Sofonías 3
3
Jerusalén dutni yamna kidika kaupak watwi laihwi dulauna
1¡Alakaih, Jerusalén,
tawan nuhni as kulnin dutni sani laihna,
dawak taihyang!
2Papang yulni dakawas dana,
dawak barangni kalyaknin bik yulwas dana,
witing yakat kulnin awas dana;
witing Papangni yaihnit yakat kiwas dana.
3Tanituna muihni balna kidika laih,
layan ihwa kapat ki,
dawak wihnita balna kidika laih kauhmak wanilang nawahni#3.3 Talah Hab 1:8 yakat. kapat ki,
di wakal as bik dadawas kidika yahan dini.
4Pranipit balna kidika laih kulninna dutni,
dawak malnikau dutni yayamwi;
dawak sumalniyang balna kidika laih
holi pāni kidika rispik dis yayamwi
dawak Dawan lani balna kidika kukulwas ki.
5Kaunah Papang laih tawan nuhni yakat sakki,
witing laih di yamni manah yamwi, dutni laih yamwaski.
Mapiris bitik yakat la kat kidika awi dawi.
Wirlawakat, dutni muihni kidika laih
asalni kidika amanglawas ki.
6Papang yulwi:
“Nisan balna kidika daukalnayang,
tawannina daklana kidika bik bahtik dis yamnayang,
dawak tanina pas balna kidika di dis yamnayang,
muih asbik diski kidika yakut bayaknin.
¡Tawannina nunuhni balna yakat muih as bik diski!
7Kulnayang: ‘Kaput yamtingkat Jerusalén kidika yamakiduwarang,
dawak yang barangni kalyamnik kidika yamni kulwarang;
kaput laih uni kidika daukalwas karang yang wah kalatingkat.’
Kauna witingna laih sirihni palni dutni yayamna, dutni balna bitik.
8Kidika bahang, manna takitahatanauh, mani kidika
lawik niningna kauh yulki kidika.
Yang, Dawan yang kat yultayang:
Uduhnin kulnayang nisan balna dawak king sauni balna bik
kulnik daukalna kidika witingna minitna yakat sihnik,
kulnik daukalna daihni kidika.
¡Sau adika bitik daukalpamna karang ki,
yang kulnik daukalna kuhnipau kau!
9“Kidika yakat kiwi kawakat, maisihni dis yamki
tawan muihni balna yul babauwa kidika,
kaput laih yang akat manah minitna yulnin,
kaput laih witingna bitik aslah diki yamna atnin.
10Etiopía wasni nakaskau yakat
yang tawanki kidika rani aiwi, kalki dinit yakat bukwi yuyulwarang
minitdis dini kidika duwi aiwarang yang akat.
11Kidika mani yakat, yang tawanki,
baisa asalma dutas awama
di yamtaman balna bitik yakat
yang nikingkauh lawanaman dai kaunah
kaput laih man kaupak dakyakki
witingna manah kapat kaldakakawa balna kidika,
dawak watta man manah kapat kaldakas awama
yang asangki holi yakat.
12Yang man yakat dana awaki,
muih kulnin yudutni, dawak minikunni kidika,
bahang yang ayangki yakat kulnin awi duwarang.
13Israel muihni balna dauwas yaklalana kidika
watwi la awas kidika yayamwas karang,
alas bik yuyulwas karang,#Rib 14:5.
witingna tininapas yakat alas lani kidika bangwas karang.
Di kakaswarang dawak yamadunin as bik dis wingninata pupuhwarang.”#Sal 23:2-4; Ez 34:13-16.
Unbauna alasna as Jerusalén yulni
14¡Sayan tawanni nuhni unbautah!
¡Damat alasna yakta, Israel tawanni!
¡Jerusalén alasna alahwah,
ismang bitik kau alasna alahwah!
15Papang yaklauwi la mahanin yamna dai kidika dana,
dawak man namangkauh yaklalauwa balna yakat bik kangwi yakna.
Dawan Israel Kingni kidika, man pasmang yakat sakki:#Zac 9:9.
di dutni as kau bik yamadutas awama.
16Kidika mani yakat kalyulna karang Jerusalén yakat:
“¡Yamaduwinih Sayan,
datangkat tingma balna kidika parasni dis atnin awaski!”
17Dawan, man Papangma kidika pasmang yakat sakki;
¡witing laih parasni nuhni duwi bahang malaihwi yakwarang!#Is 12:2.
Dawan isinglak sakkarang man yulma.
Witing kulnin dalani duwa yakau sangmaka wisam mawarang;#3.17 Witing kulnin...mawarang: grik kau kaput ulna. Hibru kau laih yulwi witing ap dawi dalani lani duwa kidika yulni.
alasna duwa yakat unbauna karang
18alasna mani kapat.
Papang yulwi:
“Yang malaihtik yakki, dutni kidika kaupak,
asalni kidika man mamatyakat karangkat.
19Kidika mani yang yamki
matataihwa balna bitik niningyakat.
Angdika sīpni pilutwakat ilp kalaki
dawak ta disna likkidika bik waltik yakna awaki;#Is 40:11; Ez 34:11-16; Mi 4:6-7; Jn 10:7-16.
ayangni nuhni dawak rispik bik duna karang,
sau bitik yakat.
20Kidika mani
manna manaduaiki, manauduhki;
yamtingkat suermanati satuk kalwarang,
ayangni nuhni rispik bik manaki
sau akat tawan balna bitik pasyakat.#Gn 12:2-3; Zac 10:8-12.
Yang Dawanyang kat yultayang.”
Currently Selected:
Sofonías 3: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Sofonías 3
3
Jerusalén dutni yamna kidika kaupak watwi laihwi dulauna
1¡Alakaih, Jerusalén,
tawan nuhni as kulnin dutni sani laihna,
dawak taihyang!
2Papang yulni dakawas dana,
dawak barangni kalyaknin bik yulwas dana,
witing yakat kulnin awas dana;
witing Papangni yaihnit yakat kiwas dana.
3Tanituna muihni balna kidika laih,
layan ihwa kapat ki,
dawak wihnita balna kidika laih kauhmak wanilang nawahni#3.3 Talah Hab 1:8 yakat. kapat ki,
di wakal as bik dadawas kidika yahan dini.
4Pranipit balna kidika laih kulninna dutni,
dawak malnikau dutni yayamwi;
dawak sumalniyang balna kidika laih
holi pāni kidika rispik dis yayamwi
dawak Dawan lani balna kidika kukulwas ki.
5Kaunah Papang laih tawan nuhni yakat sakki,
witing laih di yamni manah yamwi, dutni laih yamwaski.
Mapiris bitik yakat la kat kidika awi dawi.
Wirlawakat, dutni muihni kidika laih
asalni kidika amanglawas ki.
6Papang yulwi:
“Nisan balna kidika daukalnayang,
tawannina daklana kidika bik bahtik dis yamnayang,
dawak tanina pas balna kidika di dis yamnayang,
muih asbik diski kidika yakut bayaknin.
¡Tawannina nunuhni balna yakat muih as bik diski!
7Kulnayang: ‘Kaput yamtingkat Jerusalén kidika yamakiduwarang,
dawak yang barangni kalyamnik kidika yamni kulwarang;
kaput laih uni kidika daukalwas karang yang wah kalatingkat.’
Kauna witingna laih sirihni palni dutni yayamna, dutni balna bitik.
8Kidika bahang, manna takitahatanauh, mani kidika
lawik niningna kauh yulki kidika.
Yang, Dawan yang kat yultayang:
Uduhnin kulnayang nisan balna dawak king sauni balna bik
kulnik daukalna kidika witingna minitna yakat sihnik,
kulnik daukalna daihni kidika.
¡Sau adika bitik daukalpamna karang ki,
yang kulnik daukalna kuhnipau kau!
9“Kidika yakat kiwi kawakat, maisihni dis yamki
tawan muihni balna yul babauwa kidika,
kaput laih yang akat manah minitna yulnin,
kaput laih witingna bitik aslah diki yamna atnin.
10Etiopía wasni nakaskau yakat
yang tawanki kidika rani aiwi, kalki dinit yakat bukwi yuyulwarang
minitdis dini kidika duwi aiwarang yang akat.
11Kidika mani yakat, yang tawanki,
baisa asalma dutas awama
di yamtaman balna bitik yakat
yang nikingkauh lawanaman dai kaunah
kaput laih man kaupak dakyakki
witingna manah kapat kaldakakawa balna kidika,
dawak watta man manah kapat kaldakas awama
yang asangki holi yakat.
12Yang man yakat dana awaki,
muih kulnin yudutni, dawak minikunni kidika,
bahang yang ayangki yakat kulnin awi duwarang.
13Israel muihni balna dauwas yaklalana kidika
watwi la awas kidika yayamwas karang,
alas bik yuyulwas karang,#Rib 14:5.
witingna tininapas yakat alas lani kidika bangwas karang.
Di kakaswarang dawak yamadunin as bik dis wingninata pupuhwarang.”#Sal 23:2-4; Ez 34:13-16.
Unbauna alasna as Jerusalén yulni
14¡Sayan tawanni nuhni unbautah!
¡Damat alasna yakta, Israel tawanni!
¡Jerusalén alasna alahwah,
ismang bitik kau alasna alahwah!
15Papang yaklauwi la mahanin yamna dai kidika dana,
dawak man namangkauh yaklalauwa balna yakat bik kangwi yakna.
Dawan Israel Kingni kidika, man pasmang yakat sakki:#Zac 9:9.
di dutni as kau bik yamadutas awama.
16Kidika mani yakat kalyulna karang Jerusalén yakat:
“¡Yamaduwinih Sayan,
datangkat tingma balna kidika parasni dis atnin awaski!”
17Dawan, man Papangma kidika pasmang yakat sakki;
¡witing laih parasni nuhni duwi bahang malaihwi yakwarang!#Is 12:2.
Dawan isinglak sakkarang man yulma.
Witing kulnin dalani duwa yakau sangmaka wisam mawarang;#3.17 Witing kulnin...mawarang: grik kau kaput ulna. Hibru kau laih yulwi witing ap dawi dalani lani duwa kidika yulni.
alasna duwa yakat unbauna karang
18alasna mani kapat.
Papang yulwi:
“Yang malaihtik yakki, dutni kidika kaupak,
asalni kidika man mamatyakat karangkat.
19Kidika mani yang yamki
matataihwa balna bitik niningyakat.
Angdika sīpni pilutwakat ilp kalaki
dawak ta disna likkidika bik waltik yakna awaki;#Is 40:11; Ez 34:11-16; Mi 4:6-7; Jn 10:7-16.
ayangni nuhni dawak rispik bik duna karang,
sau bitik yakat.
20Kidika mani
manna manaduaiki, manauduhki;
yamtingkat suermanati satuk kalwarang,
ayangni nuhni rispik bik manaki
sau akat tawan balna bitik pasyakat.#Gn 12:2-3; Zac 10:8-12.
Yang Dawanyang kat yultayang.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998