Ribilisan 3
3
Sardis sutsni kau yul kalsihna kidika
1“Sardis sutsni innisal yakat bik wauhtaya ultah: ‘Aput yulwi Papang spiritni tiaskaubu dawak yala tiaskaubu duwa kidika bik: Yang laih man ais yamtaman kidika bitik amanglatayang, dawak bik yang amanglatayang man laih daunaman kidika sihm sangkaman kapat ayangma mayakat yaklauwa karang bik. 2Sahmuhtah dawak di balna baisa yamnin sip kidika yamtah, kaunah uman dauninna manah ki, bahang man di yamtaman balna kidika laih yang Papangki muhni yakat yamni awaski. 3Bahang ismang aitah, sumalna yulni balna dakanaman kidika; usnit uitah dawak Papang yakat wirlawah. Sahmuhtas awama kat, man yakat yawanayang karang sihm di malyang as kapat, man ismang aitas man kat.#Mt 24:43-44; Lc 12:39-40; Rib 16:15. 4Kaput bik, Sardis yakat muih buas dutaman witingna laih baisa praknina kidika maisihni yayamwas ki; witingna laih prak pihni kawi yang karak, kat witingna laih kaput dikulna bahang. 5Angdika muihni balna minit bayayakwarang kidika laih sihm kapat prak pihni kakana karang, dawak witingna ayangnina kidika laih sangka atnin wauhnitaya#Ex 32:32-33; Sal 69:28; Rib 20:12. kaupak ustik yaktas awaki ki, kaunah yang Papangki muhni yakat dawak innisal balna muhnina yakat bik amangninalanayang karang.#Mt 10:32; Lc 12:8. 6¡Angdika muihni tapani sulihni balna duwa kat dakawang Spirit yaklau suts balna yakat diyulwa yulni kidika!’
Filadelfia sutsni kauyul kalsihna kidika
7“Filadelfia sutsni innisal yakat bik wauhtaya ultah: ‘Aput yulwi holi dawak rahm muihni kidika yaklau, king Devid kiniting duwa muihni kidika, witing yaklau apahwakat muih as bik sip putwas kidika dawak witing yaklau putwakat muih as bik sip apahwas kidika:#Is 22:22; Job 12:14. 8Yang laih man ais yamtaman balna kidika bitik amanglatayang; man muhma yakat dūr as apahtik danayang muih as bik sip putwas ki, dawak parasma dibin dutaman karang bik, yang yulki kidika kat dakanam dawak dikah yatisman dai. 9Yang lawik sitan usnit uiyang balna, Ju muihni balna awas bik alas yulwi Ju muihni mayang atwa kidika yakat diyamtingkat, man kalma yakat uiwi limbabahna karang,#Is 49:23; 60:14. yang lawik dalani matalnayang kidika amanglana atninna yulni.#Is 43:4. 10Yang laki balna yakat daka yamnaman, kidika bahang laihwi talnin mani balna kaiwakat adika sauni muihni balna bitik minitna yakat, yang namatdakki. 11Sirihni palni aiwayang. Ais dutaman kidika apaktah, muih as bik man warkma minit kidika madakyaknin awas yulni. 12Angdika muihni balna minit bayayakwarang kidika laih yang Papangki ūni rahni balna karang, dawak kidika kaupak wat kalalahwas karang; dawak witingna yakat yang Papangki ayangni dawak tawanni nuhni ayangni kidika bik ulnayang karang, kisang kaupak Jerusalén wisam kisang yang Papangki kaupak kaiwa kidika;#Rib 21:2. dawak yang ayangki wisam kidika bik witingna yakat ulnayang karang.#Is 62:2; 65:15. 13¡Angdika muihni tapani sulihni balna duwa kat dakawang Spirit yaklau suts balna yakat diyulwa yulni kidika!’
Laodicea sutsni kau yul sihna kidika
14“Laodicea sutsni innisal yakat bik wauhtaya ultah: ‘Rahm palni kidika laih aput yulwi, witnis barangni dawak rahm kidika, Papang di balna bitik yamna saran kidika:#Pro 8:22-31; Jn 1:3; Col 1:15,18. 15Yang laih man ais yamtaman kidika bitik amanglatayang. Yang amanglatayang man laih sanni awas dawak daihni bik awasman kidika. ¡Man laih sanni kidik awaskat daihni atnam dai! 16Kaunah puihni man bahang, sanni dawak daihni bik awas, tikpas kaupak tiking mayaknayang karang. 17Bahang man yultaman man laih di duyang man, yamni man dawak di as bik dis awas man; dawak man laih kaldakasman alasna dis dutni man kidika, di dis, mamakunni dawak wahdis man kidika. 18Kidika bahang yul mayultayang yang kaupak bakantah gol kuh kau busna kidika, rahm palni di duyang alahwana atnam yulni; dawak yang kaupak asna pihni kidika bakanta awah dawak wahdis man kidika bik kalmuktah, dawak sika bik as bakanta mamakpa balna yakat ātah dawak di talah. 19Yang laih angdika muihni balna dalani ditalayang kidika laih dibiltayang dawak bik barangni ātayang.#Pro 3:12; Hib 12:6. Kaput bahang, minit anyang awah dawak bik Papang yakat wirlawah. 20Talah, yang laih dūr yakat yultayang; angdika muihni yang yulki kidika dakawi dūr kidika apahwarang kat, witing ūni yakat āwik witing karak masan kasnin dini kidika kasnayangna karang. 21Angdika muihni balna minit bayayakwarang kidika laih yang tronki yakat pa as dianayang karang, sihm yang minit bayaktik#Jn 16:33; Rib 5:5. Papangki tronni yakat yalahnayang kapat. 22¡Angdika muihni tapani sulihni balna duwa kat dakawang Spirit yaklau suts balna yakat diyulwa yulni kidika!’ ”
Currently Selected:
Ribilisan 3: SUMU
Highlight
Copy
Compare
Share
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Ribilisan 3
3
Sardis sutsni kau yul kalsihna kidika
1“Sardis sutsni innisal yakat bik wauhtaya ultah: ‘Aput yulwi Papang spiritni tiaskaubu dawak yala tiaskaubu duwa kidika bik: Yang laih man ais yamtaman kidika bitik amanglatayang, dawak bik yang amanglatayang man laih daunaman kidika sihm sangkaman kapat ayangma mayakat yaklauwa karang bik. 2Sahmuhtah dawak di balna baisa yamnin sip kidika yamtah, kaunah uman dauninna manah ki, bahang man di yamtaman balna kidika laih yang Papangki muhni yakat yamni awaski. 3Bahang ismang aitah, sumalna yulni balna dakanaman kidika; usnit uitah dawak Papang yakat wirlawah. Sahmuhtas awama kat, man yakat yawanayang karang sihm di malyang as kapat, man ismang aitas man kat.#Mt 24:43-44; Lc 12:39-40; Rib 16:15. 4Kaput bik, Sardis yakat muih buas dutaman witingna laih baisa praknina kidika maisihni yayamwas ki; witingna laih prak pihni kawi yang karak, kat witingna laih kaput dikulna bahang. 5Angdika muihni balna minit bayayakwarang kidika laih sihm kapat prak pihni kakana karang, dawak witingna ayangnina kidika laih sangka atnin wauhnitaya#Ex 32:32-33; Sal 69:28; Rib 20:12. kaupak ustik yaktas awaki ki, kaunah yang Papangki muhni yakat dawak innisal balna muhnina yakat bik amangninalanayang karang.#Mt 10:32; Lc 12:8. 6¡Angdika muihni tapani sulihni balna duwa kat dakawang Spirit yaklau suts balna yakat diyulwa yulni kidika!’
Filadelfia sutsni kauyul kalsihna kidika
7“Filadelfia sutsni innisal yakat bik wauhtaya ultah: ‘Aput yulwi holi dawak rahm muihni kidika yaklau, king Devid kiniting duwa muihni kidika, witing yaklau apahwakat muih as bik sip putwas kidika dawak witing yaklau putwakat muih as bik sip apahwas kidika:#Is 22:22; Job 12:14. 8Yang laih man ais yamtaman balna kidika bitik amanglatayang; man muhma yakat dūr as apahtik danayang muih as bik sip putwas ki, dawak parasma dibin dutaman karang bik, yang yulki kidika kat dakanam dawak dikah yatisman dai. 9Yang lawik sitan usnit uiyang balna, Ju muihni balna awas bik alas yulwi Ju muihni mayang atwa kidika yakat diyamtingkat, man kalma yakat uiwi limbabahna karang,#Is 49:23; 60:14. yang lawik dalani matalnayang kidika amanglana atninna yulni.#Is 43:4. 10Yang laki balna yakat daka yamnaman, kidika bahang laihwi talnin mani balna kaiwakat adika sauni muihni balna bitik minitna yakat, yang namatdakki. 11Sirihni palni aiwayang. Ais dutaman kidika apaktah, muih as bik man warkma minit kidika madakyaknin awas yulni. 12Angdika muihni balna minit bayayakwarang kidika laih yang Papangki ūni rahni balna karang, dawak kidika kaupak wat kalalahwas karang; dawak witingna yakat yang Papangki ayangni dawak tawanni nuhni ayangni kidika bik ulnayang karang, kisang kaupak Jerusalén wisam kisang yang Papangki kaupak kaiwa kidika;#Rib 21:2. dawak yang ayangki wisam kidika bik witingna yakat ulnayang karang.#Is 62:2; 65:15. 13¡Angdika muihni tapani sulihni balna duwa kat dakawang Spirit yaklau suts balna yakat diyulwa yulni kidika!’
Laodicea sutsni kau yul sihna kidika
14“Laodicea sutsni innisal yakat bik wauhtaya ultah: ‘Rahm palni kidika laih aput yulwi, witnis barangni dawak rahm kidika, Papang di balna bitik yamna saran kidika:#Pro 8:22-31; Jn 1:3; Col 1:15,18. 15Yang laih man ais yamtaman kidika bitik amanglatayang. Yang amanglatayang man laih sanni awas dawak daihni bik awasman kidika. ¡Man laih sanni kidik awaskat daihni atnam dai! 16Kaunah puihni man bahang, sanni dawak daihni bik awas, tikpas kaupak tiking mayaknayang karang. 17Bahang man yultaman man laih di duyang man, yamni man dawak di as bik dis awas man; dawak man laih kaldakasman alasna dis dutni man kidika, di dis, mamakunni dawak wahdis man kidika. 18Kidika bahang yul mayultayang yang kaupak bakantah gol kuh kau busna kidika, rahm palni di duyang alahwana atnam yulni; dawak yang kaupak asna pihni kidika bakanta awah dawak wahdis man kidika bik kalmuktah, dawak sika bik as bakanta mamakpa balna yakat ātah dawak di talah. 19Yang laih angdika muihni balna dalani ditalayang kidika laih dibiltayang dawak bik barangni ātayang.#Pro 3:12; Hib 12:6. Kaput bahang, minit anyang awah dawak bik Papang yakat wirlawah. 20Talah, yang laih dūr yakat yultayang; angdika muihni yang yulki kidika dakawi dūr kidika apahwarang kat, witing ūni yakat āwik witing karak masan kasnin dini kidika kasnayangna karang. 21Angdika muihni balna minit bayayakwarang kidika laih yang tronki yakat pa as dianayang karang, sihm yang minit bayaktik#Jn 16:33; Rib 5:5. Papangki tronni yakat yalahnayang kapat. 22¡Angdika muihni tapani sulihni balna duwa kat dakawang Spirit yaklau suts balna yakat diyulwa yulni kidika!’ ”
Biblia Sumo
Texto © Sociedad Bíblica de Nicaragua 1998