Roman 16
16
Witing palni parasnin sihna
1Mawirahki yal Febe, Cencrea suts dini yamyang yakat kalyultayang. 2Dawan ayangni kau yamni kaldutanauh, wirah kasak kulyang balna yayamwa kapat, dawak witing dukih kalawa balna kidika ilpni kalatanauh, kat witing laih ilp manas yamna bahang, dawak yang akat bik ilp yana.
3Parastanauh Prisca dawak Aquila#Ap.w 18:2. yakat bik, Krais Jisas warkniyamtayangna yakat kaltalyang yamni yangna kidika. 4Witingna sangninaka bik yamadahngni yakat ahana dai kidika, yang sangkika laihwi yaknin yulni, yang manah tingkih diatasyang, kaunah suts kau wirah balna ju awas balna kidika bitik laih tingkih sisihwi. 5Kaput bik pararaswang wirah balna kalududuhwa kidika Prisca dawak Aquila ūni yakat. Epeneto yakat bik kalyultanang paraswang, witing kidika Asia sauni yakat Krais yak kasak kulwa kidika as dai. 6Mery yakat bik kalyultanang paraswang, manna yulmana kasak wark yamna kidika. 7Andrónico dawak Junia yakat bik yultanang pararaswang, witingna karak aslah silak yakat yangna dai; apostel balna pasyakat tanit yamni kalalahna, dawak witingna tatuna kulyang kakalna, yangkarak dawakat.
8Ampliato yakat bik kalyultanang paraswang, kaltalyang yamni yangna kidika Dawan yakat. 9Urbano yakat bik kalyultanang paraswang, kaltalyang yamni mayang kidika Krais warkni pasyakat, dawak Estaquis yakat bik. 10Apeles yakat bik yultanang paraswang, Krais yakat kasak kulwa munah kalnilaknin manas kaina kidika, dawak bik paraswang Aristóbulo ūnipas kau balna kidika bitik. 11Herodión yakat bik yultanang paraswang, dawak Narciso ūnipas balna kidika bitik witingna Dawan kau kasak kukulwa kidika. 12Trifena dawak Trifosa yakat bik yultanang paraswang, Dawan warkni yamwa kidika; dawak mawirahki yal Pérsida yakat bik, Dawan warkni kasak yamna kidika. 13Rufo yakat bik yultanang paraswang,#Mk 1 5:21. Dawan kau kasak kulyang as kidika, dawak nanangni yakat bik, bahang witing laih yang nanangki as kapat dai. 14Asíncrito, Flegonte, Hermes, Patrobas, Hermas, dawak witing wirahni balna kidika yakat bik yultanang pararaswang. 15Filólogo dawak Julia, Nereo, dawak witing wirahni yal, Olimpas dawak wirah balna kasak kulyang witingna karak bangkidika balna bitik pararaswang.
16Kalparastanauh biri biri umnin holi kidika karak. Krais sutsni balna bitik, parasnin manasisihwi.
17Wirah balna manayultayang, talnauh sahwi kalalahwa balna kidika dawak kalni baunin yayamwa kidika bik, manna manasumamalna kidika niningkauh. Witingna kaupak naikau lawanauh, 18kat yus diski Madakiwan Krais niningyakat, kaunah witingna dukih diawa kamanah laih, dawak yulnina yudutni yamni kapat kidika kau alas diyuyulwi kulninna witingna manah kaldakakawas balna yakat. 19Bitik amanglalawi manna laih yul dakawi yamyang balna mana. Manna yamtamana kidika yulni alasnayang, dawak bik dukih yawi sins lani tuhni dutamana kidika lāih yaktanangkat di yamni yamnin yulni, kaunah dutni yamnin yulni laih awaski; 20kaput laih kulnin aslah Papangni kidika yaklauwi sitan yakat taihwi labanwarang, manna kalmana dinit yakat. Madakiwan Jisas yaklauwi tingnikih kidika manawarang.
21Timoti bik parasnin manasihwi,#Ap.w 16:1. yang karak kalpakwi wark yamwa kidika; Lucio, Jasón dawak Sosípatro kidika bik, pa aslah muihni yangna kidika.
22Yang, Tercio, adika wauhnitaya ultayang adika, Dawan ayangni kau parasnin manasihtayang.
23Gayo bik manaparaswi.#Ap.w 19:29; 1 Kor 1:14. Witing ūni yakat āwayang, dawak witing, suts yakat bik kidika kaput tingni yakat kalawi. Erasto bik manaparasnin sihwi,#2 Tim 4:20. tawan nuhni kau yakat lalah laihyang kidika, dawak wirah Cuarto bik.#16.23 Tingkau ulna kidika minitkau lakwi S.d. 24 kidika: Dawan Jisas Jisaskrais kidika manna bitik blismanayamwarang. Kaput karang.
Ayangni nuhni yamna witni
25Papang kau ayangni nuhni yamdang, yul wisamni yamni yang sumaltayang kau yuyulwa kaput manna yakat parasni manayamwang, dawak Jisaskrais sumalna balna kidika bik. Papang yaklauwi lāih yakwi niningkana kaput, di malni kau duwa kidika, bahang kidika dini laih malni kau sakki sau yamwas tanitkauh, 26kaunah waralaih lāih yakwi niningkana ki, prapit balna uhulna munah, Papang yaklauwi lāni balna āna kaput. Papang warkni malnikau adika nisan balna bitik yakat niningnakana, kaput laih kasak kulnin, dawak bik yulni dakawi yamnin.
27¡Papang laih witingna manah sins nuhni duwa kidika, ayangni nuhni yamnin yaksihni kidika laih ban kaput karang Jisaskrais munah! Amén.
Currently Selected:
Roman 16: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Roman 16
16
Witing palni parasnin sihna
1Mawirahki yal Febe, Cencrea suts dini yamyang yakat kalyultayang. 2Dawan ayangni kau yamni kaldutanauh, wirah kasak kulyang balna yayamwa kapat, dawak witing dukih kalawa balna kidika ilpni kalatanauh, kat witing laih ilp manas yamna bahang, dawak yang akat bik ilp yana.
3Parastanauh Prisca dawak Aquila#Ap.w 18:2. yakat bik, Krais Jisas warkniyamtayangna yakat kaltalyang yamni yangna kidika. 4Witingna sangninaka bik yamadahngni yakat ahana dai kidika, yang sangkika laihwi yaknin yulni, yang manah tingkih diatasyang, kaunah suts kau wirah balna ju awas balna kidika bitik laih tingkih sisihwi. 5Kaput bik pararaswang wirah balna kalududuhwa kidika Prisca dawak Aquila ūni yakat. Epeneto yakat bik kalyultanang paraswang, witing kidika Asia sauni yakat Krais yak kasak kulwa kidika as dai. 6Mery yakat bik kalyultanang paraswang, manna yulmana kasak wark yamna kidika. 7Andrónico dawak Junia yakat bik yultanang pararaswang, witingna karak aslah silak yakat yangna dai; apostel balna pasyakat tanit yamni kalalahna, dawak witingna tatuna kulyang kakalna, yangkarak dawakat.
8Ampliato yakat bik kalyultanang paraswang, kaltalyang yamni yangna kidika Dawan yakat. 9Urbano yakat bik kalyultanang paraswang, kaltalyang yamni mayang kidika Krais warkni pasyakat, dawak Estaquis yakat bik. 10Apeles yakat bik yultanang paraswang, Krais yakat kasak kulwa munah kalnilaknin manas kaina kidika, dawak bik paraswang Aristóbulo ūnipas kau balna kidika bitik. 11Herodión yakat bik yultanang paraswang, dawak Narciso ūnipas balna kidika bitik witingna Dawan kau kasak kukulwa kidika. 12Trifena dawak Trifosa yakat bik yultanang paraswang, Dawan warkni yamwa kidika; dawak mawirahki yal Pérsida yakat bik, Dawan warkni kasak yamna kidika. 13Rufo yakat bik yultanang paraswang,#Mk 1 5:21. Dawan kau kasak kulyang as kidika, dawak nanangni yakat bik, bahang witing laih yang nanangki as kapat dai. 14Asíncrito, Flegonte, Hermes, Patrobas, Hermas, dawak witing wirahni balna kidika yakat bik yultanang pararaswang. 15Filólogo dawak Julia, Nereo, dawak witing wirahni yal, Olimpas dawak wirah balna kasak kulyang witingna karak bangkidika balna bitik pararaswang.
16Kalparastanauh biri biri umnin holi kidika karak. Krais sutsni balna bitik, parasnin manasisihwi.
17Wirah balna manayultayang, talnauh sahwi kalalahwa balna kidika dawak kalni baunin yayamwa kidika bik, manna manasumamalna kidika niningkauh. Witingna kaupak naikau lawanauh, 18kat yus diski Madakiwan Krais niningyakat, kaunah witingna dukih diawa kamanah laih, dawak yulnina yudutni yamni kapat kidika kau alas diyuyulwi kulninna witingna manah kaldakakawas balna yakat. 19Bitik amanglalawi manna laih yul dakawi yamyang balna mana. Manna yamtamana kidika yulni alasnayang, dawak bik dukih yawi sins lani tuhni dutamana kidika lāih yaktanangkat di yamni yamnin yulni, kaunah dutni yamnin yulni laih awaski; 20kaput laih kulnin aslah Papangni kidika yaklauwi sitan yakat taihwi labanwarang, manna kalmana dinit yakat. Madakiwan Jisas yaklauwi tingnikih kidika manawarang.
21Timoti bik parasnin manasihwi,#Ap.w 16:1. yang karak kalpakwi wark yamwa kidika; Lucio, Jasón dawak Sosípatro kidika bik, pa aslah muihni yangna kidika.
22Yang, Tercio, adika wauhnitaya ultayang adika, Dawan ayangni kau parasnin manasihtayang.
23Gayo bik manaparaswi.#Ap.w 19:29; 1 Kor 1:14. Witing ūni yakat āwayang, dawak witing, suts yakat bik kidika kaput tingni yakat kalawi. Erasto bik manaparasnin sihwi,#2 Tim 4:20. tawan nuhni kau yakat lalah laihyang kidika, dawak wirah Cuarto bik.#16.23 Tingkau ulna kidika minitkau lakwi S.d. 24 kidika: Dawan Jisas Jisaskrais kidika manna bitik blismanayamwarang. Kaput karang.
Ayangni nuhni yamna witni
25Papang kau ayangni nuhni yamdang, yul wisamni yamni yang sumaltayang kau yuyulwa kaput manna yakat parasni manayamwang, dawak Jisaskrais sumalna balna kidika bik. Papang yaklauwi lāih yakwi niningkana kaput, di malni kau duwa kidika, bahang kidika dini laih malni kau sakki sau yamwas tanitkauh, 26kaunah waralaih lāih yakwi niningkana ki, prapit balna uhulna munah, Papang yaklauwi lāni balna āna kaput. Papang warkni malnikau adika nisan balna bitik yakat niningnakana, kaput laih kasak kulnin, dawak bik yulni dakawi yamnin.
27¡Papang laih witingna manah sins nuhni duwa kidika, ayangni nuhni yamnin yaksihni kidika laih ban kaput karang Jisaskrais munah! Amén.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998