Wahyu 12
12
Kwe inom, warlo inom, ilenggen iyasike wene
1Esigit diluk kigirik oba nen, omborlik lakigi mende, akoni nen diduwagaluk mbogot oba elalinat kagasusak dek mende nggokogo kagakonem yigit diluk lakigi. Kwe mende omanggi sut oba iyok ʼbiluk iyom negen mulinggi mende yugu, nen kusagal 12 paga unggulowak oba nggare-nggare negen yugu mende lakigi. 2Kwe eti eyak aburla mende arat endasigiluk kenet wako dogolik, aik nen ane nggwe yisi laga. 3Kenet esigit diluk wako nggorlek, akoni nen diduwagaluk mbogot oba elalinat kagasusak dek mende nggokogo kagakonem omanggi lakigiat. Warlo ebe owado morla mep negen nggogat mende unggulowak 7 paga, nen, aik unggulowak oba, 10 paga wulabek, nen, nggare-nggare 7 paga ap nggokndek yirigogi eti kak, unggulowak oba dombok yugu mende welaga. 4Esigit diluk yugu dogolik, aga unggum oba kusagal mbogot oba mende 3 minggirlogo ʼbiluk, mbere togot diluk, amberek kotnokogo agat oba wusa ʼbi wagasik, kwe etnogo eyak endakonem kaum nagaluk elokoma nggagalek welaga o. 5Esigit diluk elokoma werek nggorlek, ap segerluk wolok wam pago dogoligogi eti kak, at kwe etnogo eyak segerluk mbisuwemanggen mende wolok akoni inunggulowak endaga dombok taʼbokogonat, apma ʼbiyalok obatnerogo pagisek dogogin mende endake. Esigit diluk endako nggorlek eranogoat, elege endago etnogo ndilogo wolok Allah nggok dogoligogo mende obalikmo etnogo elokoma ʼbi lagonem lakigi o. 6Esigit diluk wolok lago nggorlek, at kwe etnogo o limo akoni dekma dogusak oba, Allah nen obalikmo omanggi nggarelogo ʼbiyasike paga etoma lo lagasik werekma anggorlem werek nggorlek, inggi 1.260 paga welaga lakigi o.
7Esigit diluk lagasik werek nggorlek, mbogot oba wim nggagalagonem lakigi. Malaikat Mikael agoromi inom nen warlo etnogo wasuwogoluk kagakonem, at etnogo agoromi malaikat at werekmangge mende inom agakasik wim ako lagaka. 8-9Esigit diluk ako dogolik, at warlo nggok etnogo obatne deget degasik at ebe inom, malaikat at agoromi mende inom,
“O mbogot oba yoma dogusak mondok dek o,” yiluk agat oba mbo pilogo wusa ʼbiya wagonem iyigi. Warlo nggok eti endaga, Iblis yigik, Setan yigik, yiligogi mende paganeat nen akoni taʼbokogonat nuket diyaligogo mende etnogoat o.
10Esigit diluk obatne degerogo wusa ʼbi wagama, mbogot oba nen inane nggokogo men yisinem nasuk kolki,
“At eti nen Allah il oba enggalat it ninagarlagi ninirugi dinggagane kibanggone wene inoba ʼbisi mondok werek mende etnogo arat obatne deget diyalok wula ʼbega eti pano! Ninombae Allah Endaganggok dogolik, ndil ninabuwagaluk Kristus mendisike etnogo, yi mende ndi mende taʼbokogonat indewerek dogolik, imbisak inobatne agakasik nen ndil ninakasik, inapma arat ʼbinangga yi o. 11It ninagarlagi ninirugi eti inenggaerek inebe inaʼbuwa kigidek,
Ninasugun kalok, panoat o, yiluk nokonem inaka. It eti Domba Eyak amep wulabogo wakuka eti paga inom, it nen Allah wene ebe wene eti ʼbukakogo yogisilik noko lagaka eti paga inom, Iblis etnogo arat obatne deget diyega o. 12Eti paga, kit mbogot oba dogoligogi mende taʼbokogonat yirani! Kinakla arlenggen kasi dogoni o. Kinakla arlenggen kasi nggorlek, kit agat oba mende inom, i laut yenggelekma mende inomat, kirat Iblis etnogo kinoba wusa ʼbi wagama, at inggi dogogin mende didekesik, at nen,
Ninggi mbererlagat dogogin eti nenaluk, yiluk akla agaga dagakesik weyagarinabigin eti paga, iya! Inaʼbuwa o,” yiluk yisinem kolki o.
13Esigit diluk at warlo nggok etnogo wusa ʼbi wagikemo dogolik,
“An yigit diluk agat oba wusa ʼbani wagama werek,” yiluk didekesik nogo nen, kwe eyak ap endake mende etnogo wasigiluk mutluk laga. 14Esigit diluk mutluk laga eti paga, at agorlerogo o akoni dekmaat dogowagaluk, Allah nen obalikmo nggarelogo ʼbiyasike paga etnogo putluk lowagaluk, sewe nggin aʼbika mende wogokemo putluk etoma lagasik, Allah nen anggorlem werek nggorlek, o mo dagigik, wusigik, kagako nggorlek, 3 tahun setengah welaga kigi. 15Esigit diluk werekma, at warlo etnogo nen, at kwe etnogo i utluk wago dogolik nen wolok lowagaluk, i ambema nen elesi nggok mondok wulabogo, kwe etnogo ebe werekmangge mot-mot laʼbisi laga. 16Esigit diluk laʼbeke mende, akoni nen, kwe etnogo ebe ndilu kak, agat ambe nggagukogo nen i etnogo akla wusakonem, dek ago laga kigi. 17Esigit diluk wusa ʼbisinem, warlo etnogo akla agaga kwe etnogo oba ʼbiluk, akoni kwe etnogo nen endago mende pelakngge Allah nen wene ninasuk wakike wene kologo motogo kagakik, Yesus nen kagakike wene ʼbukakogo yogisigik, kagarigogi mende inasigiluk inawim nggaʼbel dekesik, 18ebe i laut yenggelek aik oba etoma lagasik mendek werekma lakigi o.
Currently Selected:
Wahyu 12: DNA
Highlight
Copy
Compare
Share
Want to have your highlights saved across all your devices? Sign up or sign in
Wahyu 12
12
Kwe inom, warlo inom, ilenggen iyasike wene
1Esigit diluk kigirik oba nen, omborlik lakigi mende, akoni nen diduwagaluk mbogot oba elalinat kagasusak dek mende nggokogo kagakonem yigit diluk lakigi. Kwe mende omanggi sut oba iyok ʼbiluk iyom negen mulinggi mende yugu, nen kusagal 12 paga unggulowak oba nggare-nggare negen yugu mende lakigi. 2Kwe eti eyak aburla mende arat endasigiluk kenet wako dogolik, aik nen ane nggwe yisi laga. 3Kenet esigit diluk wako nggorlek, akoni nen diduwagaluk mbogot oba elalinat kagasusak dek mende nggokogo kagakonem omanggi lakigiat. Warlo ebe owado morla mep negen nggogat mende unggulowak 7 paga, nen, aik unggulowak oba, 10 paga wulabek, nen, nggare-nggare 7 paga ap nggokndek yirigogi eti kak, unggulowak oba dombok yugu mende welaga. 4Esigit diluk yugu dogolik, aga unggum oba kusagal mbogot oba mende 3 minggirlogo ʼbiluk, mbere togot diluk, amberek kotnokogo agat oba wusa ʼbi wagasik, kwe etnogo eyak endakonem kaum nagaluk elokoma nggagalek welaga o. 5Esigit diluk elokoma werek nggorlek, ap segerluk wolok wam pago dogoligogi eti kak, at kwe etnogo eyak segerluk mbisuwemanggen mende wolok akoni inunggulowak endaga dombok taʼbokogonat, apma ʼbiyalok obatnerogo pagisek dogogin mende endake. Esigit diluk endako nggorlek eranogoat, elege endago etnogo ndilogo wolok Allah nggok dogoligogo mende obalikmo etnogo elokoma ʼbi lagonem lakigi o. 6Esigit diluk wolok lago nggorlek, at kwe etnogo o limo akoni dekma dogusak oba, Allah nen obalikmo omanggi nggarelogo ʼbiyasike paga etoma lo lagasik werekma anggorlem werek nggorlek, inggi 1.260 paga welaga lakigi o.
7Esigit diluk lagasik werek nggorlek, mbogot oba wim nggagalagonem lakigi. Malaikat Mikael agoromi inom nen warlo etnogo wasuwogoluk kagakonem, at etnogo agoromi malaikat at werekmangge mende inom agakasik wim ako lagaka. 8-9Esigit diluk ako dogolik, at warlo nggok etnogo obatne deget degasik at ebe inom, malaikat at agoromi mende inom,
“O mbogot oba yoma dogusak mondok dek o,” yiluk agat oba mbo pilogo wusa ʼbiya wagonem iyigi. Warlo nggok eti endaga, Iblis yigik, Setan yigik, yiligogi mende paganeat nen akoni taʼbokogonat nuket diyaligogo mende etnogoat o.
10Esigit diluk obatne degerogo wusa ʼbi wagama, mbogot oba nen inane nggokogo men yisinem nasuk kolki,
“At eti nen Allah il oba enggalat it ninagarlagi ninirugi dinggagane kibanggone wene inoba ʼbisi mondok werek mende etnogo arat obatne deget diyalok wula ʼbega eti pano! Ninombae Allah Endaganggok dogolik, ndil ninabuwagaluk Kristus mendisike etnogo, yi mende ndi mende taʼbokogonat indewerek dogolik, imbisak inobatne agakasik nen ndil ninakasik, inapma arat ʼbinangga yi o. 11It ninagarlagi ninirugi eti inenggaerek inebe inaʼbuwa kigidek,
Ninasugun kalok, panoat o, yiluk nokonem inaka. It eti Domba Eyak amep wulabogo wakuka eti paga inom, it nen Allah wene ebe wene eti ʼbukakogo yogisilik noko lagaka eti paga inom, Iblis etnogo arat obatne deget diyega o. 12Eti paga, kit mbogot oba dogoligogi mende taʼbokogonat yirani! Kinakla arlenggen kasi dogoni o. Kinakla arlenggen kasi nggorlek, kit agat oba mende inom, i laut yenggelekma mende inomat, kirat Iblis etnogo kinoba wusa ʼbi wagama, at inggi dogogin mende didekesik, at nen,
Ninggi mbererlagat dogogin eti nenaluk, yiluk akla agaga dagakesik weyagarinabigin eti paga, iya! Inaʼbuwa o,” yiluk yisinem kolki o.
13Esigit diluk at warlo nggok etnogo wusa ʼbi wagikemo dogolik,
“An yigit diluk agat oba wusa ʼbani wagama werek,” yiluk didekesik nogo nen, kwe eyak ap endake mende etnogo wasigiluk mutluk laga. 14Esigit diluk mutluk laga eti paga, at agorlerogo o akoni dekmaat dogowagaluk, Allah nen obalikmo nggarelogo ʼbiyasike paga etnogo putluk lowagaluk, sewe nggin aʼbika mende wogokemo putluk etoma lagasik, Allah nen anggorlem werek nggorlek, o mo dagigik, wusigik, kagako nggorlek, 3 tahun setengah welaga kigi. 15Esigit diluk werekma, at warlo etnogo nen, at kwe etnogo i utluk wago dogolik nen wolok lowagaluk, i ambema nen elesi nggok mondok wulabogo, kwe etnogo ebe werekmangge mot-mot laʼbisi laga. 16Esigit diluk laʼbeke mende, akoni nen, kwe etnogo ebe ndilu kak, agat ambe nggagukogo nen i etnogo akla wusakonem, dek ago laga kigi. 17Esigit diluk wusa ʼbisinem, warlo etnogo akla agaga kwe etnogo oba ʼbiluk, akoni kwe etnogo nen endago mende pelakngge Allah nen wene ninasuk wakike wene kologo motogo kagakik, Yesus nen kagakike wene ʼbukakogo yogisigik, kagarigogi mende inasigiluk inawim nggaʼbel dekesik, 18ebe i laut yenggelek aik oba etoma lagasik mendek werekma lakigi o.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in