Roman 12
12
Sangnika wisam
1Kaput bahang, wirahki balna, Papang dalani talwa kidika munah kalmanadinit yakat buktik yultayang, muihmana kidika sakripais sangka as kapat uita kalatanauh, holi dawak Papang dukih kidika. Adika kuduh prias as rahm palni witing yakat kalanamna kidika. 2Warmani mani balna amput kidika kaput yalalahwinih; nawatkauh laih kulnamna kidika satuk kultanauh, dawak yalahtamana kidika bik, kaput bik laih Papang kulnin lani kidika amanglatanauh, yuldarang kat, di yamni kidika, dawak barangni kidika bik.#12.2 Papang kulnin lani...barangni kidika bik: satuk wirlanin sipki: Papang kulnin lani laih yamni dawak barangni kidika.
3Papang minikun talnin duwa kidika munah yāpakna kidika yamnik, manna bitik yakat manayultayang, muih as bik witing dukih kalawa kidika manah kulnin awaski, baisa minitkau yul ūk balna kulwarang kidika yakat. Tanit yamni karang di bitik kidika praisni kat kulwi talnin Papang yaklauwi blinisin manana kidika kasak kulnin munah. 4Mayang mamuihki aslah kaupak pīsni manas duwi, kaunah kidika pīsni balna kidika di satni aslah yayamwas ki, 5kaput bik laih mayang, muih mahni mayang dawak Krais muihni nuhni yakat aslah mayang, sihm mamuihki pīsni balna mahni ki, kaunah mamuihki nuhni karak aslah libitna kapat.#1 Kor 12:12.
6Papang blisin sat sat mayana, witing amput mayanin kulna yakat. Kaput bahang, Papang yaklauwi prapit kapat yulnin blinisin kidika mayana kat, mayang kasak kulda kidika munah yulbaudang; 7muih dini yamnin blinisin kidika mayana kat, yamni muih dini yamdang. Sumalnin blinisin kalana kat, sumalna atnin; 8muih kulnin dulaunin blinisin mayana kat, kidika yamnin. Kalawa kidika, kulnin yamni karak kalana atnin; wark tunan as āna kat, tunan muihni kapat warkni yamni yamnin; dukih diawa muihni balna yakat ilp diawa kidika, alasna yamna atnin.#1 Kor 12:4-11.
Kristian balna yamninna kidika
9Biri biri dalani kaltalnauh. Dutni kidika maisihni talnauh, dawak yamni kidika laihtanauh. 10Kalwirah kapat dalani kaltalnauh, dawak bik rispik biri biri.
11Parasni awanauh, baskiwah atnin awaski, kulnamna bitik Papang dini yamtanauh.
12Alasna yalahdanauh tahanin as dutamana kidika yulni; kulnamna dadasni duta wauhtanauh; makatyulnin kidika dadawinih.
13Tawan holi dukih kalawa kidika, manna dukih manawa kapat kaldakanauh; muih uiwi manatatalwa kidika yamni yuldibautanauh.#Hib 13:2; 1 Pi 4:9.
14Yamni diyamtanauh namangnakauh balna yakat.#Mt 5:44; Lc 6:28. Yamni diyamtanauh dutni manayuyulwa balna yakat.
15Alasna awanauh alasna duduwa balna kidika karak kalpakta, dawak aidanauh kaida balna kidika karak.
16Biri biri yamni yalahtanauh. Manna manah kapat kaldakakawinih, kaunah ūk balna kulninna minikun balna kidika kapat awanauh. Sins nuhni duyang kapat kaldakakawinih.#Pro 3:7.
17Dutni mayamwak biri dutni kau lauwi kalawinih. Muih bitik muhnina yakat di yamni kidika yamtanauh. 18Manna angkat sipmana kidika yamtanauh, bitik kau kulnin aslah yalahnin kidika. 19Wirah balna, biriwi yamnin kidika manna yayamwinih, kaunah datanangkat Papang wah diawang, kat Ulna yakat yulwi: “Muih lani yamnik kidika laih yang yamnik ki, yang lautik kalaki, Dawan kaput yulwi.”#Dt 32:35. 20Dawak bik: “Waihmala yuh kalawak, di bayahtah; dikih kalawak kalatang diwang, kaput yamtangkat asalni kalahwarang.”#Pro 25:21-22. 21Datangkat dutni kidika mataihnin awaski. Nawatkauh laih, yamni kidika kau duta dutni yakat taihtah.
Currently Selected:
Roman 12: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Roman 12
12
Sangnika wisam
1Kaput bahang, wirahki balna, Papang dalani talwa kidika munah kalmanadinit yakat buktik yultayang, muihmana kidika sakripais sangka as kapat uita kalatanauh, holi dawak Papang dukih kidika. Adika kuduh prias as rahm palni witing yakat kalanamna kidika. 2Warmani mani balna amput kidika kaput yalalahwinih; nawatkauh laih kulnamna kidika satuk kultanauh, dawak yalahtamana kidika bik, kaput bik laih Papang kulnin lani kidika amanglatanauh, yuldarang kat, di yamni kidika, dawak barangni kidika bik.#12.2 Papang kulnin lani...barangni kidika bik: satuk wirlanin sipki: Papang kulnin lani laih yamni dawak barangni kidika.
3Papang minikun talnin duwa kidika munah yāpakna kidika yamnik, manna bitik yakat manayultayang, muih as bik witing dukih kalawa kidika manah kulnin awaski, baisa minitkau yul ūk balna kulwarang kidika yakat. Tanit yamni karang di bitik kidika praisni kat kulwi talnin Papang yaklauwi blinisin manana kidika kasak kulnin munah. 4Mayang mamuihki aslah kaupak pīsni manas duwi, kaunah kidika pīsni balna kidika di satni aslah yayamwas ki, 5kaput bik laih mayang, muih mahni mayang dawak Krais muihni nuhni yakat aslah mayang, sihm mamuihki pīsni balna mahni ki, kaunah mamuihki nuhni karak aslah libitna kapat.#1 Kor 12:12.
6Papang blisin sat sat mayana, witing amput mayanin kulna yakat. Kaput bahang, Papang yaklauwi prapit kapat yulnin blinisin kidika mayana kat, mayang kasak kulda kidika munah yulbaudang; 7muih dini yamnin blinisin kidika mayana kat, yamni muih dini yamdang. Sumalnin blinisin kalana kat, sumalna atnin; 8muih kulnin dulaunin blinisin mayana kat, kidika yamnin. Kalawa kidika, kulnin yamni karak kalana atnin; wark tunan as āna kat, tunan muihni kapat warkni yamni yamnin; dukih diawa muihni balna yakat ilp diawa kidika, alasna yamna atnin.#1 Kor 12:4-11.
Kristian balna yamninna kidika
9Biri biri dalani kaltalnauh. Dutni kidika maisihni talnauh, dawak yamni kidika laihtanauh. 10Kalwirah kapat dalani kaltalnauh, dawak bik rispik biri biri.
11Parasni awanauh, baskiwah atnin awaski, kulnamna bitik Papang dini yamtanauh.
12Alasna yalahdanauh tahanin as dutamana kidika yulni; kulnamna dadasni duta wauhtanauh; makatyulnin kidika dadawinih.
13Tawan holi dukih kalawa kidika, manna dukih manawa kapat kaldakanauh; muih uiwi manatatalwa kidika yamni yuldibautanauh.#Hib 13:2; 1 Pi 4:9.
14Yamni diyamtanauh namangnakauh balna yakat.#Mt 5:44; Lc 6:28. Yamni diyamtanauh dutni manayuyulwa balna yakat.
15Alasna awanauh alasna duduwa balna kidika karak kalpakta, dawak aidanauh kaida balna kidika karak.
16Biri biri yamni yalahtanauh. Manna manah kapat kaldakakawinih, kaunah ūk balna kulninna minikun balna kidika kapat awanauh. Sins nuhni duyang kapat kaldakakawinih.#Pro 3:7.
17Dutni mayamwak biri dutni kau lauwi kalawinih. Muih bitik muhnina yakat di yamni kidika yamtanauh. 18Manna angkat sipmana kidika yamtanauh, bitik kau kulnin aslah yalahnin kidika. 19Wirah balna, biriwi yamnin kidika manna yayamwinih, kaunah datanangkat Papang wah diawang, kat Ulna yakat yulwi: “Muih lani yamnik kidika laih yang yamnik ki, yang lautik kalaki, Dawan kaput yulwi.”#Dt 32:35. 20Dawak bik: “Waihmala yuh kalawak, di bayahtah; dikih kalawak kalatang diwang, kaput yamtangkat asalni kalahwarang.”#Pro 25:21-22. 21Datangkat dutni kidika mataihnin awaski. Nawatkauh laih, yamni kidika kau duta dutni yakat taihtah.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998