2Korintus 8
8
Allah aʼburi nen it akoni amberek inaʼbuwa nen uang nandorlogo ʼbiyausak wene
1Nagarlagi nirugi o. At Allah obabut pano etnogo nen aʼburi o Makedonia mende yoma inobabut pano kagarinakemo kagaka mende kinilurogo yokisak. 2It akoni amberek nen yi aik ndi aik dogalegat weyagat inako nggorlegat, it inakla arlenggen nggokogo kiligogi eti paga inobabut enggagat aga. It inamende mondok dek dogoligat, it mende dogalegat, debekogo it akoni amberek wogisiligogi o. 3Wogisausak ndak-ndagat wogisasi dogolik amberek inom oba dukogo wogisiligogi. An inobabut nilu. Nilenggen iyigirik nen yokisiligogo o. It akoni amberek nen inakla nggagalkidekma, inenggaerek inakla nen nggagalogo, 4men yoknisasi lagaka,
“Nit nen, Allah aʼburi o Yudea mende amberek yamagiyawok nen yiluk yokisogo o,” yiluk nit yoknisasi mondok welagaka. 5Nit ninakla nen,
“It esigit diluk ʼbugun,” yiluk ambogo mende werek nggorlek, inebe ndak ninewe Endaganggok wogokasik nen, at Allah akla ambasike kak, inebe nit woknisegaat o. 6Woknisegama nen, at Titus kit kinom dogolik, kit nen Allah aʼburi amberek inaʼbuwa nen yamagiyawogoluk kagakigip mende eti ake yokisasi laga kagat ilugun awan werekma arat nandorluwagaluk akla nggagalko. 7Kit yi mende ndi mende ake pano mondok kagako lagap. Eti kinendainggen Allah oba aʼbetogo panggot digik, pano wene pano mondok yanggul isigik, ebe wene pano mondok kinilu agik, akoni amberek yamagiyawogoluk arlenggentogo kagakik, kit nen nit ninaʼbuwarogo mondok welagik, kagarigogi kak, kit mende it Allah aʼburi amberek eti pano mondok ʼbiyabagik nen, yiluk yokisigi o.
8An nen,
“Kit esigit diluk kagatno,” yiluk, nane obatnerogo yokisigi dek o. At te, it Allah aʼburi o Makedonia yoma mende inakla nen nggagalogo it mende nandorlogo Allah aʼburi eti arlenggentogo yamagiyiligogi eti kak, kit nen, it eti inaʼbuwarogo yamagiyasinem,
“Eberogonat it inaʼbuwa werek,” yiluk enggagat asuwagaluk yokisigi o. 9Ninewe Endaganggok Yesus Kristus obabut pano nen ninaʼbuwa kasike etnogo kit kinilu mondok kigi. At inggi weregat welagike mende, at inggi dek mondok agike eti paga, kit kinebe kininggi werek asubagik nen yiluk, at inggi dek mondok agike o.
10Yamagiyausak eti ake, an nakla ambasi lagi mende yokisak. Tahun alep eti paga, akoni amberek awan werek nggorlek, kit nen ndak,
“It eti yamagiyawok,” yiluk wene mbalkigisip arlenggentogo kinendainggenma nen yamagiyawogoluk amberek ʼbiyasigip eti kak, yogondak ilugun arat ʼbogokogo yamagiyabagik nen yiluk yigi o. 11Kit nen alep kinendainggen nenat arlenggentogo, it amberek eti inaʼbuwa kasigisip,
“Esigit diluk yamagiyawogoluk,” kagakigip eti kak, yogondak esigit dilugat kininggimo asigin mende dombok arlenggentogo ilugun oba arat ʼbogokogo nandorlubagik nen yiluk yokisigi o. 12Kit kinamende dek mende degat. Werek mende etiat kinendainggen oba nenat it eti ʼbiyagun kalok, at Allah nen,
“Pano ʼbega,” yiluk ambagin o. 13Kit nen anggintogo yamagiyasinem it nen inakla te werlegat waganuwagaluk yokisigi dek o. At te, kinom ndak-ndagat yamak-yamak kagako dogusak yiluk yokisigi o. 14Kit kinamende yogondak dogalek werek eti. Eti paga, it inamende dek mende eti ʼbiyausak o. It mende yabunggane dogalegat atluk nen, kit dek atluk werek kalok amberek ʼbinagusagat o. Esigit diluk kagasugun kalok, kit nen yamagiyigik, it nen yamakiyigik, kinom ndak-ndagat kagako dogogun o. 15Esigit diluk kagako dogusak eti ake, Allah nen, men yisike,
“At omanggi amende dogalegat nandorlogo ʼbakagin mende eti ndindurogo ʼbigin dek o. Nen, at omanggi amende mbererlagat nandorlogo ʼbakagin mende eti dek asigin dek o,” (Kel. 16:18)
yiluk yisikemo kolal mbalogo ʼbisuka.
Paulus nen Titus agarlagi inom inayonggo ʼbiluk laʼbiyasike wene
16Nit nen kit kinake obatnerogo kagasuwogoluk kagako lago kak, at Titus esigit dilugat kagako dogowagaluk Allah nen akla nggagalkemo kagarigogo eti paga, Allah keyagi wako doguwok o. 17Eti nit nen at akla nggagalko mendeat, nit nen,
“Kat lan,” yiluk ninane obatnerogo yogokoma waga ʼbuk. At Enggaerek akla nggagalagasik nen, mondok obatnerogo endainggen kinoba dogolik,
“It inoba ligin,” yiluk kinoba waga o. 18Ninagarlak omanggi pano wene yogisilik nokonem, it Allah aʼburi o yi ai ndi ai nen,
“At obabut pano,” yiluk pogorarigogi mende, at Titus imbisak laʼbiya wagi endi. 19Mende, eti arlek buk. It Allah aʼburi nen it eti yamagiyawogoluk ʼbiyega mende eti, at ninom nen nandorlogo ʼbiluk wogisa lowagaluk mendegaat o. Esigit diluk wogisa lagonem, ninewe Endaganggok pogorako dogolik,
“It Paulus agarlagi inom inobabut, it amberek yamagiyausak enggagat asigin,” yiluk yisike. 20Dogalegat ʼbiyiligogi mende eti, nit nen nandorlogo waganik lagonem, it akoni amberek nen ninabok weyak mbalunogo yiluk, ninakla enggerlogo mondok kagarigogi. 21Esigit diluk kagako dogolik, ninewe Endaganggok il oba nen ninobabut mot-mot kagako doguwogoluk kagarigogi dek. At te, ninewe Endaganggok inom, akoni inom, inil oba ninobabut mot-mot kagako doguwogoluk ambiligogi o. 22It eta inomat, ninagarlak omanggi laʼbi wagiat o. At eti, yi mende ndi mende ake kibitngge-yogongge anggilukogo akoni amberek yamagiyasinem obabut enggagat kogosik nen, kinoba laʼbi wagi o. At nen,
“It pano kagasugun,” yiluk endainggen kinoba laʼbisikesikmo nogo nen, yogondak kit yamakiyagaluk akla mondok arlenggentogo waga o. 23Nen, at Titus eti, an nagarlak kit yamakiyawogoluk nimbisak yabu kagarigogo mende. Nen, nagarlagi amberek at inom wagaka eti, pano kagakonem it akoni amberek nen inaren mbaliluk nen Kristus pogorarigogi mende, Allah aʼburi nandorligogi mende nen inayonggo ʼbiluk laʼbiya wagakama wagaka o. 24Allah aʼburi nandorligogi mende amberek nen,
“It o Korintus mende nen it Titus agarlagi inom inebe eberogonat inaʼbuwa werek,” yiluk yigik, nen,
“It Paulus agarlagi inom nen it Korintus mende pano kagasugun yiluk pogorinabigogi etnogo eberogonat,” yiluk yigik, yuwagaluk, it eti inaʼbuwarogo woginabino o.
Currently Selected:
2Korintus 8: DNA
Highlight
Copy
Compare
Share
Want to have your highlights saved across all your devices? Sign up or sign in
2Korintus 8
8
Allah aʼburi nen it akoni amberek inaʼbuwa nen uang nandorlogo ʼbiyausak wene
1Nagarlagi nirugi o. At Allah obabut pano etnogo nen aʼburi o Makedonia mende yoma inobabut pano kagarinakemo kagaka mende kinilurogo yokisak. 2It akoni amberek nen yi aik ndi aik dogalegat weyagat inako nggorlegat, it inakla arlenggen nggokogo kiligogi eti paga inobabut enggagat aga. It inamende mondok dek dogoligat, it mende dogalegat, debekogo it akoni amberek wogisiligogi o. 3Wogisausak ndak-ndagat wogisasi dogolik amberek inom oba dukogo wogisiligogi. An inobabut nilu. Nilenggen iyigirik nen yokisiligogo o. It akoni amberek nen inakla nggagalkidekma, inenggaerek inakla nen nggagalogo, 4men yoknisasi lagaka,
“Nit nen, Allah aʼburi o Yudea mende amberek yamagiyawok nen yiluk yokisogo o,” yiluk nit yoknisasi mondok welagaka. 5Nit ninakla nen,
“It esigit diluk ʼbugun,” yiluk ambogo mende werek nggorlek, inebe ndak ninewe Endaganggok wogokasik nen, at Allah akla ambasike kak, inebe nit woknisegaat o. 6Woknisegama nen, at Titus kit kinom dogolik, kit nen Allah aʼburi amberek inaʼbuwa nen yamagiyawogoluk kagakigip mende eti ake yokisasi laga kagat ilugun awan werekma arat nandorluwagaluk akla nggagalko. 7Kit yi mende ndi mende ake pano mondok kagako lagap. Eti kinendainggen Allah oba aʼbetogo panggot digik, pano wene pano mondok yanggul isigik, ebe wene pano mondok kinilu agik, akoni amberek yamagiyawogoluk arlenggentogo kagakik, kit nen nit ninaʼbuwarogo mondok welagik, kagarigogi kak, kit mende it Allah aʼburi amberek eti pano mondok ʼbiyabagik nen, yiluk yokisigi o.
8An nen,
“Kit esigit diluk kagatno,” yiluk, nane obatnerogo yokisigi dek o. At te, it Allah aʼburi o Makedonia yoma mende inakla nen nggagalogo it mende nandorlogo Allah aʼburi eti arlenggentogo yamagiyiligogi eti kak, kit nen, it eti inaʼbuwarogo yamagiyasinem,
“Eberogonat it inaʼbuwa werek,” yiluk enggagat asuwagaluk yokisigi o. 9Ninewe Endaganggok Yesus Kristus obabut pano nen ninaʼbuwa kasike etnogo kit kinilu mondok kigi. At inggi weregat welagike mende, at inggi dek mondok agike eti paga, kit kinebe kininggi werek asubagik nen yiluk, at inggi dek mondok agike o.
10Yamagiyausak eti ake, an nakla ambasi lagi mende yokisak. Tahun alep eti paga, akoni amberek awan werek nggorlek, kit nen ndak,
“It eti yamagiyawok,” yiluk wene mbalkigisip arlenggentogo kinendainggenma nen yamagiyawogoluk amberek ʼbiyasigip eti kak, yogondak ilugun arat ʼbogokogo yamagiyabagik nen yiluk yigi o. 11Kit nen alep kinendainggen nenat arlenggentogo, it amberek eti inaʼbuwa kasigisip,
“Esigit diluk yamagiyawogoluk,” kagakigip eti kak, yogondak esigit dilugat kininggimo asigin mende dombok arlenggentogo ilugun oba arat ʼbogokogo nandorlubagik nen yiluk yokisigi o. 12Kit kinamende dek mende degat. Werek mende etiat kinendainggen oba nenat it eti ʼbiyagun kalok, at Allah nen,
“Pano ʼbega,” yiluk ambagin o. 13Kit nen anggintogo yamagiyasinem it nen inakla te werlegat waganuwagaluk yokisigi dek o. At te, kinom ndak-ndagat yamak-yamak kagako dogusak yiluk yokisigi o. 14Kit kinamende yogondak dogalek werek eti. Eti paga, it inamende dek mende eti ʼbiyausak o. It mende yabunggane dogalegat atluk nen, kit dek atluk werek kalok amberek ʼbinagusagat o. Esigit diluk kagasugun kalok, kit nen yamagiyigik, it nen yamakiyigik, kinom ndak-ndagat kagako dogogun o. 15Esigit diluk kagako dogusak eti ake, Allah nen, men yisike,
“At omanggi amende dogalegat nandorlogo ʼbakagin mende eti ndindurogo ʼbigin dek o. Nen, at omanggi amende mbererlagat nandorlogo ʼbakagin mende eti dek asigin dek o,” (Kel. 16:18)
yiluk yisikemo kolal mbalogo ʼbisuka.
Paulus nen Titus agarlagi inom inayonggo ʼbiluk laʼbiyasike wene
16Nit nen kit kinake obatnerogo kagasuwogoluk kagako lago kak, at Titus esigit dilugat kagako dogowagaluk Allah nen akla nggagalkemo kagarigogo eti paga, Allah keyagi wako doguwok o. 17Eti nit nen at akla nggagalko mendeat, nit nen,
“Kat lan,” yiluk ninane obatnerogo yogokoma waga ʼbuk. At Enggaerek akla nggagalagasik nen, mondok obatnerogo endainggen kinoba dogolik,
“It inoba ligin,” yiluk kinoba waga o. 18Ninagarlak omanggi pano wene yogisilik nokonem, it Allah aʼburi o yi ai ndi ai nen,
“At obabut pano,” yiluk pogorarigogi mende, at Titus imbisak laʼbiya wagi endi. 19Mende, eti arlek buk. It Allah aʼburi nen it eti yamagiyawogoluk ʼbiyega mende eti, at ninom nen nandorlogo ʼbiluk wogisa lowagaluk mendegaat o. Esigit diluk wogisa lagonem, ninewe Endaganggok pogorako dogolik,
“It Paulus agarlagi inom inobabut, it amberek yamagiyausak enggagat asigin,” yiluk yisike. 20Dogalegat ʼbiyiligogi mende eti, nit nen nandorlogo waganik lagonem, it akoni amberek nen ninabok weyak mbalunogo yiluk, ninakla enggerlogo mondok kagarigogi. 21Esigit diluk kagako dogolik, ninewe Endaganggok il oba nen ninobabut mot-mot kagako doguwogoluk kagarigogi dek. At te, ninewe Endaganggok inom, akoni inom, inil oba ninobabut mot-mot kagako doguwogoluk ambiligogi o. 22It eta inomat, ninagarlak omanggi laʼbi wagiat o. At eti, yi mende ndi mende ake kibitngge-yogongge anggilukogo akoni amberek yamagiyasinem obabut enggagat kogosik nen, kinoba laʼbi wagi o. At nen,
“It pano kagasugun,” yiluk endainggen kinoba laʼbisikesikmo nogo nen, yogondak kit yamakiyagaluk akla mondok arlenggentogo waga o. 23Nen, at Titus eti, an nagarlak kit yamakiyawogoluk nimbisak yabu kagarigogo mende. Nen, nagarlagi amberek at inom wagaka eti, pano kagakonem it akoni amberek nen inaren mbaliluk nen Kristus pogorarigogi mende, Allah aʼburi nandorligogi mende nen inayonggo ʼbiluk laʼbiya wagakama wagaka o. 24Allah aʼburi nandorligogi mende amberek nen,
“It o Korintus mende nen it Titus agarlagi inom inebe eberogonat inaʼbuwa werek,” yiluk yigik, nen,
“It Paulus agarlagi inom nen it Korintus mende pano kagasugun yiluk pogorinabigogi etnogo eberogonat,” yiluk yigik, yuwagaluk, it eti inaʼbuwarogo woginabino o.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in