2Timotius 3
3
Akoni inobabut o ilugun oba dogolik kagako dogogun mende pasik yogokike wene
1Wene yi kakla eberek dogono o. O ilugun oba weyak mondogat asigin mende werek o. 2Akoni inendainggen kunik inenggaerek inebe pasik inom, uang pasik inom, nggogot digik, inenggaerek nen pogorakigik, siyat dakigik inane korle weyak mberisigik, inagoya inombae inane kolkidek togot digik, yi mende ndi mende wogisasinem keyagi warinabuʼbuk welagik, Allah ake kagakidek inaʼit welagik, 3akoni inebe inaʼbuwarogo welagidek inaʼirat welagik, it amberek inom wene sagalogo togot diyalok dogu inaʼit welagik, inabok weyak mbalkik, inobabut inakla agaga ambik arlimarlurogo kagakik, pano mende kagasu inaʼit dogolik, 4inebe omanggiat mende it amberek nen inasuwagaluk yonggo lagik, inobabut al katokogo kagakik, inenggaerek inalonet dakalok pogorakigik, Allah ebe inendainggen kunik dek, akoni inakla arlenggen togo kagarigogi eti mendeat warlok welagik, 5akoni inil oba, Allah aʼburi salek dogolik, inakla nen Allah obatne eti mende togot digik, kagako dogogun o. Yogondak akoni inobabut eti ndak-ndak amberek kagarigogi mende kalok, kinom kunik dogogup o. 6-7Kumi amberek yi mende ndi mende inakla nen warlok ambalok, weyak kagatluk inendainggen anggin dogoligat, wene yanggulko mondok werek mende, ebe wene dikogo waganuʼbugat werekma, it ap inobabut esigit diluk kagarigogi mende eti paga, kumi eti inagumangge inabusagat unggiluk, inane paga nuket diyalok nen, inebe kerle warogo negen paginabigogi o. 8O paganeat, it ap Yanes inom, Yambres inom, Musa ane sagalogo togot diyalok kagakuka kak, it eti ebe wene sagalogo togot diyalok, weyak kagako dogolik, inakla nen Allah wene ebeat mende ebesusak dek, nggorlo mende eberigogi o. Esigit diluk kagarigogi eti paga, inendainggen Allah oba panggot diluk welagaka mende perelogo togot diyega yiluk enggagat asigin o. 9It Yanes inom, Yambres inom, nggorlo kagakukama, it amberek nen,
“Inendainggen dek,” yiluk enggagat didiyasuka kagat, it eti esigit dilugat inendainggen dek kagarigogi yiluk, akoni taʼbokogonat nen inaren enggagat iyalok, it inane eti nggok asigin dek o.
Timotius endainggen korlerogo dogowagaluk ilugun oba asuk wakike wene
10It eti inobabut esigit diluk enggagat asigin mendeat, kat an nen wene yanggul isiligogo mende inom, nobabut kagarigogo mende inom,
“Esigit diluk kagasigin,” yiluk nakla ambaligogo mende inom, nendainggen Allah oba panggot diluk werek mende inom, nakla kambukogo werek mende inom, akoni taʼbokogonat inaʼbuwarogo werek mende inom, nobakanini kambuk yiluk werek mende inom, paganeat nen didanigogon o. 11Akoni nen yi aik ndi aik kagat nakonem, noba aik weyak kiligogo etnogo kiluat o. Akoni o Antiokia inom, Ikonium inom, Listra inom, weyagat nako nggorlegat werekma, ninewe Endaganggok nen inggi omanggi togot danggidek ndil nako lagike o. 12Nit Kristus Yesus ninom kunik dogolik, Allah ake panorogo kagako doguwogoluk ninakla ambaligogo mende ninebe dombok taʼbokogonat yi aik ndi aik kagat ninako dogogunat o. 13Weyagat ninako nggorlegat, it amberek weyak kagako dogolik nuket diyaligogi mende eti it amberek nen nuket diyasinem, it nen onggo-onggo nuket diyigigat kagako dogolik, weyak arik-arigat nggokogo weyak akagun o. 14It nen esigit diluk kagarigogi mende, karat, nit ninebe kilu mende nen ebe wene yanggul kikugumo kat nen,
“Eberogonat,” yiluk waganggigin mende etiat aʼbetogo pago dogono o. 15Kat kebe elege paga nenat Allah wene kolal mbalek eti kilu mondok dogoligogon eti, kakla eberek mondok dogusak o. Esigit diluk dogolik, kendainggen Kristus Yesus oba panggot diluk werekma, Allah nen ndil kabusak mende didinok nen yiluk, Allah wene kolal mbalek eti pagaat kakla erlogat nggagalusak werek o. 16Allah wene kolal mbalek eti taʼbokogonat, at nenat inakla nggagal kikemo, kolal mbalogo ʼbisuka eti paga, akoni amberek wene ebe wene yanggul isigik, nggorlo kagakonem inasuk wakik, inobabut kwalinakik, Allah akla warlok ambaligogo mende motogo kagako dogowagaluk inasuk wakik, kagako dogusak o. 17Akoni inebe dombok inebe Allah ake ʼbiyalok dogolik, yi mende ndi mende at ake pano kagarigogo mende eti erlokogonat inendainggen korlerogo kagako dogowagaluk, Allah wene kolal mbalogo woknisasike o.
Currently Selected:
2Timotius 3: DNA
Highlight
Copy
Compare
Share
Want to have your highlights saved across all your devices? Sign up or sign in
2Timotius 3
3
Akoni inobabut o ilugun oba dogolik kagako dogogun mende pasik yogokike wene
1Wene yi kakla eberek dogono o. O ilugun oba weyak mondogat asigin mende werek o. 2Akoni inendainggen kunik inenggaerek inebe pasik inom, uang pasik inom, nggogot digik, inenggaerek nen pogorakigik, siyat dakigik inane korle weyak mberisigik, inagoya inombae inane kolkidek togot digik, yi mende ndi mende wogisasinem keyagi warinabuʼbuk welagik, Allah ake kagakidek inaʼit welagik, 3akoni inebe inaʼbuwarogo welagidek inaʼirat welagik, it amberek inom wene sagalogo togot diyalok dogu inaʼit welagik, inabok weyak mbalkik, inobabut inakla agaga ambik arlimarlurogo kagakik, pano mende kagasu inaʼit dogolik, 4inebe omanggiat mende it amberek nen inasuwagaluk yonggo lagik, inobabut al katokogo kagakik, inenggaerek inalonet dakalok pogorakigik, Allah ebe inendainggen kunik dek, akoni inakla arlenggen togo kagarigogi eti mendeat warlok welagik, 5akoni inil oba, Allah aʼburi salek dogolik, inakla nen Allah obatne eti mende togot digik, kagako dogogun o. Yogondak akoni inobabut eti ndak-ndak amberek kagarigogi mende kalok, kinom kunik dogogup o. 6-7Kumi amberek yi mende ndi mende inakla nen warlok ambalok, weyak kagatluk inendainggen anggin dogoligat, wene yanggulko mondok werek mende, ebe wene dikogo waganuʼbugat werekma, it ap inobabut esigit diluk kagarigogi mende eti paga, kumi eti inagumangge inabusagat unggiluk, inane paga nuket diyalok nen, inebe kerle warogo negen paginabigogi o. 8O paganeat, it ap Yanes inom, Yambres inom, Musa ane sagalogo togot diyalok kagakuka kak, it eti ebe wene sagalogo togot diyalok, weyak kagako dogolik, inakla nen Allah wene ebeat mende ebesusak dek, nggorlo mende eberigogi o. Esigit diluk kagarigogi eti paga, inendainggen Allah oba panggot diluk welagaka mende perelogo togot diyega yiluk enggagat asigin o. 9It Yanes inom, Yambres inom, nggorlo kagakukama, it amberek nen,
“Inendainggen dek,” yiluk enggagat didiyasuka kagat, it eti esigit dilugat inendainggen dek kagarigogi yiluk, akoni taʼbokogonat nen inaren enggagat iyalok, it inane eti nggok asigin dek o.
Timotius endainggen korlerogo dogowagaluk ilugun oba asuk wakike wene
10It eti inobabut esigit diluk enggagat asigin mendeat, kat an nen wene yanggul isiligogo mende inom, nobabut kagarigogo mende inom,
“Esigit diluk kagasigin,” yiluk nakla ambaligogo mende inom, nendainggen Allah oba panggot diluk werek mende inom, nakla kambukogo werek mende inom, akoni taʼbokogonat inaʼbuwarogo werek mende inom, nobakanini kambuk yiluk werek mende inom, paganeat nen didanigogon o. 11Akoni nen yi aik ndi aik kagat nakonem, noba aik weyak kiligogo etnogo kiluat o. Akoni o Antiokia inom, Ikonium inom, Listra inom, weyagat nako nggorlegat werekma, ninewe Endaganggok nen inggi omanggi togot danggidek ndil nako lagike o. 12Nit Kristus Yesus ninom kunik dogolik, Allah ake panorogo kagako doguwogoluk ninakla ambaligogo mende ninebe dombok taʼbokogonat yi aik ndi aik kagat ninako dogogunat o. 13Weyagat ninako nggorlegat, it amberek weyak kagako dogolik nuket diyaligogi mende eti it amberek nen nuket diyasinem, it nen onggo-onggo nuket diyigigat kagako dogolik, weyak arik-arigat nggokogo weyak akagun o. 14It nen esigit diluk kagarigogi mende, karat, nit ninebe kilu mende nen ebe wene yanggul kikugumo kat nen,
“Eberogonat,” yiluk waganggigin mende etiat aʼbetogo pago dogono o. 15Kat kebe elege paga nenat Allah wene kolal mbalek eti kilu mondok dogoligogon eti, kakla eberek mondok dogusak o. Esigit diluk dogolik, kendainggen Kristus Yesus oba panggot diluk werekma, Allah nen ndil kabusak mende didinok nen yiluk, Allah wene kolal mbalek eti pagaat kakla erlogat nggagalusak werek o. 16Allah wene kolal mbalek eti taʼbokogonat, at nenat inakla nggagal kikemo, kolal mbalogo ʼbisuka eti paga, akoni amberek wene ebe wene yanggul isigik, nggorlo kagakonem inasuk wakik, inobabut kwalinakik, Allah akla warlok ambaligogo mende motogo kagako dogowagaluk inasuk wakik, kagako dogusak o. 17Akoni inebe dombok inebe Allah ake ʼbiyalok dogolik, yi mende ndi mende at ake pano kagarigogo mende eti erlokogonat inendainggen korlerogo kagako dogowagaluk, Allah wene kolal mbalogo woknisasike o.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in