2Korintus 6
6
1-2At Allah nen, men yisikemo kolal mbalogo ʼbisukama werek.
“An nen, kit kinane nasuk kolusak ambigi pagaat kolki o. Kinebe ndil kinabusak ndak-ndak obaat yamakiya wagi o,” (Yes. 49:8)
yiluk yisike eti, Allah nen ninane asuk kolusak, o yogondak yaat o. Nen, ninebe ndil ninabusak, o yogondak yaat o,” yiluk kinakla ebetni o. Eti paga, nit Allah ninom at ake kagako dogolik, at obabut pano nen ninaʼbuwa kasikemo, at ebe waganggigip etnogo, we yugunat elamakup o, yiluk kinasuk warigogi o. 3Akoni amberek nen,
“Kit Allah ake kagarigogi eti nggorlo kagarigogi o,” yiluk ninabok weyak mbalunogo yiluk, akoni amberek weyak kagasuwagaluk inakla nggagalogo yi mende ndi mende nggorloʼba kagarigogi dek. 4Akoni nen,
“It Allah nen inayonggo ʼbisikemo, at ake kagako dogusak mendeat kagarigogi,” yiluk didinanuwagaluk, yi aik ndi aik kagat ninakik, wiyik-weyakogo kagat ninakik, umunet niyigik, kagako nggorlek, ninobakanini kambuk yiluk dogolik yi mende ndi mende enggagat kagarigogi o. 5Ndugi ninakik, nininggi kerle warogo o kerle warogo ʼbiyiligogoma ʼbinanggik, akoni dogalegat nen ninoba wiyik-weyakogo ninasusak kagat lagik, kagako nggorlek werek. Yabu set weyak kagakik, noge yusak degat agik, kimbiri abu agik, kagako lago. 6Esigit diluk kagako dogoligat, ninobabut weyak kagakidek nggarelek dogolik, pano wene ninilu welagik, ninobakanini kambugiluk welagik, ninobabut enago welagik, kagarigogi. At Allah Agurengge ninakla dogolik akoni inebe eberogonat inaʼbuwarogo werek o. 7Esigit diluk dogolik, Allah obatne paga ebe wene yogisilik liligogi. Yogisilik noko dogolik, akoni nen,
“Sike-sege nininggi pelak-pelak pago werek o,” yiluk yiligogi kak, nit Allah akla warlok mende kagako dogolik, nininggi pelak-pelak pago werek o. 8It amberek nen pogot ninakik, ninabok pano yigik, kagako nggorlek, it amberek nen mbet nisigik, ninabok weyak mbalkik, kagarigogi. Wene eberogonat yogisasi nggorlek mende,
“Inenggalat nuket ninabigogi,” yiluk mbet nisiligogiat. 9Akoni nen ninebe inonggodek mende salek, taʼbokogonat nen inilu werek. Ninebe watlasuwagaluk pak ninabigogi mendeat, niniluk werek. Yi aik ndi aik kagat ninako nggorlegat, ninebe mondok watlagidek werek, eti kani! 10Ninakla weyak dogoligat, ninakla arlenggen kasi mondok werek. Yi mende ndi mende nininggimo dek mende, akoni dogalegat pano mende inilumo asuwagaluk kagat diyaligogi. Ninamende mondok dek mende, ebe pano mende taʼbokogonat inde agosik werek.
11Esigit diluk dogolik, kit akoni Korintus mende, nagarlagi nirugi o. An nakla wene agake sebelogo ʼbigidek mondok taʼbokogo yokisigi o. Kit kinake an nakla wene arat liyaʼbi wagi o. 12Nit nen kit pasik, ninakla wene esigit diluk ʼbukalogo yogosik werek mende, kirat, nit pasik kinakla anggin werek o. 13Eti paga, kit nen dagakogo nit ninake kinakla ebetni o, yiluk an nenggaerek naʼburi yogisau kak yokisigi o.
“Akoni inendainggen Allah oba panggot digidek mende kinom kunusak dek,” yiluk inasuk wakike wene
14Kit akoni inendainggen Allah oba panggot diligogi dek mende eti, kinom kunggup o. Akoni mot-mot kagarigogi mende inom, inasuk waredek kagarigogi mende inom, kunik dogusak nogo? O liya inom, o amum inom, omanggimo dogusak nogo? Mondok erlok dek o. 15At Kristus Iblis imbisak, inendainggen omanggiat dogusak nogo? Nen, akoni inendainggen Allah oba panggot diligogi mende, it amberek inendainggen Allah oba panggot diligogi dek mende inom kunik dogusak nogo? Mondok erlok dek o. 16At Allah ago palek inom, ngganengge inom, omanggimo dambulusak nogo? At Allah iluk mondok dogoligogo mende ago palek etnogo, nit ninebe arat o. At nen, men yisike,
“It inakla an nago palogo dogogin o. Inaklangge yoma dogogin o. It inombae Allah anat dogogin o. Nen, an naʼburi irat dogogun o,” (Im. 26:12; Yer. 32:38; Yeh. 37:27)
yiluk yisike eti paga, 17ninombae Endaganggok etnogo nenat, omanggi men yisike,
“Kit kinebe it akoni amberek inakla, inakla, werek eti togot diyalok,
nomokogo duki witni o. Duki wagonem, an nen wokinabik nen, weyak mende eti yabunggane kininggi paka unggugup o. (Yes. 52:11; Yeh. 20:34, 41)
18An kit kinombaeat dogogin o. Nen, kit an naʼburiat dogogun o,” yiluk ninombae Endaganggok obatneyak dogolik yi mende ndi mende kagasusak arlek etnogo nen yisikemo, (2Sam. 7:14; 1Taw. 17:13; Yer. 31:9)
kolal mbalogo ʼbisuka.
Currently Selected:
2Korintus 6: DNA
Highlight
Copy
Compare
Share
Want to have your highlights saved across all your devices? Sign up or sign in
2Korintus 6
6
1-2At Allah nen, men yisikemo kolal mbalogo ʼbisukama werek.
“An nen, kit kinane nasuk kolusak ambigi pagaat kolki o. Kinebe ndil kinabusak ndak-ndak obaat yamakiya wagi o,” (Yes. 49:8)
yiluk yisike eti, Allah nen ninane asuk kolusak, o yogondak yaat o. Nen, ninebe ndil ninabusak, o yogondak yaat o,” yiluk kinakla ebetni o. Eti paga, nit Allah ninom at ake kagako dogolik, at obabut pano nen ninaʼbuwa kasikemo, at ebe waganggigip etnogo, we yugunat elamakup o, yiluk kinasuk warigogi o. 3Akoni amberek nen,
“Kit Allah ake kagarigogi eti nggorlo kagarigogi o,” yiluk ninabok weyak mbalunogo yiluk, akoni amberek weyak kagasuwagaluk inakla nggagalogo yi mende ndi mende nggorloʼba kagarigogi dek. 4Akoni nen,
“It Allah nen inayonggo ʼbisikemo, at ake kagako dogusak mendeat kagarigogi,” yiluk didinanuwagaluk, yi aik ndi aik kagat ninakik, wiyik-weyakogo kagat ninakik, umunet niyigik, kagako nggorlek, ninobakanini kambuk yiluk dogolik yi mende ndi mende enggagat kagarigogi o. 5Ndugi ninakik, nininggi kerle warogo o kerle warogo ʼbiyiligogoma ʼbinanggik, akoni dogalegat nen ninoba wiyik-weyakogo ninasusak kagat lagik, kagako nggorlek werek. Yabu set weyak kagakik, noge yusak degat agik, kimbiri abu agik, kagako lago. 6Esigit diluk kagako dogoligat, ninobabut weyak kagakidek nggarelek dogolik, pano wene ninilu welagik, ninobakanini kambugiluk welagik, ninobabut enago welagik, kagarigogi. At Allah Agurengge ninakla dogolik akoni inebe eberogonat inaʼbuwarogo werek o. 7Esigit diluk dogolik, Allah obatne paga ebe wene yogisilik liligogi. Yogisilik noko dogolik, akoni nen,
“Sike-sege nininggi pelak-pelak pago werek o,” yiluk yiligogi kak, nit Allah akla warlok mende kagako dogolik, nininggi pelak-pelak pago werek o. 8It amberek nen pogot ninakik, ninabok pano yigik, kagako nggorlek, it amberek nen mbet nisigik, ninabok weyak mbalkik, kagarigogi. Wene eberogonat yogisasi nggorlek mende,
“Inenggalat nuket ninabigogi,” yiluk mbet nisiligogiat. 9Akoni nen ninebe inonggodek mende salek, taʼbokogonat nen inilu werek. Ninebe watlasuwagaluk pak ninabigogi mendeat, niniluk werek. Yi aik ndi aik kagat ninako nggorlegat, ninebe mondok watlagidek werek, eti kani! 10Ninakla weyak dogoligat, ninakla arlenggen kasi mondok werek. Yi mende ndi mende nininggimo dek mende, akoni dogalegat pano mende inilumo asuwagaluk kagat diyaligogi. Ninamende mondok dek mende, ebe pano mende taʼbokogonat inde agosik werek.
11Esigit diluk dogolik, kit akoni Korintus mende, nagarlagi nirugi o. An nakla wene agake sebelogo ʼbigidek mondok taʼbokogo yokisigi o. Kit kinake an nakla wene arat liyaʼbi wagi o. 12Nit nen kit pasik, ninakla wene esigit diluk ʼbukalogo yogosik werek mende, kirat, nit pasik kinakla anggin werek o. 13Eti paga, kit nen dagakogo nit ninake kinakla ebetni o, yiluk an nenggaerek naʼburi yogisau kak yokisigi o.
“Akoni inendainggen Allah oba panggot digidek mende kinom kunusak dek,” yiluk inasuk wakike wene
14Kit akoni inendainggen Allah oba panggot diligogi dek mende eti, kinom kunggup o. Akoni mot-mot kagarigogi mende inom, inasuk waredek kagarigogi mende inom, kunik dogusak nogo? O liya inom, o amum inom, omanggimo dogusak nogo? Mondok erlok dek o. 15At Kristus Iblis imbisak, inendainggen omanggiat dogusak nogo? Nen, akoni inendainggen Allah oba panggot diligogi mende, it amberek inendainggen Allah oba panggot diligogi dek mende inom kunik dogusak nogo? Mondok erlok dek o. 16At Allah ago palek inom, ngganengge inom, omanggimo dambulusak nogo? At Allah iluk mondok dogoligogo mende ago palek etnogo, nit ninebe arat o. At nen, men yisike,
“It inakla an nago palogo dogogin o. Inaklangge yoma dogogin o. It inombae Allah anat dogogin o. Nen, an naʼburi irat dogogun o,” (Im. 26:12; Yer. 32:38; Yeh. 37:27)
yiluk yisike eti paga, 17ninombae Endaganggok etnogo nenat, omanggi men yisike,
“Kit kinebe it akoni amberek inakla, inakla, werek eti togot diyalok,
nomokogo duki witni o. Duki wagonem, an nen wokinabik nen, weyak mende eti yabunggane kininggi paka unggugup o. (Yes. 52:11; Yeh. 20:34, 41)
18An kit kinombaeat dogogin o. Nen, kit an naʼburiat dogogun o,” yiluk ninombae Endaganggok obatneyak dogolik yi mende ndi mende kagasusak arlek etnogo nen yisikemo, (2Sam. 7:14; 1Taw. 17:13; Yer. 31:9)
kolal mbalogo ʼbisuka.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in