,” yu kak,
“Haleluya,” yigik, yisi lagaka.
Domba Eyak age negen yigiko dogolik, pesta kagasugun wene
5Nen, Allah nggok dogoligogo mende obalikmo etnogo nen men yisi lagaka kolki,
“Kit Allah anduwanengge kinendaga werek mende inom, kinendaga dek mende inom, taʼbokogonat Allah kinayukogo dogoligogi mende ninombae Allah pogorako dogoni o,” yiluk yisi lagaka kolki. 6Esigit diluk yisinem nasuk kolkirikmo nen yabunggane, akoni pakalok dogalek dogolik, inane i ndundunmo ane nggok mende ane yiligogo kak inom, mbogot ane nggok subuk yiluk ane luk-luk liligogo ane negen inom, men yisi lagaka,
“Ninombae Allah pogot kabigogi, yu kak,
Haleluya, yiligogi. Kat kobatneyak dogolik, yi mende ndi mende kagasusak arlek etnogo nen, yogondak arat kapma ʼbinanggendik paknisek werek o. 7Esigit diluk dogolik, Domba Eyak age negen yikagaluk ago arat wi dekemo, at age negen etnogo arat enggaerek nen ndomorogo ʼbakasikesikmo nogo paga, ebe arat yisigin eti nen ninakla arlenggen togo, anggilukogo, at pogorako doguwok o. 8Age esigit diluk yikagaluk, iyom lenan elokonggen nggut mondok pano mendeat yugu dogowagaluk wogokemo kigi. Su pano eti ebe, akoni Allah aʼburi inobabut motogo kagarigogi mende etiat o,” yiluk yisi lagaka. 9Esigit diluk yisinem kolkirikmo nen, at malaikat etnogo nen men yokneke,
“It akoni Domba Eyak age negen yikasi dogolik, pesta iyago na wisuwagaluk inayonggo ʼbega mende inakla arlenggen kowak o, yiluk kolal mbalin o,” yiluk yoknekesik, yabunggane yoknoko dogolik,
“Wene yi, eberogonat Allah nen yeke mende o,” yiluk yokneke. 10Esigit diluk yoknoko lagama, an nen at malaikat etnogo apma unggigirik nindibagal yunggulogo pogorasigiluk kagaki mende, at nen yoknoko dogolik,
“Puk asin. Esigit diluk pogot nabusak dek o. Wene Yesus nen yoknisasike mende eti, an nebe inom, kat inom, kagarlagi inom, ninom ndak-ndagat yogisilik liligogi mende eti, at Allah Agurengge nen ninakla nggagalogo yoknisasinem yogisiligogi eti, wene erlo at Yesus nen yoknisasike etiat o. Eti paga, at Allah arligat pogorasusak o,” yiluk yokneke.
Ap omanggi kuda isi nggut mende paga yasukogo werekma ilenggen lakasike wene
11Wene esigit diluk yoknekesik oba nen, yabunggane, mbogot nggagukogo kagat lagonem kuda isi nggut mende ambot oba ap omanggi endaga, Dombokogo kagarigogo yigik, Eberogonat yiligogo yigik, yiligogi mende eti, yasukogo dogolik, wene akoni inoba motogo ʼbigik, nggokik, wim motogonat akik, kagarik lagonem lakigi o. 12Ap eti ilenggen kindu amulok negen, nen unggulowak oba, nggare-nggare dogalegat ap nggokndek inendaganggok yiʼbiyiligogi eti kak yugu. Nen, at endaga salek omanggi ninat mende ebe at obangge kolal mbalek werekma akoni taʼbokogonat inonggodek, at enggaerek arligat ilu mende kolal mbalek welaga kigi. 13Nen, at eti, iyom uwanat mep dabulik mende yugu, nen, endaga inilumo Allah Wene yisi lagaka. 14Esigit diuk yugu lagonem, ap mbogot oba mende wim abigogi mende taʼbokogonat dogalek iniyom su kain lenan nggut mende yugu, nen, inebe dombok inakuda isi nggut mende ambot oba yasukogo dogolik, at omborlik lagonem lagiyigi. 15At esigit diluk lago dogolik, akoni inunggulowak endaga dombok taʼbokogonat inobatne deget diyagin mende, mbirok enggat weyak mende ambema nen duki wago laga kigi o. Esigit diluk deget diyalok segerluk mbisuwe omanggen obatneyak eti kak, at ane obatne paga akoni paʼbiyalok, ombae Allah obatneyak dogolik, yi mende ndi mende kagasusak arlek eti nen, akla agaga dagaluk, wene inoba ʼbisinem anggur enggen ambusu pereluwogoluk obalikmo sagaligogi eti kak, at iyok nen al debel inabigin kigi. 16Nen, at endaga salek omanggi yigit diluk,
“Ap inendaganggok taʼbokogonat inom, ineugi nggokndek taʼbokogonat inom, inewe Nendaganggok, anat o,” yiluk iyom uwanat oba inom, arlisu paga inom, kolal mbalek werekma kigi o.
17-18Esigit diluk kigirik oba nen yabunggane, at malaikat omanggi mulinggi paga mendek dogolik, ane nggokogo it yi sewe ndi sewe taʼbokogonat mbogot obangge ndurlem putluk lagonem, men yogisasi laga,
“Ap nggokndek inendaganggok inom, wim ndugure inom, inagoromi wim abigogi mende inom, kuda inom, ap ambot oba yasukogo liligogi mende inom, akoni inebe inendaga werek mende inom, inendaga dek mende inom, inanduwanengge mende inom, inasokneat werek mende inom, taʼbokogonat Allah nen inakesik inino dogalegat ʼbinageke mende nobagik nen kinebe nandorli witni o,” yiluk yisinem kolki o.
19Esigit diluk kolkirik lakigi mende, kelo yengge negen nggok etnogo agoromi nggokndek inendaganggok agat oba mende inom, inagoromi tentara inom, at kuda ambot oba yasukogo eti inom, agoromi tentara inom, inom wim abuwogoluk inebe dogalegat werekma iyigi. 20Esigit diluk werekma, at omanggi paganeat wagikesik,
“An Allah wene yokisiligogo,” yiluk enggalat at kelo yengge negen etnogo il oba elalin mende kagako lagike etnogo nen, nuket diyasinem eberogonat salek, it akoni amberek nen,
“Nit at kelo yengge negen nggok mende yi agoromi,” yiluk sirlo negen inobangge mbalkik, inendainggen ngganengge at kelo yengge negen nggok etnogo ebe negen alino kagarek etnogo oba panggot digik, kagako lagaka mendeat, yogondak at kelo yengge negen etnogo ebe inom, enggalat nuket diyasi laga mende etnogo inom, imbisak paʼbiyegasik, kerle warogo i laut kindu mende yenggelekma kondali al negen obasi weyak mende endaga belerang inom-inom amulok nasi mondok dogoligogoma etoma inebe inilugat laʼbiyasi laga kigi. 21Esigit diluk laʼbiyasi dogolik, akoni it inagoromi taʼbokogonat togot diyalok lagaka mende, at kuda ambot oba yasukogo noko laga etnogo ambema nen mbirok duki wago dogolik inako laga. Esigit diluk inebe warogo ʼbiyekemo yi sewe ndi sewe taʼbokogonat wagakasik, it akoni inino inaʼitogonat nasi lagaka iyigi.
Currently Selected:
Wahyu 19: DNA
Highlight
Copy
Compare
Share
Want to have your highlights saved across all your devices? Sign up or sign in
Wahyu 19
19
1-2Esigit diluk yisinem kolkirikmo nen yabunggane, akoni mondok dogalegat mbogot oba dogolik inane nggokogo men yisinem nasuk kolki,
Wae u, wae a, oi
“Ninombae Allah kobatneyak, .............. oi
Ninebe ndil ninabigogon, .................. oi
Karat pogot kabusak, ...................... oi
Pogot kabigogi yu kak, .................... oi
Haleluya yiligogi, ................ oi
Kat nen wene inoba ʼbigik, nggokik, ........ oi
Eberogonat dombok kagarigogon, ............ oi
Motogonat dombok kagarigogon, ............. oi
Eti paga, akoni o Babel mende inobabut, ... oi
Kwe yugunengge kagarik liligogo mende negen, ... oi
Etnogo nen, akoni o yi ai ndi ai dogoligogi mende, .. oi
Weyak kagarinabigogi eti paga, ............ oi
Wene inoba ʼbegendik weyagarinaken, ....... oi
It nen kanduwanengge mende, ............... oi
Inamep wulabogo inakuka pasik, ............ oi
Inonggo inaken eti paga, .................. oi
Pogot kabigogi,” ......................... oi
yiluk endai wako lagaka. 3Esigit diluk wakasik nen, yabunggane omanggi wako dogolik,
“Allah ninombae, ......................... oi
Pogot kabigogi, yu kak, ................... oi
Haleluya yiligogi, ................ oi
Akoni o Babel mende inisi sode, ........... oi
Dek agidek dagasi mondok werek,” ......... oi
yiluk wako lagaka.
4Esigit diluk yisi nggorlek, it ap inarluwendek inebe 24 yomenogo inom, it Allah nen winamet diyasikemo iniluk dogoligogi mende inebe 4 oba eranogo inom, at Allah ebe nggok dogoligogo mende obalikmo werekma apma unggiluk, inindibagal yunggulogo pogorako dogolik men yisi lagaka,
“Ebeat asuwak,” yu kak,
“Amin,” yigik,
“Pogot kabigogi,” yu kak,
“Haleluya,” yigik, yisi lagaka.
Domba Eyak age negen yigiko dogolik, pesta kagasugun wene
5Nen, Allah nggok dogoligogo mende obalikmo etnogo nen men yisi lagaka kolki,
“Kit Allah anduwanengge kinendaga werek mende inom, kinendaga dek mende inom, taʼbokogonat Allah kinayukogo dogoligogi mende ninombae Allah pogorako dogoni o,” yiluk yisi lagaka kolki. 6Esigit diluk yisinem nasuk kolkirikmo nen yabunggane, akoni pakalok dogalek dogolik, inane i ndundunmo ane nggok mende ane yiligogo kak inom, mbogot ane nggok subuk yiluk ane luk-luk liligogo ane negen inom, men yisi lagaka,
“Ninombae Allah pogot kabigogi, yu kak,
Haleluya, yiligogi. Kat kobatneyak dogolik, yi mende ndi mende kagasusak arlek etnogo nen, yogondak arat kapma ʼbinanggendik paknisek werek o. 7Esigit diluk dogolik, Domba Eyak age negen yikagaluk ago arat wi dekemo, at age negen etnogo arat enggaerek nen ndomorogo ʼbakasikesikmo nogo paga, ebe arat yisigin eti nen ninakla arlenggen togo, anggilukogo, at pogorako doguwok o. 8Age esigit diluk yikagaluk, iyom lenan elokonggen nggut mondok pano mendeat yugu dogowagaluk wogokemo kigi. Su pano eti ebe, akoni Allah aʼburi inobabut motogo kagarigogi mende etiat o,” yiluk yisi lagaka. 9Esigit diluk yisinem kolkirikmo nen, at malaikat etnogo nen men yokneke,
“It akoni Domba Eyak age negen yikasi dogolik, pesta iyago na wisuwagaluk inayonggo ʼbega mende inakla arlenggen kowak o, yiluk kolal mbalin o,” yiluk yoknekesik, yabunggane yoknoko dogolik,
“Wene yi, eberogonat Allah nen yeke mende o,” yiluk yokneke. 10Esigit diluk yoknoko lagama, an nen at malaikat etnogo apma unggigirik nindibagal yunggulogo pogorasigiluk kagaki mende, at nen yoknoko dogolik,
“Puk asin. Esigit diluk pogot nabusak dek o. Wene Yesus nen yoknisasike mende eti, an nebe inom, kat inom, kagarlagi inom, ninom ndak-ndagat yogisilik liligogi mende eti, at Allah Agurengge nen ninakla nggagalogo yoknisasinem yogisiligogi eti, wene erlo at Yesus nen yoknisasike etiat o. Eti paga, at Allah arligat pogorasusak o,” yiluk yokneke.
Ap omanggi kuda isi nggut mende paga yasukogo werekma ilenggen lakasike wene
11Wene esigit diluk yoknekesik oba nen, yabunggane, mbogot nggagukogo kagat lagonem kuda isi nggut mende ambot oba ap omanggi endaga, Dombokogo kagarigogo yigik, Eberogonat yiligogo yigik, yiligogi mende eti, yasukogo dogolik, wene akoni inoba motogo ʼbigik, nggokik, wim motogonat akik, kagarik lagonem lakigi o. 12Ap eti ilenggen kindu amulok negen, nen unggulowak oba, nggare-nggare dogalegat ap nggokndek inendaganggok yiʼbiyiligogi eti kak yugu. Nen, at endaga salek omanggi ninat mende ebe at obangge kolal mbalek werekma akoni taʼbokogonat inonggodek, at enggaerek arligat ilu mende kolal mbalek welaga kigi. 13Nen, at eti, iyom uwanat mep dabulik mende yugu, nen, endaga inilumo Allah Wene yisi lagaka. 14Esigit diuk yugu lagonem, ap mbogot oba mende wim abigogi mende taʼbokogonat dogalek iniyom su kain lenan nggut mende yugu, nen, inebe dombok inakuda isi nggut mende ambot oba yasukogo dogolik, at omborlik lagonem lagiyigi. 15At esigit diluk lago dogolik, akoni inunggulowak endaga dombok taʼbokogonat inobatne deget diyagin mende, mbirok enggat weyak mende ambema nen duki wago laga kigi o. Esigit diluk deget diyalok segerluk mbisuwe omanggen obatneyak eti kak, at ane obatne paga akoni paʼbiyalok, ombae Allah obatneyak dogolik, yi mende ndi mende kagasusak arlek eti nen, akla agaga dagaluk, wene inoba ʼbisinem anggur enggen ambusu pereluwogoluk obalikmo sagaligogi eti kak, at iyok nen al debel inabigin kigi. 16Nen, at endaga salek omanggi yigit diluk,
“Ap inendaganggok taʼbokogonat inom, ineugi nggokndek taʼbokogonat inom, inewe Nendaganggok, anat o,” yiluk iyom uwanat oba inom, arlisu paga inom, kolal mbalek werekma kigi o.
17-18Esigit diluk kigirik oba nen yabunggane, at malaikat omanggi mulinggi paga mendek dogolik, ane nggokogo it yi sewe ndi sewe taʼbokogonat mbogot obangge ndurlem putluk lagonem, men yogisasi laga,
“Ap nggokndek inendaganggok inom, wim ndugure inom, inagoromi wim abigogi mende inom, kuda inom, ap ambot oba yasukogo liligogi mende inom, akoni inebe inendaga werek mende inom, inendaga dek mende inom, inanduwanengge mende inom, inasokneat werek mende inom, taʼbokogonat Allah nen inakesik inino dogalegat ʼbinageke mende nobagik nen kinebe nandorli witni o,” yiluk yisinem kolki o.
19Esigit diluk kolkirik lakigi mende, kelo yengge negen nggok etnogo agoromi nggokndek inendaganggok agat oba mende inom, inagoromi tentara inom, at kuda ambot oba yasukogo eti inom, agoromi tentara inom, inom wim abuwogoluk inebe dogalegat werekma iyigi. 20Esigit diluk werekma, at omanggi paganeat wagikesik,
“An Allah wene yokisiligogo,” yiluk enggalat at kelo yengge negen etnogo il oba elalin mende kagako lagike etnogo nen, nuket diyasinem eberogonat salek, it akoni amberek nen,
“Nit at kelo yengge negen nggok mende yi agoromi,” yiluk sirlo negen inobangge mbalkik, inendainggen ngganengge at kelo yengge negen nggok etnogo ebe negen alino kagarek etnogo oba panggot digik, kagako lagaka mendeat, yogondak at kelo yengge negen etnogo ebe inom, enggalat nuket diyasi laga mende etnogo inom, imbisak paʼbiyegasik, kerle warogo i laut kindu mende yenggelekma kondali al negen obasi weyak mende endaga belerang inom-inom amulok nasi mondok dogoligogoma etoma inebe inilugat laʼbiyasi laga kigi. 21Esigit diluk laʼbiyasi dogolik, akoni it inagoromi taʼbokogonat togot diyalok lagaka mende, at kuda ambot oba yasukogo noko laga etnogo ambema nen mbirok duki wago dogolik inako laga. Esigit diluk inebe warogo ʼbiyekemo yi sewe ndi sewe taʼbokogonat wagakasik, it akoni inino inaʼitogonat nasi lagaka iyigi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in