Yakobus 2
2
“Akoni amberek kinomborlikngge ʼbiyigik, amberek kinelokomangge ʼbiyigik, kagako dogusak dek,” yiluk yogisasike wene
1Nagarlagi nirugi o. Kinendainggen ninewe Endaganggok Yesus Kristus pogorarigogi mende etnogo oba panggot diluk dogolik, akoni inowado sikmanggeat kinilenggen iyalok nen, amberek kinelokoma ʼbiyigik, amberek kinomborlikngge ʼbiyigik, kagako dogogup o. 2Kinebe sembayan yuwogoluk nandorlek werekma, ap omanggi inggi enggangga paga emas mende yikik, iyom pano mende yikik, kagat diluk nen kinoba unggi wagik, nen, ap omanggi amende dek mende iyom weyak mende yikogo unggi wagik, kagako kalok, 3kit nen at iyom pano yugu unggi wisigin mende etnogo yogoko dogolik,
“Newe. Kebe o mberlagoma panoma ya korek lasi me o,” yiluk yogokik, nen, at amende dek mende etnogo yogoko dogolik,
“Nagot o. Kat enda mendek dogogin a? Niyok ʼbigima agat oba yoma korek lasi wisigin a,” yiluk yogokik, kagarigogi kalok, 4kit kinobabut mondok weyak kagako dogolik, kit-kit,
“At eti nggok. Nen, at eti erlok dek,” yiluk mbenagogo ʼbiyaligogi o.
5Nagarlagi nirugi o. Kinebe kinaʼbuwa o. An wene yigin mende yi kinasuk kolini. It akoni agat oba inamende dek mende eti Allah nenat miginako dogolik,
“Inamende dogalegat dogu kak, inendainggen an noba panggot diluk dogowak o. Nen, it an nebe inendainggen kunik mende, o an nen napma ʼbiyalok dogogunmo etoma indewerek asugun yiluk abok yogisasigi mende eti irat indewerek asugun o,” yiluk miginakike. 6Esigit diluk miginakike mende, kit nen it inamende dek mende kinakla kai diyaligogi o. Mende, sani nen kit kinebe weyagat kinakik, pemerintah nen kinendema waganuwagaluk inoba wokisek lagik, kagarigogi nogo. It akoni inamende dogalegat mende eti nenat esigit diluk kagat kinabigogi ambigi. 7Nen, ninewe Endaganggok endaga pano liligogo mende etnogo endaga mbalogo ebe indewerek agagip mende eti, it inamende dogalegat mende eti nenat, at endaga weyagat diligogi ambigi. 8Mende, kit nen motogo kagako dogusak mende yi. Allah nen ninasuk wako dogolik wene nggok, men yisike,
“Kit kinenggaerek kinebe kinaʼbuwarogo werek eti kak,
akoni amberek kinom werek mende inaʼbuwarogo dogono o,” (Im. 19:18)
yiluk yisikemo, kolal mbalkuka mende werek eti ndak-ndagat kagako dogogun kalok, pano kagako dogogun o. 9Esigit diluk mende, kit nen akoni inowado sikmanggeat kinilenggen iyalok amberek kinelokoma ʼbiyigik, amberek kinomborlikngge ʼbiyigik, kagarigogi eti weyagat kagarigogi o. Allah nen ninasuk wakike wene etnogo sebelogo togot diyalok weyak kagarigogi yiluk, wene eti pagaat wene kinoba werek o. 10Kit amberek wene Allah nen ninasuk wakike wene etnogo taʼbokogonat pago dogoligat, omanggiat sagalogo wusa ʼbegep kalok,
“Wene eti taʼbokogonat sagalogo wusa ʼbegebat o,” yiluk eberogonat wene kinoba agama werek o. 11Allah nenat,
“Kumi yogot paʼbiyagup o,” (Kel. 20:14; Ul. 5:18)
yiluk yisike. Nen omanggi,
“Akoni inakup o,” (Kel. 20:13-14; Ul. 5:17-18)
yiluk at nenat yisike. Eti paga, kat omanggi nen, kumi yogot paʼbiyigidek dogoligat, akoni inebe inako kalok, Allah wene sagalogo wusa ʼbegen o. 12Ninebe nininggi kerle warek negen werekma, Allah wene eti pagaat piyalogo ʼbinaligogo o. Wene eti pagaat ninendema waganigin o, yiluk, kinane motogo yigik, kininggi nen motogo kagakik, kagako dogono o. 13Kit nen, akoni inaʼbuwa kigidek kalok, Allah nen kinaʼbuwa kigidek, wene kinoba ʼbiginat o. Mende, akoni amberek inaʼbuwarogo werek mende eti, Allah nen inendema waganggo dogolik wene inoba ʼbiyagin dek o.
“Ininggi nen kagakidek dogolik, inendainggen arlek Allah oba panggot diluk dogusak dek,” yiluk yogisasike wene
14Nagarlagi nirugi o. Kat omanggi ta nen,
“Nendainggen Allah oba panggot diluk werek o,” yiluk yisi dogoligat ogwe, kinggi paga nen akoni amberek yamagiyigidek kalok, kane arlek,
“Nendainggen Allah oba panggot diluk werek,” yiluk yiligogon eti paga omanggi kagat lasigin nogo? We, wirlikogonat yiligogon o. Nen, kendainggen arlek esigit diluk panggot diluk dogumo, eti paga erlok ndil kabigin nogo? Erlok dek o. 15Kagarlak a? Kiru a, Allah aʼburi mende amberek iniyom yugu dogusak mende inom, inambiri nasi dogusak mende inom, dek nen werekma, 16kat nen at ebe pasik yamakigidek dogoligat, kane paga nenat,
“Nagarlak o. Koba aganggen togo kimbiri kaʼit togonat kakla arlenggen kilik lan o,” yiluk yegen kalok, omanggi kagat lasigin nogo? We, wirlikogonat o. 17Eti kak, nit nininggi paga nen yamagiyigidek dogolik,
“Ninendainggen Allah oba panggot diluk werek,” yiluk, eti arlek yiligogi kalok, warek negen dogolik, we, wirlikogonat yiligogi o. 18It amberek nen esigit diluk yisinem men yusak,
“Kat nen, Nendainggen Allah oba panggot diluk werek yiligogon o. Nen, an nen ninggi paga nen yamagiyiligogo o. Eti paga, kat kinggi nen yamagiyigidek dogolik, kane paga,
Nendainggen arlek Allah oba panggot diluk werek, yiluk yiligogon eti ebe nggi? Sitnian nda. Anat, nendainggen Allah oba panggot digirik werek yiluk, ninggi paga nen yamagiyiligogo mende enggagat werek eti, sikiyaginat o,” yiluk yogisausak o. 19Kat omanggi nen,
“At Allah ebe omanggiat,” yiluk eberogonat ambaligogon eti panoat mende, Iblis agoromi inobabut weyak mende inom nen, eti kagat eberogonat ambasi dogolik, ebe inayuk nen inowak del kiligogiat o. 20Kat kebe nggembu negen yiligogon eti re! Allah eberogonat yiluk eti mendeat ambasi dogolik, kinggi paga yamagiyigidek kalok, we yugunat ambaligogon yiluk enggagat didinok nen yiluk wene yi yokisik. 21Ninakomba Abraham nen enggaerek aʼbut Ishak ebe etnogo wolok lagikesik nen, nggit mberlago ʼbiluk Allah anggo waroko laguka kak, warisigiluk kagakike eti paga, at Allah nen,
“Wene koba mende nggorogo togot digirik suguluk nimbisak kunogo ʼbagagi o,” yiluk yogokike ambigi. 22At endainggen Allah oba panggot digik, inggi paga nen kagakik, imbisak dambukogonat kagakike o. Inggi paga nen kagakike eti paga endainggen Allah oba ʼbogokogo panggot disike yiluk, kat nen didusagat o. 23Esigit diluk kagakike eti paga wene men yiluk kolal mbalogo ʼbisuka mende eti ebeat kagat lagike.
“Abraham endainggen Allah oba panggot disikemo, at Allah nen,
Kat kobabut mot kagako dogu kak, kendainggen noba panggot degenma, wene koba mende nggorogo togot digirik suguluk nimbisak kunogo ʼbagagi o,” (Kej. 15:6)
yiluk yogokikemo kolal mbalogo ʼbisuka. Eti paga, Allah nen,
“Abraham nimbisak kunigat werek,” yiluk yisike o. 24Eti kak, Allah eberogonat yiluk eti arlek ambamo, Allah nen,
“Wene koba mende nggorogo togot digirik suguluk nimbisak kunogo ʼbagagi o,” yiluk yogisaligogo dek kigi. Esigit diluk ambasi dogolik, nininggi paga nen inomat kagakonem eti paga, esigit diluk yogisaligogo eti kani! 25Eti kagat, kwe Rahab yugunengge kagako lagike mende eti paga, akoni Israel mende nen inilenggen waganuwagaluk laʼbiya waguka mende yomenogo wagukama limago woginabiluk nen, yabunggane kolak werlekmangge kwalogo wula ʼbiyasike o. Esigit diluk kagakike eti paga, Allah nen,
“Wene koba mende nggorogo togot digirik suguluk nimbisak kunogo ʼbagagi o,” yiluk yogokikeat o. 26Ninebe ninagurengge dukisinem watlarigogi eti kak, ninakla nen, Allah eberogonat yiluk ambasi dogoligat, nininggi paga nen omanggi kagakidek kalok, warek negen dogolik, we wirlikogonat ambaligogi o.
Currently Selected:
Yakobus 2: DNA
Highlight
Copy
Compare
Share
Want to have your highlights saved across all your devices? Sign up or sign in
Yakobus 2
2
“Akoni amberek kinomborlikngge ʼbiyigik, amberek kinelokomangge ʼbiyigik, kagako dogusak dek,” yiluk yogisasike wene
1Nagarlagi nirugi o. Kinendainggen ninewe Endaganggok Yesus Kristus pogorarigogi mende etnogo oba panggot diluk dogolik, akoni inowado sikmanggeat kinilenggen iyalok nen, amberek kinelokoma ʼbiyigik, amberek kinomborlikngge ʼbiyigik, kagako dogogup o. 2Kinebe sembayan yuwogoluk nandorlek werekma, ap omanggi inggi enggangga paga emas mende yikik, iyom pano mende yikik, kagat diluk nen kinoba unggi wagik, nen, ap omanggi amende dek mende iyom weyak mende yikogo unggi wagik, kagako kalok, 3kit nen at iyom pano yugu unggi wisigin mende etnogo yogoko dogolik,
“Newe. Kebe o mberlagoma panoma ya korek lasi me o,” yiluk yogokik, nen, at amende dek mende etnogo yogoko dogolik,
“Nagot o. Kat enda mendek dogogin a? Niyok ʼbigima agat oba yoma korek lasi wisigin a,” yiluk yogokik, kagarigogi kalok, 4kit kinobabut mondok weyak kagako dogolik, kit-kit,
“At eti nggok. Nen, at eti erlok dek,” yiluk mbenagogo ʼbiyaligogi o.
5Nagarlagi nirugi o. Kinebe kinaʼbuwa o. An wene yigin mende yi kinasuk kolini. It akoni agat oba inamende dek mende eti Allah nenat miginako dogolik,
“Inamende dogalegat dogu kak, inendainggen an noba panggot diluk dogowak o. Nen, it an nebe inendainggen kunik mende, o an nen napma ʼbiyalok dogogunmo etoma indewerek asugun yiluk abok yogisasigi mende eti irat indewerek asugun o,” yiluk miginakike. 6Esigit diluk miginakike mende, kit nen it inamende dek mende kinakla kai diyaligogi o. Mende, sani nen kit kinebe weyagat kinakik, pemerintah nen kinendema waganuwagaluk inoba wokisek lagik, kagarigogi nogo. It akoni inamende dogalegat mende eti nenat esigit diluk kagat kinabigogi ambigi. 7Nen, ninewe Endaganggok endaga pano liligogo mende etnogo endaga mbalogo ebe indewerek agagip mende eti, it inamende dogalegat mende eti nenat, at endaga weyagat diligogi ambigi. 8Mende, kit nen motogo kagako dogusak mende yi. Allah nen ninasuk wako dogolik wene nggok, men yisike,
“Kit kinenggaerek kinebe kinaʼbuwarogo werek eti kak,
akoni amberek kinom werek mende inaʼbuwarogo dogono o,” (Im. 19:18)
yiluk yisikemo, kolal mbalkuka mende werek eti ndak-ndagat kagako dogogun kalok, pano kagako dogogun o. 9Esigit diluk mende, kit nen akoni inowado sikmanggeat kinilenggen iyalok amberek kinelokoma ʼbiyigik, amberek kinomborlikngge ʼbiyigik, kagarigogi eti weyagat kagarigogi o. Allah nen ninasuk wakike wene etnogo sebelogo togot diyalok weyak kagarigogi yiluk, wene eti pagaat wene kinoba werek o. 10Kit amberek wene Allah nen ninasuk wakike wene etnogo taʼbokogonat pago dogoligat, omanggiat sagalogo wusa ʼbegep kalok,
“Wene eti taʼbokogonat sagalogo wusa ʼbegebat o,” yiluk eberogonat wene kinoba agama werek o. 11Allah nenat,
“Kumi yogot paʼbiyagup o,” (Kel. 20:14; Ul. 5:18)
yiluk yisike. Nen omanggi,
“Akoni inakup o,” (Kel. 20:13-14; Ul. 5:17-18)
yiluk at nenat yisike. Eti paga, kat omanggi nen, kumi yogot paʼbiyigidek dogoligat, akoni inebe inako kalok, Allah wene sagalogo wusa ʼbegen o. 12Ninebe nininggi kerle warek negen werekma, Allah wene eti pagaat piyalogo ʼbinaligogo o. Wene eti pagaat ninendema waganigin o, yiluk, kinane motogo yigik, kininggi nen motogo kagakik, kagako dogono o. 13Kit nen, akoni inaʼbuwa kigidek kalok, Allah nen kinaʼbuwa kigidek, wene kinoba ʼbiginat o. Mende, akoni amberek inaʼbuwarogo werek mende eti, Allah nen inendema waganggo dogolik wene inoba ʼbiyagin dek o.
“Ininggi nen kagakidek dogolik, inendainggen arlek Allah oba panggot diluk dogusak dek,” yiluk yogisasike wene
14Nagarlagi nirugi o. Kat omanggi ta nen,
“Nendainggen Allah oba panggot diluk werek o,” yiluk yisi dogoligat ogwe, kinggi paga nen akoni amberek yamagiyigidek kalok, kane arlek,
“Nendainggen Allah oba panggot diluk werek,” yiluk yiligogon eti paga omanggi kagat lasigin nogo? We, wirlikogonat yiligogon o. Nen, kendainggen arlek esigit diluk panggot diluk dogumo, eti paga erlok ndil kabigin nogo? Erlok dek o. 15Kagarlak a? Kiru a, Allah aʼburi mende amberek iniyom yugu dogusak mende inom, inambiri nasi dogusak mende inom, dek nen werekma, 16kat nen at ebe pasik yamakigidek dogoligat, kane paga nenat,
“Nagarlak o. Koba aganggen togo kimbiri kaʼit togonat kakla arlenggen kilik lan o,” yiluk yegen kalok, omanggi kagat lasigin nogo? We, wirlikogonat o. 17Eti kak, nit nininggi paga nen yamagiyigidek dogolik,
“Ninendainggen Allah oba panggot diluk werek,” yiluk, eti arlek yiligogi kalok, warek negen dogolik, we, wirlikogonat yiligogi o. 18It amberek nen esigit diluk yisinem men yusak,
“Kat nen, Nendainggen Allah oba panggot diluk werek yiligogon o. Nen, an nen ninggi paga nen yamagiyiligogo o. Eti paga, kat kinggi nen yamagiyigidek dogolik, kane paga,
Nendainggen arlek Allah oba panggot diluk werek, yiluk yiligogon eti ebe nggi? Sitnian nda. Anat, nendainggen Allah oba panggot digirik werek yiluk, ninggi paga nen yamagiyiligogo mende enggagat werek eti, sikiyaginat o,” yiluk yogisausak o. 19Kat omanggi nen,
“At Allah ebe omanggiat,” yiluk eberogonat ambaligogon eti panoat mende, Iblis agoromi inobabut weyak mende inom nen, eti kagat eberogonat ambasi dogolik, ebe inayuk nen inowak del kiligogiat o. 20Kat kebe nggembu negen yiligogon eti re! Allah eberogonat yiluk eti mendeat ambasi dogolik, kinggi paga yamagiyigidek kalok, we yugunat ambaligogon yiluk enggagat didinok nen yiluk wene yi yokisik. 21Ninakomba Abraham nen enggaerek aʼbut Ishak ebe etnogo wolok lagikesik nen, nggit mberlago ʼbiluk Allah anggo waroko laguka kak, warisigiluk kagakike eti paga, at Allah nen,
“Wene koba mende nggorogo togot digirik suguluk nimbisak kunogo ʼbagagi o,” yiluk yogokike ambigi. 22At endainggen Allah oba panggot digik, inggi paga nen kagakik, imbisak dambukogonat kagakike o. Inggi paga nen kagakike eti paga endainggen Allah oba ʼbogokogo panggot disike yiluk, kat nen didusagat o. 23Esigit diluk kagakike eti paga wene men yiluk kolal mbalogo ʼbisuka mende eti ebeat kagat lagike.
“Abraham endainggen Allah oba panggot disikemo, at Allah nen,
Kat kobabut mot kagako dogu kak, kendainggen noba panggot degenma, wene koba mende nggorogo togot digirik suguluk nimbisak kunogo ʼbagagi o,” (Kej. 15:6)
yiluk yogokikemo kolal mbalogo ʼbisuka. Eti paga, Allah nen,
“Abraham nimbisak kunigat werek,” yiluk yisike o. 24Eti kak, Allah eberogonat yiluk eti arlek ambamo, Allah nen,
“Wene koba mende nggorogo togot digirik suguluk nimbisak kunogo ʼbagagi o,” yiluk yogisaligogo dek kigi. Esigit diluk ambasi dogolik, nininggi paga nen inomat kagakonem eti paga, esigit diluk yogisaligogo eti kani! 25Eti kagat, kwe Rahab yugunengge kagako lagike mende eti paga, akoni Israel mende nen inilenggen waganuwagaluk laʼbiya waguka mende yomenogo wagukama limago woginabiluk nen, yabunggane kolak werlekmangge kwalogo wula ʼbiyasike o. Esigit diluk kagakike eti paga, Allah nen,
“Wene koba mende nggorogo togot digirik suguluk nimbisak kunogo ʼbagagi o,” yiluk yogokikeat o. 26Ninebe ninagurengge dukisinem watlarigogi eti kak, ninakla nen, Allah eberogonat yiluk ambasi dogoligat, nininggi paga nen omanggi kagakidek kalok, warek negen dogolik, we wirlikogonat ambaligogi o.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in