1Yohanes 2
2
“Kristus ebe nit ninake kurli paga dogoligogo,” yiluk yogisasike wene
1Nen, naʼburi o. Kit weyak kagako dogunogo yiluk, wene yi kolal mbalogo kinoba laʼbi wagi o. Esigit diluk mende, ta nen weyak kagako kalok, ninombae Allah werekma nit yamak niyaligogo mende ap omanggi ninake kurli paga werek. At eti ebe Yesus Kristus obabut motogo kagarigogo mende etnogoat o. 2At ebe esigit diluk kurli paga dogolik, nit yi weyak ndi weyak kagarigogi mende sagalogo deget diyalok kot ninabigogo o. Esigit diluk kot ninabigogo eti, nit weyak kagarigogi mende ninake arlek ʼbuk. At te, yi akoni ndi akoni agat oba mende taʼbokogonat weyak kagarigogi mende inake inomat kot ninabigogo o. 3Wene Allah nen ninasuk warigogo wene eti, kologo motogo kagarigogi kalok, at ebe ninilu o, yiluk eti paga nen ninakla enggerlogo didiligogi o. 4Mende, ta nen,
“An Allah ebe nilu,” yiluk yisi dogoligat, at nen wene ninasuk warigogo wene eti kologo motogo kagakidek kalok, at enggalat yiligogo o. Eti paga, ebe wene eti akla mondok dek o. 5Esigit diluk mende, ta nen Allah wene kol diluk mot-mot kagarigogo kalok, yi mende ndi mende ʼbogokogo kagarigogi eti kak, at eti Allah mondok endainggen kunik dogoligogo o. Nen, nit esigit dilugat werek kalok, nit Allah ninom kunik werek o, yiluk eti pagaat ninakla enggerlogo didiligogi o. 6Nen ta nen,
“An Allah nimbisak kunik werek o,” yiluk yiligogo kalok, obabut at Kristus kagako lagike eti kagat, kagako dogusak o.
Wene ngget wene yogisasike wene
7Nagarlagi, nirugi, kinebe kinaʼbuwa o. Wene ngget wene kinasuk warogo kolal mbalogo kinoba laʼbi wagi ʼbuk. At te, o paganeat Allah nen kinasuk warogo yokisasikemo erlo paga nenat pago dogoligogi mendeat o. Wene eti, at Allah nen kinasuk paganeat wakikemo kolkigip mende etnogoat o. 8Esigit diluk mende, o amum werekma liya arik liligogo eti kak, liya ebe mende yaknisa wagikemo yarigogo eti paga, wene ngget wene kinasuk warogo kinoba laʼbi wagi o. At Kristus nen wene eti motogo kagakonem ebeat agike eti kak, kit nen esigit dilugat, wene eti motogo kagakonem ebeat arigogo o. 9Nen, at ta nen,
“An nebe liya paga werek,” yiluk yisi dogolik, agarlagi irugi inom, mondok aʼit kalok, o paganeat nen logat yogondak ya, at ebe amum obaat werek o. 10Esigit diluk mende, ta nen agarlagi irugi inaʼbuwarogo dogoligogo kalok, at ebe liya paga mondok dogolik, akoni nen it amberek warawagaluk ineramen kolak mbaligogi eti kak, it amberek weyak kagasuwagaluk nuket diyaligogo dek o. 11Esigit diluk mende, ta nen agarlagi irugi mondok aʼit dogoligogo kalok, at ebe o amum oba werek o. Esigit diluk werekma, amum nen ilenggen amumet dekemo ebe o amum oba noko dogolik,
“Nggoma liligogo salegat,” onggodek obake mbalek werek o. 12Naʼburi o. Weyak kagako lagagip mende Allah nen aʼbut Yesus kagakike eti paga sagalogo togot diyasike eti paga, an nen kolal mbalogo kinoba laʼbi wagi o. 13Nombae lak o. At alebagik erlo paga nen dogoligogo mende etnogo ebe kinilu agagisip werek eti paga, kolal mbalogo kinoba laʼbi wagi. Nen, elege nagoromi o. Kit nen at obabut weyak mende etnogo arat obatne deget diyasigisip werek eti paga, kolal mbalogo kinoba laʼbi wagi o. 14Elege naʼburi o. Ninombae Allah kinilu agagisip werek eti paga, kolal mbalogo kinoba laʼbi wagik, kit nombae lak, at alebagik erlo paga nen dogoligogo mende etnogo ebe kinilu agagisip werek eti paga, kolal mbalogo kinoba laʼbi wagik, kit elege nagoromi, kit kinobatne werekma Allah wene kinakla werekmaat, at obabut weyak mende arat obatne deget disigip eti paga, kolal mbalogo kinoba laʼbi wagik, kagaki o.
15Mende, akoni agat oba mende inobabut inikok kagarigogi mende eti inom, yi mende ndi mende agat oba dogoligogo mende eti inom, kinendainggen kunik dogusak mondok dek o. Ta nen it akoni agat oba mende inobabut inikok kagarigogi mende eti endainggen kunik werek kalok, ninombae Allah endainggen kunik werek mondok dek o. 16Nen, akoni agat oba mende inobabut inikok kagarigogi, inoba aganggen dagigik, yi mende ndi mende inilenggen nen kalok warlok ambigik, agat oba mende pasik pogorakigik, kagarigogi eti taʼbokogonat, erlo ninombae Allah ʼbuk. Erlo agat oba mendeat o. 17Akoni agat oba mende inobabut inikok kagarigogi eti inom, yi mende ndi mende warlok yiluk kagarigogi eti inom, dek arik wirigogo mende, akoni Allah akla warlok ambaligogo mende kagarigogi mende etiat iniluk mondok dogogun o.
“Akoni amberek Kristus inom mondok weyak mende selekma agakasik werek,” yiluk yogisasike wene
18Naʼburi o. O yogondak, o ilugun oba werek o. Akoni amberek nen,
“Yabunggane ap omanggi Kristus inom mondok weyak mende wisigin,” yiluk yokisasukama, kinasuk kolkigip eti kak, o yogondak,
Kristus inom weyak mende inebe dogalegat arat selekma asi wagakasik werek eti paga, nit nen,
“O yogondak eberogonat ilugun oba werek o,” yiluk ninendainggen engget latluk didiligogi o. 19It akoni eti inebe, nit mende mbalek mende, it inebe eberogonat nit werekmangge mende dek o. It inebe eberogonat nit werekmangge mende dogolepma, inebe nit ninom mondogat dogolep. Mende, Allah akla nen,
“It eti inebe taʼbokogonat kit mende dek, ninat mende enggagat kagat lasuwak,” yiluk ambasike paga dukisuka o. 20Esigit diluk mende, kirat, Yesus Kristus Allah nen enggaerek ʼbakasike mende etnogo nen Allah Agurengge wokisasikemo ebeat wene kinebe taʼbokogonat kinilu agagisip werek o. 21An nen wene kolal mbalogo kinoba laʼbi wagi eti, ebe wene kinonggodek nen ʼbuk. Kinilu werek eti pagaat laʼbi wagi o. Nen, inenggalat yiligogi eti erlo, Allah ebeat mende nen ʼbuk. Erlo ninat, yiluk kiniluat o. 22At enggalat yiligogo mende eti ebe ta ambegep. At eti nen,
“Yesus ebe Kristus dek o,” yiluk nggolelogo laʼbiyaligogo mende eti dek nogo? Etiat o. At Kristus inom mondok weyak mende ebe, ninombae Allah aʼbut Yesus inom inebe nggolelogo laʼbiyaligogo mende etiat o. 23Ta nen,
“Allah aʼbut eti ebe naʼit,” yiluk nggolelogo laʼbisi kalok, ombae Allah ebe waganggidegat o. Nen, ta nen,
“Allah aʼbut ebe etiat o,” yiluk ane ʼbukakogo yisi kalok, ombae Allah ebe waganggeat o. 24Nen, kit, wene alebat kinasuk kolkigip mende eti, kinakla waganiluk nen, eberek mondogat dogono. Eberek dogogun kalok, kinebe ninombae Allah aʼbut Yesus imbisak kinom kunik dogogun o. 25Nen, at enggaerek nen,
“Wokisagin,” yiluk abok yoknisasike etnogo, ninebe naberlal-kaberlal kagat ninabigiluk yisike o.
26Wene yi taʼbokogonat it akoni kit nuket dinaguwogoluk walkiligogi mende pasik kolal mbalogo kinoba laʼbi wagi o. 27At Kristus nen Allah Agurengge wokisasikemo kinakla dogolik, yi mende ndi mende pasik, enggalat yanggul kisigidek, eberogonat dombok yanggul kisiligogo eti paga, akoni amberek nen wene kit yanggul kisausak erlok dek o. Wene at nen yanggul kisiligogo mende eti motogonat kagako dogolik, Kristus kinom kunik mondogat dogono o.
28Naʼburi o. Kristus wisigin etinem ebe wagonem, nit ninenggarli agidek, ninayuk degat, at elokoma apma ungguwok nen, kit at kinom kunik mondok dogono o.
29At Kristus Allah aʼbut obabut pano motogo dombok kagarigogo etnogo kinilu kalok, kit kinakla nen,
“It akoni amberek inobabut pano motogo kagarigogi mende inebe dombok Allah aʼburi yabunggane endaginakemo werek,” yiluk kinilu asusagat o.
Currently Selected:
1Yohanes 2: DNA
Highlight
Copy
Compare
Share
Want to have your highlights saved across all your devices? Sign up or sign in
1Yohanes 2
2
“Kristus ebe nit ninake kurli paga dogoligogo,” yiluk yogisasike wene
1Nen, naʼburi o. Kit weyak kagako dogunogo yiluk, wene yi kolal mbalogo kinoba laʼbi wagi o. Esigit diluk mende, ta nen weyak kagako kalok, ninombae Allah werekma nit yamak niyaligogo mende ap omanggi ninake kurli paga werek. At eti ebe Yesus Kristus obabut motogo kagarigogo mende etnogoat o. 2At ebe esigit diluk kurli paga dogolik, nit yi weyak ndi weyak kagarigogi mende sagalogo deget diyalok kot ninabigogo o. Esigit diluk kot ninabigogo eti, nit weyak kagarigogi mende ninake arlek ʼbuk. At te, yi akoni ndi akoni agat oba mende taʼbokogonat weyak kagarigogi mende inake inomat kot ninabigogo o. 3Wene Allah nen ninasuk warigogo wene eti, kologo motogo kagarigogi kalok, at ebe ninilu o, yiluk eti paga nen ninakla enggerlogo didiligogi o. 4Mende, ta nen,
“An Allah ebe nilu,” yiluk yisi dogoligat, at nen wene ninasuk warigogo wene eti kologo motogo kagakidek kalok, at enggalat yiligogo o. Eti paga, ebe wene eti akla mondok dek o. 5Esigit diluk mende, ta nen Allah wene kol diluk mot-mot kagarigogo kalok, yi mende ndi mende ʼbogokogo kagarigogi eti kak, at eti Allah mondok endainggen kunik dogoligogo o. Nen, nit esigit dilugat werek kalok, nit Allah ninom kunik werek o, yiluk eti pagaat ninakla enggerlogo didiligogi o. 6Nen ta nen,
“An Allah nimbisak kunik werek o,” yiluk yiligogo kalok, obabut at Kristus kagako lagike eti kagat, kagako dogusak o.
Wene ngget wene yogisasike wene
7Nagarlagi, nirugi, kinebe kinaʼbuwa o. Wene ngget wene kinasuk warogo kolal mbalogo kinoba laʼbi wagi ʼbuk. At te, o paganeat Allah nen kinasuk warogo yokisasikemo erlo paga nenat pago dogoligogi mendeat o. Wene eti, at Allah nen kinasuk paganeat wakikemo kolkigip mende etnogoat o. 8Esigit diluk mende, o amum werekma liya arik liligogo eti kak, liya ebe mende yaknisa wagikemo yarigogo eti paga, wene ngget wene kinasuk warogo kinoba laʼbi wagi o. At Kristus nen wene eti motogo kagakonem ebeat agike eti kak, kit nen esigit dilugat, wene eti motogo kagakonem ebeat arigogo o. 9Nen, at ta nen,
“An nebe liya paga werek,” yiluk yisi dogolik, agarlagi irugi inom, mondok aʼit kalok, o paganeat nen logat yogondak ya, at ebe amum obaat werek o. 10Esigit diluk mende, ta nen agarlagi irugi inaʼbuwarogo dogoligogo kalok, at ebe liya paga mondok dogolik, akoni nen it amberek warawagaluk ineramen kolak mbaligogi eti kak, it amberek weyak kagasuwagaluk nuket diyaligogo dek o. 11Esigit diluk mende, ta nen agarlagi irugi mondok aʼit dogoligogo kalok, at ebe o amum oba werek o. Esigit diluk werekma, amum nen ilenggen amumet dekemo ebe o amum oba noko dogolik,
“Nggoma liligogo salegat,” onggodek obake mbalek werek o. 12Naʼburi o. Weyak kagako lagagip mende Allah nen aʼbut Yesus kagakike eti paga sagalogo togot diyasike eti paga, an nen kolal mbalogo kinoba laʼbi wagi o. 13Nombae lak o. At alebagik erlo paga nen dogoligogo mende etnogo ebe kinilu agagisip werek eti paga, kolal mbalogo kinoba laʼbi wagi. Nen, elege nagoromi o. Kit nen at obabut weyak mende etnogo arat obatne deget diyasigisip werek eti paga, kolal mbalogo kinoba laʼbi wagi o. 14Elege naʼburi o. Ninombae Allah kinilu agagisip werek eti paga, kolal mbalogo kinoba laʼbi wagik, kit nombae lak, at alebagik erlo paga nen dogoligogo mende etnogo ebe kinilu agagisip werek eti paga, kolal mbalogo kinoba laʼbi wagik, kit elege nagoromi, kit kinobatne werekma Allah wene kinakla werekmaat, at obabut weyak mende arat obatne deget disigip eti paga, kolal mbalogo kinoba laʼbi wagik, kagaki o.
15Mende, akoni agat oba mende inobabut inikok kagarigogi mende eti inom, yi mende ndi mende agat oba dogoligogo mende eti inom, kinendainggen kunik dogusak mondok dek o. Ta nen it akoni agat oba mende inobabut inikok kagarigogi mende eti endainggen kunik werek kalok, ninombae Allah endainggen kunik werek mondok dek o. 16Nen, akoni agat oba mende inobabut inikok kagarigogi, inoba aganggen dagigik, yi mende ndi mende inilenggen nen kalok warlok ambigik, agat oba mende pasik pogorakigik, kagarigogi eti taʼbokogonat, erlo ninombae Allah ʼbuk. Erlo agat oba mendeat o. 17Akoni agat oba mende inobabut inikok kagarigogi eti inom, yi mende ndi mende warlok yiluk kagarigogi eti inom, dek arik wirigogo mende, akoni Allah akla warlok ambaligogo mende kagarigogi mende etiat iniluk mondok dogogun o.
“Akoni amberek Kristus inom mondok weyak mende selekma agakasik werek,” yiluk yogisasike wene
18Naʼburi o. O yogondak, o ilugun oba werek o. Akoni amberek nen,
“Yabunggane ap omanggi Kristus inom mondok weyak mende wisigin,” yiluk yokisasukama, kinasuk kolkigip eti kak, o yogondak,
Kristus inom weyak mende inebe dogalegat arat selekma asi wagakasik werek eti paga, nit nen,
“O yogondak eberogonat ilugun oba werek o,” yiluk ninendainggen engget latluk didiligogi o. 19It akoni eti inebe, nit mende mbalek mende, it inebe eberogonat nit werekmangge mende dek o. It inebe eberogonat nit werekmangge mende dogolepma, inebe nit ninom mondogat dogolep. Mende, Allah akla nen,
“It eti inebe taʼbokogonat kit mende dek, ninat mende enggagat kagat lasuwak,” yiluk ambasike paga dukisuka o. 20Esigit diluk mende, kirat, Yesus Kristus Allah nen enggaerek ʼbakasike mende etnogo nen Allah Agurengge wokisasikemo ebeat wene kinebe taʼbokogonat kinilu agagisip werek o. 21An nen wene kolal mbalogo kinoba laʼbi wagi eti, ebe wene kinonggodek nen ʼbuk. Kinilu werek eti pagaat laʼbi wagi o. Nen, inenggalat yiligogi eti erlo, Allah ebeat mende nen ʼbuk. Erlo ninat, yiluk kiniluat o. 22At enggalat yiligogo mende eti ebe ta ambegep. At eti nen,
“Yesus ebe Kristus dek o,” yiluk nggolelogo laʼbiyaligogo mende eti dek nogo? Etiat o. At Kristus inom mondok weyak mende ebe, ninombae Allah aʼbut Yesus inom inebe nggolelogo laʼbiyaligogo mende etiat o. 23Ta nen,
“Allah aʼbut eti ebe naʼit,” yiluk nggolelogo laʼbisi kalok, ombae Allah ebe waganggidegat o. Nen, ta nen,
“Allah aʼbut ebe etiat o,” yiluk ane ʼbukakogo yisi kalok, ombae Allah ebe waganggeat o. 24Nen, kit, wene alebat kinasuk kolkigip mende eti, kinakla waganiluk nen, eberek mondogat dogono. Eberek dogogun kalok, kinebe ninombae Allah aʼbut Yesus imbisak kinom kunik dogogun o. 25Nen, at enggaerek nen,
“Wokisagin,” yiluk abok yoknisasike etnogo, ninebe naberlal-kaberlal kagat ninabigiluk yisike o.
26Wene yi taʼbokogonat it akoni kit nuket dinaguwogoluk walkiligogi mende pasik kolal mbalogo kinoba laʼbi wagi o. 27At Kristus nen Allah Agurengge wokisasikemo kinakla dogolik, yi mende ndi mende pasik, enggalat yanggul kisigidek, eberogonat dombok yanggul kisiligogo eti paga, akoni amberek nen wene kit yanggul kisausak erlok dek o. Wene at nen yanggul kisiligogo mende eti motogonat kagako dogolik, Kristus kinom kunik mondogat dogono o.
28Naʼburi o. Kristus wisigin etinem ebe wagonem, nit ninenggarli agidek, ninayuk degat, at elokoma apma ungguwok nen, kit at kinom kunik mondok dogono o.
29At Kristus Allah aʼbut obabut pano motogo dombok kagarigogo etnogo kinilu kalok, kit kinakla nen,
“It akoni amberek inobabut pano motogo kagarigogi mende inebe dombok Allah aʼburi yabunggane endaginakemo werek,” yiluk kinilu asusagat o.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in