2Korintus 10
10
Paulus nen, “An nen Allah eyabu esigit diluk kagako lagi,” yiluk yogisasike wene
1-2An Paulus Kristus obabut enago pano etnogo obabut waganogo, nenggaerek nen wene omanggi kinasuk wasik. It amberek nen,
“At ebe korokogo ninom dogolik, obabut yanggokogo wene yoknisiligogo. Mende, ebe walegat dogolik, obabut ayuk dek ane obatnerogo yoknisiligogo,” yiluk yiligogi mende etnogo yabunggane kinoba witluk nen nobabut nayuk dek dogolik nane obatnerogo yokisaunogo yiluk, didanubagik nen yiluk nane yanggokogo yokisigi. It eti nen,
“Paulus agarlagi inom eti, akoni inobabut inikogat dogolik inobabut waganogo kagarigogi,” yiluk ninabok weyak mbaligogi mende eti, nobabut nayuk dek nane obatnerogo mberisa wisigin yiluk nakla ambasi lagi. 3Nit ninebe agat oba dogolik, akoni sike sege paga wim abigogi kak abigogi dek o. 4-5Nit wim abigogi eti ebe, akoni inasike inarege paga abigogi ʼbuk. Allah obatne werek dogoligogo mende etnogo asike arege paga, o wim ilugunmo obatnerogo palek mende eti, erlok miyalusak eti paga abigogi o. It akoni amberek inakla nen,
“Allah eti ebe ninaʼit o. It akoni amberek at ebe inilu asusak degat o,” yiluk inenggaerek nen pogorakaligogi mende eti, nit nen sike sege eti paga erlok sebel diyausagat o. Nen, akoni inendainggen weat mende paga eberigogi mende eti, nit nen sike sege eti paga Kristus ane kologo kagasuwagaluk apma erlok ʼbiya wisusagat o. 6Nit nen, kit Allah wene ʼbogokogo kologo mondok kagarigogi kalok, nggarelogo ʼbinagasi dogolik, it amberek at ane inasuk koluʼbuk mende wene inoba ʼbuwogoluk werek o. 7An nen wene selekma mende yigin yi, didino. At omanggi akla nen,
“An nebe Kristus mende werek,” yiluk didisi kalok, at nen aren mbalasi dogolik,
“An nebe Kristus mende kak, it Paulus agarlagi inom esigit dilugat,” yiluk diduwak o. 8Ninewe Endaganggok nen, an nen weyagat kinabuwagaluk inde danggemo ʼbuk. Kinendainggen korlet kinabuwagaluk, inde danggemo werek eti ake nggogat pogorakaligogo kalok, nenggarli asigin dek o. 9-10Akoni kit mende amberek nen,
“Paulus eti ebe walegat dogolik kolal mbalogo laʼbi wagonem, ane togot dusak dek. Obatnerogo yoknisiligogo. Mende, ebe witluk ninom dogolik ebe yanggolek dogolik, ane yisinem, inasuk kolusak inaʼit negen,” yiluk yiligogi mende, wene kolal mbalogo kinoba laʼbi wago lagi eti, kit kinakla nen,
“Ninayuk mondok asuwagaluk laʼbi wirigogo,” yiluk ambaunogo yiluk yokisigi o. 11Nit yabunggane witluk nen, it esigit diluk yiligogi mende eti, ninebe walegat dogolik wene kolal mbalogo laʼbi wago mende ndak-ndagat kagasi wisugun eti paga, didiluk dogowak o.
12Nit nen, it amberek inenggaerek nen,
“An pano,” yiluk inendainggen nen pogorakaligogi mende eti, ninom wenak ninabusak, nayuk. An nenggaerek naren mbalogo nen nebe it ninom ndak-ndak yu nayugat o. Eti it nen,
“Inobabut pano waganusak mende, nirat,” yiluk yigik, akoni it mende mondok it-it inaren mbaligik, kagarigogi eti, inebe nggembu nen yiligogi o. 13Nit ninobabut, it kak, dek o. Nit ninobabut nineyabu Allah nen kurli warogo woknisasike eti paga kagako dogolik, sikmangge mende ake pogorakidek, kurli mbalogo woknisasike mende pasigat pogorarigogi o. Kit kinebe, nineyabu kurli mbalogo woknisasike eti mendeat werek o. 14Kit kinebe Allah nen yabu kurli mbalogo woknisasike paga werek eti paga, pano wene Kristus nen kagakike wene etnogo wolok, yogisilik lalok kurli kit kinoba wagagu eti, kurli mbalek mende sebelogo wagagu dek o. 15Allah nen esigit diluk nineyabu kurli mbalogo woknisasike mende sebelogo ʼbiluk aka mbok lalok, it amberek kagaka mende, an kagaki salek pogorakaligogi dek o. Kit kinendainggen Allah oba panggot diligogi mende eti amberek inom korle agonem, o kit werekmangge Allah nen kurli mbalogo nit woknisasike paga, yabu nggokogo kagako dogogun ambaligogi o. 16Esigit diluk kagako dogoluk, Allah nen it amberek ineyabu kurli mbalogo wogisasikemo kagaka mendeat, nit kagako salek pogorakaunogo yiluk, kit kinaguma abel elomangge, etoma wene pano wene yogisilik noko dogogun ambaligogi o.
17Allah wene kolal men yiluk mbalek werek,
“Akoni nen yi mende ndi mende ake pogorasuwogoluk kalok, ninewe Endaganggok kagakike eti ake pogorasusak o,” (Yer. 9:24)
yiluk yisike. 18Akoni inenggaerek nen pogorakaligogi mende eti Allah nen pano yiluk woginabigogo ʼbuk. At te, at ninewe Endaganggok nen pogorinabigogo mende kalok pano yiluk woginabigogo o.
Currently Selected:
2Korintus 10: DNA
Highlight
Copy
Compare
Share
Want to have your highlights saved across all your devices? Sign up or sign in
2Korintus 10
10
Paulus nen, “An nen Allah eyabu esigit diluk kagako lagi,” yiluk yogisasike wene
1-2An Paulus Kristus obabut enago pano etnogo obabut waganogo, nenggaerek nen wene omanggi kinasuk wasik. It amberek nen,
“At ebe korokogo ninom dogolik, obabut yanggokogo wene yoknisiligogo. Mende, ebe walegat dogolik, obabut ayuk dek ane obatnerogo yoknisiligogo,” yiluk yiligogi mende etnogo yabunggane kinoba witluk nen nobabut nayuk dek dogolik nane obatnerogo yokisaunogo yiluk, didanubagik nen yiluk nane yanggokogo yokisigi. It eti nen,
“Paulus agarlagi inom eti, akoni inobabut inikogat dogolik inobabut waganogo kagarigogi,” yiluk ninabok weyak mbaligogi mende eti, nobabut nayuk dek nane obatnerogo mberisa wisigin yiluk nakla ambasi lagi. 3Nit ninebe agat oba dogolik, akoni sike sege paga wim abigogi kak abigogi dek o. 4-5Nit wim abigogi eti ebe, akoni inasike inarege paga abigogi ʼbuk. Allah obatne werek dogoligogo mende etnogo asike arege paga, o wim ilugunmo obatnerogo palek mende eti, erlok miyalusak eti paga abigogi o. It akoni amberek inakla nen,
“Allah eti ebe ninaʼit o. It akoni amberek at ebe inilu asusak degat o,” yiluk inenggaerek nen pogorakaligogi mende eti, nit nen sike sege eti paga erlok sebel diyausagat o. Nen, akoni inendainggen weat mende paga eberigogi mende eti, nit nen sike sege eti paga Kristus ane kologo kagasuwagaluk apma erlok ʼbiya wisusagat o. 6Nit nen, kit Allah wene ʼbogokogo kologo mondok kagarigogi kalok, nggarelogo ʼbinagasi dogolik, it amberek at ane inasuk koluʼbuk mende wene inoba ʼbuwogoluk werek o. 7An nen wene selekma mende yigin yi, didino. At omanggi akla nen,
“An nebe Kristus mende werek,” yiluk didisi kalok, at nen aren mbalasi dogolik,
“An nebe Kristus mende kak, it Paulus agarlagi inom esigit dilugat,” yiluk diduwak o. 8Ninewe Endaganggok nen, an nen weyagat kinabuwagaluk inde danggemo ʼbuk. Kinendainggen korlet kinabuwagaluk, inde danggemo werek eti ake nggogat pogorakaligogo kalok, nenggarli asigin dek o. 9-10Akoni kit mende amberek nen,
“Paulus eti ebe walegat dogolik kolal mbalogo laʼbi wagonem, ane togot dusak dek. Obatnerogo yoknisiligogo. Mende, ebe witluk ninom dogolik ebe yanggolek dogolik, ane yisinem, inasuk kolusak inaʼit negen,” yiluk yiligogi mende, wene kolal mbalogo kinoba laʼbi wago lagi eti, kit kinakla nen,
“Ninayuk mondok asuwagaluk laʼbi wirigogo,” yiluk ambaunogo yiluk yokisigi o. 11Nit yabunggane witluk nen, it esigit diluk yiligogi mende eti, ninebe walegat dogolik wene kolal mbalogo laʼbi wago mende ndak-ndagat kagasi wisugun eti paga, didiluk dogowak o.
12Nit nen, it amberek inenggaerek nen,
“An pano,” yiluk inendainggen nen pogorakaligogi mende eti, ninom wenak ninabusak, nayuk. An nenggaerek naren mbalogo nen nebe it ninom ndak-ndak yu nayugat o. Eti it nen,
“Inobabut pano waganusak mende, nirat,” yiluk yigik, akoni it mende mondok it-it inaren mbaligik, kagarigogi eti, inebe nggembu nen yiligogi o. 13Nit ninobabut, it kak, dek o. Nit ninobabut nineyabu Allah nen kurli warogo woknisasike eti paga kagako dogolik, sikmangge mende ake pogorakidek, kurli mbalogo woknisasike mende pasigat pogorarigogi o. Kit kinebe, nineyabu kurli mbalogo woknisasike eti mendeat werek o. 14Kit kinebe Allah nen yabu kurli mbalogo woknisasike paga werek eti paga, pano wene Kristus nen kagakike wene etnogo wolok, yogisilik lalok kurli kit kinoba wagagu eti, kurli mbalek mende sebelogo wagagu dek o. 15Allah nen esigit diluk nineyabu kurli mbalogo woknisasike mende sebelogo ʼbiluk aka mbok lalok, it amberek kagaka mende, an kagaki salek pogorakaligogi dek o. Kit kinendainggen Allah oba panggot diligogi mende eti amberek inom korle agonem, o kit werekmangge Allah nen kurli mbalogo nit woknisasike paga, yabu nggokogo kagako dogogun ambaligogi o. 16Esigit diluk kagako dogoluk, Allah nen it amberek ineyabu kurli mbalogo wogisasikemo kagaka mendeat, nit kagako salek pogorakaunogo yiluk, kit kinaguma abel elomangge, etoma wene pano wene yogisilik noko dogogun ambaligogi o.
17Allah wene kolal men yiluk mbalek werek,
“Akoni nen yi mende ndi mende ake pogorasuwogoluk kalok, ninewe Endaganggok kagakike eti ake pogorasusak o,” (Yer. 9:24)
yiluk yisike. 18Akoni inenggaerek nen pogorakaligogi mende eti Allah nen pano yiluk woginabigogo ʼbuk. At te, at ninewe Endaganggok nen pogorinabigogo mende kalok pano yiluk woginabigogo o.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in