1Timotius 5
5
Timotius nen Allah aʼburi mende amberek, ewe agot negen yogisasi dogowagaluk yogokike wene
1Kat nen, ap inarluwendek kalok, kane obatnerogo yogisigidek, kombaelak negen kane liyokogonat inasuk wako dogono o. Nen, elege eti, kagarlagi kinom negen kinom welagik, 2kumi inarluwendek eti kagoyalak kinom negen kinom welagik, kumi ndugum mende inom komagarligi sarlisik mende inom, kirugi negenat, kakla weyak mende ebekidek kilaga iyokogo kinom welagik, kagako dogolik, inasuk panorogo wako dogono o.
Kumi soge mende yamagiyasi dogowagaluk yogokike wene
3Nen, kumi soge akoni it mende nen yamagiyausak mende dekma inarligat werek mende kalogat, inalon palko dogono o. 4Esigit diluk mende, it soge mende eti ineyagi, inombai endago mende amberek werek kalok, it eti nenat,
“Nit ninebe erlo omanggiat nen endago mende,” yiluk, it nen kagasusak mende yanggul uwak o. Eti at Allah akla nen,
“An napma dogolik, inombaelak nen nggogorinako laguka kak, onggo it ndak panorogo yamagiyasi dogusak o,” yiluk akla warlok ambaligogo eti paga, esigit dilugat yamagiyasi dogowak o. 5Mende, kumi soge eberogonat akoni erlo it mende dekma inarligat dogolik,
“Allah nenat yamak niyagin,” yiluk, inendainggen at oba panggot diluk, dinggagane kibanggone ayonggo ʼbigik, nggino yogokik, kagako mondok dogoligogi o. 6Mende, it kumi soge amberek it warlok mende, yugunat kagarigogi mende eti inebe iniluk werek mende, warek negen werek o. 7Kumi soge eti pasik, it amberek nen wene inoba ʼbigidek pano dogowagaluk, wene etiat inasuk panorogo wako dogono. 8It ap amberek nen Allah wene eberogonat yiluk waganggukasik dogoligat, inenggaerek inaʼburi etiat nggogot diluk yamagiyigik, akoni erlo it mende kalok amberek inomat yamagiyigik, kagakidek kalok, Allah wene togot diyalok dukisukasik negenat werek o. It akoni sikmangge mende nen wene waganggidek dogolik, weyak ʼbugurlagat negen kagarigogi mende, it eti wene waganggukasik nen, akoni it mende yamagiyigidek eti paga, weyak nggogat kagarigogi o.
9It kumi soge mende Allah aʼburi nen yamagiyasi dogowagaluk inendaga kolal mbalugun kalok, inebe endak lagukasik oba nen umur 60 tahun awan kagat lagidek mende inendaga mbalusak dek o. At te, umur 60 tahun arat kagat lagaka mende kalok inendaga kolal mbalusak. Mende, inagoni omanggiat mondok waganek werekma soge ʼbiyega mende kalok, inendaga mbalusak. 10It akoni amberek nen it kumi soge mende eti inabok yisi dogolik,
“It inobabut pano kagarigogi,” yiluk yiligogi mende kalok, inendaga kolal mbalusak. Pano kagarigogi eti inenggaerek ineyagi panorogo nggogorinakik, ap kuso wagonem inebe panorogo woginakik, Allah aʼburi amberek iniyok oba sobal inakik, it amberek weyak werekma yamagiyigik, ininggi omanggi puk agidek yi mende ndi mende yamagiyasi mondok welagik, kagarigogo mende kalok, inendaga kolal mbalusak o. 11It kumi soge ndugum awan mende eti, Kristus inom kunik werek mende, togot diyalok, inoba aganggen nen inendainggen sebelusak dek asumo, ap omanggi waganusak eti paga inendaga kolal mbalkup o. 12It eti soge ʼbiyasinem, it nen,
“Nit ninobabut Kristus ake arlek ninilaga iyokogo kagako dogogun o,” yiluk nen, yabunggane esigit diluk kagakidek togot diyasi kalok, inenggaerek nen wene inoba ʼbakagun o. 13Esigit diluk kagako dogolik, inobabut ininggi waganuʼbuk o ya unggigik nda unggigik liligogi. Lago dogolik, amberek weyak mondok men kagarigogi. Inane kusumbi weyak yisi dogolik, it amberek inawene mendeat kambokogo yigik, wene amberek yusak dek mende ninat mende yigik, yilik liligogi o. 14-15Eti paga, it kumi soge amberek Iblis omborlik korla lagaka eti paga, it amberek nit Allah aʼburi ninom wim mbalek negen mende nen ninabok weyak mbalunogo yiluk, it kumi soge ndugumndek eti inagoni dombok woginabiluk nen, ineyagi endagogo panorogo nggarelogo pagisek dogowagaluk yigi o. 16Mende, kwe omanggi endainggen Allah oba panggot diluk werek mende agoya soge mende werek kalok, Allah aʼburi taʼbokogonat inoba anggin asunogo yiluk, at nenat yamakasi dogusak o. Yamakasi nggorlek, it Allah aʼburi taʼbokogonat nen, kumi soge mende amberek akoni it mende nen yamagiyausak dek mende kalok, yamagiyasi dogusak o.
Yi mende ndi mende pasik asuk wakike wene
17-18Allah nen men yisikemo kolal mbalogo ʼbisi dogolik,
“Sapi iyok nen gandum owado olin ndamelogo enggen yibilko dogolik amberek naunogo yiluk ambe kerle wasusak dek o. Amberek nowagaluk togot diyasi dogono,” (Ul. 25:4)
yiluk yisikemo, kolal mbalogo ʼbisuka o. Nen, omanggi,
“Akoni nen yabu yi mende ndi mende pasik kagakonem, ininggi onggo wogisasi dogusak o,” (Luk. 10:7)
yiluk yisikemo kolal mbalogo ʼbisukaat. Eti paga, ap Allah aʼburi panorogo pagisek dogoligogi mende eti, it Allah aʼburi taʼbokogonat nen,
“Ininggi onggo arat yamagiyogo,” yiluk ambigidek, amberek inomat oba dukogo yamagiyasi dogusak o. Esigit diluk kagako dogolik, nggok kak, it amberek Allah wene inobatnerogo yogisigik, yanggul isigik, kagarigogi mende eti inalon palogo yamagiyasi dogusak o. 19Akoni amberek nen,
“At Allah aʼburi inanggorlem werek mende etnogo weyak kagakemo,” yiluk, wene oba ʼbuwogoluk kagakonem, inebe mbere a, kenagan a, inilenggen dikogo kega mende nen,
“Eberogonat,” yiluk yisi kalok, wene oba ʼbusak o. Nen, esigit diluk yigidek kalok, wene oba ʼbusak dek o. 20It amberek inayuk asuwagaluk, it eberogonat weyak kagaka mende akoni inil obaat inenggarli warogo inasuk panorogo wako dogono.
21Wene yokigi mende eti, kat nen, akoni amberek kelokoma ʼbiyigik, amberek komborlikngge ʼbiyigik, kagakidek inom ndak-ndagat yogisasi dogono, yiluk Allah inom, Kristus Yesus inom, inil obaat, malaikat Allah nen miginakikesik yonggo wusa ʼbiya wirigogo mende inom, inil obaat yokigi o. 22Akoni amberek Allah ake kagako dogowagaluk, inunggulowak ibat-ibat sebelinako dogogup o. Nen, it amberek weyak kagakonem kinom kagakidek kilaga iyokogo dogono o. 23U nen kibitngge-yogonggeat kobatne dek arigogo etnogo nen kelabut ake i arlek nasi dogogup. Anggur enggen ambusu amberek ʼbugurlagat inom nasi dogono.
24It akoni amberek weyak kagarigogi mende eti, wene inoba ʼbigik nggokik kagarigogoma awan lagidekma, selekma arigogo o. Nen, it amberek weyak kagarigogi mende sebelek dogoluk nen yabunggane selekma asigin mende werek o. 25Eti kak, it amberek pano kagarigogi mende ibat selekma arigogo o. It amberek esigit diluk pano kagakonem limago mondok dogogin dek o. Selekma asiginat o.
Currently Selected:
1Timotius 5: DNA
Highlight
Copy
Compare
Share
Want to have your highlights saved across all your devices? Sign up or sign in
1Timotius 5
5
Timotius nen Allah aʼburi mende amberek, ewe agot negen yogisasi dogowagaluk yogokike wene
1Kat nen, ap inarluwendek kalok, kane obatnerogo yogisigidek, kombaelak negen kane liyokogonat inasuk wako dogono o. Nen, elege eti, kagarlagi kinom negen kinom welagik, 2kumi inarluwendek eti kagoyalak kinom negen kinom welagik, kumi ndugum mende inom komagarligi sarlisik mende inom, kirugi negenat, kakla weyak mende ebekidek kilaga iyokogo kinom welagik, kagako dogolik, inasuk panorogo wako dogono o.
Kumi soge mende yamagiyasi dogowagaluk yogokike wene
3Nen, kumi soge akoni it mende nen yamagiyausak mende dekma inarligat werek mende kalogat, inalon palko dogono o. 4Esigit diluk mende, it soge mende eti ineyagi, inombai endago mende amberek werek kalok, it eti nenat,
“Nit ninebe erlo omanggiat nen endago mende,” yiluk, it nen kagasusak mende yanggul uwak o. Eti at Allah akla nen,
“An napma dogolik, inombaelak nen nggogorinako laguka kak, onggo it ndak panorogo yamagiyasi dogusak o,” yiluk akla warlok ambaligogo eti paga, esigit dilugat yamagiyasi dogowak o. 5Mende, kumi soge eberogonat akoni erlo it mende dekma inarligat dogolik,
“Allah nenat yamak niyagin,” yiluk, inendainggen at oba panggot diluk, dinggagane kibanggone ayonggo ʼbigik, nggino yogokik, kagako mondok dogoligogi o. 6Mende, it kumi soge amberek it warlok mende, yugunat kagarigogi mende eti inebe iniluk werek mende, warek negen werek o. 7Kumi soge eti pasik, it amberek nen wene inoba ʼbigidek pano dogowagaluk, wene etiat inasuk panorogo wako dogono. 8It ap amberek nen Allah wene eberogonat yiluk waganggukasik dogoligat, inenggaerek inaʼburi etiat nggogot diluk yamagiyigik, akoni erlo it mende kalok amberek inomat yamagiyigik, kagakidek kalok, Allah wene togot diyalok dukisukasik negenat werek o. It akoni sikmangge mende nen wene waganggidek dogolik, weyak ʼbugurlagat negen kagarigogi mende, it eti wene waganggukasik nen, akoni it mende yamagiyigidek eti paga, weyak nggogat kagarigogi o.
9It kumi soge mende Allah aʼburi nen yamagiyasi dogowagaluk inendaga kolal mbalugun kalok, inebe endak lagukasik oba nen umur 60 tahun awan kagat lagidek mende inendaga mbalusak dek o. At te, umur 60 tahun arat kagat lagaka mende kalok inendaga kolal mbalusak. Mende, inagoni omanggiat mondok waganek werekma soge ʼbiyega mende kalok, inendaga mbalusak. 10It akoni amberek nen it kumi soge mende eti inabok yisi dogolik,
“It inobabut pano kagarigogi,” yiluk yiligogi mende kalok, inendaga kolal mbalusak. Pano kagarigogi eti inenggaerek ineyagi panorogo nggogorinakik, ap kuso wagonem inebe panorogo woginakik, Allah aʼburi amberek iniyok oba sobal inakik, it amberek weyak werekma yamagiyigik, ininggi omanggi puk agidek yi mende ndi mende yamagiyasi mondok welagik, kagarigogo mende kalok, inendaga kolal mbalusak o. 11It kumi soge ndugum awan mende eti, Kristus inom kunik werek mende, togot diyalok, inoba aganggen nen inendainggen sebelusak dek asumo, ap omanggi waganusak eti paga inendaga kolal mbalkup o. 12It eti soge ʼbiyasinem, it nen,
“Nit ninobabut Kristus ake arlek ninilaga iyokogo kagako dogogun o,” yiluk nen, yabunggane esigit diluk kagakidek togot diyasi kalok, inenggaerek nen wene inoba ʼbakagun o. 13Esigit diluk kagako dogolik, inobabut ininggi waganuʼbuk o ya unggigik nda unggigik liligogi. Lago dogolik, amberek weyak mondok men kagarigogi. Inane kusumbi weyak yisi dogolik, it amberek inawene mendeat kambokogo yigik, wene amberek yusak dek mende ninat mende yigik, yilik liligogi o. 14-15Eti paga, it kumi soge amberek Iblis omborlik korla lagaka eti paga, it amberek nit Allah aʼburi ninom wim mbalek negen mende nen ninabok weyak mbalunogo yiluk, it kumi soge ndugumndek eti inagoni dombok woginabiluk nen, ineyagi endagogo panorogo nggarelogo pagisek dogowagaluk yigi o. 16Mende, kwe omanggi endainggen Allah oba panggot diluk werek mende agoya soge mende werek kalok, Allah aʼburi taʼbokogonat inoba anggin asunogo yiluk, at nenat yamakasi dogusak o. Yamakasi nggorlek, it Allah aʼburi taʼbokogonat nen, kumi soge mende amberek akoni it mende nen yamagiyausak dek mende kalok, yamagiyasi dogusak o.
Yi mende ndi mende pasik asuk wakike wene
17-18Allah nen men yisikemo kolal mbalogo ʼbisi dogolik,
“Sapi iyok nen gandum owado olin ndamelogo enggen yibilko dogolik amberek naunogo yiluk ambe kerle wasusak dek o. Amberek nowagaluk togot diyasi dogono,” (Ul. 25:4)
yiluk yisikemo, kolal mbalogo ʼbisuka o. Nen, omanggi,
“Akoni nen yabu yi mende ndi mende pasik kagakonem, ininggi onggo wogisasi dogusak o,” (Luk. 10:7)
yiluk yisikemo kolal mbalogo ʼbisukaat. Eti paga, ap Allah aʼburi panorogo pagisek dogoligogi mende eti, it Allah aʼburi taʼbokogonat nen,
“Ininggi onggo arat yamagiyogo,” yiluk ambigidek, amberek inomat oba dukogo yamagiyasi dogusak o. Esigit diluk kagako dogolik, nggok kak, it amberek Allah wene inobatnerogo yogisigik, yanggul isigik, kagarigogi mende eti inalon palogo yamagiyasi dogusak o. 19Akoni amberek nen,
“At Allah aʼburi inanggorlem werek mende etnogo weyak kagakemo,” yiluk, wene oba ʼbuwogoluk kagakonem, inebe mbere a, kenagan a, inilenggen dikogo kega mende nen,
“Eberogonat,” yiluk yisi kalok, wene oba ʼbusak o. Nen, esigit diluk yigidek kalok, wene oba ʼbusak dek o. 20It amberek inayuk asuwagaluk, it eberogonat weyak kagaka mende akoni inil obaat inenggarli warogo inasuk panorogo wako dogono.
21Wene yokigi mende eti, kat nen, akoni amberek kelokoma ʼbiyigik, amberek komborlikngge ʼbiyigik, kagakidek inom ndak-ndagat yogisasi dogono, yiluk Allah inom, Kristus Yesus inom, inil obaat, malaikat Allah nen miginakikesik yonggo wusa ʼbiya wirigogo mende inom, inil obaat yokigi o. 22Akoni amberek Allah ake kagako dogowagaluk, inunggulowak ibat-ibat sebelinako dogogup o. Nen, it amberek weyak kagakonem kinom kagakidek kilaga iyokogo dogono o. 23U nen kibitngge-yogonggeat kobatne dek arigogo etnogo nen kelabut ake i arlek nasi dogogup. Anggur enggen ambusu amberek ʼbugurlagat inom nasi dogono.
24It akoni amberek weyak kagarigogi mende eti, wene inoba ʼbigik nggokik kagarigogoma awan lagidekma, selekma arigogo o. Nen, it amberek weyak kagarigogi mende sebelek dogoluk nen yabunggane selekma asigin mende werek o. 25Eti kak, it amberek pano kagarigogi mende ibat selekma arigogo o. It amberek esigit diluk pano kagakonem limago mondok dogogin dek o. Selekma asiginat o.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in